بعد التخلي عن تفاريس شروط يجب أن تنفذ بحذافيرها !! - صفحة رقم 2 - نادي الهلال السعودي - شبكة الزعيم

$$العاشق$$ · #16 03/05/2008, 07:51 PM

صحيح كامك خيو وانا معك بكل كلمة قلتها

انا اتوقع اعضاء الشرف ماسوو هالحركه الا هم بإذن الله راح يسعدونا بتعآقدات احلى

كاريرا · #17 03/05/2008, 08:19 PM

إقتباس


	هل يعقل 10 مليون على مدافع مدة سنه واحده فقط !!

هل يعقل 11 مليون بهوساوي لموسم واحد او لأن الإتحاد كان يبيه وين اعضاء الشرف المؤثرين اللي يقولون ان تيفا يساوم

كل واحد مصيف في جنيف و باريس وحنا نحترق على الهلال وين اعضاء الشرف من الظلم الحاصل على الهلال

قسم بالله اعضاء الشرف ما يهتمون بالهلال اهم شيئ عندهم البلوي وش يسوي وهذي اخرتها هزايم بالأربعه

سور الهلال العظيم · #18 03/05/2008, 08:22 PM

إقتباس

الرسالة الأصلية كتبت بواسطة كاريرا


	هل يعقل 11 مليون بهوساوي لموسم واحد او لأن الإتحاد كان يبيه وين اعضاء الشرف المؤثرين اللي يقولون ان تيفا يساوم كل واحد مصيف في جنيف و باريس وحنا نحترق على الهلال وين اعضاء الشرف من الظلم الحاصل على الهلال قسم بالله اعضاء الشرف ما يهتمون بالهلال اهم شيئ عندهم البلوي وش يسوي وهذي اخرتها هزايم بالأربعه

بالورق هوساوي ب 11 مليون موسم واحد

لكن بالعقل والمنطق هوساوي ب 16 مليون هلالي لمدة خمس مواسم

بعد انتها عقده سيجدد معه الهلال ب 4 او 5 مليون واجمع العدد وشوف كم يطلع معك !!

مملكة الحزن · #19 03/05/2008, 08:24 PM

الهوساوي موسم واحد وب 12 مليون وتفاريس احسن منه 3 مليون مرة و ب 10 ملين وما ترضون من جد

( شر البلية ما يضحك )

والله لا تندمون على رحيله اشد الندم

كاريرا · #20 03/05/2008, 08:26 PM

إقتباس

الرسالة الأصلية كتبت بواسطة سور الهلال العظيم


	بالورق هوساوي ب 11 مليون موسم واحد لكن بالعقل والمنطق هوساوي ب 16 مليون هلالي لمدة خمس مواسم بعد انتها عقده سيجدد معه الهلال ب 4 او 5 مليون واجمع العدد وشوف كم يطلع معك !!

مثل ما قلت اخوي كلام ورق تيفا ما قال لن اكرر غلطه كماتشو طلع كلام ورق ابي افهم متى نفتك من كلام الورق ونلتفت لكلام الواقع

بالله يا سور الهلال تبي تقنعني ان فيه لاعب عندنا يغطي غياب تيفا تبي تقنعني بالنفرج و هوساوي و المرشدي

قلناها قبل على الدوخي وشف كم خسرنا و للحين ما فيه لاعب غطى الظهير الأيمن

تقولي نبي نتعاقد اقولك ( كلام ورق )

F15_SAM6 · #21 03/05/2008, 08:33 PM

نلعب على مين...؟

تفاريس غير مادي إطلاقاً وما طالب به من حقوقه
بل اقل من حقوقه!!

كفاية تبرير قبله العويران والدوخي وكماتشو والقائمة تطول؟

الزعيم_هلالي · #22 03/05/2008, 08:37 PM

كلامك عدل ظهير ايمن ولاعب وسط مميز يجيد تسديد الكرات الثابته

ومهاجم مميز يعتبر افضل مهاجمين في اسيا

اتمنى من الاداره تنفيذها

الملك"توتي" · #23 03/05/2008, 08:43 PM

10 مليون كثيرة ؟؟

واسامه ؟؟ 12 مليون .. تدري والا في شهر العسل حضرتك وقتها ؟؟

معليش لا تلومني تراني معصب !!!

العصيمي@ · #24 03/05/2008, 08:58 PM

كلامك عين العقل
تقديري لكل واحد واعي من جمهور الهلال العريق

أميرالهوى · #25 03/05/2008, 09:06 PM

مشكووووووور على الموضوووووووع
أجل أسامه هوساوي يستاهل 12مليون لمدة سنه

هلاليه و رافعه راسي · #26 03/05/2008, 09:13 PM

كلام سلييم
مع العلم انه كل سنه يسوي نفس السالفه
>> اوقع لالالا ما اوقع

وبعدين يكفي تجريح بباقي اللعبين

يعني يوم اكلنا الاربعه من الاتحاد
تفاريس ما كان معنا ؟؟؟؟؟؟؟؟

انا استغربكم
حاطينه كنه هو الهلال
واننا ما عرفنا طريق المنصات الا يوم جانا

الي باعك بعه
والي جابه يجيب غيره
ما تدرون يمكن فرطو فيه لن ناوين على صفقه جديده ؟؟؟
الله كرييم

يعطيه العافيه وكفا ووفا والله يوفقه بناديه الجديد
وبتوفيق للزعيم

عزيز0258 · #27 03/05/2008, 09:22 PM

والله هذي اكبر خساره
افضل دفاع بالدوري بنحلم مانشوفها و بيصير فريقنا شوارع السنه الجايه ( لافيه اظهره ولا وسط دفاع يسوى) و الاداره يلعبون علينا و يقولون الهلال ما يتاثر (المفرج و المرشدي ) الله يعينك ياقلب
والله قهر و غبنه ( ياخي يفتحون حساب في اي بنك و الجمهور بيتكفل بها اذا الاعضاء مايقدرون)
والله هذي هزيمه اكبر من هزيمة الاتحاد ياادارتنا

Glory Madrid · #28 03/05/2008, 09:23 PM

الهلال مايوقف على لاعب واحد أبد ..

لكني والله أنقهر لاتذكرت أن هوساوي معطينه 13 مليون ، وتفاريس بخلوا عليه بـ 10 ملايين !! (رغم ان العقدين لنفس المده -سنه وحده-)

looleen · #29 03/05/2008, 09:28 PM

والله حزنا على رحيل تفاريس اكثر من حزننا على هزيمة الهلال من الاتحاد 4 ـ 1

لان هزيمة الهلال نقدر نعوضها في المباريات القادمة

اما تفاريس

بصراحة لا يعوضه احد

هلالية والفخر ليّة · #30 03/05/2008, 10:02 PM

أنا مؤيدهـ ..

أنا ضد التعاقد مع تفاريس بهذهـ المبالغ الخيالية ..

هو إستغل محبة الجماهير له ورغبة الإدارة بالتجديد وصار يرفع المبلغ وماندري لو مشينا معه بيوصل المبلغ كم ..؟

مصلحة الفريق أهم من مصلحة تفاريس ..

صحيح هو لاعب جيد لكن لاتنسون [ يروح لاعب ويجئ لاعب ] ، وتفاريس إن إستمر مع الهلال موسم ماراح يستمر للنهاية ..

يعني هو يبي مصلحته وإحنا كمان نبي مصلحتنا ..

لو هو يبي الهلال ماكان طلب هالمبلغ على موسم واحد فقط ..!