|
حصريا وعلى شبكة الزعيم ((محمد نامي))..
بسم الله الرحمن الرحيم
صباحكم زعامة ومسائكم بطولات
ومبروك عليكم احلى واغلى بطولتين وعقبال الأسيوية بأذن الله
المهم ما ابي اطول عليكم
اليوم وانا اتجول في محلات النظارات علشان اشوفلي نظارة حليوه تليق على تركيبت وجهي الي مدري كيف جاية 
صادفت اللاعب المحترم محمد نامي ودار بيني وبينه حوار رائع ومثير لا تنقصه الصراحه وكان لاعبنا الخلوق متجاوب معي الا ابعد الحدود . وحبيت انقل لكم ما دار بيننا من نقاش يخص البيت الهلالي وعشاقة وراح يكون حصري على شبكة الزعيم فقط <<< مهوب عاقل مراسل BBC
البداية ::
انا:: مساء الخير اخوي محمد
محمد:: مساء النور هلا حبيبي
انا:: مبروك علينا عليك البطولتين وانتم قدها وقدود
محمد:: الله يعطيك العافية وانتم تستاهلون بطولات الموسم كلها يا احلى جمهور
انا:: هاه بشرني عن اصابتك وعساك تشافيت منها
محمد:: الحمدالله الأصابة زالت تماما وانشاالله راح تشوفني شكل ثاني الموسم الجاي
انا:: بصراحه يا محمد فقدناك الفتره الي راحت وانت عارف جهة الظهير عندنا ما حولك احد رغم اجتهادات العنقري وربكة الياس وفهاوة القحطاني
محمد:: ضحك وقال الشباب ما قصرو وسوو الي عليهم بس الجمهور ما يرحم
انا :: ولله يا محمد الجمهور ما ينلام وضعف الأظهرة عندنا هاجس كل عاشق هلالي والجمهور مستبشر خير بوجودك وانشاالله راح تنسينا الدوخي يبو قاسم << يمون
محمد::بأذن الله راح اسوي المستحيل عشان ارضيكم وانا لسى عندي الكثير الي راح اقدمه للزعيم وانشاالله راح اكون عند حسن ضنكم
انا::محمد انت تتابع شبكة الزعيم
محمد:: تقريبا بشكل يومي بس وقت المعسكرات والمباريات ما يكون عندي وقت كافي عشان اتصفح وادخل الموقع
انا :: من تتابع من كتاب الشبكة ووش اكثر شي يميز شبكتنا الغالية
محمد:: ولله انا ما ادقق بالكتاب بس فيه كم عضو يملكون اسلوب راقي وهادف ويشدوني كثير
انا:: طيب ممكن تذكرهم الله لا يهينك يمكن اصير انا معهم <<< يا شين الثقة
محمد:: ولله بصراحه يعجبني ((الظاهرة)) ـــ((نيوتن )) ــ((الهاديو)) وكثير ما تحظرني اسمائهم
انا:: طيب ما قد قريت للسامي 9 او شفت النك نيم حقه <<< امحق طموح 
محمد:: لا ولله بس من اليوم ورايح ابحاول اقرالك او اشوف النك نيم حقك ولا تزعل <<<احلى تصريفة خخخخ
انا:: محمد انت لك معرف في المنتدى <<<يا شين اللقافة 
محمد:: لا ولله بس اتابع من بعيد وتواصلي مع الجمهور راح يكون بلملعب وبأذن الله ما اخيب ضنهم
انا:: كفو ولله يبو قاسم وانت بمستوى الزعيم وتستاهل تلبس شعاره <<<ما زال طاق الميانه الله يصلحه
محمد:: الله يسلمك حبيبي والزعيم فخر للجميع وانا اتشرف اني البس شعاره
انا ::يعطيك العافية اخوي محمد وسامحني اخذت من وقتك كثير
محمد :: لا تقول كذا بلعكس انا تشرفت وفرصة سعيدة وان شالله نتقابل مره ثانية <<< لقاها حلى ابو الشباب
انا:: لحظة ابو حميد وين رايح مسوين للقاء وزحمة من غير تصوير حرام عليك يا كافو العريجا 
محمد::وش دعوى انت تامر امر ..
يا ليت احد من مشرفينا الأعزاء يصغر الصوره لأني ما عرفت كيف اصغرها ولكم مني جزيل الشكر والأمتنان
اخوكم المقصر سامي 9
تحياتي للجميع
اخر تعديل كان بواسطة » سـامي 9 في يوم » 17/05/2008 عند الساعة » 03:12 AM | 