بسم الله الرحمن الرحميم
هارد لكم الخساره
اللي ماجت من نادي الاتحاد جت من الاتحاد السعودي
احب اهنئي لاعبي الزعيم على ماقدمو من مستوى مشرف هذا الموسم
جميعهم بدون استثناء
وسب الخساره اشوف بعض الجماهير تلوم المدرب على التشكيله وعلى الخطه والتغييرات
المدرب والله ماينلام وش تبي يسوي وهو يشوف
الجدول والانظمه واقفه ضده
كيف تبيه يفكر ويخطط وهو يشوف الظلم بعينه ويشوف المهازل والخربطه اللي صايره بالدوري
على كل هذا الاعبين الموقوفين والمصابين
هنا يجب علينا عدم السكوت على المهازل اللي تصير للزعيم
وعلى الظلم وعلى جدوله الدوري
يجب نقف مع بعض على هذي القرارات اللي فيه اجحاف لنادينا
ليش السكوت وليش رمي التهم ورمي التقصير باعضاء الفريق والمدرب
والسبب الاول ولاخير هو من لجنه الانظباط الله يظبطهم ان شاء لله
انتو شفتو كيف الموسم مضى وكيف سار فيه الهلال
يمشي برجل والرجل الاخرى تتعرض الاصابات والايقافات والظلم والنقل
وعلى كذا ماقصرت هذي الرجل جابت لنا مايحلم به الاخرين
برجل وسوينا اللي ما يقدر يسوي غيرنا من سنين
اللي تعرض له الهلال اتحدى اي فريق تعرض له
واتحدى اي فريق يسوي مثل ماسوى الهلال
شفنا كيف جماهير الاتحاد والنصر والحزم
يستخدمون الليزر ضد الدعيع ولاحس ولا خبر ولا قرارات
شفنا جماهير الهلال تدافع عن نفسها ضد جمهور الوحده
ويتم نقل مباراه مهمه له
ويقاف نجم الهلال التايب علشان دافع عن نفسه
وشفنا كيف كيتا يبصق ويلطم اخصائي الهلال ويعاقب الجاني
بايقاف مباراه
والمجني عليه
بايقاف مباراه وغرامه الف ريال
شي لم يحصل في دول العالم كلها مثل هذي القرارات
على كذا بيصير فيصل عبدالهادي ( جـــحــا )
اذا كان كذا قراراته
طيب اجل الموسم القادم احنا اللي بنسوي شغب ونسوي فوضه
علشان خصمنا اللي هو يتوقف نجومه ونقل لمباراته القادمه
انا لااحرض جمهور الهلال على الفوضى
بس من باب الحذر
يعني انت ابداء واسلم من العقوبات
مااقول غير هنيئا لنا بهذا الاتحاد
هنيئا لنا بالتنظيم اللايق
هنيئا لنا بالقرارات المستعبطه
هنيئا لنا بلجنه الانظباط
هنيئا لنا بمستقبل رايع للكره السعوديه
هنيئا لنا باللجنه اللي اول قرارات العقوبه دايما للهلال لكي تتعلم كيف تصدر قرار
ان شاء لله مانشوف في الموسم القادم الي شفناء بهالموسم
وان شاء لله لنا موعد الموسم القادم مع اداره جديده
ولاعبين جدد في في بعض الخانات
وان شاء لله الموسم القادم لنا كلمه ولنا صولات وجولات مثل هالموسم
اللهم لك الحمد والشكر على اللي حصدناء هالموسم
اللهم لك الحمد والشكر على الاداء والمستوى المشرف
اخوكم : نواف العتيبي