يوم في حياة طالبة ثانوي(الجزء الخامس)
 

السلام عليكم ورحمة الله وبركاته

مساء الخير أخباركم جميعا

كنت دائما أضع عنوان (يوم في حياة طالبة ثانوي) للمواقف المضحكة
بكن اليوم للأسف على الرغم من أن كل الأعضاء يطلبون مني أكمل سلستي بمواقف شبيهة

بعد غياب طويل بالنسبة لي عن هالمنتدى الرائع رجعت من جديد
بعد ما حاولت ألملم اللي بقى لي من حياتي وأسعدني جدا ولأول مرة من شهر
وجود كثير من الرسائل من الأعضاء تسأل عن انقطاعي عن المنتدى
أشكرهم جميعا على السؤال

في يوم الثلاثاء قبل شهر بالضبط كنت أنا وأعز صديقاتي اسمها فاتن متواعدين ننزل السوق
وطبعا هذي الوحيدة من صديقاتي اللي أهلي يرضون إني أروح معها بسبب القرب الكبير بيننا
مهما أقول عن هالبنت ما أوفيها حقها كنت أعشق التراب اللي تمشي عليه أفضلها على جميع خواتي
كانت والنعم فيها يعني تعرف كل شي في حياتي أشياء ما أحد يتخيل إنه ممكن يقولها لأحد بس تعرفها عني
المهم تواعدت أنا وياها لأنه الأربعاء المفروض تصير ملكتها وطلعت قبل الموعد بساعة على أساس أختار لها هدية
وبعد الساعة دقيت عليها:
أنا: فتون وجع إن شاء الله وينك..
فاتن : يالله في الطريق لا تصارخين ولا عاد تزعجين قاعدة أكلم زوجي..
أنا: تدرين ياني أكرهه هالرجال بياخذك منا وجع مدري ليه وافقتي من زينه
فاتن: أقول لا تغلطين بس يا عمري ما أبيعك بالدنيا..
s16s
أنا (والدموع في عيني) : أقول خلاص يالله بلا هذرة بايs116s
فاتن : باي
وأنا أنتظر دقيت طولت البنية دقيت عليها مشغول أرسلت لها رسالة( يا الدبة وينك والله برجع البيت)
وصلتني رسالة بعد 10 دقايق (هههههه يالله يا الغالية ربع ساعة وأنا عندك)
وبعد نص ساعة يدق علي أخوي ويقول لي وينك قلت له بالسوق قال لي أبغاكي ضروووووووري جايك ألحين استغربت وطلبت منه يأجل
بس ما رضى طلعت معاه وأدق على فاتن في الطريق أبغى أعتذر لها بس الجوال مغلق وأرسلت لها مسج (آسفة يا عمري اختاري الفستان لحالك
هالحمار تركي يبغاني ضروري) وصلت للبيت ودخلني الغرفة وأنا مستغربة وش السالفة بس ساكتة وأحاول أدق عليها بس ما فيه فايدة
بعد ساعة وصل أخوي نايف وهذا أقرب أخواني لي أعتبره صديق مو أخ وأنا خاطبة فاتن له (استهبال) مرة استانست بجيته من السفر بس
بعد استغربت لأنه توه مسافر أول مادخل سلم علي وبعدين قال لي وين مفتاح الغرفة والجوال وبكل حسن نية عطيتة
قلت له : نيوف فاتن مدري وش بلاها ما ترد خطيبتك بتتزوج ونستنا
نايف: أقول وش شعورك إذا فارقتيها
أنا : أمووووووووت بس
نايف : مرام فاتن توفت اليوم بحادث
أنا خلاص الدنيا ما عاد صرت أشوفها بس قمت وطردته ومدري وش بعد قلت له بس أكيد غلطت عليه بكلام كبير مرة
بس ما حسيت إلا بكف على وجهي صحاني (كنت أتوقع إن هذي حركات مصارية بس طلعت تنفع من جد )وبعدها خلاص
قعدت وأنا أصيح وأخوي بجنبي ولا يتكلم وأسمع صوت أمي في الصالة تبكي
ضليت على هالحال 5 أيام ما أدري عن شي وأخوي الله يخليه قاعد بجنبي حتى هو كان لها مكانة خاصة بقلبه صحيح كان يقول يبغى
يتزوجها مزح بس حسيت إنه تضايق لما انخطبت
في اليوم السادس طلبت مني أمي أروح لبيتها بس ضحكت باستهزاء ورحت ابغى أنسدح لقيت الجوال على الطاولة شلته أدور على اسمها
(سلطان بيك) بس ما لقيته يحسبون إني مو حافظة الرقم دقيت عليها بسرعة بس رد علي شخص من صوته عرفت إنه سلطان خطيبها
على طول نزلت دموعي وقفلت: يا الله هذا اللي حبته فاتن كيف حياته بعدها الله يعينه بس
المهم بعد أسبوعين قررت أداوم بالمدرسة وطبعا باتفاق من الشلة قررنا ننسى فاتن ورحت أول يوم من دونها
أول وحدة من البنات كانت أبرار هذي تعرف بكشختها كانت مبهدلة لآخر درجة حظنتها بكل قوتي وبعدين وصلوا البقة كنا 10 بنات بالشلة
صرنا 9 دخلنا الفصل بس ما قدرنا نقعد فيه مكان دايما كانت تصر إنها تقعد فيه وراي حاولت الحصة الأولى بس لا وين اللي
كانت دايما تفتح شعري وأنا أصارخ عليها كانت لعبتها في الحصص شعري صحيح كنت أتضايق بس ألحين لا وينك يا فاتن
ما قدرنا نكمل هاليوم افترقنا كلنا وكل واحدة راحت بيتها
بعد أسبوع من هاليوم طلعت للمدرسة بس استغربت أخوي اللي يوصلني مو من عادته وصلني لمدرسة جديدة
ما علقت على السالفة نزلت ودخلت هالمكان لقيت الشلة في انتظاري وبديا من جديد حياتنا
تعاهدنا إن حنا نظل مع بعض وما ننسى فاتن مهما صار ونسوي اللي نقدر عليه عشان نسعدها
((( الله يرحمك يا فاتن ويسكنك فسيح جناته )))

أتمنى من الكل ما يسوي اللي أنا سويته لأنه غلط حاولوا تنسون بسرعة


دمتم بود
أختكم:
بني حارث

لا حول ولا قوه إلا بالله

الله يرحمها ويغفر لها ويسكنها فسيح جناته .. صدق الدنيا مافيها أمااان والواحد لازم ياخذ أحتياطاته ويعمل لآخرته لأن الموت فجأه وبدون مقدمات

الله يصبر أهلها وذويها وأحبابهاا .. كنت أقرأ الموضوع وأبتسامتي تشق الوجه اقول بتجي الحين ذبه والا موقف بايخ
يوم قلتي حادث كن واحد صكني كف

الله يرحمها ويغفر لها يارب :smilie47:
يعلم الله اني حزن حزن ما يعلمه الا الله وانا اقرى الي صار
الله يرحمك يافاتن وجميع موتى المسلمين :smilie47:...
والحمدلله على السلامه يابني حارث ..
صراحه موقف اخوانك قهرني المفروض يعلموك بأسلوب افضل من كذا
صادق سكاي يوم قلتي ماتت والله كن الكف بوجهي .. لا والله الكف اهون :(


ماني مصدق لو يقولون ماتت .. شلون ماتت وهي البارحة كلمتني !
اشتقت لك ولنظرتك حيل اشتقت .. ولهمستك ولبسمتك اللي ساحرتني .. !
قالت ابي منك الوعد لو انا غبت .. تحفظ مشاعر حب فيك جمعتني ..
قلت احفظه واحفظ ما دام انا دمت : ) .. بس ارجعي فرقاك [[ موت ارهقتني ]] ..
يـاخوي قلـي صـدق هي توفـت ؟؟ شلـون وهـي البارحـة كلمتنـي
^
^
اتوقع هذا لسان حالك وقتها :(

وعليكم السلام ورحمة الله وبركاته
الحمدلله ع سلامتك ..

والله الموقف من جد يهز .. :(
الله يرحمها ويغفر لهـآ ويغمد روحها الجنة ..

والله نفس الشي كنت انتظر موقف مضحك

لكن انصدمت يوم قالك اخوك ان فاتن ماتت

ياربي .. الله يرحمها ويغفر لها ويسكنها فسيح جناته ..

ويصبر اهلها وذويها وخطيبها .. ويصبرك انتي ان شاء الله ..

عظم الله اجـرك ..

لاحول ولا قوة الا بالله

الله يعوضك ان شاء الله

سي يو

وعليكم السلام ورحمه الله وبركاته

هلا بك اختي

لاحول ولاقوه الا بالله
الله يرحم فاتن ويسكنها فسيح جناته
ويجمعكم بالجنه يارب

هي تحتاج دعائكم الحين لاتبخلون عليهااا :(


هذا حال الدنيا
سبحان الله ناس ماتقدري تفارقينهم يوم واحد ويجي يوم تتركينهم غصب عنك
ااااااااااه بس
ماحب افكرر اني بفقد شخص غالي علي
مجرد مافكرر باشخاص وانه ممكن افقددهم بيوووم حالتي تكون دمارر
صدق النسيان نعمه احيانا ولكن للاسف انا هالامور الحزينه تظل ببالي

يارب لاتفجعنا بغالي:(


ذكرتيني
بوفاه صديقتي
جاني اتصال من بنت عمي قالت صديقتك بنت ال فلان قلت ايه قالت يقولون انها ماتت
كنت وقتها مصدومه ويمكن ليومك وانا مو مستوعبه ان فلانه ماتت صدق
يمكن حتى دموعي مانزلت مع اني حساسه كثير بس للحين الخبر مو داخل راسي مع ان صار له 8 سنين يمكن


ذكرتيني بوفاه ولد خالي
اااااه:(

الله يرحم موتى المسلمين ويجمعنا بالجنه:(


اتوقف هنا

الله يجزاك خير
آآآآآآآآآمين يا رب
إنت وأنت ما تعرفها قلت كذا أجل أنا وش أقول
آآآآسفة على التأخير في الردود بس
والله ما قدرت أكمل
تسلم أخوي

و عليكم السلام ورحمة الله و بركاته

ولا حول ولا قوة إلا بالله إن شاء الله ..........

الله يصبر أهلها .....

آآآآآمين
الله يسلمك أخوي لا هنت
أخواني ههههه الله يعينهم صحيح حتى أنا عتبت عليهم بهذا الموضوع بس
يدرون إني ما رح أقدر أصدق أي شي يقولونه إلا الصدق
بس هم حزنوا مثلي
هذا اللي كان في بالي
أخوي وربي بكيت دم على الأبيات اللي كاتبها لأنها من جد
تحكي حالي وقعدت على ردك أقراه نص ساعة
لا هنت والله يجزاك خير

الله يسلمك
آآآآآآآآآآآمين يا رب
مشكور\ة منور\ة
لا هنت\ي على المرور والدعوة

خلصت المواقف المضحكة بعد رحيل الغالية
اللهم آمين
الله يجزاك خير
مشكورة حبيبتي

أسير الشمال الله لا يهينك على المرور

هلا فيكي
اللهم آمين
الله يجزاكي خير
آآآخ يا الهنوف أنا ما أتوقع فيه ساعة تمر ولا أكلمها مو يوم
الله يرحم صديقتك هذا إنتي قلتيها 8 سنين الله يعينك
الله يرحم ولد خالك ويسكنهم جميعا فسيح جناته
أشكرك على المرور

مررررررررررررررراحب بااختي الغاليه ..:smilie47:
الله يغفر لها ويرحمها ويجمعك بها في مستقر رحمته ..

أهلا راكان
آمين يا رب ويصبرنا جميعا
مشكور على المرور