ياسلام على الطبخة الي تعلمتها بالغربه .. بالعربي هي الطبخه الرئيسيه للعزاب!!
مساؤكم تش تش مع أني مغترب وأرفل بس بالبيض ميه ميه طبق اليوم بيض 
المقادير
1- بيضه
2- بيضه ثانيه يمكن تنكسر البيضه الاولى
3- بيضه ثالثه يمكن البيضتين اللي جبتهم اول شي كلهم ينكسرون
4- هات بعد بيضه شخسران ماهي ضايعه كلها بشلن ( الشلن هو مسمى 15 قرش عندنا في دولة ...... ماني قايل
5- خلاص لاتجيب بيض كل اللي نبيه بيضه ،رجع البيض الزايد
6- هاته هاته لاترجعه راح نحتاجه بطبق بكرا
7- هات بيضتين بعد لطبق بعد بكرا
8- هات بيضه وحده احتياط يمكن ينكسر بيض طبق بعد بكرا
9- هات شاني معاك
10- يمكن اختصار المقادير من 1 الى 8 بخطوه وحده وهي شراء كرتون بيض ( حسب الرغبه )
11- اذا تبي تطبق خطوه رقم 10 هات كرتون بيض احتياط يمكن ينكسر الكرتون الاول
12- لاتنسى الشاني
13- ملح
14- كثر الملح
15-رقم تلفون مطعم
16-اذا كنت بالبر هات حطب
الخطوات
قبل لا ابدا الخطوات اركض هات زيت نسيت احطه بالمقادير
نبدا الخطوات
1- اضرم النار في الفرن بواسطة عود ثقاب
2- ارجع اشتر عود ثقاب وكرر الخطوه رقم واحد بالخطوات
3- ضع المقلاه المصديه فوق النار
4- ضع وابلا من الزيت في المقلاه
5- ابتعد عن المقلاه 100 متر حتى لاتتشتش بوجهك ( احلق شاربي اذا قريت تتشتش عدل من اول مره )، اذا مساحة بيتكم اقل من 100
م ، رح للشارع وطقلك زقاره على ماتخلص التشتشه
6- اقترب من المقلاه بعد ان تنقطع التشتشه اقترب ولا تخف ايها الجبان
7- ياخي اقترب شفيك خايف
8- خلاص انقطعت التشتشه ماراح يصير شي اقترب
9- اقترب قبل يتبخر الزيت كله ونعيد الخطوات من اول جديد
10- عفيه على الشاطر
11- افقس البيضه بالمقلاه
12- لاتتحاذق بفقس البيضه بجبهتك كما يفعلون بالافلام فهي خدعه سينمائيه ( يرجى من المراقب و admin بأعلامي ان كان احد سبقني بكلمة تتحاذق في هذا المنتدى )
13- ليش تتحاذق وتكسر البيضه على جبهتك
14- اشوا اني كثرت البيض بالمقادير ولا كان فشلت الطبخه
15- اكسر البيضه الاحتياط بالمقلاه
16- ابتعد 50 متر عن المقلاه ستكون التشتشه خفيفه ، اذا مساحه بيتكم اقل من 50م يجب ان لاتطبخ ببيتكم اطبخ بالشارع
13-اقترب من المقلاه مره اخرى ولا تخف هذه المره ايها الجبان
14- ماشاء الله عليك بسرعة اقتربت من المقلاه ، جسرت ، المره اللي فاتت ثلاث خطوات يالله اقنعك انك تقترب من المقلاه
15- الطبق جاهز بالهناء والشفاء
16 -تصدق نسينا الخبز
17- اركض هات خبز
18- الحين الطبق جاهز ولكن نسينا نحط ملح
19- دق على مطعم لاتنام بدون عشاء
20- اطلبلي بيض معك
بالهناء والشفاء
طبق بكرا كان المفروض يكون عيشه بيضا بس لان العيش صار غالي راح نسوي بيض بعد
الوضع الشجري
