أنا بصراحه أحضر للمباريات ولكن ألاحض أمتعاض الجمهاير من أشياء واجد في الرياض خاصة
1/ رجال الأمن يسكرون عليك جميع المداخل للملعب ويخلونك تدقها رجليه كيلوين....أنا ما عندي مشكله في المشي معصقل وعادي أمشي ولكن هناك ناس ما تقدر تمشي مسافة طويله وأنواع الزحمات في الطريق ألين أستاد الملك والملز يعني المرور مكانك سر وهو أحد أسباب عجز بعض الجماهير .
2/ داخل الملعب أنا بصراحه أنبصط وآخذ راحتي بالصياح والهبال وودي أشجع مع الرابطه ولكن من تبدى المباراة تبدى الرابطه بالقيام بأهازيج مع الأسف تجيب النوم ولا يفهمها الجمهور ولا يعرفها وقد تناقشت أنا وابراهيم حقوي عبر الخاص عن الأهازيج وعدم تفاعل الجماهير مع أكثرها وأنهم لا يعرفونها وقالي أن لدينا أهازيج خاصة ( أنا أحس أنها خاصة به هو بس ) ولا يهمه الجماهير ولا رايهم وشاهدت وأعرف بعض مشرفين المنتدى منقهرين من الأغاني وأنها لا تشجع على التفاعل معها .. وأغلبهم قامو يسكرون أذانهم ( شوف عيني مهوب يقولون لي ) يعني الأغاني تطفش ولا أحد يعرفها إلا بعض الأشياء المشتهربها الهلال مثل سفير بلادي .... وغيرها أما ( ياكلك ) و( يا ويللو) يا ويلو ما فيه أمل نسمعها على أني أتمنى نسمعها .
3/ من ناحية لاعبي الهلال مدري وش يجيهم إذا لعبو في الرياض تقول مسحورين ما يعرفون يثبتون الكورة وأنواع البرود مدري وش السبب هل هو خوف من الجماهير الغفيرة أم من الخوف من الغلطة أمام جماهير الرياض ( لأن جماهير الرياض غير ) يعني ما يسامحونك لما تغلط قدامهم .
4/ المضايقات من بعض المدخنين لبعض اللي ما يدخنون وهذا سبب قليل .
5/ أتوقع أن جمهور الهلال منضول ولا فيه أي لاعب يتحمس لما ينصك الملعب يحمس الجماهير مثل ما كان سامي يفعل العجايب لما ينصك الملعب أو يوسف ما بقى إلا التايب هو المبدع ويحب الجماهير ولا يخشاهم لله درك يا التايب .
6/ ترى هذي وجهة نضري ولا تشرهون على أني أحمل الرابطه وأهازيجها برودة أكثر الجماهير لأن السبب الأكبر لحضور الجماهير تفاعل الرابطة مع الجماهير مهوب تفاعل الرابطة بأشياء خاصة بها ـــ الله يعطيهم العافية مجهوداتهم كبيرة ولكن ليست في محلها ويبيلنا عشر سنين علشان نحفظ شي من اللي يقولونه .
7/ باي والله يعطيك العافية

الله يعطيك العافيه على الموضوع وفكرة النقاش

بالنسبه للسلبيات

لنادي الهلال كان في خلل بالظهير الايمن لان مافي لاعب عندها كفائه عاليه انه يمسك الخانه


بالنسبه للموسم

كان لتداخل البطولات مع بعض اثر سلبي على اللاعبين مايمدي تنتهي مبارة من الدوري الا ثاني يوم يلعبون مبارة من كاس الامير فيصل ولا كاس ولي العهد


اتمنى رعاية الشباب تلقى حل للمشكلة


لاهنت ياقلبي على الموضوع


اتمنالك التوفيق

اااااه بس ياليت ينقلون مباريات الهلال للقصيم

كان ما فية ولا مبارات افوتها

والله يا جمهور الرياض ما عرفنا لكم

قلتوا نبي لاعبين نجوم

جاء التايب والكاسر

اجل لو راح الكاسر الظاهر ما راح تفكرون تروحون للملعب

انا اتكلم عن نفسي وهذا واجب علي مافيه ولا مباره بالرياض ماحضرته طيلت الموسم الماضي اما غيري مادري وش اسبابه بس لاتحطلي مبارة الاحد وتقول يالله ياطلاب احضر انا اقدر لان معي سياره غيري مايقدر