يا غالي مقدر صدمة ضياع البطولة 
لكن اسمحلي ... الموضوع بعيد كل البعد عن اول جملة قلتها بموضوعك
اللي تتكلم عن الروح الرياضية ...
يعني العنوان كاتب فيه غصب عليكم البطولة لتشيلسي ...
بعدين ضبطت العلاقة وقلت مبروك للمان ورجعت خربت امها وقلت ما تستاهلون 
اخوي ... اول شي انت عارف هذا نهائي يعني الفوز وبس ...
ومباريات خروج المغلوب ما يهم المستوى المهم تجيب نتيجة وتتاهل للادوار اللي بعدها ...
اخوي انا ما ابي اجيب تصاريح لاعبينكم قبل وبعد المباراة ... اتوقع لو تسير على الرابطة بتشوف التصاريح الكل يعرف هذي مباريات اهداف ونتيجة ... ما قدرت تسجل دور غير هالبطولة 
احقاقا للحق ... الحكم اخطأ في بعض الكرات لكن ما فيه ولا وحدة اثرت على نتيجة اللقاء حتى والله الركنية اللي حسبها لكريس على كول وهي بالاصل مرمى ...
قلت يا رب ما تجي عشان لا يصجونا فزتو بالغش ...
لكن لو تجي بالمنطق ... المان الشوط الاول سيطرة تامة ... كان بامكانه ينهي الشوط بثلاثية ارجع وشف الشوط الاول ... كل هجمات تشيلسي المعدوده اسبابه اخطاء المان الدفاعية 
ما انت مصدق ارجع شوف المباراة ...
الشوط الثاني تشيلسي كان افضل ...
العدل بالمباراة انها وصلت للاشواط الاضافية ... لانه شوط للمان وشوط لتشيلسي 
الاضافي ... واضح ان تشيلسي ما عندهم لياقة ... وشفنا كم لاعب تسدح منكم ...
كان المستوى هادء من الفريقين للتعب والارهاق ... عارضة لامباراد ... فيه مقابلها تسديدة جيجز اللي تيري الى الحين ما يدري شلون طلعها دروجبا ينفخ على تيفيز ... ويهاوش الناس كلها ... ويضرب فيديتش كف ... ويا حرام ياما في السجن مظاليم البلنتايات معروفه لعبة حظ ... وارجع لشوته تيري ...
تراه تزحلق بعد ما شات يعني الكورة مضيعها هو من غير موية استانستو على كريس انه ضيع بلنتي ... واحنا فرحنا على تيري ...
مع العلم ان قول تشيلسي الوحيد حق لامبارد ...
فان دير سار كان بيلحقها لكن برضو للاسف زحلطن 
وانا متاكد لو تسالون تيري ... وش ودك انك خليت جيجز يجيب قول ...والا تضيع بلنتي وتخسر فريقك !!
بيختار الاولى ... لانه طلع الكورة بفدائية ... ولو جات ما احد بيلومه عموما انا اطولت ... بس حبيت ارد عن كل عشاق المان ... كل شي الا المان 
عند المان اقول لكل شي بس وعندي ملاحظة ... انا ماني قايلك ليش حاطه هنا حطه بالرابطة ...
بس بقولك انت بما انك نزلته بالمنتدى ... لازم تتقبل كل الردود اللي تجيك بصدر وسيع...
لانك بتلقى ناس يكرهون تشيلسي اكثر ما يحبون المان يونايتد ...
بتلقى ناس محايدين ... بتلقى ناس متعصبين !! فما له داعي تنزل الموضوع على اللي يبونه عشاق تشيلسي وبس تحياتي لك ... بس اشوف التصاميم باسم دحوم !!
ما ادري هو انت والا جايبها على اساس انه انت 
الوضع العادي
