هلا ومسهلا فيكم حبايبنا الزوار ..
قرر فريق تصوير قسم السفر والسياحة أن يأخذكم معه في رحلة لـ //
[ متحف الطيران ] بالرياض ..
المتحف أنا اعتبره يشتكي بقوة من قلة الزوار بالرغم من قرب مكانه وجمال محتوياته !
المتحف .. يقع على طريق الدائري الشرقي بين مخرجي 10 - 11 ..
ومن أبرز معلم على المتحف الحين انك تشوف طيارة ترايستار واقفة قدام المتحف وواضحة من الشارع ..
كيف وصلولها هنا هنا مربط الفرس ! 
تابعنا وتعرف كيف وصلوها ! 
اجتمعنا أنا The Top وعواء و سلطان العبد الكريم ..
وانطلقنا عصر يوم الخميس إلى المتحف ..
قيمة تذكرة الدخول : 10 ريال بس الله يديمك يا رخص 
<< بكرة بيرفعون السعر يقولون كل شيء ارتفع وقفت علينا
طيب نبدأ رحلتنا .. وش رايكم ؟؟
يلا نبدأ !
أول ما دخلنا مسكت مع الشباب إلا نصور الترايستار اللي برا !
والله يا هي كبيرة يالله يالله قدرنا نصورها ..
[ الصورة من التقاط المصور المحترف سلطان العبد الكريم ]
وش قصة ذي الطيارة ؟ 
انا وعواء وسلطان اشتغل حس الشفاحة واللقافة قلنا إلا نعرف شلون جابوها ووش له ؟
دخلنا وشفنا لنا واحد من اللي يشتغلون بالمتحف قلنا له حنا تبع منتدى المعالي ..
يوم سمع السالفة فيها انترنت قام والله وهلا ورحب وبدينا جولتنا ..
وهذي صورة مرشدنا في المتحف بجانب مجسم طيارة F-15 حقت سلاح الجو السعودي ..
وجدنا فرصة إننا نطفي حس الشفاحة فسألناه الطيارة ذي شلون جبتوها اللي هي الترايستار اللي برا ؟
فيه مدرج يعني بذا المتحف ؟ 
قال لا ذي سحبناها سحب من القاعدة الجوية إلى المتحف عن طريق ممهد بري ! 
سألته طيب ليه ما فتحتوها يعني للزوار يركبونها ؟
قال ذي قاعدين يجهزونها بيخلونها مطعم ..
دخلنا المتحف وهذي صورة بوابة مبنى المتحف الرئيسية ..
تلاحظون إن اللي عند الباب ترى ما كان يدري إني بأصوره أبد أبد
أول محطاتنا هي أول طيارة حلقت في أجواء المملكة وهي طيارة : التايكودا أهداها روزفيلت إلى الملك عبد العزيز ! شفتوا الهدايا كيف ؟ موب لا جاء واحد يهديك يهديك عطر أبي طيارة وإلا ما فيه
حلقت في أول رحلة جوية بتاريخ : 4 / 10 / 1364 هـ
حلقت من عفيف إلى الحجاز في أول رحلة لها ..
هذي صورة من مذكرات الأمير بندر بن عبد العزيز ..
تتحدث عن من كان معهم بالطيارة ووين راحوا وغيرها من معلومات ..
وهذي يوضح فيها التاريخ حق أول إقلاع للطائرة ..
وهذي صورة من قمرة القيادة تشوفون الطيارين آخر موديل يطيرون وهم لابسين شماغ وعقال
وهذي صورة لكراسي الطيارة .. موب كأنها باص أبو 15 راكب ؟
من الأشياء الجميلة بالمتحف وجود شاشات عرض متنوعة تعرض لك بعض المعلومات ..
مثلا عن / الصقور الخضر الفريق الإستعراضي السعودي ..
وأيضا / طريقة انقاذ الطياراين
كما يعرض هناك / الصور المصورة من حرب الخليج وكيفية جروج الطيارين وعودتهم من المعركة ..
وهذي صورة لأحد الشاشات ..
وهذي الصور اللي تحت لـ طيارات مراقبة سعودية قديمة ..
والصور اللي تحت صور منوعة من المتحف ..
معلومات رائعة :
* أول طيار سعودي اسمه سعيد بخش ..
* أول مهندس طائرات سعودي : عبد الله الصانع ..
حقيقة المتحف لا تكفيه زيارة واحدة ..
ففيه أشياء كثيرة في الدور الثاني مررنا عليها بسرعة ..
لكن أتمنى إني قدمت لكم ولو شيء بسيط من المتحف ..
،
،
كان معكم في الزيارة والتصوير :
The Top ، سلطان العبد الكريم ، عواء ..
شاركونا بتواقيعكم
كود PHP:
[url="http://forum.ma3ali.net/t433243.htm"][IMG]http://www.nooooor.net/sfr/banner6.gif[/IMG][/url]
مع تحيات :
فريق قسم السفر والسياحة والرحلات ..
الوضع الشجري
