إقتباس بعض المواضيع الساذجه من بعض الاعضاء الساذجين من جمهورنا اللي مادري وش يبغون من ورى مواضيعهم هذي الا الغيبه والنميمهـ واشاعه الفاحشه

اما شاعة الفاحشه ههههههههههههههههههههههههه

وش ذا وانا اخوك وش تقول انت وش فاحشته ؟؟



تعرف الفاحشه وش هي؟


الحين تطالب باحترام ماجد وانت قاعد تسيئ لاعضاء المنتدى؟؟

وتسميهم ساذجين ويشيعون الفاحشه؟

إقتباس وثانيا بعيد عن شخص ماجد وانه لاعب نصراوي هو انسان مسلم ما يجوز غيبته والحش فيه ليه كل هالتحقير والتجريح في حق هاللاعب ليه هو بالذات

المواضيع اللي اساءت له شخصيا تم حذفها من قبل ادارة الموقع جزاهم الله خير


رغم انها ما وصلت ولا لربع بذاءات منتداهم..

و كلنا مع الاداره في محاربة السب والشتم والتهكم على الاشكال والالوان والجنسيات







يا اخي ..معظم المواضيع اللي طرحت عن ماجد ما تعرضت له كشخص

كلها تعرضت له كلاعب من حيث انجازات والقابه اللي الكثير منها غير صحيحه

هداف اسيا- هداف الخليج- احسن لاعب في لآسيا ..كلها القاب ما لها اساس من الصحه

إقتباس لاعب اخلاق قبل كل شي اخلاااااااق... ما شفنا منه الا كل خير وابتسامته داخل الملعب دايم ما نشوفها مهوب راعي كروت ولا هوب لاعب استفزازي ولا عمرنا شفناه ياخذ كروت حمراء حتى اذكر ما عمره تعدى على احد داخل الملعب بقول او فعل ودايم ما كان تحت انظار المدافعين ويتحيلون الفرصه لعرقلته ودايم ما كانوا يكسرونه ولا شفناه ينفعل او يقول شي

من كلامك هذا واضح انك ما لحقت على ماجد وما اظنه امداك تلحق الا على سعد الحارثي وريان بلال


تقول ما عمره غلط على احد ؟؟

البصق

بصقته على منصور الاحمد وعلى صمدو لاعب الاهلي ..ما لحقت عليها اكيد

وش رايك في بصقته مهيب ازين من فاحشه و ساذجين؟




البصقه الاولى نجا منها وما انطرد علشان منصور هلالي مسكين والثانيه اخذ كرت احمر


الضرب بدون كره..

رفسته على منصور الاحمد وكوعه على مبارك غانم لاعب الامارات

الاولى نجا منها علشان منصور هلالي مسكين

واخذ في الثانيه كرت احمر وطلعنا من تصفيات كاس العالم 90 اللي اظنك ما لحقت عليها


على فكره اللقطات هذي معظمها موثقه بالفيديو في مواضيع المبدع محمد الهلالي


وعلى فكره بعد ترا منصور الاحمد كان مدافع هلالي اصغر سنا من صالح النعيمه



تقول ما غلط على احد بتصرحاته وكلامه؟؟

ما راح ابعد بك لايام زمان ايامنا يا الشيبان علشان ما اتعب مخك


بس بقول لك ارجع للمؤتمر حق اعتزاله واسمع وش قال يوم ذكر المذيع امالهلال





مشكلتكم يا شباب انكم تعطون ارائكم في قضايا ما لحقتوا عليها

وفي لاعبين ما عاصرتوهم..يعني بعد 13 سنه لما يجيني واحد عمره 20 سنه

ويقارن بين سامي الجابر وياسر القحطاني اكيد بيكون غير منصف لا لهذا ولا ذاك


وش رايك في منصف ؟مهيب ازين من ساذجين وفاحشه؟