(((السلام عليكم ورحمة الله وبركاته)))

ندأ الى جميع أعضاء المنتدى ،،
اللي يعرف القصيده هذي بالله يعلمنا من هي له ووش قصتها ،،
وتشكراتي لكم جميعاً،،0

@ هذه قصيدة الشيخ شالح بن هدلان احد مشايخ قحطان ينعى فيها ابنه ذيب بن شالح الذي قتل في احدى الغزوات قبل توحيد المملكة..

@ ولقصة والقصيدة كاملة مو جودة في كتاب ابطال من الصحراء .

هذه القصة والقصيدة كاملة:


ياربعنا ياللي على الفطر الشيب
عز الله انه ضاع منكم وداعه
رحتوا على الطوعات مثل العياسيب
وجيتوا وخليتوا لقلبي بضاعه
خليتوا النادر بدار الاجانيب
وضاقت بي الافاق عقب اتساعه
تكدرن لي صافيات المشاريب
وبالعون شفت الذل عقب الشجاعة
ياذيب انا بوصيك لا تاكل الذيب
كم ليلة عشاك عقب المجاعة
كم ليلة عشاك حرش العراقيب
وكم شيخ قوم كزته لك ذراعه
كفه بعدوانه شنيع المضاريب
ويسقي عدوه بالوغى سم ساعه
ويضحك ليا صكت عليه المغاليب
ويلكد على جمع العدو باندفاعه
وبيته لجيرانه يشيد على الطيب
وللضيف يبني في طويل الرفاعه
جرحي عطيب ولا بقى لي مقاضيب
وافخت حبل الوصل عقب انقطاعه
كني بعد فقده بحامي اللواهيب
وكني غريب الدار مالي جماعه
من عقب ذيب الخيل عرج مهاليب
ياهل الرمك ما عاد فيهن طماعه
قالو تطيب وقلت:وش لون ابا طيب
وطلبت من عند الكريم الشفاعه

الاخ Star2002
الف شكر وتحية بصراحة جلست ادورها للأخ الهلالي الاول فى محركات البحث وقصرت المشوار مشكور والله يعطيك العافية وياليت تحط الرابط للموقع .

مشكووووووووووووووووووووووووووووور

على

القصيدة

مشكورررررررررررررررررررررررررررررر مرة ثانية

هذه القصيده غناها الفنان عيسى الكبيسي....من قطر
وهي موجوده في الاسواق السعوديه..............................
ابويارا

اكرر شكري

مشكور أخوي star2002
وما أدري وش أجازيك به لانك خدمتني خدمه كبيره ،،
ولايهون أخوي حبي تيماوي اللي عطاني اسم الكتاب ،،
وذلك لان فيه حق وبعزمكم عليه ان شاء الله ،،
بس متى ما صدق ذا العله اللي دايم يراهن ويروح فيها!!!،،
ولا يهون اخوي الوليد،،
وباقي الاخوان ،،
ومشكورين على التفاعل ياخوان،،0
أخوكم /الهلالي الاول

حبيت اعدل كلام اخواني ان شالح ضاعت له ناقة مشهورة بين العرب وقال قصيدة يداعب فيها ذيب بانه يحضرها فتركزت في دماغ ذيب وانتظر الين نام ابوه وطلع يبحث عنها وبعد جهد وبحث متواصل اخذ له فترة راحة ونام تحت شجرة فجاء واحد من العتبان وقتله ولما بلغ النبأشالح القى القصيدة يرثي فيها ذيب ، وهي موجودة في كتاب ((ابطال من الصحراء))وكتاب((شعراء قحطان))....


تحياتي
عاشق الليل

مشكور اخوي عاشق الليل،،

كتاب ابطال الصحراء للشاعر الامير محمد الاحمد السديري رحمه الله
وهو مؤجود فى مكتبة جرير شارع العليا العام بالدور الثاني قسم الشعر .
ومؤجود فى مكتبة العبيكان بطريق الملك فهد أول ماتدخل المكتبة شف الكتاب باليسار ضمن كتب الشعر .
ومكتبة جرير شارع الاحساء بالدور الثاني أول ما تطلع الدرج على طول وبعدين يسار فى ركن الشعر وسلامة عمرك يالغالي من كل شر .
ولو ماكنت بالرياض ابشر باللي يرسلك الكتاب أنت تأمر يكفي انك من شبكة الزعيم الغالية.

## ممكن أدلي بدلوي..

والله القصة ذي أنقلها لك من خلال ما سمعت من بعض كبار السن..

لا أدري سبب القتل بالضبط هل كما قال الأخ Star2002 أو كما قال الأخ عاشق الليل..

ولكن .. ذيب هذا كان معروف بالشجاعة ودائما ما كان يقتل الكثير في الحروب .. وعشان كذا قال ابيه ( كم ليلة عشاك عقب المجاعة ).. يقصد بذلك الذيب الحقيقي ..

والذي قتله هو واحد من (( الرعاة )) أو (( السقاه )) كما قال الأخ Star2002.. وهذا ما جعل أبيه كأنه لم يصدق في أول الأمر..

هذا ما سمعت عنها والله أعلم..


تحياتي للجميع ،،،

أخوكم / البارق