مساء الخير
اليوم حبيت أكتب لكم موضوع وداعي لأني ما ودي أفارقكم
من دون ما ألبي طلبات بعض الأعضاء اللي وده أكتب موضوع
المهم أنا إن شاء الله بغيب عن المنتدى لمدة 4 شهور على الأقل لظروف




اليوم وأنا قاعدة اتغدى في الصالة (الساعة 6 ) المهم ومالي خلق أحد (توني صاحية من النوم )
شوي يدق تلفون البيت رديت طبعا من دون نفس وما أحد يكلم قفلت تكررت هالحركة مرتين عاد في المرة الثالثة كنت
ناوية على نية بس أل ما رفعتها سمعت أغنية أذكرها أيام ثاني ابتدائي دخلت جو على طول شوي أمي تجي
تناظرني فأنا هنا أناديها وسمعتها الأغنية عاد هي وأنا شلت نفسي وانسحبت بهدووووووووء

وش رايكم في ذي الحركات؟؟؟؟



يوم الجمعة قعدت على الجهاز من الصباح إلين العصر ووصلت إلى قمة الطفش طبعا هذا اليوم يتجمع فيه أهلي كلهم في بيتنا
وأنا الوحيدة اللي في هالعمر بنت يعني الكل عيال رحت لغرفة أختي الكبيرة وقبل لا أفتح الباب قالت لي : أقول يا حــ....... لا تدخلين
ما ني فاضية لك ورحت لأختي الثانية : أقول اقلبي وجهك إنتي واحدة فاضية
المهم جريت نفسي ورجعت لغرفتي وفتحت الجهاز قلت يا بنت روحي جربي لهم حلا وريهم من طبخك شمرت عن سواعدي ونزلت المطبخ
وبديت وأمي تدخل علي فقلت لها وش بسوي قالت لي لا تكثرين لأنه مارح يضبط وإذا كثرتي والله لتاكلينه كله..
المهم بعد ما خلصت ذوقت ماماتي وبعدين رحت لخالتي عاد مالي إلا العيال ناديت ولد خالتي : نصور تعال ذوق هالحلا مررة
يهبل .. رحت للبزران رايهم ما كان أحسن من اللي قبل قلت لهم : اللي ياكل قطعه له ريالين واللي يكثر له خمسة
وانتهى الحلا بكل سلام




أشكركم على المرور جميعا وأتمنى
من الكل يسامحني إذا غلطت عليه ويتأكد إنه مو بقصد ورده
وشكر خاص للأعضاء :
القيصر الرهيب
راكان _20_
بنت فهد
بنت عبدالله
حبر العيون
والقائمة تطول....
أختكم
بني حارث