سؤال ... اتمنى المساعدة ... وخاصة اهل الخبرة بــ لومينا - نادي الهلال السعودي - شبكة الزعيم

الهلالي 11 · #1 27/05/2008, 05:54 PM

السلام عليكم

هلا وغلا ... شلونكم عساكم بخير ...

باختصار شباب ... انا منتظر منكم رد واتمنى ما تتاخرون علي

انا جتني فرصة اخذ لومينا SS

موديل 2007 ... ماشية قريب 20,000

بسعر ممتاز ... يعني امورها تمام ...

لكن المشكلة يقولون مشاكلها واجد الدفعه الجديدة

واللي يقولي SS بالذات فيها مشكال خذ LS احسنلك ...

انا ابي رايكم بالله ... اللي قد جرب السيارة ... او معه حاليا هالسيارة

او سمع عنها ... او يعرف احد جربها ... او يعرف احد له بالصيانة بجنرال موتورز ..

او او او يعني اي خبر من قريب او بعيد

لا احد يجي يقول وش تبي فيها يطيح سعرها على طول ...

او خذلك هوندا او كامري احسنلك ...

لان هالسيارة قصتها قصة يعني يا هي والا بقعد على سيارتي

انا ما اتكلم عن السعر ... انا يهمني كمشاكل وعيوب مصنعية قاتله ...

ممكن اتورط فيها بعدين

انتظر ردودكم حبايبي

وان كان فيها خير ربي يكتبلي اياها ... وان ما كان فيها خير ربي يبعدني عنها

ردودكم وارائكم تهمني

اخوي My Car ردك يهمني

My car · #2 29/05/2008, 05:43 PM

وعليكم السـلام ورحمـة الله وبركـاته ..

يالله حيه ..

شف وانا اخوكـ بقولكـ اللي انا اسمعه ويصير مع الشباب .. وإلا انا مالي تجربه بالأمريكي عمومـا ..
انا من النوع اللي يعز الياباني بقوهـ

اللوميـنا موتر ماعليه كلامـ .. شكل خارجي لحاله خقاق ..

ومواصفات حلوهـ وداخليه رياضيه .. هذا غير المكينه

كثير ماأسمع ان اللوميـنا أو الأمريكي عمومـا خراباتهـ كثيرهـ خصوصا المشاكل الكهربائية .. ,.,

لكن بنفس الوقت .. فيه واحد يقولي كم قبل يوم .. انه فيه واحد من خوياهـ معاهـ لومينا SS موديل 2007
ولا غير فيهـا غير الفحمات للحين مع انه راعي دعس ومقاوم .. ,.,

اذا تبي رأيي وانا اخوكـ .. اذا االموتر عاجبكـ وداخل راسكـ .. اسأل صاحب السيارهـ اذا كان واجهته خرابات
اذا قالكـ لا توكل على الله .. بس قبل دخلهـا للفحص وخلهم يفحصون كل قطعه بالسيارهـ ..

واذا معكـ زود دراهمـ وتبي تتطمن زود لو تدخلها الوكالة تسويلها تشييك كامـل يكون أفضـل .. ,.,
وبإذن الله ماراح تشوف إلا كل خير ..

ومبروكـ مقدمـا

الهلالي 11 · #3 30/05/2008, 12:46 AM

في البداية انا اعتذر اخوي

نزلت الموضوع هناك ما كنت اعرف ان فيه منتدى خاص للاستفسارات

بعد ما نزلته انتبهت ... وقلت بسيطه خل الناس ترد عليه قبل لا يشوته المشرف

ما قصرت يا غالي

طمنتيني ...

اخ لو تعرف وش يعني لومينا SS بالنسبة لي

لو هي خقاق وبس بسيطة ... بس كل انواع الحب والمشاعر بيننا

يا شيخ سيارة رياضية بكل ما تعنيه الكلمة ...

يكفيك ماكينتها 6000

وشكلها من برا يخووووووووووف

فيه اللي مدحها ورفعها للسما ...

وفيه اللي ذمها وخوفني ...

تصدق كثر ما انا متولع فيها وخايف من كلام الناس ...

اذا لقيت احد بالشارع معه SS اساله شرايك فيها

طبعا اكيد انت الحين تقول الحمد لله على العقل بس انا كذا

حتى اللي يذمها ما اصدق ... تلقاني الف وادور لين اسمع الراي اللي يبسط

انا لاحظت انها حظوظ ناس تكون سياراتهم مضروبة وناس لا

عموما خلاص ان شاء الله خير والله يوفق

ماي كار شكرا لك ... ما قصرت يا غالي

سؤال اخير بالله ...

لو باخذها واوديها الوكالة تسوي فحص شامل على كل قطعه كم تكلف تقريبا !!

اخوك عبدالرحمن

الهلالي 11 · #4 30/05/2008, 12:54 AM

نسيت شي

الحين بالنسبة للصيانة ... هل كل المراكز تابعة لجنرال موتورز والا كل وكيل لحال!!

يعني هل السيارة اللي من الجميح تقدر تسوي صيانتها بمركز العيسى !!!

انا اسال لان اللومينا ذي من بالبيد ... وبالبيد ما عنده فروع بالريااض صح هذا اللي اعرفه !!

My car · #5 30/05/2008, 01:43 PM

الله يعيينكـ وانا اخوكـ شكلكـ معاناهـ مع الاس اس

.. من كلامكـ شكلكـ تبي السيارهـ بقوهـ ..
بس استغرب يابعـدي اذا انت متولع فيهـا خلاص توكل على الله .. ولا تتحيـر ..

بالنسبة لسؤالكـ عن الفحص بالوكالـة .. أكرر مع اني مالي احتكاكـ واجد بوكالات الأمريكي إلا اني اتوقع الفحص
بيكون بحدود الـ300-450 ..

بالنسبة للوكالات .. ايه اتوقع تقدر تدخلها للعيسى أو الجميح لو تبي تاخذها من بالبيـد .. ,.,
بس تأكد قبل من الوكالـة نفسهـا ..

وبالتوفيق .. وأي خدمات ثانية حاضرين ..

الهلالي 11 · #6 30/05/2008, 10:23 PM

من جد قصة عشق ومعاناه مع اللومينا ... يلعن ام الفلة يا حساااااام

إقتباس


	بس استغرب يابعـدي اذا انت متولع فيهـا خلاص توكل على الله .. ولا تتحيـر ..

شف يا غالي

القصة مهي قصة متحير والا لا ...

انا من يوم اشتغلت وانا حاط اللومينا براسي حتى قبل الزوجة

بس انا اسال لاني بدفع مبلغ مكلف بالنسبة لي ...

يعني انا سالت عشان لو طلع الدفعه ذي فيها مشاكل ...

انتظر دفعة 2009 او يعني اذا عدلو وتلاشو الاخطاء

او اذا نزل شكل جديد يمكن اخق معه اكثر

بس الله لا يعوق بشر اللومينا جايه جايه سواء الحين اذا ربي كتب نصيب والا بعدين

<== احس اني شرحت لك قصة حياتي ... بقى اعلمك اسم امي بس

تحياتي لك يا غالي ... ما قصرت

اخوك / عبدالرحمن

في((عاشق الزعيم))صل · #7 04/06/2008, 01:52 PM

بنسبه لي راح اقولك خذها ثم خذها ثم خذها والله اللومينا روعه في العزم في الفخامه في السعر في كلش والله حللللللوه خذها ماراح تلقا زيها ابد

عـ زوز · #8 05/06/2008, 03:52 AM

بلنسبه لراي عــ زوز...
اشوف انا اللومينا الشكل القديم افخم من داخل بكثير تدري ليش نزل الشماسيه وانت تعرف
بس بعد ما قريت كلامك عن الومينا انصحك في حياتك لتتزوج لان زوجتك مب لقيه محل لها في السرير شكل بتنومها جنبك!!!
ومبوك مقدما منك البنزين ومنها العيال...........................................