سلام عليكم
الحقيقه عقب اقتراحاتي اللي زي وجهي للموقع واللي انسحب علي ولاطقت الإدارة خبر
لي وصرت كني مروحة شفط خربانه <<--< لحد يسأل اي اقتراَح
قلت ياولد خلني اقدم لو شيء بسيط للموقع واحاول في مجال الطبخ !!!!
وقررت أني انثر خبراتي كلها عندكم هنا !! وحصري فقط لموقعكم <<< يلعن ابو الثقه يا الشيف رمزي
طبختي اليوم راح اكتبها وأتمنى الدعاء لها بـ رمضان الجاي
ومن محبتي للموقع أبي انجحه بطبخي وأخلي العالم يتكلمون بكم وبمنتداكم وانه اطلق منتدى للمغتربين !!
وبيصير عندنا ضغط هنا ومافيه الا عوائل داخلين بورقة وقلم ينقلون المقادير ياقلب العنا <<؟؟؟؟؟؟؟
أي احد عنده استفسار ارجو انه يكتبه هنا ولايزعجني على الخاص بليز !!
مابي الخاص يمتلي برسايل كلها كم نحط فنجال سكر وكم كاس طحين !!
طبق اليوم : بيض عيون

طبعاً عشان اعيش الدور بتكلم وكاني اخاطب انثى !!

كح


1- القطي التاوه وانا اخوتس وشبي القز واقصري عليه !!
انتظري التاوه الين تصير تدخن دخان ازرق ولاتحطين اي شيء فيها لازيت ولا مويه الين يطلع الدخان الازرق ولو طلع دخان اسود غيري التاوه تصير ماتنفع لاني اشوف الدخان ازرق اذا شبت امي على التاوه ولازم تطلع تاواتكم مثل تاوتنا <<< وليش مايطردونك ويفكونا
وفي حال ماطلع دخان ازرق ياليت تصبون في التاوه حبر ازرق الزبده نبي دخان ازرق
2- اذا دخنت الدنيا وصار الدخان مغطي الجزء العلوي للمطبخ وبقي شوي وتجي المطافي يحسبون فيه حريقه صبي شوي زيت وانتي مقربه خشتك للتاوه ولازم تكونين مبتسمه عشان اذا قبست الضوء يصير التفال اللي في براطمتس مضاد للهلب المنبثق من سطح التاوه جعلها ترقع وجه العدو
3- افقشي البيض بطريقة خفيفه ولاتصيرين جفسه وانا اخوتس !! يعني طقطقيها على حافة التاوه وبشويش وبعدين ادلقيها في التاوه بشويش عشان ماتنفع الصفاره فقع الله وجهك اللي كنه قرعة فاسده وطبعاً على حسب حارين البطن اللي بياكلون حطي عدد البيض
4- اقصري على النار وغطي التاوه بطوفريه خمس دقايق << تحسب الناس لازم تسوي مثل امك وماعندهم غطيان للتاوه يا قروي
5- بعدين ودي التاوه وحطي تحتها بيز عشان مايموع السماط وكلي انتي واللي معك الين تنشق بطونكم وبا الهناء والعافية وادعو لي وانا ايقن انها بتفيد

على قولة المثل

اسال عزوزالبطل ولا تسال دكتورن دبشه !!

والى اللقاء في اكله اخرى ومع السلامه

مرحبا اخوي ياليت تعدل اللي وضعتها لك بين اقواس في موضوعك وباللون الاصفر ..

ولي عوده بكره إن شاء الله

ياجماعة الخير اتمنى أشوف التفاعل الجارف بموضوعي هذاا وياليت يكون موثق بصور من
ارض الحدث وللتاوه تحديداً ابي فعلاً أحس اني قدرت اوصل لكم الطريقة بسهوله لدرجة
انكم قدرتم تطبقون شرحي بسهوله !!! بالعربي ابي ريحة موضوعي تعجعج ريحة بيض !

اللى اللقاء مع الطبق القادم : كيف تصلحين الشاهي في ربع ساعة وانتي مغمضه !!
وعد مني لكم يا بنات كلها كم شهر وتصير الوحده تقدر تتزوج اربع رجاجيل وتطبخ لهم في أنن واحد <<< الله يقلع يومن سجلت فيه وبس

طيب البيض نحطه في موية حارة ولا نفقش على طول في الطاوة ؟

شكرن

يا ابو ليث لا تصدق ترى ذي مب طبخه هذي وحده من ثنتين:
الاوله:انتحار.... الثانيه:تشويه للخشش................>ههههههه

اما انت يا صاحب الموضوع..
موضوعك فله والله
بس لا تعيدها وتعيش الدور مره ثانيه
اصبر بنادي شغالتنا وقول لها الطريقه والله انها فاقعه مرارتي؟؟؟

عساها تحترق وتعرف ان الله حق................ >احس اني مجرمه ههههههه

اما حبل الغسيل.........
ياخوي احد قالك انك فاااااااااااااااااااااااضي مره

احسك عايش في سطح بيتكم.............يا الطيب

انا قاعد استفيد من الكلمات اللي كاتبهن من من الطبخه

والله يا عليك مصطلحاااات امنا ايه

Hey bro try to write Italian Meal. cuz u r very good chief..
Frankley, i have alot of things to do with American life and the University.
See ya