جنوون في الرقعي ... حمار خالي :) والمزيد في الداخل } مواقف لي - نادي الهلال السعودي - شبكة الزعيم

A L 7 Z N · #1 19/05/2008, 06:25 AM

سلام عليكم ..

.
.

صبحهم بالخير .. وقصم بالله اني مقهور

أمي شايله المودم حق الدي اس ال قالت انت ماتنام قالت

.
.

بس مالي غناه عن النت وقسم سرقت السلك حق الثابت ودخلت

بس طبعا فرق بينه وبين الدي اس ال

.
.

ندخل عالمووضوع دايركت على قولت أ. ياسين الاردني اللي يدرسنا مادة في الكليه

وقسم ذا المدرس رهيب لكن تجيه خمات ودك تصقعه بقس على خشمه الملتوي

احسن مافيه اذا سحب على المحاظره وقام يسولف عن المانيا يوم كان طالب فيها

قال المانيا قال

المشكله دايم اقوله استاذ تكلم الماني ودي اسمع حتسيهم لكن يغير الموضوع على طول

ويقول بنتي بثاني متوسط بلبل الماني

بغيت اقول تزوجني اياها

ماتحسون اني شطحت شطحه عن الموضوع

.
.
.

طيب كل واحد اكيد حصلت له مواقف في حياته

محزنه - مهستره - مفرحه - تصفيق ترفيس ..... الخ

انا بذكر لكم عدة مواقف وقسم ودي ترجع الايام هذيك لانها فله

.
.
.

اذكر يوم اني برابع ابتدائي كشتنا انا وابوي الله يخليه واخوي الدفش

واخويا ابوي الادفش

الى الرقعي

طبعا كان الجو

وقسم اخويا ابوي الواحد كأنه اسطوانة غاز لكن ذاك اليوم عليهم فسقه مش طبيعيه

لدرجة انهم فكوا التيس وخذ طردي

انا اتحسر اقول لو راح التيس شلون ناكل

عاد هم اخذوهاحلى كل شي وهم فاكينه وطردي الواحد نزل خمسه كيلو

المهم

عقب ماتغدينا حول الساعه 2 الظهر

<<< اجل المغرب

لعبنا كورة الى الساعه 5 تقريبا قايل لكم فسقه

المهم عقب مالعبنا كورة

لقينا تسلب مربوط بحمار ( كرمتوا )

المهم ماصدقنا خبر ههههههه حمار وكلب هلا هلا

فكينا الكلب وقلنا لابوك لابو حمار انزلع

المهم وخذها تعذيب في الحمار

وقسم ثلاثه يركبون عليه والحمار الضعيف يمشي شوي وث يسفط على خشمه

ماينلام والله

كلهم على احجام عمي عبدالرحمن

بس قهروني عاد لدرجه انهم قام يحرقونه بالجمر

وفكووه انا لو اني اعرف ذاك الوقت سجود شكر

كان سجدت لربي احمه انهم فكوه

المهم على المغرب سمعنا نهيق تسلب يؤ يؤ قصدي حووومار

عاد اخويا ابوي ماصدقوا خبر

كرروا السيناريو حق العصر وخذ تعذيب وترفيس بالحمار

عاد انا قلت تستاهل انت وش جابك

المهم ابوي قال لهم خلوه يروح فكونا منه

طردوه بعيد ورجعوا

المهم تقهوينا وتعشينا وسوالف وفله

يوم جت الساعه 2 بالليل قلنا يلا مشينا انا ركبت السياره وعلى طول نومه

الرياجيل يوم يشيلون الاغراض والعزبه

مادروا الا الحذف من جميع الجهات

انا قمومتني حصاه صفقت في التنده من قوة الصوت انا نقزت ةراسي طراااااخ في التنده <<< ترها فقشه

المهم التفت ورى وقسم على بالي بفلسطين

حصا منا ومنا

ركبوا اليعال السياره يدورون اللي يحذفون مالقوا احد فأيقنا انهم جنوون الله يكفينا شرهم

عاد انا حرمت اطب الرقعي ديرة الجنون

.
.
.

مره رحنا لخوالي في الكويت والكويت مشهورة بكثرة اسطبلات خيول عندهم

وخالي عنده اسطبل وفيه حمار

طبعا حنا مانعرف نركب خيول يوم اننا صغار

فقررنا نركب الحمار المنحووس

ركبت انا واخوي الدفش اللي فوق

هو قدام وانا وراه

واضرب الحمار وركض وركض وركض انا احس ان فيه شي تغير

احس الارض بدت تميل

قلت بس اكيد اني بطيح

وانا في طريقي لحب الارض

قلت ما اطيح لحالي لابد ان واحد يطيح معي

والواحد ذا من

اكيد انه اخوي وانا اسحبه معي وطرااااااااااخ على الارض

ومرة اعيال خالي ركبوا هالحمار ذا وركبوا عقم <<< ياليت تعرفون وش عقم لاني ماني فاضي اشرح مع الصبح

المهم اعيال خالي على بالهم الحمار شاص يبون يطلعون العقم

يدورون القير علشان العزم مافيه

المهم يحاولون منا منا مرره ماقدروا وفي النهايه الحمار انهد حيله

وجاك محووول على ظهره

والعيال فوق ظهره وقسم ياذاك الحمار نجس

بس ماينلام

..
..
..

..

اما قصة الديك المهايطي

الديك ذا بنفس اسطبل خالي وقسم بالله انه مهايطي هياااااط ولا محمد نور

الديك ذا على باله يحرس الدجاج <<< ايقاله عنده غيره

اذا دخلنا حوش الدجاج مانشووف الا غبرته جاينا يركض

حنا طبعا صغار

ماتسمع الا الصياح واااااااااااااااو

<<<<< وااااااو يعني صياح

عاد حنا خذيناها حلى كل شوي داخلين عالدجاج

الديك طفش منا والليقاه راحت فيها عنده

وقال لابوكم لابو من يطردكم

الظاهر ان الدجاج ماعطنه وجه

وقال الشرهه مو عليكن علىى اللي يهايط قدامكم هههه

..
..
..
..

وفي الختام ارجوا انكم ماتسبون فيني علشان ثقالة دمي

واللي عنده موقف يوقف فيه

قصدي يسدحه هنا

.
.

دمتم لنا