بطولتين ما تكفيكم ... للزعماء فقط - نادي الهلال السعودي - شبكة الزعيم

riyadh_riyadh · #1 12/05/2008, 02:59 AM

السلام عليكم لكل زعماء الكره الارضيه

ابدخل في الموضوع وبكل هدوء

بدينا نشوف بعد نهاية مبارات الهلال والاتحاد انواع الانتقادات لفلان وعلان والاعب الفلاني والظهير و ... و...و .......

وبعدين معاكم

ماهم هذولا اللعيبه الي جابولكم بطولتين ومن اهم بطولات الموسم ؟؟؟؟؟
ماهم هذولا اللعيبه الى تمرنون وتعبوا وركضوا وانت وياه جالسين قدام التلفزيزن تقشمون حب
حتي ما كلفتم عمركم ترحون للملاعب ؟؟؟؟؟؟؟؟؟؟؟؟
ماهم هذولا الاداريين الى تاركين امورهم وعيالهم عشان بسماتكم وفرحتكم ؟؟؟؟؟
نسيتوا وش سوت لجنة الانضباط وغيرها عشان يتعطل الزعيم!!!!

حتي ادارة المنتدي ما سلمت من شركم !!!!

بدال ما نصفق ونقول الله يعطيكم العافيه !!!! صار كل واحد فينا مدرب وجالس يختار لعيبه ويحط التكتيك المناسب وهو ما في راسه كوره

من يومين تقولون كوزمين داهية الدواهي والحين ماهو عاجبكم ؟؟؟

وللاسف صار المندسين من الانديه الثانيه يكبون البنزين على النار

ابقولها كلمه في اذن كل هلالي
خلونا يد وحده بالخطوات التاليه
1- نقدم احترامنا وتقديرنا للاداره والاعبين وكل من تعب واجتهد ورسم الفرحه على وجيهنا بالبطولتين الغاليتين
2- نوقف اي انواع الانتقادات بشكل كامل الين نريح استراحة المحارب
3- نمنع تدخل اي دخيل علينا من الانديه الحسوده
4- نفتخر بهلاليتنا الى اخر المشوار

كلامي هذا موجه لكل هلالي غيور على ناديه ويحبه مثلي وانا ما عندي ادني شك في ولاء الهلالين لناديهم
بس البلاء في بعض الناس الي يصيدون في الماء العكر
وعندي الكثير والكثير بس اسف للاطاله