جامعة الملك سعود على حافة الهاويه - صفحة رقم 2 - نادي الهلال السعودي - شبكة الزعيم

&& هلااااااليه && · #16 29/05/2008, 08:14 PM

(النمر15)
وهـ بس طلعت كل اللي نفسي اقوله
صاادق والله احس انا نرحم

مفروض يلقون لناااااا بديل ولا لايجون فجئة ويطلبون اشياء مدري وش تبي
القهر هو لاصار من اللي فوق ودي يجي احد افوق منه ويدق خشمه قاهرتني
وعلى مدير الجامعه كيف نوصله يقولون انه يسمع لنا بس وشلون نوصله
اذا رساله الجامعه واللي انكتب فيها ماصار شي
الله يعين بس
وعلى تصحيح المعلومه شكرااا تم التعديل جيبوتي والصومال
عواااافي على هالرد الحلووو والمروور الاحلى ورده

sky

مدري ليه احس اني ودي اصطرك تقهر

ندري انكم فاالينها بالاولاد موب بس في الجامعه في كل شي بعد

انا بعد كنا فالينها بالجامعه بس من يوم جت هاللي ماتتسماش

انا مافترشنا بالحر افترشنا جو المبنى في البراريد بس هي تحاول تطردنا برااا
لا رايحه مصنع سراميك ومصورته لكم

اقول ترى هالجامعه كانت جامعة الاولاد

وتعتبر اجمل جامعه في المملكة الحبيبه بالنسبه للبنات

بعدين ماعليك من متااابعه

خلها تقول اللي تبي هي حره

بس ترى ماينعرف لها كل شوي تقوول شي

يمال العافيه ياسكاي ورده

بو فهد عم جواهر · #17 29/05/2008, 08:42 PM

هلااااليه

شوووهد الموووضوووع

الله يعنكم على العميدة

وان شاء الله يقشعونها باول تغيير اداري

وتقبلي تحياتي@

الزيرابوعزيز · #18 29/05/2008, 08:58 PM

الدكتورة الجازي

<<نصيرة الشباب السعودي

كفو عليها حاسه بمعاناتنا

تبي تنحفكم وتقوي عظامكم بجلستكم تحت اشعة الشمس

<<بس بعد كلامها
حسيت انك تعانين من جد

<<تراه مو قصده يشبها بينكم ويزعلكم من بعض

شطحه مستنتجه من متابعه بكلام قصدي بصمت

بس هالخيام ذكرتني بخيام منى بمكه وحاطين لكم مكيفات صحراويه
واي مسؤول جديد يجي مندفع وبراسه تغييرات كثيرة وبعدها يهدأ شوي
بس انتم لا تيأسون قاوموها وعاندوها الى ان تخضع لرغباتكم

<<شكله يبيهم ينطردون من الجامعه عاد مانلقالكم الا المهني يقبلكم

<<مشكلته ضغط اضافة رد ونزل تحت الا فات عليه الموضوع مايقدر يقتبس منه
والا براسه كم شطحه على الصور

بس
المرة الجايه نبي صور ونشوف الحياة فيها هذي صور ميته

عشان نخش معك بالجو ونحس بالمعاناة

<<انني لأمزح مزح يوم الخميس

والله يعينكم ويوفقكم وتتخرجون من هالجامعه وتصيرون عميدات في خدمه الوطن

تقبلي مروري المستخف دمه قليلا ونأسف على الشطحات الخارجه عن الاطار العام
لمجلس التعاون الخليجي <<اقول خلص الرد واطلع لا تجيب العيد

تغريد · #19 29/05/2008, 09:41 PM

لاتستقعدون لهم

خليها تحس انها مهمه وتقعد تهايط

صيري زيي

ولاتهون فيو

سنين الله انا وياها بالجامعه وش زينا

ماقد اشتيكنا من احد

بس بيني وبينك
انا هالعميدات كلهم مادخلو قلبي

مع احترامي للحريم

محد يمسكهم مناصب للاسف!

ماايدرون وش السالفه
اتوقع تحط قرارات حسب نفسيتها كل يوم

سلام كبير للدكتور العثمان بس

"هلاليه أنا " · #20 29/05/2008, 10:01 PM

هلا وغلا هلالية

بعد ماقريت موضوعك قلت في نفسي ليتك تدرسين في جامعة الطايف

والله لا تحمدين ربك على النعمه اللي إنتي فيها

على الأقل عندكم جلسات ومكيفات إحنا مراوح ومكيفات أول مانشغلها تحترق

وجلسات الأرض مسموحه لسبب وحيد إن ماعندنا كراسي

لا ومتضايقه انتي وخشتك ان العميده تبيكم تدرسون في أجواء حضاريه

وأشوف عادي مدخلين جوال بكاميره عندنا لو وحده تجيب جوال فيه بلوتوث أظن يفصلونها من

الجامعه

الله يعين بس

algohmani · #21 30/05/2008, 12:39 AM

خخخخخخخخخخخخخخخخ اي بنت بالجامعه تجي تكتب ردها على الموضوع قبل ارفعها بنفسي للجهات العليا

محجوز وبرد بكيفي الوقت اللي يعجبني برد ...

SKY أحبك وانت تحب الفضائح ههههههههه اصلا ثانويتكم فيها مشاكل يارجال ان شمخت شمخت مدير قافط مدرس يتتن

باك

شكرا لك اختي الكريمه على الموضوع ...

بالنسبة للجازي هذي ياخوافه بقوه وشخصيتها القيادية ضعيفة وبالتالي لاتستطيع قيادة الجامعه وإدارتها ...

كثير من المناصب الإدارية عند بداية إستلامها يخشى الإداري من اصدار قرارات معينه بسبب هذا الضعف

ياسلطتها الإدارية قويه جدا وبالتالي لايمكن الخوض معها وخصوصا انها في بداية عملها وبالتالي تريد فرض سيطرتها

المح بين الأسطر معاناة طالبات وصل بهن الحال الى مرحلة اليأس وإلا وش اللي حادك تشتكين هنا بالمنتدى

انا لو منك لا شتكيبها عند وزير التعليم العالي يعني وش بتسوي ....

اعذريني موضوعك شوي طويل ونقشت اهم اللي فيه ....

الجامعات كلها تعاني من تخبطات إداريه وانا عانيت من الإحباط في مواقف كثيرة بالجامعه لا اريد سردها هنا عشان ماتعب مره ثانيه ...

الحمد لله انني انتهيت من مآساتي مع الجامعه بشهادة جامعيه تلتها شهادة دبلوم عالي وانا الأن حاليا اعاني من ازمه التعيين اللي رافعه ضغطي ولو بيدي شليت الوزير حق التربية وحطيته في متحف اللوفر ..

كان الله في عونكن احسست انني في فوضى بالموضوع وسامحك الله أيتها الجازي ..... <<<< هلاليه تطالع فيني وتقول الله لايسامحها

اختي الكريمه نحن تعودنا على الضعف والسكوت وإلا فأنا اطالبكي انت واللي معاكي برفع تقرير سري الى الجهات العليا ...

لماذا السكوت على الظلم قرارات تقل ان الجامعه حقتها

راكان _20_ · #22 30/05/2008, 01:00 AM

هلالية موضوع رائع

لكن احس كل المشاكل من العميده ههههههههههههههههه

بس اي موضوع عن الجامعة ما اقدر اقول اكثر من الكلمتين هذي

تحياتي لك ..

FINAL10 · #23 30/05/2008, 01:11 AM

الحمد لله على النعمه الي حنا فيها..!

وانتي تتشرطين تبين مكيفات خاصه ووو..!

صراحـه شوفي الدول الفقيره واحمدي ربك امن وامان والجامعه فيها سلبيات وايجابيات ...!

S K Y · #24 30/05/2008, 06:22 AM

إقتباس

الرسالة الأصلية كتبت بواسطة && هلااااااليه &&


	بعدين ماعليك من متااابعه خلها تقول اللي تبي هي حره بس ترى ماينعرف لها كل شوي تقوول شي

يعني قصدك مره تقول سمينه ومره نحيفه ؟؟ هههههههههه
اجل تبين تطلعين منها يالسمينه

شوفي انا إنسان احب اسوي الخير دائما وعندي لك بعض النصائح لتخفيف الوزن ومثلك عارفه (الخطاطيب) مايحبون المنتفخات لأن أشكالهم أولا غير مرغوب بها وثانيا أي سمينه طبيعي راح ترهق جيب زوجها بكثره الطلبات والمقادير المطبخيه بالأضافه إلى كثره الأعتماد على الوجبات السريعه التي تتخلل فترات الغذاء الرئيسيه كفتره العصر والمغرب وأحيانا بعد منتصف الليل

اولا هناك سير ( ولا أعني بذلك السير إلكس فيرغسون ) ولكن سير مشي يغنيك عن الخروج كل يوم والمشي في طريق الملك عبدالله وانا اعتقد ان في بيتك جميع أنواع السيور

زبده الحديث هو المشي عليها مايقارب النصف ساعه يوميا لمده أسبوعين وبعد هذه الفتره الهروله مايقارب الأسبوع 10 دقائق يوميا وأضمن لك نزول وزنك أكثر من 5 كيلو في الشهر

لا تترددي فالبدايه صعبه ولكن أجعلي بدايتك مثاليه وإرتجاليه بالدخول إلى سجل الهاتف في جوالك ومسح جميع أرقام المطاعم ( بيتزا هت وكنتاكي وهرفي ) حتى لاتسول لك نفسك يوما بالرجوع إلى الوجبات السريعه لأنها من أهم الأسباب في زياده الوزن

إقتباس

الرسالة الأصلية كتبت بواسطة algohmani


	SKY أحبك وانت تحب الفضائح ههههههههه اصلا ثانويتكم فيها مشاكل يارجال ان شمخت شمخت مدير قافط مدرس يتتن

ابو عبدالله خلني اسوي فيها الولد اللي تمرمط في مسيرته الدراسيه
لازم يعني تعلمهم اني متخرج من ثانويه كأنها جامعه

انا بصراحه ما احب أكسر خواطرهم لأنهم متعذبين في الثانوي والجامعه وحالتهم تكسر الخاطر

انا اتوقع جامعه الملك سعود للعيال يعانون من نفس المشكله لأني بصراحه ماعمري شفت احد في جامعه الملك سعود مرتاح وماعمري دخلتها وما اعرف وش وضعهم

يازين جامعتنا بس التكييف مركزي في كل مكان بالأضافه إلى إنتشار عدد كبير من ( الكراسي ) في الممرات وأماكن الجلوس على شان مانفترش الأرض ونشوه المنظر العام

أعتذر أشد العذر للرد مره أخرى ولكن أبوعبدالله اذا شفته لازم أرد عليه < حبيب قلبي

وأعتذر هلاليه ترى كلامي مزح لاتشيلين بخاطرك ورده < اللي اعرفه ان البنات يزعلون بسرعه خصوصا في موضوع السمنه

الـمـشـاغـب · #25 30/05/2008, 09:38 AM

هلا هلاليه ورده

أنا بصراحة أشوف إنوو قرارات الجامعة الجديدة اللي ذكرتيها ممتازة ما عدا منع الجلوس على الأرض ..

والله المفروض يكون النظام صارم حتى يتأدب اللي ما تأدب في بيته ..

يمكن تتضايقون في البداية .. لكن أظن إنوو لما تتعودون على هالقرارات راح تحسون بقيمتها ورده

تصدقين أني حبيت عميدتكم؟

<<< يحب وهو يمشي

مشكوورة يا مراسلة المجلس العام في جامعة الملك سعود ورده

هلالي بن زعيم آسيا · #26 30/05/2008, 10:37 AM

اقول بس ياززززززززززين الثاانويه

ما ودك ترجعين لثاانويه مدير يتكلم بكس من الجهه الثانيه >>> احلى يا سوبر ماان
والله يعينكم
والحمد الله اني من جنس الذكورر

عشان ما اتعذب مثلكم

&& هلااااااليه && · #27 30/05/2008, 11:26 AM

بو فهد عم جواهر
شوهد الرد الله يعطيك العافية على المرور

وان شاء الله يقشعونهاااااااا ياااااارب ولا هي تتعدل
او تعطي قرارات صاحيه
عوافي مرة ثانيه ورده

الزير ابو عزيز
تبيها تنحفنااا بس نصير كويحااات (يعني مرقعه جسومنا الوان)

وش مانيأس نعاندها عطونا بطاقاتكم وبرااا الجامعه
حامت تسبودناااا

قومو اجلسو كاننا نلعب نمله شجره

تبي تشوف صور فيها حياة ابشر المره الجايه
<<<ماصدقت القى المكان مافيه حياة عشان القط لكم الصور

امممييييييييين الله يوفق الجميع
عوافي ع الرد التحيف ورده

تغريد

هلااا والله وغلاااا
هو غصب عنا بنسوي اللي تبي لاننا مانبي ننطرد من الجامعه
اما انك ماقد اشتكيتي من سنين انا من خبرت عمري يقال مافيه زي قرارات هالترم

بعدين حسوو فينا انا شله مكونه من 14 بنت اذا اجتمعنا كلنا
ويوميااا انا 8 بنات نجتمع بالله وشلون نسولف كلنا مع بعض
انا ماقهرني الا جلست الارض

واله انك صادقه الحريم مايتمسكون مناااصب <<معليش بعترف

ايه والله سلاام كبير للعثماان

عوافي يالغاليه على الرد اللي يشرح الصدر ورده

هلاليه أنا

هلااااااااابك ياهلاااا ياهلااا
ودي اهاوش يوم طلعتي ذاك اليوم بس بسكت

لاني انا اللي بديت مير ترا كله من الاتصال الزفت

ياقلبي انتي انا وش اقصد دام ان المكيفات متوفره ليش تلطعنا بالحر حضرتهااا
انتو مافي مكيفات خير شر لكن انه فيه وتطردنا براا المباني لاتكون المباني هي اللي بانيتها وانا ماندري

اما انا ماعندكم كرااااااااااسي هههههههههههههههههه
تعالو تكفون خذو كراسينا على الاقل نفتك منها
انا شله مانعرف نسولف الا اذا كنا حلقه

امحق اجواء حضاريه
واذا على جوال الكاميرا قولي لااله الا الله
اصبري عليها شوي وبتمنعه هي وخشتها مع انه جوالها
بس لو منعته اتوقع تنهبل اللي قلتلك عنها ماعاد تلقى شي تصوره

عوافي ع الطله الحلوه ورده

ابو عبدالله
ترفعها للجهات العليا ليه تعرف العثمان <<صدقت الضعيفه
بسم الله وش دراكم ان اسمها الجازي

من رد هلاليه من الرياض يعني

بعدين احجز اهم شي ماتسحب

واذا على المعانات من جد معانات موب حاسين فينا انتووو

اشوى انك افتكيت من الجامعه تبي الجد الجامعه حلوووه

بجمعت البنات

مير الله يوفقك وان شاء الله نلقى احد يعطينا وجه ويوصل هالكلام للعثمان لان هو اللي بيده الحل
تقول مانسكت همتك وصلها للجهات العليااا
عوافي ابو عبدالله ع الرد الحلووو والمرور الاحلى ورده

راكان _20
هههههههههههههههههههههههههههه
كل المشكلة من العميده اجل من من
الله يصلحك بس ياركان
الموضوع بكبره على العميده
ثانكيوات على الرد الخفيف اللطيف ورده

ولد عنزة

بسم الله علينا وش قلنااا انا
انا ماتشرطت وطلبت مكيفات المكيفات موجوده
انا كل ابو الموضوع واللي خلني اكتبه على جلسة الارض
بعدين الدول الفقيره ماعندهم مكيفات خير شر لكن انا عندنا مكيفات ليش ماتخلينا عندها موب تكرشنا برا
بعدين الدول الفقيره الحمدلله جوهم صاحي ولايتقارن بجوك
انت اصلا ماتحس باللي نحسه لانك معزز لااحد طردك براا مبناك ولاحد قالك ممنوع تجلس هنااا
واذا على الجامعه فيها ايجابيات وسلبيات دارين بس مافي احد يكتب عن الايجابيات
بعدين انا انقلكم معاناة وافضفض اتوقع هذا من حقي
حسستني اني مسويه جريمه
عوافي ع المرور

&& هلااااااليه && · #28 30/05/2008, 12:08 PM

sky 2
هلاااا هلااا مرتن ثاانيه وثالثه ان بغيت عاادي

اول شي شكرااا على النصاايح اللي راح تفيدني مره مره
وبما اني انفضحت خلاااص بسبت متااابعه الله يصلحها
انا قبل امس مصورة صور <<<لاطالعيني باااسكن روبنز عادي بنزلها

فبما اني خلاص انفضحت قلت انزل لكم صوره من صوري اللي صورت
عاد ان شاء الله انحف لاطبقت نصيحتك

7
7

سلاااام ولاا اسمعك تعتذر مرتن ثانيه انا عندي الزعل مرفوض

واذا على الرد مره ثانيه خذ راحتك

عوافي ع الرجيم مرتن ثانيه ورده

المشاااااااغب
ياهلاااا ياهلاااا
اسفرت وانورت
إنووو اللي ذكرتها ممتازه

ايه بس انا وش سبب الموضوع هو جلسة الارض وتطليع برااا المبنى في عز القوايل

بقولك شي سلطاان على قراراتها هذي الا ان اقولك الى الان نشوف البنات اللي بالي بالك
وماراح يتغيرون لان اللي اخلاقه خربانه اخلاقه خربانه موب القرارات اللي بتمنعه وهم
مايسوون هالاشياء بوسط المباني هاللي حطت فيها شؤن

هم يسوونه في اماكن ثانيه
مافي احد يسوي قدام العالم والناس
كان سكرت الاماكن المشبوهه وحطت قرارات نحس انها صاحيه

موب جلسه ارض

واللي يعلمك ان القرارات متخلفه
قسم بالله ان الكرسي قبال كرسي ممنوع لازم جنبه

بالله هذا قرار يعني لاجلسنا على الارض ولا كرسي قبال كرسي خربناا

يعني لاجلست كرسي قبال كرسي بحب صديقتي حب ثااني وبصير انا الولد وهي البنت

شي يرفع الضغط

اذا على الضيقه سلطان

والله انه عاادي انا ودنا نفتك من هاللي يصير بالجامعه
انا ماتضايقنا الا من جلسة الارض والكرسي قبال كرسي ممنوع
عطونا حل وشلون نسولف لاجتمعت شلتنا كامله
وشلون نسولف وانا عددنا يوميا 8 او 9 بنات وانا على كراسي مصفوفين تقل محطه قطار

اما اذا حبيت عميدتنااا اعرس عليهااا وخلها تفصل من الشغل

وانا اول وحده تبارك لكم

مير انها معرسه راحت عليك

عفوووا يافاكهة المجلس ورده
لاتحرمنا ردودك ورده

هلالي بن زعيم أسيا
اهلااا اهلااا
يااااااحلو الثنوي ويااحلو المتوسط ودجتنا فيهااا
<< كنتس مادجيتي في الجامعه

وخاصة الاربعااء
ياحلو قرارات الثانوي مير تحسها معقوله وتدخل المخ
جلسة ارض ممنوعه

قسم اول ماقالو لنا نحسبهم يمزحووون

الحمدلله على كل حااااال
عوااافي ع الرد ورده