هل اجبرنا المنتدى على لبس الأقنعه !!!!!؟؟؟ - نادي الهلال السعودي - شبكة الزعيم

أوَار · #1 04/05/2008, 02:32 PM

بسم الله نبدأ..والصلاة والسلام على رسوله الكريم..

هل تخلينا عن شخصياتنا من أجل شهرة المعرف؟

بالعامية:
يا اخوان الضحك مطلوب والمزح مطلوب دامنا في حدود الأدب ..
ليش الضحك..والتعليق الطريف..والمداخلات الطبيعية مختفية!!

قليل ما نلقى الي يمزح ويضيف هالروح وهالموضوع محصور بين أفراد ..
مهوب لازم نتميلح على الصغيرة والكبيرة ونتحدى عادل إمام واللمبي
وهنيدي..ونصير نتنافس كن طاش ما طاش يبي يختار من هالمنتدى ممثلين جدد..

القصد من الكلام إن الطبيعة والبساطة مطلوبة حتى فيالمجلس العام(لأني أعرف إن في ناس تبي تحارش وتقول عندك صيد الانترنت..أو وش دخلك )

الزبدة: وهالكلام أوجهه لي قبل الكل..مانبي نصير في مجتمع نحوي ولا كننا من أعضاء منظمة حماس وفتح..نستعرض حروفنا وكلماتنا بس للبروز..أو نآخذ الطابع الجدي في كل وقت..وفي المقابل اللي مهوب خفيف دم ولا عنده دعابة في المداخلات لا يتميلح..

من الآخر كل شي على طبيعته زين..وكثير من الشخصيات متا ما تكلمو بطلاقة وعفوية زادت الفايدة في كلامهم..

وخلونا من المثاليات الي لكم عليها..البيان سحر..
ولكن من أدعى المثاليات وهو من جنبها لابد يوم ينكشف..

أهم شي اننا كلنا نخاف الله في أقوالنا وأفعالنا..ونياتنا وهي الأهم..

ولا نبطن لأحد شر او سوء..والله رقيب حسيب ..بصير بالعباد..

أأسفه على الإطالة..وعلى كتابة موضوع لن يروق للكثيرين..

تحياتي وتقديري..لكل الأعضاء والزوار..