#1  
قديم 14/05/2008, 08:23 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
ما شفتو اخوياي ....

بسم الله الرحمن الرحيم


السلام عليكم ورحمه الله وبركاته


نسيت كيفيه التنسيق والتلوين والحركات الحلوه

ونسيت كيف اركب كلميتين على بعضهم نسيت العربي ولا فلحت بالانجليزي



الحين ابي اسالكم ليش ما في تصحيح للكلمات لم اجي اكتب في المنتدى ؟؟

لازم يعني ارجع واتاكد تدرون ما راح ارجع ولا راح ارجع اصحح الغلط ولا راح ارجع اقرى الي كتبته

ابي الكلام يطلع مني عفوي


في البدايه اشكر كل من سال عني وكل من فكر وسال او حتى طريت على باله

يا ناس المنتدى والله شي حلو ابتدت قصتي فيه من اكثر 4 سنوات

كنت توني صغير والى الحين صغير اذكر اني دخلت مع الشياب وتعرفت عليهم

اتذكر ان بكل فتره يمسكون علي شي مثلا برطانيا اسئلو الحاتمي عنها

ومسكو علي العاشق وطلعت اشاعات ان مو انا الي كاتبها بشهاده سلطان لان الي يشوف شكلي

يقول ....اسئلو المشاغب


واخرته طرقن طرقن هذي اسئلو ابو طلال


بصراحه والله اشتقت لكل الاعضاء وايضا العضوات


بس بصراحه المنتدى تغير شوي


صار رسميات وانتبه ولا تغلط وزعل وحقد

يا ناس المنتدى انا دخلته علشان اوسع صدري واغير جو واتقف واقرى واسمع لغيري

ويا ناس خلو الناس تتكلم على راحتها اكتبو مواضيع الي تنقال بعد 12 الليل

تكلمو قولو تجاربكم وقل رايك ولا تخاف انا ما اعرف الا اسم الكتروني اكتب فيه

خلك واثق من نفسك وقل رايك ولا تتبع كلام فلان وعلان


الي ابي اوصله لكم قل الي بخاطرك وخلك مرتاح البال وترى المكان الي جمعنا هو منتدى لتغير الجو

والضحك وتبادل الثقافات مو مكان للزعل



الامر الاخر تصدقون ان الاشاعه شي كويس ماجد مقبل وزوجه

وفلان دشوره

وانا اقول ولا ما اقول ....قالو اني سارق بنك ومنحاش


والله اني كاني عضو جديد في المنتدى اشوف في اعضاء كثير جدد


ابي الشياب حقيني وينهم ؟؟


مثل ما تعرفون حنا اول من يقلط على السفره وانتم القلطه الثانيه

بينجلد من الاعضاء الجدد



الفكره من الموضوع


*نداء الى اصداقئي القدامي

*سلام وشكر للجمع ولمن سال عني خاصه

*ماجد مقبل توظف بشركه جديده شركه سمره هي نفسها حقت السلومي
يمكن بكره نشوف ماجد بالبرازيل يجب لنا لاعب


*الامر الاخر نداء للجميع بكتب ما يجول بالخاظر وعدم التصنع




مثل ما كنت انهي دائما



تشـــــــــــــــــــــــــــــــــــــــــــــــــــــــاو
اضافة رد مع اقتباس
  #2  
قديم 14/05/2008, 08:27 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
وش التوقيـــــت البطل هذا ؟


عندنا بالسعوديــــه أنت


برب وراجع لك

باك

الصراحه شي جميل

يعني تبينا نقول كل شي ما نستحي

هاك الكلام من اول

لكن الان صارت الدعوه تعارف واستراحات

ومقابل وجيه(ن) طيبه ووجيه(ن) دلخه << ترى موب سلطان الدلخ

فلذلك تحس ان فيه رسميه

وفي النهايه ابقولك شي

رغم انك نسيت التنسيق ونسيت الكتابه
لكنك ذيب ما نسيت تشاو

اخر تعديل كان بواسطة » القيصر رهيب في يوم » 15/05/2008 عند الساعة » 04:05 AM
اضافة رد مع اقتباس
  #3  
قديم 14/05/2008, 08:31 PM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
نمر15
يقطع هالخشه على هالتوقيت...


الف الف مبرووووك لابو مقبل ...والله يوفقه ...


لي عوده يالشين




سلاااااااااااااااااااااااااااااااااااااااام
اضافة رد مع اقتباس
  #4  
قديم 14/05/2008, 08:42 PM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,534
وعليكم السلام ورحمة الله وبركاته
هلا أخوي متعب >>> قعدت فترة أفكر لين تذكرت اسمك

حياك الله

الرسميات إللي في المنتدى لأن الأعضاء الجدد زادوا والأعضاء الشياب أكثرهم صاروا ما يتواجدون مثل أول


ومبروك لماجد مقبل والله يوفقه ورده



والسلام عليكم ورده
اضافة رد مع اقتباس
  #5  
قديم 14/05/2008, 08:59 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893



هلا وغلا متعب ورده

وياخي ماودك تديه البر >>> يعني ما ودك تترك المشاكل والاشاعات

عاد اليوم مسكت معي وقلت خلني اراجع ايميلي في الهوتميل

وفتحت آخر صفحة لقيت رسالة من ..........

فتحتها قلت خلني اشوف وش فيها ؟

عاد بعد ما قريتها انواع الضحك من جد ايام مغبره

عاد الرسالة من حبيب قلبي نمر 15 وكانت اول رسايل صداقة بينا

>>> الرسالة بللون الاحمر كما هي
______________________________________

(( السلام عليكم ورحمه الله وبركاته

هلا بالغالي ولد الغالي(مسوي يعرف الوالد)) والله القلوب عند بعضها كنت ناوي اخذ ايميلك

فسبحان الله سبقتي للخير

ولي الشرف بوجودك في ماسنجر وبتنوره

بس لا تزعل علينا ترى داخلاتي في الماسنجر قليل

يعني على اليميل اكثر

محبك

متعب

سلاااااااام

ما اقدر لازم اقول

تشــــــــــــــــــــــاو ))


_________________________________


طبعا انا ارسلت له ايميلي وكانت هذي الرسالة رد من متعب

المشكلة النصاب كل ما ادخل الماسنجر القاه ويقول دخلاتي قليل

أجل الله يسترمن الكثير

متعب ورده

ومشكور على الموضوع الخفيف والظريف والتحيف
دمت بحفظ الله ورعايته ,,,

اخر تعديل كان بواسطة » الهلالي دائماً في يوم » 14/05/2008 عند الساعة » 09:18 PM
اضافة رد مع اقتباس
  #6  
قديم 14/05/2008, 09:03 PM
زعيــم مميــز
تاريخ التسجيل: 17/11/2007
المكان: دولة النكبه : )
مشاركات: 3,934
Smile

ورده ورده ورده ورده ورده ورده ورده ورده ورده ورده ورده ورده ورده ورده ورده ورده ورده ورده


وعليكم السلام ورحمة الله وبركاته ..



حياك الله يالأجودي ..



أما الرسميات مهيب عندي أبد ..


والدليل موضوعي الأخير ..



اضافة رد مع اقتباس
  #7  
قديم 14/05/2008, 09:07 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
طيب سؤال الحين لم ارد على كل واحد ما تسمى هذ رسميات ؟؟
اضافة رد مع اقتباس
  #8  
قديم 14/05/2008, 09:12 PM
زعيــم مميــز
تاريخ التسجيل: 17/11/2007
المكان: دولة النكبه : )
مشاركات: 3,934
إقتباس
الرسالة الأصلية كتبت بواسطة نـــــــ15ــــــمر
طيب سؤال الحين لم ارد على كل واحد ما تسمى هذ رسميات ؟؟

لا لا من قال









< تسمى رد قبل لا أكفخك الحين
اضافة رد مع اقتباس
  #9  
قديم 15/05/2008, 01:30 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
Smile


وعليكم السلام ورحمه الله وبركاته

عودا حميدا ايها الفارس البطل

كلام سليم ولكن اين من يعني ويفهم
المنتديات بشكل عام والزعيم بشكل خاص
صراحه تتعجب من الشي الي يحصل فيه لدرجه انك تضحك يعني امور غبيه واشاعات وخرابيط

المنتدى حاله الحين مش ولابد ونتامل بالافضل
للاسف التفعيل للاعضاء دهور الموقع باكمله ومجلسناا وافقده رونقه الخاص >>>رونقه

بكل فتره بالمجلس عشتها >>>معمره
حسيت فيها شي يميزها


على فكره منهم شيابك واصدقاءك انت من اي جيل الظاهر انك قبلي بشويات

عموما حياك الله ولاتقاطع


الهنوووف

كانت

هنا

ورحلت
اضافة رد مع اقتباس
  #10  
قديم 15/05/2008, 01:52 AM
زعيــم متألــق
تاريخ التسجيل: 12/09/2004
المكان: al riyadh
مشاركات: 1,450
طيب انا اصير صديق ؟!
هلا متعب اخبارك
وين الناس يابو
شفناك النهائي ومن بعدها والهلال متدهور
ما تبي رسميات ؟!
طيب
يالحمار وينك ما تنشاف هاه
الله آبوك يالهيس يالقاطع كل تبن
--> انت تقول مانبي رسميات ولا زعل
متعب تشاو
اضافة رد مع اقتباس
  #11  
قديم 15/05/2008, 03:20 AM
الصورة الرمزية الخاصة بـ S K Y
زعيــم مميــز
تاريخ التسجيل: 30/04/2007
المكان: الـريـاض
مشاركات: 10,811
إقتباس
في البدايه اشكر كل من سال عني وكل من فكر وسال او حتى طريت على باله

بالنسبه لي كل ما ادخل صندوق الرسائل الخاص بي ألقى رسالتك ذيك يومك جايني معصب واذانيك تطلع دخان وناوي على شر .. رساله موضوع زواج المسيار

بصراحه زين انك طلعت فاهمني غلط بس ياخي ورااك على طول عصبت كأنك تدور الزله

إقتباس
يا ناس المنتدى والله شي حلو ابتدت قصتي فيه من اكثر 4 سنوات

انت بديت مسيرتك في النت على طول على شبكه الزعيم
والله انت محظوظ انا طول الفتره اللي قبل تاريخ تسجيلي كنت لاهي في خرابيط ومنتديات فاشله بس الحمد لله اني سجلت وواصلت هنا وما أتخيل في يوم اقدر اترك هالشبكه

انا بديت مسيرتي في النت قبل اكثر من 8 سنوات أيام الدايل أب وأشتراكات أم 10 ريال
كان الأتصال فاشل بس عاادي مانقول شي لأننا ماشفنا خير ذاك الوقت ولا نعرف الدي اس ال

والفاتوره تصك 1500 بالراحه وعاجبنا الوضع .. تعرف مايطيح في النت ذيك الأيام الا واحد كبير ومتطور شوي وعنده قروش < طبعا انا كنت بزر وطفران بس اخوي متفهم الوضع وكان يعطيني وجه وكان توه متوظف ومقرش شويتين ومصلح انا الولد اللي عندي انتر نت

مين يتذكر برنامج الميكروسوفت شات والسيرفراات والبوتات واحتلال الغرف والخرابيط هذي ؟
مين يتذكر أقوى غرفه كان اسمها ( الرياض ) اااااه ذكريات الحين تقفل المايكروسوفت وصار دقه قديمه

مو كأني طولت ؟؟ ×× عادي انت تقول فضفضوا

إقتباس
تكلمو قولو تجاربكم وقل رايك ولا تخاف انا ما اعرف الا اسم الكتروني اكتب فيه

خلك واثق من نفسك وقل رايك ولا تتبع كلام فلان وعلان

والله انك صادق الواحد اذا صار مثالي بزياده مايحس بطعم التواصل مع أصدقاء الشبكه
لازم الشخص يستخف دمه ويضحك ويسولف ويفضفض بس بحدود وأدب مو يفلها ثم يصكونه إيقاف << مايقصد عشاق روما هههههههههه

إقتباس
مثل ما تعرفون حنا اول من يقلط على السفره وانتم القلطه الثانيه

قصدك نستسور .. عادي قلها ترا فيه بدو يفهمون ههههههههههههه


×××

عموما نورت الشبكه اخـوي متعب والحمد لله على السلامه ولا تطول الغيبات مره ثانيه
ما أخفيك سر والله كنت حاقد عليك ذاك اليوم يوم أرسلت لي ذيك الرساله

بس نسيت الموضوع بعدها بفتره والمعزه والأخوه باقيه موجوده لك ولجميع أعضاء الشبكه

تقبل مروري

ورده
اضافة رد مع اقتباس
  #12  
قديم 15/05/2008, 06:35 AM
زعيــم مميــز
تاريخ التسجيل: 19/04/2006
المكان: في مكان لايراني فيه الناس ولكن الله يراني
مشاركات: 5,114


والله انا معاك صراحه الرسميات ماهي زينه

بس المشكله يجيك واحد مسوي فيها ماهو رسمي ثمن ماتدري الا كابه وجايب العيد

=======================================> مايقصد احد

فلذلك خلنا على الرسميات احسن عند البعض مو الكل ورده

وبعدين رد على ردي ترى ان مارديت مانب راد على اي موضوع لك ==> مشكله

مشكور يافتى ولاتحرمنا من مواضيغك التحفه

تبي الصدز عاد وبدون مجامله ،، مواضيعك مدري ليه تعجبني والله رغم انك ماتتكلف فيها

====================================> بالطبع شهاده تعتز فيها

طبعي احب البسيط ومواضيعك تتسم بالبساطه

فيــــــــ امان اللهــــــــــــ وردهوردهوردهوردهورده

هذي ورده خاصه للمشرف سهل ولايهينون البقيه ورده
اضافة رد مع اقتباس
  #13  
قديم 15/05/2008, 08:35 AM
مشرف سابق في منتدى المجلس العام
تاريخ التسجيل: 18/12/2004
مشاركات: 9,681
أهلين ايها الفارس .. اهلاً يا ولد عدوان .. ..
مدري وش الطبخة .. انت مسافر برا الديـآر ورجعت يعني ؟
واذا كنت مسـآفر مسـآفر على خيل ولا حصـآن ؟<< ظريف : $
اضافة رد مع اقتباس
  #14  
قديم 15/05/2008, 03:31 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
الله يعين بدينا بالردود

بسم الله

القيصر الرهيب


هلا بك وحلوه العوده واشوف ما شاء الله مشاراكات صكت 7500 شكلك داعس

والله عن المقابلات والطلعات هي جت في صالح الاعضاء وخففت الرسميات شف رد فيصل تحت ذا البزر ما ينعطى وجه ههههه

بصراحه الاستراحه زاده قوه العلاقه بيني وبين الاعضاء وزادت الميانه شف مثلا ماجد مقبل كانت علاقتي معه جدا رسميه لكن بعد ما شفته صاره الدعوه ميانه

وما عليك كلس انساه الا تشــــــــاو



ابو ناصر


هلا والله وغلا

ياخي وش فيكم على التوقيت وش فيه البضبط

يمكن لان وقت مباره الشباب والاتحاد

ويعجبك ابو مقبل تراها اشاعه


تشــــــــــــاو
اضافة رد مع اقتباس
  #15  
قديم 15/05/2008, 07:13 PM
زعيــم نشيــط
تاريخ التسجيل: 25/06/2007
مشاركات: 790
وعليكم السلام ورحمة الله وبركاته << ماادري انت مسلم ولا لأ << مسلم بشد الميم والسين وفتح اللام يعني قايل السلام عليكم ... الخ

بالنسبه للشبكة الزعيم اول شبكه اسجل فيها واحسن شبكه خلاااص احس تعودت عليها لو اتم يومين مادخلتها حسيت اني فاقده شيئ سجلت بمنتديات ثانيه بس ماقدرت اكمل معاهم

والله يهديهم الاشراف من حطوا افضل عضو وافضل موضوع وافضل رد والناااس قالبه رسميه يبون يفوزون انا واثقه من نفسي ماراح افوز ليش اتعب نفسي

ويمكن المجلس تغير لأن اغلب الاعضاء القدماء انقطعوا وأغلب الموجودين اعضاء جدد وللحين ماأخذوا على بعض ولا صااروا يمونون على بعض

ولا فيهم الخير والبركه القدماء والجدد اصبروا عليهم

مراااحب بعودتك من جديد ولا تقطعنا مره ثانيه

يااامااال الثنكيوااات على هالموضوع السنع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube