|
الله يطيل عمر حيهم و يرحم ميتهم السلام عليكم ،،، الأم مختلفة في كل شيء نحو أبنائها .. في عاطفتها في حنانها في عطائها .. قبل قليل و بعد الصلاة جلست مع ( أمي ) و كالعادة بدأنا الحديث عن مركز الدائرة ( المنزل ) و منه انطلقنا إلى أقطار أكبر على مختلف المستويات . فجأة سألتني أمي . " سمعت قصة الولد اللي عطته أمه عينها ؟ " جاوبتها : " قوليها يمه " و في الحقيقة أي قصة سمعتها أو لم أسمعها أحب أن أسمعها من ( أمي ) فكبار السن مختلفون في كل شيء . بدأت سرد القصة و سأنقلها كما قالتها و بلغتها دون تغيير ما استطعت باسثناء بعض العبارات ( الدرعاوية الصعبة ) :d " فيه ولد صار له حادث و عمره سنة مع أبوه .. مات الأبو و صار الولد كريم عين .. ما بغت الأم إن الولد يعيش باقي حياته بعين وحدة .. عطته وحده من عيونها و صارت كريمة عين ( بعين واحدة ) .. و كانت من خوفها عليه إذا طول تروح تطل عليه تتأكد إنه بخير .. بعض المرات يشوفونها الأولاد و يعيرونه بأمه و يقولون له أمك تخوف .. رجع الولد مره للبيت و سأل أمه : يمه متى تموتين ؟ أبي أرتاح منك .. عزم الولد يشد حيله ويصير شاطر عشان يترك أمه .. نجح الولد وجاب درجات زينه وسافر .. نجح و تزوج و جاه عيال و استقر بعيد عن أمه .. درت أمه عن مكانه و حبت تطمن عليه .. سألت عنه و لما وصلت بيته و طقت الباب فتح الأولاد الباب و خافو .. طلع الولد و قال : جايتني تلاحقيني و تخوفين عيالي ؟! قالت الأم : بغيت أتطمن عليك يا وليدي و دامك بخير الحمدلله .. بعد حوالي السنة أصدقاء الولد في المدرسة قرروا يجتمعون و أرسلوا له .. جا الولد و حضر الاجتماع و قال بامر بيتي و باشوف أمي .. لما دخل الحارة تعالموا الناس الخبر .. دخل البيت ما حصل أحد و هو طالع قابل رجل كبير في السن سلمه رسالة كان فيها .. أنا آسفة يا وليدي كاني خوفت عيالك بس اشتقت لك و ترى شكلي اللي يخوف عشاني عطيتك وحدة من عيوني يوم صار عليك حادث وفقدت وحدة من عيونك .. " عقبت قلت : " الله يعينه ، بيعيش باقي حياته في جحيم " و لأن الأم مختلفة كما قلنا .. انظروا كي يفكرون أمهاتنا .. قالت ( أمي ) : " ما ظنيت إن فيه ولد يسوي بأمه كذا ، أكيد إنهم مزودين و مغيرين " نظل نقصر في حقهم و يظلون أمهاتنا يعطون و يحسنون الظن .. تكلمت والدتي .. أحببت أن تسمعوا معي .. بدأت الكتابة حتى قبل أن تنهي أمي القصة بعد أن استأذنت منها عذري سأوثق القصة .. خارج السطر .. لن أقول اشتقت لكم فربما يأتي من يقول هذا كلام فقط :) لن أقول أحبكم حتى لا يوصف بأنه غير حقيقي :) شكراً لكل من أرسل و تعنى .. صدقوني ليس أياً من هذا يبعدني فالمناعة وصلت إلى نسبة 100 % و من الأقربين مناعتي أكبر من الأبعدين .. فقط هي مشاغل الدنيا .. |
قصة رائعة لكن سؤال يا الغالي هل القصة حقيقية ؟ لك تحياتي .. |
إقتباس:
أهلا بعودتك أخوي أبوريمان |
هلا وغلا اخوي ابوريمان..:smilie47: عليكم السلام ورحمة الله وبركاته,, الله يحفظ ويخلي لك الوالده ... إقتباس:
مهما عملنا او مهما فكرنا نعمل لنوفيهم حقوقهم..سنبقى مقصرين ..:) بالنسبه للقصه ..قراتها وياني حقدت على قليل الخاتمه ..:upset: لكن في هالزمن ..كل شيء جايز ...اعمل زياره يابوريمان لدار العجزه ..كي ترى وتسمع ما يشيب منه الشعر..:) ابوريمان..:smilie47: الله يعطيك العافيه يا مفكر مجلسنا..:smilie47: سلاااااااااااااااااااااااااااااااااااااااااااااااااااااام |
,, أهلا بعودتك أبو ريمان وجمعة مباركة ورده الام وما أدراك ما الأم :smilie47: وربي كلنا مقصرين وكل واحد مقصر القصة مؤثرة للذين يعتبرون فقط ! قصة وربي اني تأثرت بعد قرائتها شكراً أبو ريمان والله يخلي والدتك لك ورده دمت بود :smilie47: |
وعليكم السلام ورحمة الله وبركاته أهلاً وسهلاً فيك وبعودتك أستاذي .. أبو ريمان ورده إقتباس:
مهما عملنا من أمور لن نصل ولو لجزء بسيط يوفي حق الأم ,, قرأت القصة لاأخفيك إن هالأمنور ليست بجديدة على مجتمعنا مثل هالحالات كثير نكرااان جمييييل وجحود للأم أو بالأخص للوالدين معاً :upset: ذكرتني قصتك بسالفة ذكرها لي الوالد إن أحد الأقارب اللي مايخافون الله كان في أحد الأيام عنده مناسبة (عزيمة ) في البيت ,, اللي حصل إن هالشخص الحقير كان يحط والدته الطاعنه بالسن بالسطح بغرفة تشابهه غرفة السجن الأنفرادي بأمر من زوجته :upset: اللي اكتشف هالأمر أطفال صغار سن كانوا يلعبون عاد تعرف لقافة بزران ,, ووصل الأمر للمعازيم وبدل ماكانوا جايين لحضور المناسبة حضروا لأخذ العجوز الطاعنه بالسن ووالدي يقول يعلم الله إنه منظر يدمي القلب وبقلب بارد الولد الحقير يقول : تراااها بتغثكم بحنتها :upset: ,, اسأل الله أن يطيل بعمر والدينا وأن يعيينا ويقوينا على بر والدينا وأن لايحرمنا منهم :smilie47: أخي أبو ريمان شكراً لك وعساك عالقوة ,, حفظ الله والديك وسلمك لهم .وأطال الله في عمرههم ورده إطلالة رائعة منك أضاءت المجلس العام ,, محتاجين لدعمك الفكري واللوجستي بالمجلس :d |
وعليكم السلام ورحمه الله وبركاته هلا بك ابوريمان وعودا حميدااا للاسف هالقصص اول كنت اسمعها ولااصدقها ومالوم والدتك اذا حست انها مبالغه زمان لما اسمع عن عقوق الوالدين احس انها بالمسلسلات بس ولكن الحين والله شفتها بعيني للاسف كــم وحده كبيرة بالسن ساكنه ببيت بروحها بخدامه وعيالهااا مايقلون عن خمسه مثل هالقصص صارت تضايقني كثير لاني سمعت بعض مثلها الله المستعان بس الحين كثير يسكنون مع اهلهم بس علشان الناس بس ولو لو بكيفهم رموهم بدار المسنين الحين الرجال كلهم همهم الوحيد المدام ماتزعل :yes: يارب ارزقنا رضاك و برهم ورضاهم الفاضل::ابوريمان يزدان المجلس كل مره بحضورك لاتطل الغياب الجميع هنا بـ شوق لقلمك ود يليق بك الهنوووف كانت هنا ورحلت |
صدقت ابو ريمان ان حقوق الوالدين كبير قال رجل لعمر ابن الخطاب انا (( احمل امي علي ضهري واذهب بها الى الخلاء لتقضي حاجتها قال : هي فعلت بك ويمها كنت صغير وهي تتمني بقائك وانت فعلت بها الان وتتمني موتها فايالله العجب وفي زمننا هذا ايام البدو اى مايقارب 50 سنه كان رجل يعذب أمرئته عذاب شديدا وهي صابرة متحمله انجبت منه 7 اولاد وذات مرة اتا اليها وقال هيا بناء الي السوق سأشتري لك ذهب ! فرحت المسكينه فرحا شديدا واشترت اجمل الذهب وبعد ان عاد الى البيت طلقها وقال هذا الذهب لأمرئتي الجديدة اخذ عليها زوجه جديدة ومن زود النكايه بها اخذ اولادها (( السبعه معه )) وشد عنها الام المسكينه اخذت تنتظر ابنائها 5 سنوات ولم يأتي احد لزيارتها وهي تنتظرهم كل صباح وقالت قصيدة جميله جدا ساذكر بعضا منها قالت : تكفين يا طيور الحرار افزعيلى .ابى عن ديار الاهل منك اخبار تكفين حومى فوقهم وارجعيلى .وإلا ان حصل لك حومه داخل الدار تكفين حول بيوتهم دوريلى .سبعة فروخ يوم اخليهم صغار شوفى ضناى وعودى وانكفى لى .واشلونهم يا علهم صارو كبار نسوا دفاي ونومهم فى شليلى .وش علمهم يا علهم بطول الاعمار قولي لهم ان امكم لها عويلي .خمسه سنين دمعها دوم مدرار وقولي لهم إني علي طول ليلي .أنوح وليا قرب الصبح أنهار وقولي عيوني دايما له هميلي .تبكي ليا شافت من الناس زوار كل يوم اقول غدى حديهم يجيني .راحت سنيني مابهم واحد(ن) زار وانا اللي من سبت سوات الحليلي .حالي تردى كل ماله وينهار وفرقا ضناي اللي تردت بحيلي .كني على شوفتهم اصلى على نار ياويلي كان الله عجل رحيلي .وانا لي سنين ابي لو هي اخبار ياعونة الله من يبي يرتكيلى . ليا جارت علي بأمر الله كل الأقدار تنكروا من يدخلون الدخيلى .واللي بوسط ديارهم يامن الجار قولي لهم ياطيور قلبي عليلي .الله يكافي قلوبهم صارت احجار وانا اللي لبراق الخيال استحيلي .واقول ياعل ديرتهم للأمطار تكفين وسط ديارهم صوتيلي .شوفي عسى لأسمي مع الناس تذكار وقولي لمن نسيانهم يستحيلي .ياللي نسيتوها ترى الوقت دوار ياهيه ياللي بالسما لك هديلي .ردي خبر تكفين يكفي امرار شوفي هاك اللي نومهم في شليلي .من اذان المغرب لوقت الأسحار شوفي هاك اللي ماتهنى في مقيلي .إلا مقيل معهم كبار وصغار وقولي لهم ان كان حملي ثقيلي .مره يجون وعقبها شي ماصار وانا يتولاني كريم(ن) جليلي .ياعلني في جنّة وسط الأبرار |
هلا وغلا بالغالي ابو ريمان ورده منور المجلس بحضورك اخوي عبد الرحمن ... بموضوعك الهادف والهادي :smilie47: ما اعظم الام ... ومهما قلنا وتحدثنا يصعب علينا وصف مشاعرها وعاطفتها ,,, هذه القصة الرمزية اعتقد انها معبرة للغاية الى دجة انها تكاد تكون حقيقة ... اشكرك ابار يمان حضورك وكلماتك الجميلة ... وحقيقة كلنا صارة لدينا مناعة كبيرة تنمنعنا من الابتعاد عن المجلس:smilie47: لكن كما قلت مشاغل الدنيا ... واعذرنا علة التقصير .. ورده دمت بحفظ الله ورعايته ,,, |
إقتباس:
للحصول على الجائزة لكن المخيله توقفت |
لا حول ولا قوة الا بالله ،، مع الأسف زاد عقوق الوالدين هالايام .. قصص غريبة صرنا نسمعها ،، الي محجر على حلال ابوه والي مايشوف اهله الا بالاعياد مادري كيف يهنى للبعض نومهم وابوهم والا امهم غاضب عليه .. أسأل الله أن يرزقنا رضا والدينا ويطيل أعمارهم يارب .. أبوريمان .. عوداً حميداً أخي :) |
الله حي ابو ريماااااااااااااااااان القاطع من طووول الغيباااات جاب الغنايم حجــــــــــــــــــز لي عودة بالطبع &&&&&&&&&&&&&&&&&&&&& بااااااااااااااااااااك وعليكم السلاام والرحمة حيى الله ابو ريماااان اسفرت وانورت إقتباس:
ياخي مدري وين قلوووبهم من جد هذووولي بالذات اللي يرمونهم في داار العجزة وش سويت لامك وابوك دامك رميتهم لاجل زوجه ولاعيال ولا ولا ولا وين قلبه ولا قلبها اللي تحرض الزوج ولا الزوجه على امه وابوه :upset: مافي احد بالدنياااا بيحبك كثر اهلك :smilie47: ومعليش الرجال اللي يسمع كلام زوجته في سبيل تحريضه على هله موب رجااال انا لوكنت يوم من الايام جاني الشيطان ولعب براسي وحاولت احرض زوجي ع امه وابوها اقسم بالله الكف في هالوقت بيصير عسل على قلبي يكفي حبه لوالدينه رفعته فوق عندي <<<<ماتخيل هاليوم والله لايجيبه ان شاء الله اعوذ بالله من الشيطان الرجيم بس إقتباس:
اهم شي لاتقطعنااا مرررره مررة لاتخاف بيجيك الوقت اللي تسير عليناااااااا فيه يمال العافية يابو ريمان على الهالموضوع التحيف والحساااس والله يخليلنا والدينااا وياك وجميع المسلمين |
إقتباس:
ماهذا يا ماجد !! إلى دجة ؟ هذا انت مثقف المجلس العام |
وعليكم السلام ورحمة الله وبركاته .. ياقلبي على أمه وعلى أمك :smilie47: s13s s60s :clap: يالبى الأمهات اللي كذا :smilie47: .. ماشاء الله تبارك الله .. الله يطول في عمر خالتي أم أبو ريمان :stoned: .. ويحسن خاتمتها وخاتمتنا أجمعين .. شكرآآ على سرد القصة الأكثر من رآآآآآآآآئعة .. تعور القلب بجد :upset: .. سلاااااااااااااااااااااااااااااااااااااااااااااام .. |
ام عبدالرحمن تتكلم عن رمز من رموز التضحيه .. تتكلم عن الوفاء والحب نفسه .. تتكلم عن الرحمه المهداه من الله تتكلم عن إنسانه رضاها أقترن برضى الرب .. تتكلم عن باب من أبواب الجنه يا أعزائي القراء وحتى وإن كانت القصه ضرب من الخيال فنحن يجب أن نعي أن الأم (عظيمه) بدون عبر وقصص اللهم أني اسألك برهما ورضاهما في الدنيا والآخره ××× ابوريمان اسأل الله ان يطيل في عمر والدتك وأن يرزقها الصحه والعافيه والرضى عنك دنيا وآخره أنار المجلس بقدومك وعوداً حميدا اخي الغالي ورده تقبل مروري |
| الوقت المعتمد في المنتدى بتوقيت جرينتش +3.
الوقت الان » 02:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd