وش شعوركم لو يحصل لكم الي حصلي؟؟؟؟
الي حصل هو.........
كنت واقف في أمان الله لاللي ولاعلي عتد الإشارة-واناطبعل موقف عندها من أول ماصارت برتقاليه-
الخوف مليح - تعرفون المرور هاليومين مطفرين ويبون اي شي عشان يصفقك بقسيمة
المهم وانا واقف انتظر الاشارة تصير خضراء وانا رابط حزام الامان علشان اذامر عسكري المرور
اناظره بعين واحط عيني بعينه وهذي من المرات النوادر الي أربط فيها الحزام ا
المهم مابغى أشطح بالموضوع بعيد أول ماولعت الاشارة خضراء طبعا انا مامشيت الا بعد ماتأكدت
مية بالمية انها خضراء والي وراي دق لي بوري المهم مشيت ومشيت ومشيت...........
الا وانا أسمع ذيك الخبطه الي تقول قنبلة كنها قنابل الامريكان على الأفغان.......
تدرون وش الي صار أكيد بتقولون سيارتين تصادموا أقول لكم لا......
الي صار ياجماعة الخير ان الاشارة الكبيرة الي كنت واقف عندها طاحت من عالي مبانيها للساس
انا ألتفت بشوف وش الي صار اثر الاشارة طاحت على سيارة ونيت والونيت هذي كانت وراي
بالظبط وهوالي دق لي بوري
انا يوم شفت الي صار جاتني نفاظة
وأم الركب
وأقول في نفسي الحمدلله رب العالمين وش لو الاشارة تأخرت مافتحت بس 10ثواني زيادة
كان انا الحين في خبر كان.......
طبعا الي كانوا في الونيت باكستانيه اثنين طلعوالاحمدلله سليمين من السيارة ماجاهم شي
بس جتهم روعه يوم شفت روعتهم خفت شوي روعتي
والحمدلله على كل حال الذي لايحمد على مكروه سواه
الوضع العادي
