هلا والله اخوي سكرو ،،



والله يالغالي شف انا لي الحين سنه ونص تقريباً وانا مااستعمل الا نسما ..



قسم بالله انه عز ،، وكثير ناس يشتكون من سيبيريا ويشتكون من اول نت ..



لكن نسما قسم بالله ماعمري سمعت احد يشتكي منها واسأل مجرب عنها ،، افضل الشركات الموجوده تقريباً بالسوق هي نسما ..



جرّب نسما وماراح تندم <- تحس انه موظف عندهم ..



يعطيك العافيه أخوي والله يعينك ..



أخوك



راشد ..

بسم الله الرحمن الرحيم

وعليكم السلام ورحمة الله وبركاته

من جهة ان شركات النت نصابه فكلهم نصابه واولهم شركة الانفصالات

انا راح اعلق على نقطة وحده فقط

إقتباس الرسالة الأصلية كتبت بواسطة skroo عاد انا قفلت السماعه وكلمت اخوي بالرياض مهندس كمبيوتر وسألته وقالي ماخبرت ان فيه تحديث يمكن انه يفقش عليك , وكلمت الباكستاني وقال لا يهمك مالها دخل السالفة

لا ياخوي المودم له تحديث

صحيح ماله علاقه بمشكلتك مع سيبريا

لكن فعلا لكل مودم فيه تحديث يحسن من اداءه

لولا ان قوانين المنتدى تمنع وضع روابط لكنت وضعت لك روابط التحديث

لكن ممكن ترجع لها في موقع المودم نفسه

هذا اللي حبيت اوضحه لك فقط

والسلام عليكم ورحمة الله وبركاته

إقتباس الرسالة الأصلية كتبت بواسطة hilalemooot سيبيريا مشترك فيها من سنتين ونص زي اللوز .. بس بالتحميل سيئين الظاهر ان كلامك صحيح .. بس ان جيت للجد يا ناصر جربت كل الشركات انواع المعاناة .. ما أرتحت إلا لما اشتركت عندهم

نفس الحكاية .. بس هالخمسة ايام الماضية دماااااااار وخصوصاً بالزعيم
تتصفح المنتديات اما المواضيع لا تكتمل الصفحة ابداً ..

عموماً الله يكون بعونك والجميع واعذرني لنقل الموضوع لمنتدى الكمبيوتر .
إذا فتحت الصفحه مره ثانية

يا عيني ... يا عيني على اعضاء العالميه

تحس انهم كاااااشات

يلونون وينسقون الرد ... وينكم يا اهل المجلس عنهم ... تعالوا تعلموا

نجي للموضوع

انا من اشتركت في خدمة ( D S L ) وانا على شركة واحده بس .. اللي اهي شركة نسما .. والله قوووووووووووية ويكفيكم اني ماني حافظ رقم خدمة العملاء فيها

<<< خووويه حافظ رقم خدمة العملاء في اول نت من كثر ما يدق عليهم

المشكله اللي عجزت افهمها .. ان بعض الاحياء يكون فيها اشتراك ( نسما مثلاً ) ممتاز لكن في حي ثاني يكون مش ولا بد ..

اي ان المشكله في الكابلات اللي في الاحياء .. وتكون المشكله من شركة الاحتيالات ..

مزودي الخدمه في المملكه مالهم اي دخل في الكيابل .. شركة الاتصالات هي حلقة الوصل بيننا كـ مستخدمين وبين مزودي الخدمه .

في هولندا قبل 5 او 6 سنوات وصل النت عندهم الى مرحلة متطوره جداً ... اللي هو اتصال عبر الموجات .. وحاطين ابراج خاصة لـ النت مثل ابراج الجوال ..

واذا بتتصل عندهم بس افتح الاب توب وطلع الاريل ودز في عالم النت .. موب عندنا قالوا انترنت في التحليه وتشووووف امه لا اله الا الله في الشارع .. اللي في سيارته يتصفح النت واللي في الكفي .. وما طولت موبايلي اسبوعين وقفلت الخدمه

وخدمة كونكت اللي ضحك في ضحك سرعات خياليه قالوا .. واخر شي يا ليت تفتح قوقل في 10 دقايق

اظن اني تشعبت في الموضوع .. استسمحك ورده

اخوووك جرح

والله شي يقهر

الف شكر لك اخوووي

والحمد لله على سلامة اتصالكـ

سلااااااااااام

هلابكـ أخوي سكرو ..

استلم معاناتي مع شركات الانتر نت ..

نسما .. .
شركة طفشتني من النت أول مانزل dsl اشتركت معهم وبدأت معاناتي .. ضعف في الأتصال في أول شهر
الشهر الثاني شبكة الزعيم تطلع ناقصة الصفحة وصدر بيان من ادارة الموقع بذالكـ وحدت الشركات
اللي فيها المشكلة .. دقيت على الموضف وعلمته وقلتله بالمكتوب في شبكة الزعيم .. طبعاً أثناء
المكالمة دخل على موقع الزعيم ورد علي بكلمة ( شغال زي الحلاوة ) في هذه الأثناء كان
ودي أشوف ضله بس عشان أتفل في وجهه ..

كملت وقلتله شف الأعلان :
رد وقال مافيه اعلان ولاشيء انا الحين في المنتدى وما أشوف الا مواضيع الأعضاء ..
بعد كلامة وبعد ماتأكدت انها راحت علي ومافيه أمل انه يساعدني
عطيته صوت القطار بضربة جامدة انكسر على أثرها التلفون

وبعدين انتقلت لـ زجول على أيامها
ماشاء الله خدمة جاً ممتازة وفليتا لأني كنت أشحن بعشرة ريال خخ
وبعد مامشا معي زجول قررت أني أشتركـ شهر
وبدأت تضهر العيوب .. وتركتهم بعد معانات لمدة شهر ..

وبعدين نصحوني ( بسيبيريا )

طبعاً إلى الأن وهي ماشية معاي بشكل جداً ممتاز
وعيبها الوحيد انها فلم واحد ويخب عليكـ
وأنا بصراحة من هوات تحميل الأفلام وهذا اللي كرهني
فيها بس في الشهر الأخير اللي هو شهر 5/2008
بدأت المشاكل في الأتصال والتعليق وكل شيء
والمصيبة ان عندي عدد بطاقتين جديدة كل وحدة منها شهر

وهذا اللي مصبرني على سيبيريا إلى الآن ,,

شكراً أخوي سكرو وكما قال أبو طلال

الفاشل يحصل على امتياز في السعودية والسبب
( الواسطة ) اللي حرمتنا من شركات عالمية
تقدر العميل ..

والله يا ناصر هالdsl معاااااناااة ..

ما عمري سمعت أحد يمدح شركة

انا قد سئلت عن أول نت وقالوا لي لا تفكر فيها..

فدورت شركة ما عليه (زحمة) و(ضغط) واخترت صحارى ..

والحين الوضع (تقريبا ) ممتاز ,,

ناصــر ورده

هلا اخوي
بالنسبة للشركات على ماعتقد مثل مايقولون الاخوان على حسب المنطقة مهب شرط تصير كلها مضبوطة
لكن على العموم افضل شركتين نسما ولا اول نت ولا انك اشترك شامل على فكرة تقدر بالشامل تاخذ سرعة 1 ميغا بقيمة 512 لشهرين ( انواع الدعايات )

سيبيريا كنت مجربها لابئس

هو على حسب المقسم

يعني يمكن زفت عندي وزينه عندك

وفعلا التحميل محدود

وايضا من قالك ان مافيه شي اسمه تحديث المودم

الا فيه تحديثات

http://adslgate.com/dsl/showthread.php?t=19573

ولما المبالغة

والله موضوعك توني اشوفه يا ناصر

وليتني شايفه من قبل يا شيخ .. يوم الخميس اللي راح اشتركت بسيبيريا لمدة شهر .. وبصراحة السرعة تمام ولا يفصل أبد عكس الشركة السابقة [ دي جي نت ] جلست مع خالي واسولف معه واقول له وش رايك في سيبيريا لأني كنت ناوي أشترك مدة طويلة .. قال ابعد عنها يا عبدالله

قلت أفا يا ذا العلم ليه .. قال انت راعي افلام و مسلسلات .. وسيبيريا لك حد معين في التحميل و بعدها تصير السرعة عندك دماااااااااار .. قلت وامصيبتاااه والخمسين ريال راحت على شركة خايسة

ليتني شايف موضوعك قبل كان ما اشتركت فيها ولا قبلت عليها .. لكن الحياة تجارب

بالنسبة لفرمتة الجهاز .. طبعا ً اول مرة ادخل الاشتراك من اول من عند اخوي .. هالمرة جيت ادخل رقم الاشتراك والباسوورد و لاعرفت كلمتهم قالوا ما ندعم المودم اللي عندك لكن بنساعدك .. قلت الحمدلله زين بتساعدوني تقل كنهم يمنون علي .. قلت طيب وش اسوي قال فرمت المودم

قلت وش .. وش أفرمت المودم .. قال رح للمودم من ورى تلقى فتحة صغيرة دخل دبوس فيها لمدة 30 ثانية ويتفرمت .. قلت طيب .. و فعلا ً لمباته ولعت كلها ثم طفت وبعد 30 ثانية ولعت مرة ثانية .. يعني فيه فرمتة .. الفتحة مكتوب عليها ريست !

ناصر منور المجلس العام .. لا تقطع

ورده ورده ورده ورده ورده