شف وجه العنز ... واحلب لبن
انت خوخه .. إنت مشمش ... انت والله حاجه تربش ...
ستوب انت خوخه ... يعني من زين شكلها .. دوكم صورة الخوخة
تخيل اخي الكريم .. أختي الكريمه ان وجهك مثل هالخوخة :
وش بيكون موقفك قدام أهلك .؟؟ او حمولتس يالبنت ؟؟
هذي الخوخة الحين ..
نجي للمشمش ...
ناظروا التشبيه بس .. وغمض عيونك وفتحها بسرعه وتخيل انك قالب مثل هالصورة
بغض النظر عن شكلها اللى يشهي والطعم اللذيذ وفائدتها للجسم .. بس ودك تصير مثل هالمشمش ؟؟ يصير مقفاك هالشكل مثلا ؟ لارقبة .. لاظهر .. لاعيون ؟
على أي أساس جاب هالفاكهتين بالتشبية ؟؟ ليه ماقال ياجحة ؟ ياحبحب .. ؟ ليه الشمام مادخل مع هالفواكه في التشبيه ؟
شمعنا المنجة ؟
عاد مطغيهم زين المنجا .. ناظروا .. اي الصورتين أجمل .. :
أو هالبطيخة الطخمه ..
شوفوا العروق بس .. من شدة الصحة والعافية ... الله يستر عليها صحيح اني مختار اشين صورة منجا بقوقل وقاصد ان لونها يصير اخظر علشان تشين بعيونكم .. واتمنى اني وصلت لهدفي قفلة ::
طيب هذي فواكة ..
الحيوانات بمختلف انواعها .. واقطارها >> خاطمه ذي .. أشكالها .. يعني البنت اللى متشققه لاحد قالها ياغزال ... ناظري الغزال قبل ماتفرحين ناظري الخشة بس ..؟ هذي الغزال .. يوم انك متشققه من الفرحة والوناسه ليه ؟؟ تجيك عاد وحده ثانيه تسولف على خويتها .. والظروس طالعه من السعادة البالغه وتقول .:. ابشرتس اليوم سمعت أهلي يقولون لي ياقمر ..
صدز انا قمر ؟؟ الفرحة مش سيعااااني >> متأثرة بالمسلسلات .. يالقمر .. تبين تعرفين تصويرك وشبيهك منهو ؟؟ يعني وجهك مثل هذا : لاملامح .. مظلم ... يخوووف ... ساكن .. بعيد .. متعرج .. افرحي بكلمة قمر .. ياقمر تقولين .. لا لا صح تذكرت قالولي ياشمس ( تنصب ) طيب ناظري الشمس .. وانتي تقولين ليتني على قمري ابرك :
لاتعليق ..
الله يكفينا واياكم نار جهنم ...
شفتي الشمس ... وجهك مثل الشمس يقطر لهب ؟؟
نبعد عن الرعب ...
نسمع واجد .. يابطة ... ياكتكوته .. يابطاطا .. >> مصري هذي صور السابقة اسمائهن :
البطة
سماروووه ياسمااارووه
وأحب السمر واهواهم ...
والبيض لهم نصيب أيضاً لاحظوا عيون البطة السودا تخوف ...
لكن ولو كل اسمر مملوح .. كتكوت :
لالا ... وش جاب ذا قصدي هالصورة : قالبووووووش ... بريء ... بس ماودي لا طلال ولا فارس يشبه واحد منهم هالعصيفير عيالي أجمل >> قال من يشهد ===========
قفلة ثالثة ...
المكر ارتبط بالثعلب ...
والخبث ارتبط بالنمس ..
والاسد ارتبط اسمه بالسيادة ؟؟ وانا ماني مقتنع في هالكلام .. واحس مو هو ملك الغابه .. هو زلابة الغابه .. القرد يستحق هاللقب بكل جدارة واستحقاق .. على الأقل القرد مايخلي مرته تصيد له وهو يتبطح عند عياله .. ( رخمة ) >>>>>> تحمست طيب الثعلب من شكلة تحس انه مكار ؟ شف اذانه .. والله انه مملوح .. ودمه خفيف .. بس يمكن ظروفه تجبره على هالأساليب أما النمس .. عزالله ان شكله يدل على خبثة .. بالله دققوا :
فيه لعانه .. وحركتة السريعة تحس ان وراه ( جرية ) وهذا اللى مسوي نفسه قوي وهو ماغير يتسدح عند الرضاعين وفاق خشته يتثاوب .. ( قال ايش قال ملك الغابه ) إلا رخمة الغابه
كره ياوجهه ... مادبرك إلا هاللبوه وإلا تموت جوع
ياسفابتس على هالزلابه .. رغم اني مشغول .. بس طقت براسي انزل هالموضوع .. إن رجعت .. برجع بصور وتعليقات اخرى ... وإن مارجعت سامحوني ..
لكن مانستغنى عن تفاعلكم .. والى عنده صور ينزلها مع تعليقه ..
الشباب ( ذيابه ) والبنات ( غزلان ) كان معكم اخوكم الصغير ابو طلال :
[center]
والله عاد كيفي ... موضوعي واحط اللى يجوز لي