هذي سالفة صارت يوم اني بالابتدائي ويازين برائة الابتدائي
وشفت العالم يقولون سوالفهم مع الببس والسفن وروب من العصر الحجري قلت يا الشايب اسدح السالفة بمنتدى الزعيم يقرونه الشباب والبطات
يا طويلين العمر كنت بمدرسة اهلية و كان عندنا مدرس انجليزي اقشر من القشارة نفسها ويا ويل اللي مايحل الواجب او ما ينتبه وكان عندنا واحد معصقل يقول المدرس وش اضرب فيه وكنا نسميه حرمة باباي 
المهم مو هذا الموضوع نعود بعد الفاصل
احد الطلاب ما حل الواجب ولما سأله المدرس ليش ما حليت؟
توقعو وش قال
ليته قال نسيت او اي شي مقبول
لكن الاخ قال
انا كنت جالس بالصالة وابوي بالمقلط قلت له بحل الواجب قال لا عاد مسكين توقعو وش سوى المدرس
قال عذر اقبح من ذنب المهم جابه وحط قلم الرصاص بين اصابعه وعفص اصابعه مسكين والله
الثاني
هذا واحد ثاتي يسمع بالتصريف كان معه قلم الرصاص وكل ما براه ويكتب انكسر السن ويبريه مرة ثانية
بعد 5 محاولات صار القلم نونو صغنطوووط من القهر رجمه ورى وضرب احد الطلاب ولما سأل المدرس من رماه قالو فلان وهذا جالس في الصف الاول واللي جا فيه القلم اخر شي سأله المدرس ليش ترميه؟ قال وهو يصيح استاز انا ما رميته عليه رميته على الجدار أدامي (قدامي) ورجع عليه عاد المدرس حب يجاريه جلس جنبه ويرجم القلم في الجدار يقول وضح الحين طاح هنا كيف رجع ورى؟
الولد ما اكذب عليكم خاف على عمره صاح وبلل روحه 
صدق لا قالو عذر اقبح من ذنب 
الوضع الشجري
