بســـم الله الرحمن الرحيم
السلام عليكم ورحمة الله وبركاته
حيالله زعماء وزعيمات منتدانا منتدى الزعيم
تصدقون ماشاءالله على هالمنتدى الله يخليه لنا أحسن شي فيه انك تقدر تتكلم عن اي شي
تبي رياضه ولا دين ولا ثقافه ولا طبخ حتى حاطين منتدى للترافيان
اهب عليهم ( ماشاءالله ماشاءالله)
المهم ما ودي أكثر هرجه خلوني أطلع الي بقلبي
ترى مالي غيركم أفضفضله وأقوله الي بقلبي <<<<<<<<<< مسكين

المهم قبل ما أقول أي شي أبيكم تدعون للجنة الانضباط في اتحادنا السعودي تصير لجنة انضباط
وشلون لجنة الانضباط تصير لجنة انضباط
لحد يدقق بس المهم انها من جنبها ولا تدري وين الله قاطها أحسن شي راتب اخر الشهر بس
نرجع لخالد عزيز حديثنا ( خالد عزيز = محور )
المهم بأقولكم قصتي مع المعهد الي دخلته بعد ما أنقطعت أربع سنوات عن الدراسه <<< يبي يصير دكتور
ما أدري وش العره الي جت على خشتي يوم من الأيام قلت أبي أدخل معهد وأتعلم كومبيوتر
أي والله فضيحه ولد عمتي ما يجي طول ركبتي يسولف عن الكمبيوتر وأنا ما افهم عليه شي
المهم اني متحمس ياشباب الفتره هذي وأبيكم تدعون لي بالتوفيق وعقبال البرفسره
جانا الاختبار يوم السبت وطبعا كالعاده يوم السبت لازم يكون رياضيات
ومن زود اهتمامي بالاختبار رجعت من الدوام الظهر ونمت علشان بس اقوم اروح للاختبار لكن مع الأسف
<<<<<<<< هذا الشخص كيس من النوم
والله وأنسدح على المخده ولا صحيت الا وأنا أسمع صوت أبومفلح يأذن ( أبومفلح = مؤذن حارتنا )
قلت تمام قمت على اذان العصر اروح اصلي الحين وعلى الاختبار على طول
وأطالع في الجوال ولا ستين مكالمه لم يرد عليها وأطالع الساعه 6 يؤيؤ اذان المغرب
وأقوم أنطلق على الحمام الله يعزكم وأجي ركض وادخل الحمام عرض
واتوضى في ثانيتين واصلي العصر مع المغرب في دقيقه ( اي مذهب هذا العصر مع المغرب )
وأروح المعهد وادخل على المعهد وعلى الصف ركض وأول ما دخلت ولا الطلاب قاعدين يختبرون
<<<<<< استانس الأخ , قلت الحمدلله اني لحقت عليكم طبعا بدون سلام على طول درعمت على الصف
قالي المهندس : انت كنت فين دحنا بنختبر برمجه
قلت : يعني خلاص اختبرتم رياضيات .
قال : ايوى يالله اقعد اختبر رياضيات وبرمجه مع بعض
والله وأطلع القلم واطالع في اختبار الرياضيات لقيته اسهل اختبار في العالم وأجاوب بسرعه ومن دون مراجعه سلمت الورقه وأخذت اختبار البرمجه وسويت كوبي لورقة الي بجنبي
ولما سلمتها وجيت راجع للكرس لقيت واحد يناديني ( عسكري ) قالي تكفى يالعامري أنا داخل على الله ثم عليك علمني الحل
والله وتاخذني المدري ويش وأنطل كرسيي عنده وأسحب ورقته لقيته يختبر رياضايات
قلتله ياخي توك في الرياضيات انت
قالي اي والله تكفى جاوبلي, وأكتبله الأجوبه وهو مرتاح حاط رجل على رجل قلتله يالله قم سلم الورقه
قالي اصبر لا تروح بأسلم الورقه وأجي
أنا على بالي بيعزمني على العشا بمناسبة المعروف الي سويته ولا بيقط بدلة العسكريه علي ويقلي علي الطلاق تتعشى معنا اليوم طلع الأخ يبيني اقعد جنبه عشان اختبار البرمجه
<<<<<<< ذبحه الجوع , والله ونفس الحاله هو حاط رجل على رجل وأنا أجاوبله
خلصت الحمدلله وقلتله يالله ضف وجهك وذاكر مره ثانيه
المهم اذن العشا ونزلنا صلينا العشا وجيت بأطلع فوق عشان في محاضره عندنا واسمع واحد يناديني
وأطالع ولا العسكري جالس في غرفة المدرسين قلتله خير وشفيك
قالي تعال تعال أنا ما اختبرت عنجليزي الاسبوع الي طاف تعال ساعدني
قلت ياخي انت ما تعرف شي والله وأطالع ولا مافي ولا مدرس كلهم مشغولين وادخل عنده وأطالع ولا الأخ مو عارف يكتب اسمه بالعنجليزي
قلتله ياخي اكتب اسمك طيب
قالي خلاص أنا بأكتب اسمي وانت حل الأسأله ( تعب نفسه الأخ )
والله وأبدأ في الاختيارات والصح غلط وأنواع الإبداع وشوي وأنا قاعد أساعده وأشوف شي أسود على كتفي
والتفت ولا هذي يد مدرس الانجليزي السوداني
قالي : ايش تسوي هنا يازول مايصير كدا ياخي هذا حرام .
وأنا أنواع العرق والتوهيقات قالي : انت يا محمد زاقط في الاختبار وانت بعد يلي مو عارف يكتب اسمو زاقط في الاختبار
والله وقعدنا نحزنه احنا ناس موظفين متزوجين وعندنا عيال ( ماما موت بابا موت كلو نفر موت أنا موت )
وأخيرا نزلت منه دمعه وقال : خلاص هدي اخر مره بس ما تعيدوها مره تاني طيب .
وأقط العقال على وجهه : علي الطلاق تتعشى معاي يا استاد ( المشكله ماني متزوج )
ويتحمس خويي العسكري ويرمي سلاحه على جبهة المدرس علي الطلاق تتعشون معاي أنا .
المهم اليوم ان شاءالله بنروح نعشيه طبعا عشا مو لوجه الله بس علشان يمشينا بعد الجريه الي سويناها
وأقترحنا نعشيه ( مثلوثه ) ولا أي أكله شعبيه
ان شاءالله أجيبلكم أحداث العشا بعد ما نعشيه

وسامحوا على الإطاله

....

..ههههههههههههههه ..

لا تنسى تكمل البقيه وياليت يكون فيه صور العشاء