جامعة الملك سعود على حافة الهاويه - نادي الهلال السعودي - شبكة الزعيم

&& هلااااااليه && · #1 29/05/2008, 01:43 PM

السلااام عليكم ورحمة الله وبركاته

صباااح الخير للي قايمين ومساء الخير للي بيقومون بالليل

ورده

مدري وش فيني اول مره مايصير بين موضوعي الاول وموضوعي اللي بعده الا فتره قصير
تمتد الى شهر بس عاد شسوي لظروف احكااام منقهره وقلت افض فضلكم
من لي غيركم

الموضوع مكون من خمسين حرف عشان العجااازين محذرينااا

العب عليكم انا مااقدر الا اني ابربر عندكم حل عطوني وتراني والله اختصرت قد مااقدر

المهم ببدأ في الموضوع لاني لو خذت وجه منتوب مفتكين من بربرتي

7
7
مرتن من المرارير وفي يوم مشؤم تغيرت عميده جامعه الملك سعوود

اول ماسمعنا الخبر عاادي عندناا المهم بدت الايام وكل مالنا ويطلع قرار جديد

قرار اللبس وانا بالجامعه كنا متروكين على راحتنا ومع كذا قلنا يحق لها انا بجامعه <<يامؤدبه

وضفت تقريبا 50 وحده وحطت كل 7 او 8 في مبنى اول شي جونا قالو قصروووو اصواتكم انا طالعناهم

ايش وش تبين انتي اقول مناك بس مدرسه انا قصرو اصواتكم

قالت انتو مسببين ازعاج بالمبنى قلنا كملنا سنه بالجامعه محد قالنا ازعجتونا

الا مسوين حركه في المبنى وبعدين الجدران فيها عوازل قالت ان سمعت ازعاج ولا صرخه برجع اخذ بطاقاتكم

سكتنا ومرت الايام وتقطعت الاشجار اللي بالجامعه وقلنا معليش عشان قصدها الشواذ يمسكووون بكيفها مع انها لو تفحط ماتقدر عليهم

ومرت الايام مره ثانيه وجت الطامه الكبرى جونااا وقالو ممنوع الافتراااش قلنا ليه حاجين انا

قالت لاتكثرون حكي الجلسه على الارض ممنوعه انا وشو من جدك قالت هذي القرارات من فوق انا مالنا شغل قلنا انا عددنا فوق الـ10 اذا اجتمعنا بالله وش الكراسي اللي بتكفي
قالت دبرو اعماركم

قمنا وتعوذنا من الشيطان وقلنا نجلس على الكراسي

جلسنا وكنا بنات صافات في بااااص ولاجينا نسولف نقوووووووووول هييييييييييييييييييييييييييييييييييييييييييه تسمعيني

وهي تقول حول حول اسمعتس كملي السالفه

والشؤن يناظرونا بحقد

وسحبنا كراسي وجلسنا قبال بعض عشان نقدر نسولف مع انه مابه سوالف حسينا انا إنوووو على هالجلسه والاكل فوق رجليناا

واتفقنا نعاند واللي فيها فيها ونرجع للافتراش مره ثاانيه وصارو يقولون قومو نقول موب قايمين يقولون عطونا بطاقاتكم نقول ماجبناها

ويقفون على روسنا الا يوم جتنا السكرتيره حقتهم وقالت انتو بتقومون ولا شلون وعاد هنا خفنا وقمنا

واليوم الثاني نعود ونجلس ويجون يهاوشونا ونقوم شوي ولاراحو جينا وجلسنااا

المهم يوم من الايام جينا ولقينا بمكانا اللي نجلس فيه صورته لكم

اضحكووو على حركات البزران شوفو وش مسوووين

معليييييييييييييييييش حذفت الصوره حسيتها بتوديني بستين دااهيه

عاد شسوينا سحبنا الطاوله وقلعناها والزباله وانتو بكرامه دفيناها والاوراق خليناها وجلسنا

بس انهم هالايام غثووونا مايمدينا جالسين الا يجون يقومونااا
مدري شنسوي

المهم الطامه الاكبر
جاء يوم قالو اللي عندها محاضره تروح لمحاضرتها واللي ماعندها تطلع براا المبنى

قلنا تستهبلون من حلات الجوو براااا تطلعونا فيه
قالو حطينا لكم كفترياااا وش زينها قلنا يالله مشينا
عااد يوم رحنا لهااا ماودنا طلعنااا منها
شوفوها بالله صروتها لكم

فيه اربع مكيفات اللي يجلس تحت المكيف برااد والباقي افطسوو حر بكيفكم
لا ومن كبرها قالو بس خصيصن لكليتنا قلنا والكليات الباقيه قالو محطوط لهم شي ثاني

وادرعم لكم ابي اشوفها ولقيت حاطتلهم يجلسون فيها لاطردتهم من المبنى
ذي

وين غنم انا الله يسلمتس جالستن عند المكيف وتبين تقلقينااا
ترقعت جسومنا ابيض اسود احمر اخضر برتقالي فسفوري

ونشد الرحال ونرجع لمبنانا جتنا قالت اطلعو قلت اطلعي اذا قدرتي تتحملين الشمس ارجعي قولي اطلعوووو قالت انا عارفه بس شسوي هذي تجينا من فوق

وقالت الله يعينكم وراحت

والى الان غاثينا قومو مغير نقوم نجلس شوي على الكراسي واول مايروحون نرجع على الارض المشكله حتى كرسي قبال كرسي ممنوع اوووف

عن الموضوع :
1- ليش الواحد لامسك منصب يجلس يهايط ومسوي تراني سويت تغيرات

يختي حلو الواحد يتقن عمله بس باشياء معقوله موب جلسه الارض تمنعينها وجلسة كرسي قبال كرسي تمنعيناها

2- سألنا وحده من الشؤن قلنا ليش ممنوعه ماقالت لكم صاحبة السمووو قالت تقوول انه منظر غير حظاري

3- مره وحده من صديقاتي قالت لوحده فيهم اقول الرسول عليه الصلاة والسلام كان يجلس على الارض وانا نقتدي فيه قالت ايه صح بس في بيتكم موب هنا بالجامعه

4- جلسة الارض تجيب سعة الصدر والوناسه اما الكراسي إنووو واتكيت وع

5- وهي اهم وحده تعتبت الين ماصورت لكم الصور اخاف اصور وتطلعلي بنت منا ولا منا عااد انتو بسم الله عليكم لو طلعت طرف تنوره قزيتوها قز

بغيت اسوي اعلان او اشاعه بمعنى اصح ان الجامعه كلها اوف يوم من الايام عشاان اصوور مع ان المباني بعيده عن بعض بس قلت اصور لكم يعني اصور لكم عااد ارحمونا يالله

6- الجامعه دحدرت في التصنيف العالمي لان نسبة الرسووب كثيره بالجامعه
وهي صاحبة السموو تحسب ان البنات لاجلسو على الارض وسولفو مايذاكرون ماتدري ان العله من دكتوراتها اللي مدري وش يبون

7- الجامعه بالتصنيف تحتها بس جيبوتي والصومال الحين الصومالوجيبوتي بيصيرون اعلى منااا

(احسن شي يوم نزلت في التصنيف عشان هالدكتورات جاهم انذارات وصارو يحاولون مايرسبون كثير)

بالاخير اللي يعرف احد منا ولا منا يوصيه علينا مثل ماحطو هالعميده يقشعونهااا
حومت تسبودنا بقراراتها

ولمين نشتكي توقعوون لو وصلنا صوتنا لاحد بيعبرناا ولالا؟؟؟؟؟

في المرفقات رساله الجامعه بنت كاتبه لاتسألوني منهي مااعرفها

عن يوم يطردونا في عز القوايل وانشرت في رساله الجامعه الاسبوعيه ومع كذاا لاحياة لمن تنادي بس البنت تحسب العله والقرارات من وكيله كليتها مادرت انها من العميده اللي حاست الدنيااا

يالله عااد اوجعتني اصابعي وانا اكتب دبروووولنا حل

مالي شغل
سلااااااااااااااااااااااااااااااااااام ورده

عبـدالمحسـن · #2 29/05/2008, 02:17 PM

.
. .
. . .

بصراحه الله يعينكم .. أجل طاقين لكم خيمه وحاطينها للمطرودين

لا والشي اللي يقهر إن حنا عندنا نفس الشي يعني مافيه فرق بين جامعه الملك سعود طلاب/طالبات
لما يمسك الواحد منصب جديد لازم يسوي إن له هيبه وأوامري تنفذ وبس ..

على هالوضع لازم نتفق يوم مع طالبات الجامعه ونسوي مظاهره بنفس اليوم ونفس التوقيت عشان نسبب بلبله في الوسط الإعلامي <<بلبله طالعه من قلب

لاجد يعني إنتوا بنات يعني لو تسوون مظاهرات وتخربونها عادي ماراح يكون فيه شي بين
لكن حنا مشكله أي كلمه آووت مع باب الكليه عاد تختار إنت باب الكليه الخلفي ولا الأمامي خخخ

يعطيك العافيه على هالموضوع الحلو
سي يا

متآبعه بصمت · #3 29/05/2008, 02:25 PM

تعالي يالدوبه وش جابك عند مبنى 11 يالله ماعلينا

المهم وهو المهم بالتأكيد

إن الشمس زينة تذكرني بطلعات البر والتخييم

يعني الوضع عندي جناااااااااااان ماودي إنهم يغيرونه

وبعدين يالحبيبه ورا ماتتمشين في مبناكم لين تجي وقت المحاضره كود إنك تنحفين شوي

وبكذا مهوب قايلين لك إطلعي برا

ياحبيلهم اللي يطردونك بردوا حرتي شوي موب واجد

أجل أقولك إجلسي معي تقولين بروح للبيت عشان تقنعين أمك تروحين لصديقاتك

يالله يارب إنها ماترضى لك تطلعين أبد

الحين أطق مشوار لـ 25 أنتي ووجهك

آآآه يالقهر خلني ساكته بس

<< كل ذا ومابعد فضفضتي

نرجع لمحور حديثنا

الجامعه زوالها قريب عاجلا أو آجلا

قصدي بيغيرون مكانها إن شاء الله

وبيتمتعون أولادنا في المستقبل بمكان أحلى وأرقى وأجمل

وخلونا إيجابيين

سلااااااااااااااااااااااااااااااااام مني لراعية الموضوع اللي ماعندها ماعند بلد القلق

متآبعه بصمت · #4 29/05/2008, 02:28 PM

إقتباس

الرسالة الأصلية كتبت بواسطة عبـدالمحسـن


	. لكن حنا مشكله أي كلمه آووت مع باب الكليه عاد تختار إنت باب الكليه الخلفي ولا الأمامي خخخ

يابطني بطنااااااااااااه

حسبي الله على بليسك هههههههههههههههههههه

.........................................................................

فيني منك وفيك مني · #5 29/05/2008, 02:29 PM

بصرااااحه الله يعينكم

من ناحيه ليش الواحد أذا مسك منصب قعد يهايط والله انها مشكله بقولك

حنا كنا فالدوام مبسوطين وأن شاءالله دوم طبعآ دوامي في السلك العسكري المهم انو راح القائد القديم << فله ذا القائد بس عاد وش نسوي

وجانا واحد عله الله يعله أول قرار غرررررريب كأنه يقول شوفوا قراراتي تراني قوي أعرف أنزل قرارات

المهم قراره هذا اللي مثل وجهه

أنو أول كانوا الأركانات اللي هم الرتب العليا من عقيد فما فوق كانو يصفون أمام اللواء القديم

الحين لا تغير الحال صاروا الأركانات يصفون خلف اللواء الجديد طيب وش معنا الحركه هذي

يعنني انا أعلى منكم رتبه والا أيش

والله يعننا على الايام الجايه لا يصدر قرارات غريبه

لأني أحس أنو راح يدوخنا ويلعب فينا

مره ثانيه أقولك الله يعينكم

ازرق+ابيض=عشق الهلال · #6 29/05/2008, 02:33 PM

هههههههههههههههه احسن تستاهلون<<<<نذل حده

وسعدي صدرتس يا اخيتاه كلها يومين الا الوضع زي اول والمسؤوله بتطفش يقولون المسؤول فبدايته تجيه طاققه مدري من وين بعدين هالطاقه تنقلع وهذا الغالب على المسؤولين المصونين الي عندنا بالعربي لاتحرقين دمتس

بلد الوليد · #7 29/05/2008, 02:40 PM

والله تكرهوني في الجامعه انتم .. --> عاد كنك بتدخل عليشه مع البنات ههههههههههههه

دايم اتخيل كذا اني دخلت عليشه ويمين ويسار كله بنات

--> سولتان هذا تفكير مين

إقتباس


	سلااااااااااااااااااااااااااااااااام مني لراعية الموضوع اللي ماعندها ماعند بلد القلق

والله واكبر يالي عندك شي انتي ووجهك

خليك في دراستك وبطاقة احوالك بس

&& هلااااااليه && · #8 29/05/2008, 02:55 PM

عبدالمحسن
هلاااا هلااا ورده
يؤيؤ حتى انتو عندكم هالاشيااااء مير انتو تقدرون تطلعون لشوارع اي مكان بارد لكن انا ضعيفات وين نطس
واذا على المظاهره موافقه موافقه وبقول لبنات شلتي بس اهم شي متااابعه ماتجي

بتخرب علينا المظاهره
عواافي على المرور وعسى الله يصلح الحااال

متاااااااااااابعه بصمت

اجل تبينهم يطردونا بلاك ماتحسين باللي نحسه انا كثار وانتي شفتينا
واذا على مبنى 11 رحت عشان اصووور قولي لااله الا الله بتنضلني ادري طقت مشوار بس معليش لجل عين تكرم مدينه
واذا على جلستي معك الايام جايه جيت البيت واقنعت امي ورحت لصديقتي

جايه لمبنى 25 من بعده عن مبناك وبعدين لاتنسين تراني رجعت معك لمبناك يعني كلنا طقينا مشواار

تبيني انحف اجل هاه ياكثر ماتغيرين رايك

سلاااااااااام يالدوبه ورده

فيك مني فيني منك
اهلا وسهلا
الحال من بعضه لازم يهايطووون استغفر الله
الله يعينكم وان شاء الله مافي قرارات غريبة جديده

عوافي على المرور ورده

ازرق+ابيض = عشق الهلال <<ياطول اسمك

هلاااا هلااا
على انها بتهايط وبعدين بتهجد يقولونه بس انا نستناااا

بس لاتقول احسن مره ثانيه جعلك تحس باللي نحسه مغير متشردين من مكان لين مكان
عوااافي ورده

بلد القلق
هلاااا هلاااا
اجل خوفناك من الجامعه

اقوول ظاهر معنا من الحين الين ماتدخلها
لعل وعسى انك لاجيتها تصير تعدلت
عوافي ورده
وش رايك فيني حرمت من الاقتباسات

هلاليه من الرياض · #9 29/05/2008, 03:02 PM

<<<لدكتورة الجازي ياحبيلها واللهـ وقفت ناااس كثير عند حدهم وعلى الأقل الحركات اللي مش ولابد بدت تقل شوي وإن شاء مستقبلا تزول وغير كذا ترى اللبس اللحين صار مفتوح أول اسبوعين بس امنعوا القصير وبعدها لاا خلاص صار عادي .

يختي من جت وحنا حسينا إننا أوادم وفيه أحد يسمعنـا اللي بخاطركـ روحي لها في المكتب وقت مقابلة الطالبات وقوليه لها ومالكـ إلاا طيبة الخاطر ,وسالفة قعدتنا في المباني امنعتها لسببيين الأول الي يصير فـ 24 بعد الظهر عند قاعات الفنية والسبب الثاني الدكتورات يشتكون من إزاعاج البنات وقت المحاضرة عاد يقولون الخيام اللي برا راح يكيفونها ويحطون فيها طاولاات وكراسي وخلاص محد يقعد جوا.

بصراحة أنـا عاجبتني العميدة الجديدة مرره وحاسه إنها نشيطة وعندها استعداد تطور الجامعة للأفضل

&& هلااااااليه && · #10 29/05/2008, 03:21 PM

888888888888
هلااا هلااا
لااامعليش هالعميده تصلح اشياء على حساب اشياء اذا كنتي بـ24 فانتو مدلعين
وشو قصرو اصواتكم وشو لاتجلسون على الارض بزران ثنوي ماسوولنا كذاا

شوفي حبيبتي اذا على البنات اللي تتكلمين عنهم اللي فيه شر فيه شر واللي اخلاقه خربانه اخلاقه خربانه محد يتغير اللي جو المباني مافيه شي محد يسوي شي قدام العالم

خلها تروح الاماكن اللي بالي بالك وتحط عليهم ناااس موب تجلس تهايط علينا
جلسه ارض بتسبب مشاكل وبنات خربانات معليييييييييييييييش

يعرفون هم كيف يسوون اللي يبون الخربانات سواء جلسو على الارض واجتمعو شله ولالا
اصلا هي تبيس تجين تدرسين وتطلعين ماتبي بين محاضراتك تفلينها وتستانسين

بعدين موب كل شله لاجتمعو اجتمعو على خرااااب

خلهااا تروووح تطووور الجامعه باشياء ثااانيه وخاصة الروااائح الجميله في بعض الاماكن

من قالتس انها تسمع لارحتي لها انا مجربتها موب احد قايلي اذا اعجبها طلبك رحبت واذا ماعجبها نافخت وانتو وانتو

واذا على الدكتورات انا ندرس بوسط القاعات ماعمرنا سمعنا ازعاج اصلا فيه عواااااااازل
وتوهم يشتكون من متى الجامعه فاتحه
معليش هلاليه هالعميده حطي تحتها 100 خط
ان شاء الله مثل مانحطت تنشاااال

عوافي على المرور ورده

Msh3al_37 · #11 29/05/2008, 03:27 PM

يووووووووووه حالتكم مزريه انت

انا بس ودي يحطون بجامعة الأمام شي واحد

ستار بكس ولا د. كيف مثل الملك سعود

يعني هم وش يفرقون عننا

للأسف الجامعات عندنا من سئ للأسوء

A L 7 Z N · #12 29/05/2008, 05:02 PM

الله يعينكم والله حالتكم حاله

بس انا ودي اعرف وراك تتكلمين كذا

V
V
V

إقتباس


	قلنا ليه حاجين انا

قلتوا انتي

إقتباس


	ومع كذا قلنا يحق لها انا بجامعه

إقتباس


	انا طالعناهم

انتي وظلك والا انتي وخوياتتس

إقتباس


	من فوق انا مالنا شغل قلنا انا عددنا فوق الـ10

لاتعليق

ياليت ماتحقدين علي

لاني احب التدقيق

{النمر15} · #13 29/05/2008, 05:08 PM

وعليكم السلام ورحمة الله وبركاته

تبون نتطور ..

لين صار الحج قبل رمضان يمكن

!!

سياسة حل المشكلة دائما ماتكون بالمنع ..
المفروض تكون بإيجاد البدائل .. أو تطويع الممنوع بحيث إنه يكون أمر مسموح ..

يعني مثلا .. يحطون جلسات أرضية في جزء من أجزاء الجامعة بحيث تكون الجلسات من الجامعة نفسها وستايل الجلسة مايختلف عن الجامعة .. كذا بينتهي الافتراش لأن فيه مكان محدد للجلسة الأرضية ووقتها يقدرون يمنعون ويعاقبون أي مفترشة !!

إقتباس


	ونشد الرحال ونرجع لمبنانا جتنا قالت اطلعو قلت اطلعي اذا قدرتي تتحملين الشمس ارجعي قولي اطلعوووو قالت انا عارفه بس شسوي هذي تجينا من فوق وقالت الله يعينكم وراحت

أكثر كلمة نسمعها في السعودية .. أوامر من فوق !!

الفوق هذا بسلامته ورى مايطلع يشوف الجو !!
الفوق ورى مايتنزل ويجلس في القاعة عشان يعرف وش معنى دكاترة فاشلين !!

معناته موب أهل للثقة هـ ( الفوق ) !!

كل القرارات تطلع بدون تفكير .. منيب قايل دراسة لأنها بعيدة عننا .. بس لو إنسان ( سواء عاقل أو غير عاقل ) يفكر في قراراتهم بيجلس يضحك !!

أجل أجلس في الشمس وانتم متسدحين في مكاتب طول وعرض وأجهزة تكييف وكمبيوترات وقهوة وشاهي ولين جاكم الطالب يبي شي قلتوا ماعلينا هذا النظام !!

عندنا مشكلة كبيرة .. الواحد لين مسك منصب حالف يكون له بصمة سواء إيجابية أو سلبية ( بدون مايدري ) .. أهم شي يقولون سوا تغيير سريع وسوا سوا سوا !!

قسم بالله ماحاسنا الا هالتفكير العقيم السقيم الفاشل .. مايهمه وش يطور .. المهم يغير ( التطوير يكون للأفضل بس التغيير ممكن للأفضل وممكن للأسوأ ) ..

إذا بغيتوا تشتكونها مالكم إلا مدير الجامعة بكبره توصلونله الشكوى .. لعل وعسى .. لأني سمعت إنه كويس ويتقبل الآراء

!!

قفلة

إقتباس


	7- الجامعه بالتصنيف تحتها بس السودان والصومال الحين الصومالوالسودان بيصيرون اعلى منااا (احسن شي يوم نزلت في التصنيف عشان هالدكتورات جاهم انذارات وصارو يحاولون مايرسبون كثير)

تصحيح

جامعات السودان من أكبر الجامعات في العالم .. بالذات جامعة الخرطوم العريقة ..

للتصحيح بس .. جامعة الملك سعود ترتيبها 2998

.. وبعدها الصومال وجيبوتي

لا ومعترضين من قوة الوجه

انبراشة

إقتباس


	بس انا ودي اعرف وراك تتكلمين كذا

ياخيي .. هذي لهجة نجدية خالصة

تحوم على الرياض

&& هلااااااليه && · #14 29/05/2008, 05:19 PM

مشعل
هلااا هلااا
الله يخلف من خبرت عمري وهم مسوين اعلان عندنا بالجامعه عن د كيف
والى الان ماشفنااا شي

الله يرزقكم ويرزقناا
عوافي ع المرور ورده

الجميل
وشذا التدقيق
بس تراه على الخرطي انا قلنالها
يعني إنا <<كنايه عن الجمع بس موب فاضيه اضغط شفت وحرف الغين عشان تطلع الهمزه تحت

كتبت الموضوع على عجاله ولاول مره بتنكتب بالتاريخ فتحت ايقونه اضافة موضوع وسدحته لكم

عوافي على التدقيق ورده

S K Y · #15 29/05/2008, 07:01 PM

والله حالتكم صعبه يابنات الجامعات .. تذكروني بحالتنا أيام الثانويه الواحد محشور ومسلوبه كل حقوقه العفويه

ماتطلع أوقات الفراغ
وتنسجن للساعه 1 بالضبط لو نص المدرسيين غايبين

في الجامعه ألزم لاعليك ان الدكتور يعطيك محاظرتك ويطلع غير كذا الجامعه تعتبر لك لا مراقبين ولاخرابيط لو تبي تنسدح في السيب عادي لو تبي تداوم بشورت ماعندك أحد ومتى ما أنعطب مودك تدق سلف وعلى البيت

اذا عندك وقت فراغ تطلع لأقرب د.كيف

جو رايق ومكان محترم وتكييف بارد

مو نفترش الأرض في ذالحر هههههه

بعدين وش هالصوره ؟؟ بالله هذي جامعه والا مصنع سراميك

ترا مانيب قاعد أتريق .. بالعكس انا منزعج من حالتكم الصعبه

إقتباس

الرسالة الأصلية كتبت بواسطة متآبعه بصمت


	وبعدين يالحبيبه ورا ماتتمشين في مبناكم لين تجي وقت المحاضره كود إنك تنحفين شوي

هلا بالفضايح .. كثري من الردود يامتابعه هههههههههههههههههههه