|
ياحظك دام هاذي موقف تسمية محرج اجل احمد ربك انا اول قاعد اصلي بـ4 اشخاص دخلت من سورة لسورة ثانية من الغاشية لسورة والله ماني ذاكرها انحرجت انحراج حتى اني ركعت وماقريت ولاسورة وباقي الصلاة كملتها جــهــر :d بس نصيحة لايفوتكم توقيعي |
هلا والله بالمشاغب ماشاء الله الموآضيع على آفى من يشيل :dوتوزيع افكار وجوائز بالمجان :d مييير الفجراخبره سواليف المشاغب صارت سواليف المجلس :d:naughty::razz: ياااحبكم للقرق والهرج اللي ماله تالي:clap::d بس تدري الحركه اللي سويته بالبنت قلت اوول مره أحس ان المشاغب سوى شئ مفييييد بحياته :d يسلموو عالموزوووع .. // الموهيييييم .. خل بقوول سالفتي :stoned: مرتن من المرآت كنا طاالعن للبر مع عماني ..وتعرفون بر ونفوود وناسه.. قلت بس مايبيله إلا دبااب وتكمل :d قلت لأبووي تكفى طلبتك حلف ماترده نبي دبااب:clap: وبعد نقاشاات حااده ومظاهرات من البنات جانا دبااب :clapping: طبعا تعرفوون بنات بيركبوون دبااب تلقوون عيوون العياال تسذاا:bigeek:صاافين صف يشفوون يامن الماحي ايه عاد يووم جاء دووري ياليته ماجا :d ركبت وحده من البنات ورااي والدباب تسبيير الصراحه برح عااد يوومني جييت بمشي ماامدااي اقوول بسم الله والف عشان بتوكل وارووح اخذ لي كم دووره الا انا بووسط الرمثه انا والدبااب وبنت عمي :d عاد ذي الشجره كبر جدي.. ايييه عاد واحد من عيال عمتي انسدح على الفرشه من الضحك :( <<قسم حاقده عليه للحين :upset: والعياال كلهم غشي علييييهم تقل ماعمرهم ضحكووآ يضحكوون من سرهم وجع :chair: وابووي قال اجل تبييين دبااب انتي وخشتس s89s المهم قلت والله مايرووح الدباب وانا ماركبته ان تحطوون لي دوور مررره ثاانيه يعني تحطوون وحطوولي بس حلفت ماحد يركب معي لوو تنطبق السماء على الارض :clap: وركبت بس الحمد الله مافي اصابات :d // // خلااااااص ورده |
^^ ههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههه :d:d:d الله يرجتس يالزرقااء ياحبنيليتس:smilie47: قاعده اتهجى تسبييره وبرح :d:d يمين انهن روووعه ياخيه وين عيونتس يوم انتس تدخلين بالرمث :d ياخيه سمعت انتس حولا :d هو صدز ؟؟>> اشااااعات قطع الرزق :d عشان ماتصير شتشته بنموه بسالفه صارت لي مع دباب . كنا بالطايف الموهيم اني ركبت دباب >> مثل امس الحزه يعني مرووح :d وانا مادريت ياعميري والله ومستانسه توي مشيت وعلق بي الدباب عيا لا ياقف :upset: ويشخط فيني واعجز عنه وبطريقي بزر ياكل ايسكريم والله صكيته ياحرااام :d هو واسكريمته >> ياسفاب العس كرين :d وتحسبونه وقف الدباب لا مكمل وانا معه :d وآخر المطاف بشجره صكت خشتي والدباب وقف :razz: بس توقوعون وش قلت لراعي الدباب هو وخشمه وع:d ........................>> مشفر :d ماستفاد من الحتسي لا تركبون دباب بالطايف :d ليييييييييييييييز يامجنونه ..:smilie47: سالفه مكه الله يقلعتس صكي افمتس لا اخيطه ..:d لا ابوتس لا ابو من يسافر معكم >> ما اسرع ما قلبت :d برايفت >> ياخيه لا تشتتون بدوني :d المشاغب بقولك شئ >>ياخي طس:clap: |
هههههههههههههه يازينك يالمشاغب ياحبي لك لقد انه موضوع شيق يومياتك فله سالفه العبده فلتن بالحيل صارتلي سالفه قذره مع عبده بس المشكله مشفره عوافي خيو |
المشاغب.. شكل ذوقك ذوق شياب.. مع أحترامي لهم:d لاياخذكن الحماس يابنات جلدتي:razz: حتى لو تحكوا فمن هم..؟؟ سنضل الأجمل الأحلى الأرقى:yes:>>> طلعنا mbc .. هذا الرد.. من باب: ماجاء في المزح والمرح.. ــــــــــــــــــــــــــــــــــــــــــ |
قلم فكاهي رائع ،، استمتعت كثيراً في موضوعكـ ،، شكراً المشاغب ،، تركي!! |
السلام عليكم ورحمة الله وبركاته بأرد على عجالة .. وبأرجع للردود والسالفة إن شاء الله بعدين ..!! بس لفت نظري أن نقطة السوريات اثارت حفيظة الكثيرات من السعوديات :D تفاجأت بصراحة لأني ما كنت متعمد الاستفزاز .. كنت أظني أذكر واقع مشاهد :D بعدين أنا كلامي مو عن الجمال لأن الجمال من الله .. أنا أقصد الاهتمام بالزوج .. أما ردي على كلام أبو عبدالله فأقول .. أنا أشك أنك كاتب هالرد وأنت بلحالك على الجهاز :D:D أما عن الأتراك والشوام .. فشوفوا مهند أجمل الأتراك وشلون شكله يحوم الكبد .. من جد والله ما فيه إلا لون عيونه بس .. أما شعره الأصفر يذكرني بالشعر اللي أول ما يطلع بالبطن:D على العموم قبل ما أرجع ودي أقط لكم هالسالفة القصيرة اللي تثبت الفرق بين السعودية والسورية s45s هذا الله يسلمكم أخونا في الله متزوج سورية s45s يقول مرة من المرات كنت أنتظرها بالسيارة تنزل لي من البيت .. لكنها تأخرت مع أني قايل لها قبل ما أنزل بسرعة اجهزي .. عصبت ودقيت عليها وهزأتها بالتلفون .. حتى نزلت بسرعة وهي ما بعد خلصت .. ثم صارخت عليها وهزأتها بالسيارة وهي ساكتة ولا قالت ولا كلمة :( .. لما نزلت كل اللي براسي وبديت أهدأ .. قالت لي : " تؤبرني حبيبي والله ما سمعتك " :( قال أول ما سمعت هالكلمة قلت لها بدون شعور : " إلا والله تقبريني وتقبرين كل طوايفي يا حياتي" s45ss45s بعد ما انتهى من سالفته قال لنا : بالله عليكم لو زوجتي سعودية هل كان سوت كذا؟ والا كان قالت لا ترفع صوتك وجع .. يالله ودني بيت أهلي ودني بيت هليييييييييييييييي :D:D أترك لكم الجواب يا سعوديات :D |
صباح الورد حسب توقيت الرد . و عليكم السلام ورحمه الله و بركاته أهليـن و مرحبتيـن أخوي المشاغب قريت سالوفاتك كلها :) بس بعلق على الاخيره أعجبتني :stoned: اول شي ترى فيه فرق بين السعوديه والسوريه :d بما إن ولد عمي متزوج سوريه :smilie47: و مرتاح معها و شفت الاثنين السعوديه عناديه اشوي :razz: يعني لو زوجها سبها بكلمه وهو زعلان ما تتنازل و ترد عليه بـ عشر بدل الكلمه :naughty: لانها تحس إنها انهانت :surprised:.., بس السوريه صبوره :yes: يعني لو قالها ما قالها تحس انها تعدي له إهاناته لها :( وما تدقق كثير مثل السعوديه :stoned: و موب كلهم بعد الحريم يختلفون :) هذا الكلام طبعاً وجهه نظري و تحتمل الصواب و الخطأ :yes:.., موضوع لطيف و خفيف بـ أسلووب فكاهي مميز :) عسى ربي يسعد قلبك و ينور لك دربك ورده برجع إذا ذكرت سالوفه بإذن ربي :stoned: دمت بود . |
صبـــــــــــاح الخير للجميع :d << من وين طلعتي انتي احس اني قديمهـ :stoned: هـــلا وغـــلا بـالـمـشـاغـــب .. ابسوي انبراشــهـ على صفحتك الاخيرهـ s121s جابني الشر شفت هالسؤال وقلت نجاوب عليهـ :naughty: إقتباس:
إقتباس:
شف الله يسلمكــ وحده مغتربه عن اهلها بتأكل لها تبن لو كان رجلها يدبغها الصبح وتااالي النهااار ماراح تقولهـ شيء :stoned: تخاف ترفع صوتها عليه ويختم جوازها ويسفرها لاهلها :naughty: بعدين لاتحسبونهمــ يبونكمـ عشان سواد عيونكم لا .. يبونكــ عشان الدراهمــ :naughty: وانتمــ تبونهمــ عشانهمــ ارخص لكمــ من السعوديات :naughty: وبعدين تبينا نسكت للرجال اذا نافخ علينا ليش :d خله ينطق في السيارهـ الين اخلص انا منيب آلـه عشان اخلص شغلي بسرعهـ .. حبهـ حبهـ مافات الا الشر :razz: بما انكـ تزوجت خلاص تحمل مسؤليهـ مهوب تجلس تسوطها وتبي كل شيء على كيفك < هذا كلام موجه للرجال اللي في سالفتكـ :d وبعدين ماراح نقولهـ ودني بيت اهلي :smilie47: بنعطيهـ كلمهـ تهجدهـ ونخليهـ يسوق وهو مايشوف الدرب :naughty: نمشيهـ على الجادهـ يعني :stoned: وبس وهذا اللي عندي :stoned: << لاتعبتي :d . . . عوافي يالمشاغب ع الموضــــوع ورده <!-- / message --> |
هلا بالمشاغب يا بعدي انا :) ولا بصراحة أعجبتني برائتك يوم عدلت الموضوع يا عيني على الادب وحسيت نفسي أن ماسك عليك هرجة >>> لا أحد يفهم غلط \ / وبصراحة موضوعك اعجبني وأنا قررت أحشر نفسي في موضوعك وأحاول أسولف لأن موضوعك يعتبر موضوعي والعكس صحيح >>> طاحت الميانة وأنا بصراحة عندي سواليف لين تطفش بس يا حلاتها لو أجلس أسولف لما نكون بالبر أو بالاستراحة ،، عموما أنا ابجلس اسولف هنا وأعين من الله خير بسبب قرب الإختبارات ،، واللى يصير بالإختبارات من براشيم وغش فلك الله يا قصص وسواليف تصير ،، فمرة من المرات كان عندنا إمتحان بمادة معقدة ولا تذكرني صعوبتها الا بغثاء دكتورها المادة فيها حفظ ما هو بسهل ،، فقررنا نبرشم فعاد من زود الأخلاق فينا قلنا ما نبى نصورها بالمكاتب اللى جنبنا لاجل ما يأخذون عنا فكرة شينة أهل المكاتب اللى حولنا ،، اللى صار واحد من الشباب ساكن بمنطقة بعيدة عن منطقتنا ،، جهزنا البراشيم وكل واحد برشم له فصل من فصول الكتاب ولا بعد على مكتوبة ببرنامج الورد وأرسلنها بالأيميل لاجل يصورها اللى صار إختبارنا كان بالعصر فقبل الأختبار بنص ساعة أتصلنا على خوينا نسأله وين وصلت ومنها بنطمأن على اللى صار ببراشيمنا ،، وهنا المصيبة حلت ،، أتصلت ألو فلان كيفك رد : أنا تمام ، وينك قال انا بـ كوبري الشميسي " منطقة بين مكة وجده " وموضوعنا ،، طار فيني وصدمني قال والله نسيتها ،، قلت وش نسيت ،، قال براشيمنا كنت مستعجل ونسيتها بغرفتي ،، هنا الصدمة حلت وكلها من زود الأدب اللى فينا ودخلنا الأختبار والحمد لله عدت ع خير :) \ / الثانية ،، وعلى البراشيم والإختبارات بعد اللى صار في إختبار من الإختبارات اثنين من الشباب قطوا في برشام واحد فلما بدأ الأول والثاني طول الإختبار جالس يستعجله لاجل ينتهي منه ويسلمه له وطبعا كل ذي الإحداث قدامي والشباب ذولى من ربعي ،، فلما خلص صاحبنا اللى معاه البرشام و خباه بجيبه لاجل ما أحد يتنبه للوضع وجاء بيوصله لصاحبه الثاني ،، وناوله الورقة وأنا ما أشوف إلا المخمص على قفا خوي ،، والثاني اللى معاه البرشام معصب فتخيل ايش كان مكتوب بالورقة اللى أعطاه إياها : بيبسي مويه بريالين عيش خس خيار ،، وشوية مقاضي أثاري خوينا لما وصل له البرشام كان معاه أغراض للبيت بيجيبها لأهله بعد الاختبار فوصل له أوراق المقاضي بالغلط بعد ما تلخبطت عليه الاوراق بجيبه :) >>> والله من زود التناحة \ / لي عودة ،، لأن الموضوع صار اسمه سواليف المشاغب وساحر اليومية >>>> طاحت الميانة وبقووووووووة بعد ودمت \ / ورده |
مرحبا الساع كوتنتاغ >>>>تتحداها بالالماني يعني مرحبا الساع , هلا , اي شي يخص الترحيب صراحه ما اصدق المشاغب صار امام له له له شطاري يا مشاغب ... احيدك رئيس فرقة واليوم امام الله يهديك ان شاء الله : : : عسى دوم يا مشاغب اتكون امام مسجد واتكون قدوة للي اصغر منك في السن ... عادي الواحد يغلط مرة ومرتين وخلاف يكون الامر عادي يعني بالتعود كل شي يصير اوكيه عادي واعتيادي جنه اليوم عيد ميلادي:D :: :: جووووووووووووووووووووووووووووووووس >>>يعني بااااي :D رحت المانيا وتعلمت كم كلمة جيرمني ... كله من المستشفى الدخاترة حفظني اياه :) اسمحلي شفت اسمك وقلت لازم امر واسلم :D لو بكلمات بسيطة جوووووووس |
ردي على الموقف الاخير حدك حدك يالمشاغب اللي يسمعك يقول تدافع عن بنات بلدك السووووريات والسعوديات فيهم الحبوبات وفيهم الشريرات وفي كل بلد وجنس حتى جنسكم ياالرجاااااااااااااااااااااااااال بس يا أخي انت لاجيت تخطب بنت الحلال دور عن الحبوبه وتقصى عن اهلها وبتلقى ترى مثل ما قلت عن هالسوريه ترى في سعوديات ياكلن السم والهم وساكتين على ازواجهم لا وبعد يصرفون عليهم .. لا وتقابله بريق حلو واستقبال واحد لسى متزوج وفي سوريات همها وش تلبس وش تاخذ تأمين لنفسها ووالله اعرف وحده سوريه هاليومين خارجه للسوق شاريه ب10 آلاف ريال دهب يوم قلنالها هاليومين الذهب غالي قالت والله انا اهم شي عندي ائمن مستقبلي ومستقبل عيالي (هاه يالمشاغب وش تقول) بس انت دور على سعوديه اخلاق وكيوت وابشر بالسعد والله انهم كثيربس انتم يالرجال ماتسمعون احد قال زوجتي اللي من هنا اوهناك زينه وسنعه ومن هالكلام الا ذهبتم زرافات ووحدانا للسير في الركب (هذا اذا مو مطلعه عيونه ونجوم الظهر ويقول زينه) نهايه ردي اقول لكل جنس(ذكر وانثى) ومن كل البلدان فيه تمام وفيه مو تمام وللمشاغب اتمنى تفهم قصدي من غير تشنج !! والسلاااااااااااااااااااااااااااااااااام |
أنا لا أعرف مهند هذا لكن من خلال وصفك أعرف أنكم معشر العزاب لابد و أن تحمدوا الله على انحسار المنافسة بينكم و إلا لأصبحنا نعالج مشكلة أخرى. مثلما قال أخونا المشاكس ، أنا تزوجت و لحقت نفسي و الله يعين بنات الناس عليكم. مثلاً ، أنا أستطيع أن أقول الشيء نفسه عن االسعوديين عبر مثالك الذي أوردت. أنا لم أقل أبداً أن السعوديات لا ينافسهن أحد ، ما أقوله بكل بساطة أن لديهن عينين مثلما لدينا. نعم لم أكن لوحدي عندما كتبت الرد . كان معي شيطانان و هما من كتبا ما قرأت. |
إقتباس:
قالوا له الشياب بعد فترة وش فيها زود قال لهم اقل حاجة لما ادخل أتوضأ الاقيها اذا خرجت واقفة عند الباب بالمنشفة ( السوريات في قلب المشاغب ) |
هلا وغلا بالمملوح:) أما سالفة الإمامة :d:d وأما من ناحية السوريات ، فأذكر إني سولفت مع شايب ((زكرت)) ما بقى ديره ما راح لها وكان من ضمن ما أفاد به إن السوريات هن أجمل نساء الكون.. وأظنه صادز:d أما أجمل رجال الأرض فيلزمنا عجوز تكون ((زكرتيه)) راعية سفر ، عشان نأخذ منها العلم:yes: وأتوقع أن وجودك بيننا يبي يزيد من أسهمنا :d الله يوسع صدرك بالرضا والعافيه:) |
| الوقت المعتمد في المنتدى بتوقيت جرينتش +3.
الوقت الان » 03:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd