( 7 )


خاطرة على كيفي


( أقول باسافر )






أقول باسافر
ولاشوف بعيونها دمعه
ولاتسأل متى الرجعه
أقول باسافر
وتضوي بالمسا شمعه
ولافي ليلها هجعه
انا باسافر بحيره
مع غيره
عن الديرة
وهي مسرورة بغيابي
ذبحني اغرورها الزائد
برود اعصابها كايد
وكني ثانيه مسافر
وبعد هالثانيه عائد
ابيها تحس ..
بلحظة شوق
بلهفة لي وانا غائب
ابيها تحس بالغربه
وتذوب بذكرياتي حب
مثل مانا بها ذايب
ابيها تحن لي وتقول
عسى هذا الجفا مايطول
والى مني رجعت تقول
هلا باللي له اشواقي
حضرت أو غبت بأعماقي
وإلا من قلت باسافر
اشوف الدمع بأوراقي
وتبكي شوق لعناقي
تعد ايام غربتنا
وتسألني عن الباقي

إقتباس الرسالة الأصلية كتبت بواسطة الـمـشـاغـب هلا أبو عبدالله ورده ما شاء الله وش عندك صاير خواطرجي؟ بصراحة فكرة رائعة .. أعجبتني فكرة الطلبات ورده عشان كذا أنا أبي منك خاطرة على لساني إلى محبوبتي بس تراي أبيها فاحشة مررررررررة وإذا كنت خايف من الإيقاف أرسلها على الخاص والله لو يفحطون للصبح ما يقدرون يشوفونها اكتب الخاطرة بأسلوب كرهـ عشاق يعني اجمع بين المتضادات واجعل شعوري بين هذا وذاك .. مرة كره مرة حب .. مرة همس ومرة لمس << ما يرده غير الانذار ما يحتاج أشرح لك أكثر من كذا .. شف شغلك بس ورده على فكرة .. ترى الخاطرة والله والله ما هي مرسلة لأحد ولا أقصد فيها أحد .. بس بغيت أجرب هالحركة الجديدة في الخاطرة << لزوم التوضيح للمعجبات

خخخخخخخخخخخخخخخ موتني ضحك ياشيخ

طيب اسمع بكتبها هنا موب الخاص لانه مافي فرق

طيب اسمع قبل اكتب بحط وصيتي والله الله بالعيال

معاي كم موضوع كاتبهم بالخاص وبنزلهم للمجلس العام

انت لك الثلث من الإرث

عندك اربع اسماء بالخاص دائم ارسلهم رسائل عط كل واحد منهم موضوع

والله الله بالشباب خلك حريص عليهم

وياليت خبر الإيقاف ينزل بالجمهور الحين اذا واحد سعودي مات في سوريا وين يدفنونه اكيد ببلاده صح ودوني هناك ..


المهم قبل انتحر احد في نفسه حاجه ولا حاجه يبي مني تنفيذها ....


هههههههههههه قلبنا الموضوع حرب الصومال والهند <<<<< صح تفهم بالسياسه وش جاب ذي عند ذي

SKY
ملك قلب القحماني


خخخخخخخخخخخخ انت جرب وعلى ضمانتي لو جاك شيء انا المسئول تراي متعشي قبل شوي بهالطريقه وهذاني حي ارزق ... تصدق اني صرت مدمن عدس مخلوط عليه تونه فإنتبه ترا هذي مشكلتها الوحيده ...



بالنسبة للطلب ماعاش من يجمد طلبك.... رفعت خطاب الطلب للجني ووصل للإدارة العليا للجن وانتظر ملفك متى مارسلوه لي بمحطبه هنا ....

قلبي ..

بلدان الحبايب مريفه ..

واللي بدون أحباب كنه على نار ..

الطير بالجنحان يكثر رفيفه ..

وإذا إنكسر واحد تعثر ولا طار ..

يمنى بلا يسرى تراها ضعيفه ..

ومن يفقد أصحابه على الغبن صبًار ..


..


.


القحماني ..

ماشاء الله ولا إله إلا الله ..

كتاباتك رووووعه سواء مواضيع أو ردود أو خواطر وأشعار ..

كل أبو شي تكتبه يعجبني ..


بصراحه ماكنت أتوقع إنك راعي خواطر ..


ولا بعد موب أي خواطر ..


تجنن أمووت في الكتابة بالعامية يتخللها بعض الفصحى ..


مرره خقيت عند هالخواطر .. فاجأتني .. تركيني للظلام .. أقول بسافر ..

..

.


القحماني بعيدآ عن الخواطر ..

أنت من الأشخاص اللي يفتخر بهم ..

أخلاقك رائعه جدا ..

الله يبارك فيك ويسعدك يارب ..

إقتباس الرسالة الأصلية كتبت بواسطة متآبعه بصمت قلبي .. بلدان الحبايب مريفه .. واللي بدون أحباب كنه على نار .. الطير بالجنحان يكثر رفيفه .. وإذا إنكسر واحد تعثر ولا طار .. يمنى بلا يسرى تراها ضعيفه .. ومن يفقد أصحابه على الغبن صبًار .. .. . القحماني .. ماشاء الله ولا إله إلا الله .. كتاباتك رووووعه سواء مواضيع أو ردود أو خواطر وأشعار .. كل أبو شي تكتبه يعجبني .. بصراحه ماكنت أتوقع إنك راعي خواطر .. ولا بعد موب أي خواطر .. تجنن أمووت في الكتابة بالعامية يتخللها بعض الفصحى .. مرره خقيت عند هالخواطر .. فاجأتني .. تركيني للظلام .. أقول بسافر .. .. . القحماني بعيدآ عن الخواطر .. أنت من الأشخاص اللي يفتخر بهم .. أخلاقك رائعه جدا .. الله يبارك فيك ويسعدك يارب ..

الله الله وش هالأبيات اللي بديتي بها بكل أمانه حاولت ان اجاريها ولم أستطع دخلت الى قلبي هذه الأبيات أدخلكي الله الجنه ...

شكرا شكرا من القلب الى القلب على حروف خطتها اناملك اعجابا سواء بموضوعاتي أو بردودي التي اجدك الوحيده التي نالت إعجابك وياحظها ردودي بإعجابك


شكرا لك اختي على التواجد وحياك بكل شرف نورتي الموضوع .. وإزداد ضوءا بضوئك


غمضي ولاتطالعين بالجني اخاف يخرعك ولاعاد تتطبين

إقتباس الرسالة الأصلية كتبت بواسطة algohmani الله الله وش هالأبيات اللي بديتي بها

هذي مجاراة لموضوعك اللي يفتح النفس وربي .. على فكرة مهيب لي

وبعدين وش هالقلب ترى ما أتحمل


<

إقتباس شكرا شكرا من القلب الى القلب على حروف خطتها اناملك اعجابا سواء بموضوعاتي أو بردودي التي اجدك الوحيده التي نالت إعجابك وياحظها ردودي بإعجابك

ردودك ماعليها كلام ماشاء الله تبارك الله ..

بس ترى أغلب الناس مايعرفون يعبرون عن مشاعرهم ولا يقدرون يمدحون بصدق

عشان كذا تحس إنهم ما أعطوك حقك من المدح أو ما أنصفوك بمعنى أدق ..

إقتباس غمضي ولاتطالعين بالجني اخاف يخرعك ولاعاد تتطبين

أصلا جنيٍك ذا المنتف إذا شافني موجودة هنا ماراح يعتب موضوعك ولا مكتبك أبد



بأستغل موضوعك للذكرى بعدييين عشان أقول شوفوا القحماني كتب لعويناتي خاطره



ودي بخاطرة تقول إن متآبعه بترحل بعيد يعني أبيها تتكلم بلساني عن الرحيل





مدري وصلت الصورة أو لا بس أهم شيء الأخلاق

إقتباس الرسالة الأصلية كتبت بواسطة متآبعه بصمت هذي مجاراة لموضوعك اللي يفتح النفس وربي .. على فكرة مهيب لي وبعدين وش هالقلب ترى ما أتحمل < ردودك ماعليها كلام ماشاء الله تبارك الله .. بس ترى أغلب الناس مايعرفون يعبرون عن مشاعرهم ولا يقدرون يمدحون بصدق عشان كذا تحس إنهم ما أعطوك حقك من المدح أو ما أنصفوك بمعنى أدق .. أصلا جنيٍك ذا المنتف إذا شافني موجودة هنا ماراح يعتب موضوعك ولا مكتبك أبد بأستغل موضوعك للذكرى بعدييين عشان أقول شوفوا القحماني كتب لعويناتي خاطره ودي بخاطرة تقول إن متآبعه بترحل بعيد يعني أبيها تتكلم بلساني عن الرحيل مدري وصلت الصورة أو لا بس أهم شيء الأخلاق

باقي ماتعرفينه ذا المنتف صح انه منتف بس يسوي سوايا تصدقين من الحين بقول ياحظ زوجتي فيني اذا زعلت بتلقا هالجني فاعل خير بكم خاطره يدزها لي
ترجع الأمور زي ماكانت

إلا اذا جني مافيه خير فهذا عاد شيء ثاني


بالنسبة للخاطرة صفي بالدور قدامك خاطرة المشاغب هذي اللي يبيلها شكسبير يجي يحلها

وبكل شرف يسعدني ان اقدم لك خاطره في أقرب فرصه إن شاء الله ولو إن السالفه شكلها بتطول


وين بترحلين لايكون طبتك عدوى الرحيل هاليومين كل ماطب في واحد قال انا طفشت من الإنترنت وبرحل

إقتباس الرسالة الأصلية كتبت بواسطة algohmani وبكل شرف يسعدني ان اقدم لك خاطره في أقرب فرصه إن شاء الله ولو إن السالفه شكلها بتطول

لا عادي خذ راحتك

إقتباس وين بترحلين لايكون طبتك عدوى الرحيل هاليومين كل ماطب في واحد قال انا طفشت من الإنترنت وبرحل

ناشبتلكم ناشبتلكم مافي مجال للرحيل نهائيا بتاتا البتة


أصلا وش يعني رحيل

اقسم بالله اقف تحيه لقلمك<<<اخص
وربي موضوع ممتع ياابو عبدالله
قلمك لغه فاقت الجمال

وربي يوفقك وتتعين

خواطر مجنونه مره وبصراحه ودي اقول حاجه بس منتظر رد ان شاء الله بيجيني اذا ماجا بقول وامري لله

يســـلــــــمـــــــــــــــــو عالموضوع محتاجه اعبر عن اللي ضاق به صدري


ابي انسى بس قلي وشلون وكيف

يوم قلت لي خلاص من علاقتنا انتهينا

وانا ماحبيت مثلك حقيقه وطيف

والاكيد انك مانسيت اللي بيـــــــننا

إقتباس الرسالة الأصلية كتبت بواسطة همسةوفا يســـلــــــمـــــــــــــــــو عالموضوع محتاجه اعبر عن اللي ضاق به صدري ابي انسى بس قلي وشلون وكيف يوم قلت لي خلاص من علاقتنا انتهينا وانا ماحبيت مثلك حقيقه وطيف والاكيد انك مانسيت اللي بيـــــــننا

هلابك اختي وعبري لايردك إلا الكيبورد واكتبي لو تكبين معلقة تضاهي المعلقات السبع أو العشر ان جاز لنا التعبير ...

على طاري المعلقات كتبت مره من المرات قصيدة من 28 بيت وسميتها المعلقة لأني نسيتها بورقة بثوبي وامي غسلت الثوب والقصيدة فيه وعلقته بحبل الملابس

القحماني .. وين خاطرتي؟

أكرهك أنا

مررررررررة أكرهك ( فيس دلوع )

<< مستعجل على الخاطرة يبي يورثك

المهم .. ترى خواطرك ما شاء الله عليك كلها جميلة ورده

ننتظرك .. تراك قلت أن الخاطرة جاهزة بموضوع مدري مين ... يا ويلك لو ما خليتها فاحشة

إقتباس الرسالة الأصلية كتبت بواسطة الـمـشـاغـب القحماني .. وين خاطرتي؟ أكرهك أنا مررررررررة أكرهك ( فيس دلوع ) << مستعجل على الخاطرة يبي يورثك المهم .. ترى خواطرك ما شاء الله عليك كلها جميلة ورده ننتظرك .. تراك قلت أن الخاطرة جاهزة بموضوع مدري مين ... يا ويلك لو ما خليتها فاحشة

خخخخخخخخخخخ تراي كشفتك الصبح انت مره قلت انك بثالث ثانوي صح

طيب ليه ماداومت اليوم

دخلت المنتدى الساعه ثمانيه بعد مادق علي واحد بأمر ضروري وجيت طامر والقاك متواجد قلت غريبه وراه ماداوم اليوم ثالث ثانوي وتسحب


شكلك شكلك المدرس قلك روح جيب دفاتر الواجب بغرفة المدرسين وحصلت محمول شغال وقعدت تنتتت فيه


المهم يالغالي يؤسفني ان اقول لك ان طلبك فيه اخلال بشرط من الشروط وبالتالي مارفعت ملف طبلك للجني

ترا بالخواطر ماحب المزح تكلم جد وتلقا خاطرتك بأول الملفات اللي على مكتب سعادته

يالبى قلبك انت اكثر شخص في المجلس العام احب ردوده

اعرف ان الخاطرة التي تأتي عن تجربه شخصية تكون اكثر صدقا وأكثر ملامسه للإحساس وحتى وإن لم يكن بهذه الخاطرة عاطفه صادقه لكن يكفي أنها كتبت لعضو عزيز جدا يشرفني ويسعدني ان الامس احساسه متمنيا ان يلتقي بصديقه وأن تزول اسباب الفراق على يد خاطرتي هذه وان حققت ذلك فهي ستكون في عيني كبيرة ...

SKY

احساسك احساسي طلبت مني صورة الجني ولكعته بفلاش جوالي البارح قايله ابيها بسطح المكتب
خخخخخخخخخ وش رايك فيه حلو تراه طيب مع اني داري ان البنات اللي يخشون الموضوع لو شافو هالصوره بيسحبون بريكات من الخوف ولاعاد بتطب وحده هنا ههههههههههههه



المشاغب وش فيك تطالع داري ان الرجال بعد بيخافون بس مايخالف خلني اكذب واقول اننا احنا
الرجال مانخاف .... خخخخخخخخخ


وقانا الله وإياكم من شر الجن ولاجعل جني ينال من احدكم شيئا سواء شياطين الجن أو شياطين الإنس




( 1 )

خاطره على كيف ( SKY )

( ياحبيبي )

ياحبيبي وين ساقتبك خطاك
جيتك أسأل .. ؟
تحسبني بقدر أتحمل جفاك
تعال لخافقي المشتاق ..
لقلب ٍ مانسى ذكراك
وعين ٍ تحترق لهفه
ولاتبغى سوى رؤياك
تعبت من الجفا والصد
تعبت فراق
صبرت ولي متى بصبر
اذوق المر وأنا ساكت
انادي بإسمك بصوتي
ولا أسمع لصوتك همس
تعال ..
إلمس جروح الأمس

صديقي ..
ياصديقي
مانت حي الله صديق
لازعلت ..
الكون في عيني يضيق
غبت
وليتك شفت ..
وش سوى جفاك
حط في جوفي حريق
ضعت ..
من بعدك وضيعت الطريق .. !
لو أنا اخطيت
الخطا مني .. مايعني جفاك
بس لو تبطيت
وش يعوضني بهالدنيا لقاك
ترا مهما تزاعلنا
ولو أخطيت
وانت اخطيت
نظل احباب
واعز احباب
وتجمعنا محبتنا
ومهما كانت الأسباب
ترا ماللجفا أسباب
انا مشتاق
وأحس انك بعد مشتاق
أنادي بإسمك بصوتي
ولا أسمع لصوتك همس
تعال ..
إلمس جروح الأمس