مــواقــف مــضــحــكــه ...... يالـيـت تـشـاركونـا بـمـا عـنـدكم....!!! - نادي الهلال السعودي - شبكة الزعيم

حبر العيون · #1 17/05/2008, 04:52 AM

السلام على جميع الزعماء والزعيمات
مسائكم وصباحكم خير
اليوم جبت لكم مواقف حدثت لي انا اختكم حبر العيون
وابيكم تفرفشون بما ان المقهى تقفل
طبعا هذا العنوان نابع من حدث صارلي قبل فتره.....قبل لا اقولكم الاحداث ياليت
اللي عنده مواقف لازالت تضحكه يسردها لنا مثل ما أنا الحين بقولكم هذا الموقف....

قبل قتره زرت صديقتي وأنا من زمان ما شفتها وسلام وعناق>>>>من جد وحشتني
وبعد ما سلمت عليها رحت ولقيت أمها وسلمت عليها>>>>>لاحظوا
بعد كذا الأم راحت وتركتنا ناخذ راحتنا >>>>>تعرفون بعد البعد تكثر السوالف والبربره
ههههههههههههه ملحوظه/البربره:الكلام الكثير ....الأم قالت بتروح مشوار وراجعه
المهم جلسنا نتكلم أنا وصديقتي وأكثر كلامي عنكم وعن المنتدى حتى ذكرت لها أسمائكم
وكل اللي أعرفه عنكم >>>>>شفتوا الفضايح
المهم بعد ساعه تقريبا جت الام من مشوارها اللي برا ودخلت علينا.....
لما شفتها (وقفت كأني مجنده في جيش عسكري)هههههههه

قالتلي صديقتي إجلسي إجلسي أمي بتروح (على بالها إني قايمه إحتراما لها وأبيها تجلس مكاني)ههههههه مادرت إني قايمه بسلم عليها مره ثانيه

>>>>وبيني وبينكم أحسبها وحده ثانيه
لانها كانت لابسه عبايتها توقعت وحده ثانيه مو أمها
ههههههههههههه بس الحمدلله صديقتي لما قالت إجلسي أمي بتروح ماراح تجلس عندنا
ريحتني لاني جلست على طول>>>>عشان ما تكشفني
وفكتني من احراج بدون ماتدري وش السالفه بعد كذا علمتها وقعدت تضحك
وقلت لا يكون تقولين لامك وإلا سفكت دمك هههههههه>>>الاجرام على أصوله وهذي سالفتي....

وفيه موقف قديم صار لأختي وحبيبتي ماابي اقول اسمها مااحد غصبني اقول اسمها ههههههه>>>>لازم أفضحها هي بعد :
في ليلة من الليالي كانت نايمه وحلمت إن واحد من أسنانها طاح>>>> وفي رواية أخرى سقط
(كل سن له تفسير مستقل ومن بين التفاسير لاحد الاسنان حدوث المووووت)والناس اخذت الموت بالعموم يعني إذا احد حلم في سقوط السن يعني بيموووت....
المهم اختي المسكينه صحت من النوم مفزوعه وحالتها حاله وجت عندنا وكانت حزينه
ووجهها شاحب>>>>>لان السالفه فيها موت مو لعب

هههههه
وما قالت لنا وش السالفه>>>وبعد إصرار علمتنا بس ماعلمت امي وقالت
خلاص أنا بموووووت >>>استغربنا من كلامها قالت أنا حلمت إن سن من اسناني طاح
يعني خلاص مافيه فايده بمووووت>>>نست المسكينه إن لكل أجل كتاب
المهم في نفس اليوم كانت فيه عزيمه(بمعنى دعوة عشاء) ولازم نحضر كلنا وهي
طبعا لازم تكون معنا .....أمرها لله راحت معنا وهي كئيبه حزينه تحتضر والموت مازال يهدد افكارها طبعا ما أكلت ولاشي جالسه تطالع الناس وساكته قلتلها شفيك
قالت ياحظ الناس ياكلون ويضحكون ومبسوطين إلا أنا أنتظر الموووووت>>>>أمي لاحظت
حزنها مو عادتها بس لما رجعنا البيت انفجرت أختي بالبكاء وارتمت في أحضان أمي
وقالت خلاص قربت نهايتي .....
قالت أمي شفيك انتي تعوذي من إبليس....>>>>وعلمت أمي بسالفة الحلم
وأمي انصدمت لا وانهارت بعد>>>>>لاحول كنا في اختي والحين في امي
وما خلت الليله المهببه والمنيله بستين نيله تعدي
إلى أن جاء الليل قالت أختي والله ما أنام الا إذا عرفت تفسير الحلم عشان أعرف
بمووت ولا لا ههههههههه>>>>مدري شفيها كلامها يضحك
بعدين اتصلنا في أحد مفسرين الاحلام وقالت له حلمها وتبكي ونفسيتها تعبانه

وانا جالسه اتفرج عليها والعب

وأخيرا فسر حلمها المفسر
وقال السن الذي سقط منك يعني رزق سيأتيك..>>>>>طبعا ماصدقت وقالت أرجوك
الله يخليك أنا عارفه أن كلامك تبي تواسيني وتصبرني على مصيبتي بس أنا مؤمنه بقدري
وما تركته إلا يوم حلف لها إن هذا التفسير الصحيح ......
بعد كذا رمت سماعة الهاتف وجفت دموعها ورجعت ضحكتها انتهى الفيلم الهندي>>>>قلت لها هاه وش قالك
بتموتين ولا لا هههههههه قالت لا ياأختي ياحبيبة البي مش راح اموووت>>>>>قلبت فاتن حمامه
وقلت اختي حببتي مش حتموتي>>>>قلبت انا شاديه
انا قاعده اضحك على شكلها وهي مو مصدقه انها بتعيش على قولتها
وقاعده اتمسخر عليها>>>>>تعرفون حركات البنات
قامت وطيحتني طيحه قويه >>>>أعوذبالله قلبت الاندرتيكر وقاعده تتنطط

من الفرح
وبغيت احقق حلمها واخليه حقيقه واقتلها بدل الطيحه اللي كانت راح تكسر رجلي

لكن حراااام خليتها تكمل فرحتها >>>>>وبدأت الافراح والليالي الملاح بعودتها إلى الحياه مجددا.....
وإلى الآن اذكرها وأقولها تذكرين يوم كنتي بتموتين هههههههههههه
وتقول اي والله الحمدلله على سلامتي ههههههههههه....
هذي بعض مماعندي فلا تحرمونا مما عندكم....
أختكم حبر العيون
دمــــتـــم بــحـــب