السلام عليكم ورحمة الله وبركاااته


المهم بغيت
اقولكم قصه صااااارت معي شخصيا"
في يوما" من الايام
<<< مااااعندها اسلوب ابد
كنت اتابع مبارة الهلال تذكرونها الي مع العين
وفااز العين 4 مدري 5
بذاك الوقت كنت اتابع وقدامي كيس حب الي حجمها كبير
وانا لحاااااالي
ومن زود القهر اكل ومادري بشي
يوم نااااظرت الا الحب خلص اذكر هذا الحجم يجلس عندنا اسبووووع
عاااااد قلت عااادي مااارح يصير شي
اروح اشرب ببسي وانام
<<< الناس تشرب ماء وانا ببسي
نمت بسلام وسكون
فجاااءه صحيت السااعه 3 الفجر
بطني يوجعني بقووووووووووووه
طلعت من الغرفه وجلست برى في الصاااله
مااااااااسكه نفسي مااااا ابي اصيح
عشان البيت كلهم ناااااااايمين
جلست الى اذان الفجر
الا ابوي صااحي
شااااافني قاااااال وش فيك مانمتي الهلال مب نااااافعك
عندك مدرسه
هو تكلم الا وانااااااااا اصاااااارخ واقول بطني بموووت
ابوي خااف اول مره اسوي كذا
راح نادى امي ورحنا المستشفى
جاء دكتور قاااال لازم اشاعه
وتحليل
عشان نتاكد
انا قلت من وش تتأكد؟
طلع برى وماعطاني وجه
وسويت اشاااعه وتحليل
ربع ساااعه وجاء نااااادى امي وابوي برى
وانا ابليس بداء يلعب بررررررررراسي
هو يتكلم برى وابوي يقوله لازم وامي تقول لاحول ولا قوة الابلله
انا قلت خلاص فيني مرض خطير
بس وش
وجت امي وقاالت لي بيدخلونك القسم لين تتطلع التحاليل
سكت ورحنا داخلنا داخل
تقربيا" صااارت الساعه 6
وقااالت امي بروح البيت واجي خليك هنا
مااارح اطول
وانا جااااااااالس بعبايتي قلت بيجون اهلي ياخذوني
فجاءه دخلت علي ممرضه وبيدها لباااس حق العملياات
قاالت انتي ---- قلت نعم قالت يلاه عمليه
قلت لا يمكن انتي غلاطاانه
قالت لا انا مااافيه يغلط
وانا اجلس ابكي
وهي تقول لا مافيه خوف هدا بسيط
شوي وجت امي
وعلمتها
وقالت انا ادري بيسون لك عملية زايده
بسيطه مرررره سوتها فلانه وفلانه مااااجهم شي
قلت لأمي يعني يفتحون بطني
قالت اجل كيف تصير عمليه
واخيراا" بعد كلام الولده وابوي
هديت شوي
وخذت المصحف واقرء شوي
طبعا" امي جلست تمسح دمووووعها
انا من شفتها وانا اجلس اضحك عشاان ماتخاف
واقول لا عااادي مارح يصير شي
المهم
اخذوني كنت بوسط السرير ومعي غطى على وجهي
يوم وصلنا غرفة العمليات قالو شيلي الغطى مايصلح تدخلين فيه
وشلته دخلت داخل الا انا اشوف شباب سعودين!!!!!
ممرضين قلت لدكتور مصري كان معي هو جارنا وابوي مكلمه عني
قلت تكفى طلع السعودين برى
قاال لا مايصحش كداه داء شغلهم
نااااضرني واحد من الممرضين وقاااال
ليش السعودين رجااال والمصرين وش
وانا اجلس ابكي بقوووووه
قالهم الدكتور اطلعو بس شوي
وحط لي مخدر
بدت عيوني تدووور وشفت الممرضين دخلو يضحكون
علي
بعدين طلعت من العمليه
وللحين افكر كيف حنا كذا
يعني السعودي رجااال
والمصرين والهنود و- و-
وش يطلعون
من وقتها صااار كلهم نفس الشي رجال بس فرق البلاد




والسؤال الي يدورر في بالي
صدق فيه نااا س مثل تفكيري سابق"؟
وهل السعودي يضايقه الشي هذا؟؟
وليش بــــــعـــــــض البنات يتغطون من السعودي والباقي لا؟


(الاسئله لبنااات والاولاد)


وتقبلو تحيااااااتي للجميع

الحمد لله على السلامة يا عمري
طهور بإذن الله

بالنسبة للسؤال:
أنا الصراحة ما تفرق معي كلهم زي بعض
بس أختي عندي لها نفس تفكيرك مادري ليه

تقبلي مروري أختك:
بني حارث

سلام عليكم .. ورده


من القليل بل النادر .. مشاركتي في المجلس اللعام ..


لكن موضوع يجب التعمق فيه ..


بالنسبة للموضوع .. مادري السعوديين وحوش ,, ولاسفاحين ..


انا من رأيي المتواضع .. ان البنت تدخل على دكتورهـ وليس دكتور .. !


يعني بكل هالتخصص هذا ,, مافيه ولادكتورهـ ..


لان اي من الجنسيات ,, [سعودي - مصري - هندي - سوداني - سوري - لبناني ]


يعتبروون رجال ..




* وجهة نظر ..؟ *


//

إقتباس انــا اقووول كل الرجـال ينـاظرون بس السعوديين بزيـادهـ هههه ممـكن لان مـاعندنا التفتـح الموجود برااا

السعودي السلتوح الي ماعجبك ,, يخاف عليك اكثر من الغريب ,,


الا اذا كان عندك راّي ثاني .. !



ورده للمجلس العام


ورده لـ صاحبة الموضوع

الحمدلله على سلامتك .. ليتها بالدكتور المصري ولا فيك << حقد ...

--- ---- ----- -----

بالنسبه لي انا اتوقع سبب التفرقه بين السعودي وغيرهـ (العباره الدارجه ... تغطو جا سعودي )

بعض السعوديين عينه زايغه شوي (مشفوح) ..

الشي الثاني السعودي يكون له ظهر (سند اذا صار له مشكله)... بعكس الاجنبي (خايف على وظيفته لايخسرها)

تغطن يابنات فيه سعودي

صدق يعني بيناظر خشتك والا شي؟ عنده هموم اكثر من شوف خشتك


بعدين مو العين اللي فاز علينا 5

بس سمعتي ان الهلال خسر من فريق اماراتي 5؟
تراه الشارقة بلا فضايح

ولكمووووووووو هاويه الهلال ورده ورده

الحمد لله على سلامتك .. ترى عملية الزايدة بسيطة .. الظاهر الزايدة جاتك من خمسة الشارقة مو من كيس الحب

الله يلوم اللي يلومك .. والله الخمسة جابت لنا أمراض الدنيا كلها ذكرتيني بوحدة صغيرة اسمها أسيل أبوبكر

على العموم ..

أنا أشوف أن معك حق تستحين أكثر من السعودي .. لأن السعودي مو متعود على هالأشياء وما شاف خير بعكس الأجانب

اللي عادي عندهم هالأمور ..!!

لاحظي أنا أتكلم عن موقفك بالمستشفى بس.. ما أتكلم عن اللي يكشفون قدام البياعين والسواقين الأجانب.. لأن هذا خطأ وما فيه عذر ..!!

تقبلي تحياتي ورده

-------------------------

إقتباس السعودي السلتوح الي ماعجبك ,, يخاف عليك اكثر من الغريب ,,

ـهههههههههههههههههههههههههههههههـ

والله لو يحصل له شي هالسعودي ما يوفر .. نكون واقعيين .. السعودي أجرأ من غيره لأن الأجنبي يدور لقمة العيش وما وده يتهور بعكس المواطن
أما من ناحية يخاف عليها أكثر من الغريب .. ما أحد يبيه يخاف عليها لا أكثر ولا أقل .. بس يكفيها شر نظراته وبيض الله وجهه

اول شي الحمدلله على السلامه

تصدقين ودي اجرب اسوي زايده يقولون فله

بالنسبة لسؤالك انا اشوف الفكر هذا تخلف والممرض الي قالك السعودي رجال والمصري وشو هذا لو اشوفه بحب راسه

السعودي الي بالمستشفى جالس يؤدي عمله مهب جاي يغازل وبعدين لاتنسين ان اغلب المستشفيات مليانه حريم واجنبيات يعني بيناظرك انتي >>>بيتصفق

فيه شي الناس مو مقتنعه فيه ان الشاب السعودي مثل اي شاب بالعالم

يعني لو واحد مننا شاف وحده ماصخه وتمشي كأنها تستعرض اكيد بيجيها تحرشات من بعض الشباب >اقصد بتحرشات المغازل <

وهذا يحدث بالعالم كله لا تحسبون بس السعوديين

انا عجبني رد لأخوي العقل@

إقتباس السعودي السلتوح الي ماعجبك ,, يخاف عليك اكثر من الغريب ,,

مدري ليه المجتمع يناضر للشباب بس ليش مايناظر للبنات ترا حتى البنات فيهم شريحه فاسده وانا شفت هذا بعيني حتى انهم يسون اشياء الولد يخاف يسويها

مابي اشطح برا الموضوع كثير اهم شي قمتي بالعافيه ورده
تقبلي مروري

نفس الشئ بالنسبه للسواويق الاجااانب عادي يكشفون عندهم ويسولفون معهم ...

لكن بالنسبه للرجووووووووله السعودي أرجل من أي كاائن حي ثاني ههههههه

إقتباس قلت لأمي يعني يفتحون بطني

مو أحسن من اللي فتحوا راسه ؟
الله لايعيد ذيك الأيام ذكرتيني بأيام صعيبه صار لي حادث قبل ثلاث او اربع سنوات وعلى كثر عظامي ما جاء الكسر الا براسي
دخلت غرفه العمليات والدكتور يقول لأخوي هذا يا يطلع أعمى والا مشلول ونسبه اقل من 50% يطلع سليم لأن الجمجمه المكسوره داخله وقريبه من مركز الأبصار والحمد لله ربي كتب لي عمر جديد وتكللت العمليه بالنجاح التام
عطوني ذيك الأبره اللي ماصحيت الا وانا مصلوخ ماعلي الا ذيك الخرقه اللي ماهي مسكره زين بعد بس قلت ماعليه اهم شي يروح الألم وترجع العافيه
ياشيخه شي احسن من شي والزايده الحين بتقدم العلم صارت سهله جدا والحمد لله على سلامتك

إقتباس وهل السعودي يضايقه الشي هذا؟؟ وليش بــــــعـــــــض البنات يتغطون من السعودي والباقي لا؟

انا بصراحه اشوف لو في المستشفيات ممرضات خاصات للنساء يكون أفضل لأن مهنه الممرض ماهي صعبه مثل مهنه الطبيب
لكن العمليات انا اشوف طبيب أو طبيبه ماتفرق اهم شئ الكفائه
يعني اذا كان هناك طبيبه أقل خبره وكفائه من طبيب .. انا ارشح الطبيب لأجراء العمليه للبنت لأن الضروره تبيح المحظوره واهم شي الصحه والطبيب جاي يأدي عمله ويمشي

وبالنسبه للمعامله انا اشوف الهندي والمصري والسعودي مثل بعض كلهم رجال وهذا مو معناه اننا نرخي الستار للسعودي
لا القصد ان البنت لازم تتغطى وتكون حريصه على نفسها من الأجنبي وكأنه سعودي الا في حالات الضروره مثل المستشفيات

السلام عليكم ،،

الحمدالله ع السلامه بعد الزحمه ظبعاً

إقتباس وشلته دخلت داخل الا انا اشوف شباب سعودين!!!!! ممرضين قلت لدكتور مصري كان معي هو جارنا وابوي مكلمه عني قلت تكفى طلع السعودين برى قاال لا مايصحش كداه داء شغلهم نااااضرني واحد من الممرضين وقاااال ليش السعودين رجااال والمصرين وش

والله انه صاادق يعني المصري هذا مهوب رجال ! انا مره كنت بالطيااره

المهم تونا مقلعين الا اشووف البنات متجهين لـ دورة المياة انا اقول مساكين شكلهن دايخات

شوي الا يطلعون لابسين بناطيل وشعور وفله وين العبايات بالبداية كنت خايف

لما شفت هالمنااظر زينت الجلسه وتكشخت مدري يعني انتم ليه تتغطوون مدام انكم بتفتشون بالخارج ؟؟

وعلى طاري الهنوود والاجانب مره انا بسوق ومعي ثنين من الشباب المهم قاعدين ننتظر

الفت يجي ويجون ثلاث بنات وينتظرونه قلت بس بيركبون معنا ينعن ابو الفله

اشوي فتح ومسوين مؤدبين حنا خليناهم يركبوون قبلنا ولما جينا بنركب وتطمر هذيك البنت

تقول مقرووصه وتقوول خير قلت خيرين بنركب قالت تخسي قلت قسم بالله لركب

ورجلك فووق رقبتك عااجبك ولا انزلي قالت والله ماتركبون قلت نزليني بالغصب اجل

المهم هي موقفه قدام الباب وانا متردد هو اني ادفها وادخل وخاايف تهااوش ويجون الهيئة

المهم الي غبني صدق جاء هندي وجاء بيركب وهي عادي تقول هذا يركب عادي ،،

قلت خير ان شاءالله والله مايركب ومايركب الا انا واخوياي والي معي يقولون يا رجال

خلااص خلهم يروحون بس البنت تقهرني لو جايه بـ أحترام قسم بالله عاادي بس وسخه

تقول تخسي تركب بالاخير نزلوو هم وركبنا حنا وترا هالسالفه صاارت لي مرتين

المشكله ان البنات مايشوفون هالاجانب والمقاطع الصوتيه المنتشره عليهم ولا تدخل شات بس

اذكر اول ادخل بيوزر ولد يجيني مصري يقول انا حسام وحابب اتعرف يحسبني بنت من زود الدلاخه

إقتباس وهل السعودي يضايقه الشي هذا؟؟

لا عاادي والله تصدقين عااد البنت اذا تبي ترتفع معنوياتها وتحس انها حلوه تطق اللثمه

وترووح تتمشا بالسوق قسم بالله ان بعض الاحيان اشوف بنت طاقه اللثمه اذوووب من

العيون والمشكله اختها جمبها شيييييييييييييييييينه لين شفتها اصد من القبااحه ومع هذا

احس اني ادوخ على اختها واكيد ان اختها مثل اختها <== لحسة مخ

الحمد لله على السلامة

تصدقين وأنا أقرا الموضوع من البداية عرفت إن المشكلة زايدة
لأن الأعراض إللي ذكرتيها جتني من قبل

وبالنسبة للبنات إللي يتغطون من السعودي وغيره لا
هذا لأن نسبة الخرفنة عند السعودي أكبر من نسبة الخرفنة عند الأجانب
وكل ما شافله سواد يمشي قام يطالع

لكن ماله داعي ما يتغطون من الأجانب خاصة إللي يسافرون برا صارت العباية عادة
الحجاب واجب قدام السعودي وغيره