السلام عليكم...ياما ناس مروا بأصحاب على مثل هذه الشاكلة..واللي يقرا هالقصيدة للمبدع سعد بن جلان راح يعرف انه يضرب على الوتر الحساس..واليكم حبايبي القصيدة:
ياكثر الأصحاب يوم اللعب والدشرة
يوم الملاهي تدور من يلهيها
من أول شقتي بالناس محتشرة
يوم العزوبية اللي كنت مغليها
واليوم لاعادلاخوة ولاعشره
الله ولا رفقة هذي تواليها
ناس مع المصلحة عشرة على عشرة
وان حدك الوقت حدت لك جنابيها
اللي حياته مع البيلوت والنشرة
واللي يحب الدشوش ولاهي فيها
واللي على الخط دايم فاغر الكشرة
سماعته طول ليله مايوطيها
واللي مزاجه مع القصات والبشرة
ماله هدف والنصايح مايدانيها
واللي مع الناس لايفقه ولايشره
شقرا مع الخيل لاهجت تباريها
ذي عينة في شباب اليوم منتشرة
عسى الذي جابها من الأرض يمحيها
اهل المصالح معرفتهم كما القشرة
لانظف الراس بالصابون ينهيها
هذا كلام علينا واجب نشره
وماتحرق الجمرة الارجل واطيها.....
.......................وسلا ااااااااااااااااااااااااااااامتكم وان شاء الله كلكم ماتكونون من هالناس....