السلام عليكم ورحمة الله وبركاته



في البدايه هالموسم له سلبيات وإيجابيات والكل يعرف ان الاداره ماقصرت بقياده الظاهره ابو سلطان من جهود وتكاتف الجميع اثمرت بطولتين غاليتين


وجود صف ثاني وجوه شابه مستقبل الهلال هذي ابرز الايجابيات !!!




لكن السلبيات ماهي كثيره هالموسم لكن ابرزها واللي تضيق الصدر جمهور الرياض عطوني مباراه في الدوري ابدع فيها الهلال وعلى ارضه وبين جماهيره ولا مباراه الا بالعكس الهلال يقدم مستوى خارج ارضه والنتائج تحكم



الي نبي نوصل له ماااهي ابرز الاسباب ياليت كل عضو من مدينه الرياض يعطينا مبرر مقنع لنا ويشرح الاسباب !!



ترى يااهل الرياض انتو محسودين لان الزعيم عندكم




اتمنى نتناقش بهالموضوع اللي بصراحه مايرضي جمهور نصف الارض بكل مكااان



نحن لانشكك في حب الهلال الكل يحب الزعيم




احبتي اعضاء شبكه الزعيم نتناقش لاجل الهلال والهلال بس ,,,




لكم المايك

وووووووووووووووين الردود وش دعوى يااعضاء الزعيم

احظروا ظهير أيمن من طراز عالمي
ومهاجم من طراز عالمي

وراح أراهن على حضور جمهور الرياض في جميع مباريات الدوري ووقفاتهم ماننساها ..!

يــاشيــخ مع كل احتــرامــي لي جمهـــور اهـــل الرياض فيــه بطوله نحضــر مــافيــه مبــاراة على كــأس ما نحضر
يــااخي الكل شف مبــاراة الشبــاب والهلال كــان التــائــب ويــاســر مو مجودين ماحضرومدري ليش صرنــا عــاشــق لاعب وين راح الي
يحبووون الزعيــــم نفس الشي كاس الابطــال الهلال يلعب مع الوحده في الرياض جمهورنا العزيز يقولون ماراح نحضر الالين يجي اوطارق ختى لوكانو مصابين
اه اه يا القهربس

الحضور في الرياض قل في السنوات الاخيرة بسبب بعض اللاعبين اللي ما ودي اجرحهم واذكر اساميهم لكنهم معروفين للجميع والجمهور دايم يطالب بابعادهم واحضار افضل منهم ........

متى ما كان الهلال مكتمل في كل المراكز المترهلة والواضحة في الفريق وجابوا لاعبين صح في كل مركز يعتمد عليهم المشجع ويحضر ..... بحيث لو انهزم يعرف انه فضاء وقذر والكورة فوز وخسارة .... لانه يدري ان اللاعبين ما قصروا بس ما توفقوا .......

زي ما قلت متى ماجا لاعبين زي الناس في الموسم القادم ان شاءالله وانا متفائل بتشوفون الجمهور اللي تعرفونه وبيرجع الجمهور القديم !!

اهل الرياض والله نعزكم
لا تخذلوننا
يعني الزعيم بحاجتكم مايصلح تخذلونه

إقتباس الرسالة الأصلية كتبت بواسطة A L - F O T O احظروا ظهير أيمن من طراز عالمي ومهاجم من طراز عالمي وراح أراهن على حضور جمهور الرياض في جميع مباريات الدوري ووقفاتهم ماننساها ..!

مافيه شك طلبات الجمهور في محل الاعتبار عند ادارات الهلال وبالاخص اللاعبين في بعض المراكز وخاصه الظهير الايمن
شكرا اخوي لطرح رايك

إقتباس الرسالة الأصلية كتبت بواسطة ابومايكل النجدي كلامك صحيح اخي الكريم ومبارايات الهلال في الرياض شهدت عزوفا جماهيريا ماعدا مبارايات النصر ومباراة الاتحاد في الدوري وبقية المبارايات حضور قليل جدا لا يليق بأقوى الفرق السعودية وزعيم الاندية الاسيوية!! ومن ينظر لمبارايات الشباب في الدوري يستغرب الحضور الجماهيري رغم اهميه المباراتين في مشوار الدوري!! واعتقد ان من اهم اسباب العزوف الجماهيري : 1/ تداخل البطولات فهذه مباراة في الدوري وبعدها بيوم مباراة في كأس الامير فيصل وبعدها مباراة في الدوري!! ومن المفروض ان تكون هناك مباراة واحدة في الاسبوع لضمان تواجد الجماهير اما ثلاث مبارايات في اسبوع صعبة! 2/عدم وجود حوافز تشجع الجمهور على الحضور فالجمهور يجلس على صبات!!! ولا يجد مكانا لاداء الصلاة ولا يوجد مطاعم ((خصوصا ان الجمهور قد يتواجد لساعات خصوصا في النهائيات او الديربي)) 3/ وجود فئة (سيئة) من الجمهور تطلق اقذر العبارات بحق اللاعبين او الحكم وسيل من الشتائم بالاضافه الى التدخين وبشراهه ولا شك ان كثير من الاباء يتحاشى احضار ابنائه للملعب بسبب وجود هذه الفئة التى لا تشجع على الحضور للملعب! 4/ لان اداراة الملعب وشركة صلة لا تستغل تواجد الجمهور قبل المباراة بساعات او بين الشوطين وذلك بعمل مسابقات خفيفة للجمهور او احضار مواهب في الكرة او غيرها من امور تجلب المرح وتطرد الملل خصوصا ان الجماهير تحضر احيانا قبل المباراة بوقت طويل ولا تجد شيئا يشغلها عدا الاهازيج الموجهه للنادي الاخر((خصوصا مع النصر او الاتحاد)) 5/ النقل التلفزيوني له دور كبير ففي الماضي كانت بعض مبارايات الهلال لاتنقل مثلا عندما يلعب الهلال مع الطائي في الرياض ويلعب الاتحاد مع الاهلي فمن الطبيعي ان يتم نقل المباراة الاهم ولكن هذه الامر اختفى بسبب وجود ATR . 6/ كون الهلال من الرياض فهو سيلعب في الدوري 11 مباراة لذا فالجمهور لايتحمس بينما قد لا يلعب في الرس او نجران او حائل او تبوك الا مباراة واحدة ولذلك يتحمس جمهور الهلال في هذه المدن بعكس جمهور الرياض 7/ وجود القنوات الفضائية والانترنت والمنتديات الرياضية جعل هناك خيارات اخرى بينما في الماضي لم يكن للشاب اي متنفس الا حضور المبارايات. 8/ اهتمام الكثير من الشباب بمتابعة البطولات الاوربية وظهر جيل من المشجعين لايهتم بالبطولات المحلية بل اصبح جل اهتمامه الدوري الاسباني و الانجليزي والايطالي وغير ذلك من بطولات. اشكرك على طرح هذا الموضوع الهام خصوصا ان الهلال مقبل على البطولة الاسيوية.

يعطيك العافيه ماقصرت



اشكرك على المرور وطرح رايك

صااااااااااادق

والدليل ان الهلال لم يخسر طوال الموسم خارج ارضه إلا مباراتي الاتحاد في كاس الأبطال ,,,

وحقق الدوري ايضا خارج ارضه ,,,

وهذا يدل على قوة الهلال خارج ارضه وذلك للحضور الجماهيري الأزرق في بقية المناطق عكس الرياض اللي شفنا فيها عزوف غريب صراحة !! إلا في المباريات المهمة فقط ,,,

إقتباس الرسالة الأصلية كتبت بواسطة هلالي دائما وابدا الحضور في الرياض قل في السنوات الاخيرة بسبب بعض اللاعبين اللي ما ودي اجرحهم واذكر اساميهم لكنهم معروفين للجميع والجمهور دايم يطالب بابعادهم واحضار افضل منهم ........ متى ما كان الهلال مكتمل في كل المراكز المترهلة والواضحة في الفريق وجابوا لاعبين صح في كل مركز يعتمد عليهم المشجع ويحضر ..... بحيث لو انهزم يعرف انه فضاء وقذر والكورة فوز وخسارة .... لانه يدري ان اللاعبين ما قصروا بس ما توفقوا ....... زي ما قلت متى ماجا لاعبين زي الناس في الموسم القادم ان شاءالله وانا متفائل بتشوفون الجمهور اللي تعرفونه وبيرجع الجمهور القديم !!

ياخوي حنا نشجع النادي لعيون الكي لعيون فلا ولا علان !!

الواجب علينا الحضور !!

ليش جمهور جدة والشرقية وتبوك دايما فلللللللللللل وفي قمة حضورهم على الرغم انه الاسماء نفسها !!

لازم نحضر مهما كانت الاسماء ,,,

وصدقني ما راح نكون احرص من ادارة واعضاء شرف الهلال الوفيين على الهلال ,,,

بأذن الله الجـماهـير الهلاليـه لـن تـبخـل ع ـلى الزعيم من الموسم الـقادم ,,

وبأذن الله الاعبين الاجانب يووفقون مع الزعيم ويأخذون قلوب الجماهير كما اخذها تفاريس ,,

والله يووفق الزعيم

جمهور الرياض وجمهور الرياض
الله يصبره عــليكم
اذا حضرنـا ماعجبكم <<<<< ليه ساكتين _ ليه تكلم بجوالك _ ليه تاكل فصفص ..... الخ
واذا ماحضرنا بعد انتقااادات
والحــــــــــل وش نسوي معكم عشاان اصحاب السمو يرضون علينـــا

إقتباس الرسالة الأصلية كتبت بواسطة ليتكم مثلي جمهور الرياض وجمهور الرياض الله يصبره عــليكم اذا حضرنـا ماعجبكم <<<<< ليه ساكتين _ ليه تكلم بجوالك _ ليه تاكل فصفص ..... الخ واذا ماحضرنا بعد انتقااادات والحــــــــــل وش نسوي معكم عشاان اصحاب السمو يرضون علينـــا

هذا الهلال وعنده ادراه واعضاء شرف تدفع الغالي والنفيس للزعيم


وين دور الجمهور خاصه اهل الرياض بحكم ان الهلال راح يلعب على ارضه


وبعدين لان الهلال نادي كبير وله متابعين من كل مكان اكيد يستغربون كيف نادي زعيم وكبير وين جمهوره خاصه اللي على ارضه





وشكرا لك ومرورك

يعطيك العافيه على الموضوع انا من الرياض واحضر غالبا لاي مباراة للهلال لكن في الموسم هذا بالذات تشتت جمهور الرياض بشكل غريب لاسباب عديده اتوقع من اهمها
1_ تداخل المسابقات بشكل غريب وبعض الجماهير والله ماتدري ان فيه مباراة للهلال الا بعد نهايتها .

2_ تعامل رجال الامن مع الجمهور وهذا شي انا مجربه وكرهني في الملعب يعني انواع التميلح والاستضراف من العساكر بس لانك تشجع الهلال .

3_ عدم الاهتمام بالتنظيم في الملعب مثلا لو فيه ارقام على التذاكر يحدد فيها مكان المشجع في المدرجات راح تلاقي الحضور الجماهيري زاد كثير فيه بعض الشباب ماعنده استعداد يحضر من العصر بس عشان يحجز له مكان وهذي بحد ذاتها مشكله .

4_ مباريات الهلال الي تلعب في الرياض يكون كل شي فيها ممنوع تدخل فيه مويه اكل عصير يعني بعد فتره ممكن يقولون ممنوع التنفس لكم ..وفيه اسباب كثيره بس هذي من وجهة نظري ويعطيك العافيه على الموضوع ...