حصريا وعلى شبكة الزعيم ((محمد نامي)).. - نادي الهلال السعودي - شبكة الزعيم

سـامي 9 · #1 17/05/2008, 02:38 AM

بسم الله الرحمن الرحيم

صباحكم زعامة ومسائكم بطولات

ومبروك عليكم احلى واغلى بطولتين وعقبال الأسيوية بأذن الله

المهم ما ابي اطول عليكم

اليوم وانا اتجول في محلات النظارات علشان اشوفلي نظارة حليوه تليق على تركيبت وجهي الي مدري كيف جاية

صادفت اللاعب المحترم محمد نامي ودار بيني وبينه حوار رائع ومثير لا تنقصه الصراحه وكان لاعبنا الخلوق متجاوب معي الا ابعد الحدود . وحبيت انقل لكم ما دار بيننا من نقاش يخص البيت الهلالي وعشاقة وراح يكون حصري على شبكة الزعيم فقط <<< مهوب عاقل مراسل BBC

البداية ::

انا:: مساء الخير اخوي محمد

محمد:: مساء النور هلا حبيبي

انا:: مبروك علينا عليك البطولتين وانتم قدها وقدود

محمد:: الله يعطيك العافية وانتم تستاهلون بطولات الموسم كلها يا احلى جمهور

انا:: هاه بشرني عن اصابتك وعساك تشافيت منها

محمد:: الحمدالله الأصابة زالت تماما وانشاالله راح تشوفني شكل ثاني الموسم الجاي

انا:: بصراحه يا محمد فقدناك الفتره الي راحت وانت عارف جهة الظهير عندنا ما حولك احد رغم اجتهادات العنقري وربكة الياس وفهاوة القحطاني

محمد:: ضحك وقال الشباب ما قصرو وسوو الي عليهم بس الجمهور ما يرحم

انا :: ولله يا محمد الجمهور ما ينلام وضعف الأظهرة عندنا هاجس كل عاشق هلالي والجمهور مستبشر خير بوجودك وانشاالله راح تنسينا الدوخي يبو قاسم << يمون

محمد::بأذن الله راح اسوي المستحيل عشان ارضيكم وانا لسى عندي الكثير الي راح اقدمه للزعيم وانشاالله راح اكون عند حسن ضنكم
انا::محمد انت تتابع شبكة الزعيم

محمد:: تقريبا بشكل يومي بس وقت المعسكرات والمباريات ما يكون عندي وقت كافي عشان اتصفح وادخل الموقع

انا :: من تتابع من كتاب الشبكة ووش اكثر شي يميز شبكتنا الغالية

محمد:: ولله انا ما ادقق بالكتاب بس فيه كم عضو يملكون اسلوب راقي وهادف ويشدوني كثير

انا:: طيب ممكن تذكرهم الله لا يهينك يمكن اصير انا معهم <<< يا شين الثقة

محمد:: ولله بصراحه يعجبني ((الظاهرة)) ـــ((نيوتن )) ــ((الهاديو)) وكثير ما تحظرني اسمائهم

انا:: طيب ما قد قريت للسامي 9 او شفت النك نيم حقه <<< امحق طموح

محمد:: لا ولله بس من اليوم ورايح ابحاول اقرالك او اشوف النك نيم حقك ولا تزعل <<<احلى تصريفة خخخخ

انا:: محمد انت لك معرف في المنتدى <<<يا شين اللقافة

محمد:: لا ولله بس اتابع من بعيد وتواصلي مع الجمهور راح يكون بلملعب وبأذن الله ما اخيب ضنهم

انا:: كفو ولله يبو قاسم وانت بمستوى الزعيم وتستاهل تلبس شعاره <<<ما زال طاق الميانه الله يصلحه

محمد:: الله يسلمك حبيبي والزعيم فخر للجميع وانا اتشرف اني البس شعاره

انا ::يعطيك العافية اخوي محمد وسامحني اخذت من وقتك كثير

محمد :: لا تقول كذا بلعكس انا تشرفت وفرصة سعيدة وان شالله نتقابل مره ثانية <<< لقاها حلى ابو الشباب

انا:: لحظة ابو حميد وين رايح مسوين للقاء وزحمة من غير تصوير حرام عليك يا كافو العريجا

محمد::وش دعوى انت تامر امر ..

يا ليت احد من مشرفينا الأعزاء يصغر الصوره لأني ما عرفت كيف اصغرها ولكم مني جزيل الشكر والأمتنان

اخوكم المقصر سامي 9

تحياتي للجميع

A.M.T · #2 17/05/2008, 02:46 AM

انشاء الله نشوفك مسكر الخانه
والى الامام يبو قاسم

هلالي وبمزاجي · #3 17/05/2008, 02:50 AM

الله يعطيك العافية
وان شاء الله يرجع محمد في الموسم القادم
ويقدم مستويات ممتازة مع الهلال

احبك موووت · #4 17/05/2008, 02:53 AM

يـعـطيك الـعـافيـه أخـوي ..

والله مـحمد اول مـابدى يـلعب مـقـدّم مسـتـوى ,, بس الإصـابه هـي اللي غيـّـبتـه عـنـنـا ..

وأسـتـغرب اللي يـنـقـدون عليـه وهـو لـعب كـم مبـاراة كان فيها مسكر الخانه ومساند الهجوم ,, بس أحلى مـافيـها أنـّـه مسـجل بالـنصر ..

أبو شريم · #5 17/05/2008, 02:53 AM

مشكور على اللقاء مع احد اعضاء الكتبيه الزرقاء

و بالتوفيق لمحمد نامي الي فقدناه هالموسم كثير

جدعان · #6 17/05/2008, 02:56 AM

والله ياخوي قعدت اففحــط يمين ويسار وانا اقرى موضوعك من كـبر الصوره

الله يوفقه نامــي وان شاءالله نشوفه الموسم الجــاي افضل من الموسم هــذا

يعطيك العافيه

روماريو العرب 20 · #7 17/05/2008, 03:04 AM

موضوع جدا جميل واسئلتك ممتازه <<<تصلح صحفي هههههههههه

ومحمد لاعب كبير صراحه ومميز للاخر ولله ويكفئ اخلااقه العاليه وتجاوبه معك بكل اريحيه

وتكفئ الابتسامه الحلوه بالصوره ........................................دمتم بود وعشق للزعيم الاسيوي

هلالي مايروح عن بالي · #8 17/05/2008, 03:05 AM

مشكوووووووووووووووووووووووووور على الصور

وبالتوفيق لناامي

ريم9 · #9 17/05/2008, 03:09 AM

ليه الصوره صغيره

...قسم بالله اني قاعده افرفر اتفرج في النظارات يمكن وحده تعجبني كني قاعده في المحل

واثاري اللعيبه يتفرجون في مواضيعنا ...الله لايفضخنا اعقلوا ياجماعه فشيله

ونامي بأذن الله له مستقبل مشرق ومزدهر وحافل بالانجازات في الهلال << يمديكم

الله يوفق الجميع

الزعيم عشق يديم · #10 17/05/2008, 03:14 AM

والله ياخوي قعدت اففحــط يمين ويسار وانا اقرى موضوعك من كـبر الصوره

الله يوفقه نامــي وان شاءالله نشوفه الموسم الجــاي افضل من الموسم هــذا

يعطيك العافيه

عاشق القناص ؟ · #11 17/05/2008, 03:16 AM

امرك غريب

موضوعك حآطه بشبكه الزعيم وشبكه الهلال ؟؟

وكاتب حصري هنا وحصري هنااك ؟؟

لعبه مبزره هي ؟؟

بعدين صغرها لك واحد من شبكه الهلال وجيت هنا وصغرتها نفسه ؟؟

سـامي 9 · #12 17/05/2008, 03:21 AM

إقتباس

الرسالة الأصلية كتبت بواسطة عاشق القناص ؟


	امرك غريب موضوعك حآطه بشبكه الزعيم وشبكه الهلال ؟؟ وكاتب حصري هنا وحصري هنااك ؟؟ لعبه مبزره هي ؟؟ بعدين صغرها لك واحد من شبكه الهلال وجيت هنا وصغرتها نفسه ؟؟

هدي اعصابك اخوي وش بلاك معصب

شبكة الزعيم وشبكة الهلال واحد وكلهم عينان في رأس وسع صدرك بس

كريزي · #13 17/05/2008, 03:30 AM

تسسسسسسسسسسسسسسسسسسسسسسسسسسسو نــــــــــــــــــــآمـــــــــــــــــي

سوسو الرياض · #14 17/05/2008, 03:38 AM

صراحه لقاء روووووووووعه ماقصرت خيييو......
بعدين شكلك اول مره تشتري نظاره على طول صورت فيها......

عاشق القناص ؟ · #15 17/05/2008, 03:42 AM

لا مو وااحد لانك تلعب على الطرفين ؟؟؟؟؟؟؟؟؟؟

واذا بغيت تحصر حصر على الزعيييم وبس