#91  
قديم 30/05/2008, 03:08 AM
موقوف
تاريخ التسجيل: 08/03/2007
مشاركات: 228
يكفيني تصورت مع سامي قابلته وهو يكلم بالجوال

وعند التصوير من اخلاقه نزل الجوال



الله يسعدك ياسامي


وتصورت مع ليتانا
اضافة رد مع اقتباس
  #92  
قديم 30/05/2008, 03:23 AM
الصورة الرمزية الخاصة بـ Ro7 Madrid
زعيــم مميــز
تاريخ التسجيل: 15/03/2007
المكان: الــقــصــيــم
مشاركات: 1,954
صورت مع سامي 6 مرات

وصورت مع الفريان 100000000000000000مره >>>>>>امزح
اضافة رد مع اقتباس
  #93  
قديم 30/05/2008, 04:00 AM
زعيــم فعــال
تاريخ التسجيل: 27/09/2001
مشاركات: 420
اول لاعب قابلته الثنيان بعد مباراة مع الاتفاق في الراكة بالخبر بعد المباراة بساعة تقريبا قابلته في مقهى البحيرة اللي مقابل المريديان طبعا يعسل ابو يعقوب بس داخل مكتب المدير مع ذلك الناس (وانا اولهم) ماضيعنا الفرصة وسلمنا علية ........

وبعدين كثرت السفريات وقابلت اغلب اللاعبين في المطارات واخرهم ابو عزيز في البنك الاهلي في مطار الملك فهد مع المنتخب رايح لأوزباكستان( الهزيمة الأخيرة )


بس للأمانة الشلهوب والتمياط والدعيع متواضعين لأبعد حد....
اضافة رد مع اقتباس
  #94  
قديم 30/05/2008, 04:01 AM
الصورة الرمزية الخاصة بـ بن هضبان
زعيــم نشيــط
تاريخ التسجيل: 01/09/2005
مشاركات: 795
نواف التمياط بحكم أنه زميل

وشكرا على الموضوع..........
اضافة رد مع اقتباس
  #95  
قديم 30/05/2008, 04:02 AM
زعيــم متألــق
تاريخ التسجيل: 21/06/2007
المكان: مع الزمن أمشي
مشاركات: 1,120
انا والله قابلت جميع لاعبي الهلال << دائما مسنتر في النادي البواب يقولي ماتزهق


كل اللاعبين قابلتهم بس الي صورت معهم

الشلهوب . ياسر . التايب << ولة قصة خاصة جدا بذكرها الآن .نواف . فهد الشمري الحارس < أيضا قصة بذكرها الآن .برونو . ونجي للمواقف << عفوا نسيت الأسطورة أبو عبدالله بس يمكن علشان ماكان فية حوار وجت بسرعة ماذكرتها

أول شيء التايب الأنسان هذا تعبت أبغى أصور معاه و ماقدرت لكن الأرزاق تجي من عند الله

كنت طالع من أخر يوم في الأختبارات في الفصل الدراسي الأول يوم الاربعاء وكانت أكثر المدراس معطلين الثلاثاء << ثالث ثانوي

وقاعد ادور انا وولد عمتي الساعة كانت 10 ومرينا من عند النادي وشوي قالي التايب جوا اول شيء ماصدقت لكن حلف يوم ألتفت ولقا موتره

طبعا جينا عند البوابة و أقعد أضرب مسوي قادح للعالم ماكان البواب فية


قلت لولد عمتي انزل أفتح قال وشو مهبول أنت هذي فيها سجن
المهم نزلت انا وفتحت البوابة وادخل وأوقف جنب سيارت طارق والبواب كان قاعد جوا طلع ويناضر من بعيد يبغى يعرف منهو <<< مضلل
المهم قلت يلة ندخل طبعا التايب كان في غرفة العلالج << هالكلام قبل مباراة النصر كاس ولي العهد الي فاز بها الهلال 2-0 بيومين مثل ماقلت كنا يوم الأربعاء



وقال ولد عمتي لا عاد هذي صدق فيها سجن << معلق الله يصلحة على السجن

وأنا وياه طقاق أنا أقول ندخل وهو يقول لا وجا الفرج من ربي


جا طارق يمشي سلم من بعيد و بيركب السيارة << قلت في نفسي أية هين


نزلنا وسلمنا علية وصورنا معه وقلنا بتلعب مباراة النصر << كان هذيك الأيام شكوك حول مشاركتة

وقل لي بالحرف والواحد والله العضيم (( أن شاء الله نلعبو مباراة النصر ونجيبو قول ان شاء الله )) بلغة ليبيا


والله العضيم هالقصة مافيها أي تحريف بالعكس منقص في التفاصيل

والحمدلله لعب وجابو قول


......

لي رجعة بروح أصلي

......
عدنا


كنت بصلي الفجر وأرجع بس جاني النوم قلت خلها بعد الجمعة مرة وحد


نجي للشمري فهد كنت مرة بطلع من النادي بعد حضور التمارين ومريت من جنب جيب ربع

يوم تعديته ألتفت ولقيته فهد يسولف مع واحد المهم قلت السلام عليكم بصوت رفيع شوي

رد السلام وهو بيفتح الباب أنا ودي أصور معه بس يوم شفته بينزل مابغيت أذب وجهي قلت والله ماتنزل

قال لا تحلف قلت حلفت والله ماتنزل المهم ضحك وصك الباب << والله العضيم ..

قعدت أسولف معه انا وولد خالتي شوي بعدين رحنا


في نفس اليوم شفنا برونو وطبعا بنصور معه وقف ولد خالتي جنبة يوم جيت بصوره

أسمع ولد خالتي يقول وراه ماسكني كذا يوم ناضرت وألقا برونو حاط يدة عند خصر ولد خالتي << عادي طبعا بس الحبيب شاك في عمره

ووالله العضيم كل ماذكر وجهه وهو يقول ذا الكلمة أقعد أضحك ضحك

........................................................................

هذي مواقفي مع اللاعبين ولكن هناك موقف ليس مع لاعب ولكن جنيل تابع القصة لتعرف


أول مرة رحت فيها النادي ماكنت أعرف اللاعبين متى يجون ومتى يطلعون ولا أعرف سياراتهم

لكني رحت قبل المغرب وتوني بوقف الا أشوف بورش زرقا طبعا قد شفت صورة سيارت ياسر في النت

المهم وألحقه وأكبس وأضرب << طبعا كان مضلل الموتر


وياله بعدين هدا شوي وقبل مايفتح الدريشة وأنا أقعد أقول كذا << مخرووش أول مرة بيشوف لاعب


يوم فتح الدريشه وقاعد يقول مهوب والله مهوب أنا ياسر حطيتة في النادي << هذا حالي وقتها


صار خويه وماخذ الموتر خخخخخخخخ



وهذي مواقفي والله يعطيكم العافية وآآآآسف على الإطالة


.......................................................................

دبــــوج @

اخر تعديل كان بواسطة » دبــــوج @ في يوم » 30/05/2008 عند الساعة » 01:42 PM
اضافة رد مع اقتباس
  #96  
قديم 30/05/2008, 04:16 AM
زعيــم متواصــل
تاريخ التسجيل: 11/08/2007
مشاركات: 162
انا قابلت كل الاعبين في وقت واحد

لما لعب الهلال مع الوحده يوم الجمعه في مكه في كأس لابطال لما جماهير الوحده نرفزوا التايب

انا كنت في جده وقت المباره وسافرت الرياض يوم السبت بطياره الخطوط العربيه السعوديه

وكانوا كل الاعبين اللي لعبوا رجعوا بالطياره معانا وكلهم شفتهم ما عدا نواف التمياط ((اااخ يا القهر))

والمرشدي والمفرج والخثران وياسر لانه كان مصاب

بس قهر ما تصروت مع احد منهم
اضافة رد مع اقتباس
  #97  
قديم 30/05/2008, 04:31 AM
زعيــم مميــز
تاريخ التسجيل: 02/08/2007
مشاركات: 3,957
انا صورت مع
ياسر اكثر من مرة
الشلهوب
الغامدي
الصويلح
عزيز
العتيبي
وبس
اضافة رد مع اقتباس
  #98  
قديم 30/05/2008, 05:14 AM
زعيــم مميــز
تاريخ التسجيل: 21/04/2007
المكان: تعرفون ذاك المكان؟ انا هناك..!!
مشاركات: 4,749
انا صورت مع ياسر الياس في شارع التحليه مقابل مقهى المساء والله الرجال طيب ومحترم ومتواضع لابعد درجه يا حليله والله ...وكذلك شفت فهد المبارك عند اشاره وسولفت معه ...
والشلهوب شفته عند اشاره بس ما قدرت اسولف معه قدامي سياره ااه يالقهر كان ناوي اخليه يصفط على اليمين كان بعزمه هههه يلبيييه بس ياالشلهوب..
وكذلك دايم اشووووووف الخثران في بقاله لينه اذا أحد منكم يعرفها في السويدي عندنا وسبحان الله دايم اشوفه عندها الساعه 12 ليلا هههه معه فورد متواظع والله ...وشفت محسن الحارثي لاعب النصر قبل سنتين قبل ما يشوتونه عند محطه على الدايري الغربي نشبت له قلت انا نصراوي وابي اسجل في النادي ابيك توسط لي قال ابشر بس اني مارحت لهم الفقراويه ...
وقد شفت المفرج في عز الظهر على شارع الفريان مدري وينه رايحن له ههه

وان شاء الله اني بصور مع عزيز والشلهوووووووووب << يا حبي لهم وياسر
اضافة رد مع اقتباس
  #99  
قديم 30/05/2008, 05:39 AM
زعيــم متألــق
تاريخ التسجيل: 29/08/2005
مشاركات: 1,072
انا قابلت ياسر القحطاني مصادفه قبل سفر المنتخب لمصر لحضور الدورة العربية الاخيره، يعني قبل حصول ياسر على اللقب الاسيوي باسابيع قليلة. والحوار دار بيني وبينه عن احوال الهلال لانه ايامهاكان الهلال خارج من الاسيوية ومستوى الفريق مايطمن وعندما كنت اوجه انتقادي وتخوفي مما ينتظر الهلال كان يرد علي يقول( الزعيم يمرض لكن لا يموت)0
اضافة رد مع اقتباس
  #100  
قديم 30/05/2008, 06:31 AM
زعيــم جديــد
تاريخ التسجيل: 15/05/2006
مشاركات: 26
بصراحه انا تصورت مع جميع اللاعبين ايام معسكر ابها في دورة الصاقة...... ابذكر منهم
فيصل ابو اثنين و الدعيع و نواف والشلهوب
(لأني اطاردهم حتى صورت معهم)

اما الشلهوب عاد هذي لوحدها سالفه
كان قاعد يتهرب مني علشان ايش مردي؟؟؟؟؟؟؟؟؟؟؟؟؟؟؟؟؟(بالرغم اني ما سلفته)ههههههههههههه
وبعدها مسكت الدعيع وقلت ابي اصور مع الشلهوب وما لقيت عليه فرصه قال تعال والله جابه لي بالخيمة
وقال يالله صور ومسكت الشلهوب وانواع الضحك معه وبعدها صورت معه اكثر من صوره لأنه يضحك (يالبى قلبه).........................
اضافة رد مع اقتباس
  #101  
قديم 30/05/2008, 06:44 AM
الصورة الرمزية الخاصة بـ FAHRENHEIT
زعيــم مميــز
تاريخ التسجيل: 02/07/2007
المكان: دام اتجاهك شمال مودعك حاجة
مشاركات: 1,593
انا قابلت سامي الجابر


وسعد الدوسري الله يرحمه

ومحمد الدعيع

والشلهوب

وعبدالله سليمان

ايام معسكرهم بالملز لكاس العالم 2002
اضافة رد مع اقتباس
  #102  
قديم 30/05/2008, 07:40 AM
الصورة الرمزية الخاصة بـ INTERista HILALi-20
زعيــم متألــق
تاريخ التسجيل: 25/04/2007
المكان: الريـــــــاض
مشاركات: 1,064
انا قابلت عبدالله الجمعان يوم اني صغير قبل سبع سنوات

كان حاضر يرعى المباراة النهائية في نادي القرية الرياضية

بس ماصورت معاه

وتصورت مع تيفا في الفيصلية


وشفت ابو يعقوب من بعيد وما مداني اسلم عليه
اضافة رد مع اقتباس
  #103  
قديم 30/05/2008, 07:40 AM
زعيــم فعــال
تاريخ التسجيل: 28/02/2007
المكان: القصيم الغماس
مشاركات: 430
والله انا وسامي على طول الحمدلله وطبعا بحكم الصداقة القويه
بينه وبين ياسر والدعيع يكون فيه مقابله لهم عند ابوعبدالله او في اي مكان اخر
ولا انسى عبدالله الشريدة الاخ لي والصديق كاننا اخوان وكذلك بحكم الصداقة بينه
وبين عزيز تصدف الاقائاة

اما الفيلسوف فهذااااااااااااااا حكايه ثانيه فهذا احد اصدقاء الوالد الكنكان سوا
ههههههههههههههههههههههههههههههههههههههههههههههههههههههههههههه
اضافة رد مع اقتباس
  #104  
قديم 30/05/2008, 07:51 AM
الصورة الرمزية الخاصة بـ هــــــــــلال
زعيــم مميــز
تاريخ التسجيل: 10/08/2004
المكان: آه ما أرق الريـاض
مشاركات: 2,579
رحت النادي وقابلت اغلب اللاعبين وسولفت معهم بس ماتصورت ..

وكان لي حديث مطول مع الكابتن ماجد المرشدي ايام ما برز مع الفريق الهلالي
اضافة رد مع اقتباس
  #105  
قديم 30/05/2008, 08:05 AM
زعيــم فعــال
تاريخ التسجيل: 06/12/2003
المكان: مكة المكرمة
مشاركات: 384
أهم شي أني سولفت مع ابو عبدالله سامي الجابر
واحاديث خطافية مع الأمير بندر والأمير محمد بن فيصل
والأمير عبدالله بن مساعد

وتصورت مع أغلب اللعيبة

خالد التيماوي
عبدالله الدعيع
يوسف الثنيان
فيصل ابو اثنين
منصور الموينع
حسين المسعري
تركي العواد
وقابلت ولد صالح النعيمة ماكنت اعرفه بس قالي واحد

واتوقع جميع اللاعبين الحاليين

بما فيهم

محمد الدعيع
تيفا
ليلو
التايب
الخراشي
عزيز
الغامدي
الشلهوب
ياسر
الصويلح
المفرج
العنقري
فهد المبارك
العنبر
والقائمة تطول

لك ودي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube