ياخي بالله باخلين عليه بالمبغ هذا , أنت ما راح تفرط بأي لاعب , راح تفرط في لاعب خدمك قرابة الـ 4 سنوات
و كل الأنديه السعوديه لا و الخليجيه تتمناه , تجون ترفضون التجديد له
ياخي شوفوا وين وصلت عقود اللاعبين الحين في أندية العالم , والله هذا المبلغ ما يسوى شئ عند الأنديه العالميه
بتقولي تقارن أنديتنا بالأنديه العالميه ؟؟
أقولك لا , بس أحب أنكم تشوفون دولة قــطــر كيف تدفع , صحيح أن دوريهم لا ما وصل لمستوى الدوري السعودي , بس هم في تطور دائم و خصوصاّ من الناحيه الماديه ...
(( زراتـــي )) كم دفع فيه السد القطري ؟؟ أنا أقولكم كم ؟؟ ( و اللي ما يعرف زراتي ما يعرف الكوره الأرجنتينيه )
دفع فيه (( 20 مـلـيـون يــورو )) , لا وبعد منافسه من أكبر أندية العالم مثل ( الريال , تشيلسي , المان ) و غيرهم , وهو لاعب عمره 21 سنه بس , والحين تم اعارته لنادي برمنغهام سيتي الأنجليزي , ومع ذلك ما تحسفوا على المبلغ اللي دفعوه ...
و أنتم ما تبون تدفعون هذا المبلغ التافه للتجديد مع لاعب له خبرته في الملاعب لاسعوديه و معروف بمستواه الأكثر من رائع بصراحه
اذا ما تبون تدفعون أجل أنتم أعضاء على ايش ؟؟ اسم بس و الا شهره ...
تفاريس أنا أعتبره ابن النادي و والله انه يحب النادي أكثر من بعض اللاعبين اللي عندنا بكل صراحه
لــكـــن شكل الهلال يخرب نفسه بنفسه
و صدق من قال : ( ضربتين بالراس توجع )
مثل ما ضيعنا ( كماتشو ) و ضعنا في أوقات كثيره و كنا نتمنى انه يرجع لو لمباراه وحده بس , وضاعت بطولة اّسيا علينا
الحين ضيعنا ( تفاريس ) و أذكركم اذا ما ندمنا على هذا القرار اللي اعتبره أنا ( مع كل التقدير و الأحترام ) انه قرار فاشل
و أيضاّ راح تضيع علينا بطولة اّسيا الجايه بعد , هذا اذا ما ضاعت كل البطولا ت الموسم الجاي
و لكن ( اذا فات الفوت ما ينفع الصوت ) ...
على العموم أنا اّسف على الأطاله و لكن كل هالكلام هو ( عتب محب لهذا الكيان العملاق )
و شــكــراّ من القلب يا تفاريس على كل ما قدمته لنا و كل لحظه أفرحتنا فيها و كل ثانيه أخلصت بها لهذا النادي الكبير .. شكراّ مره ثانيه يا تفاريس ...
* ملاحظه / تأكدت من خبر انتقال تفاريس الى نادي الريان القطري بداية من الموسم الجاي و لمدة موسمين .