| << لا تفوتكم وش صار لي امس مع مؤذن المسجد !! >> | - نادي الهلال السعودي - شبكة الزعيم

A B B O D · #1 30/04/2008, 02:53 PM

السلام عليكم ..

يالله انك تحييهم .. تسيف الحال << تسيف = كيف

امس صارت لنا قصة تضحك وهي من مؤذننا الشايب الله يصلحه ..

ابطال القصه :

عبود ( أنا ) ,, المذن ( ابوحسين ) ,, فلان الفلاني

بـ صلاة العشاء كان إمامنا كالعاده سااااحب على المسجد والجماعه متجمهرين عند الباب يتحرونه يقيم ما ودهم يصيرون أئمه << الله يصلح الحال ترا نصهم شيبان مب شباب ..

المهم لا نضيع عن موضوعنا والله ما يردنا الا سنقافوره

المهم تأخرت الاقامه عن وقتها وطلعوا العالم من الصلاة .. وهو يلتفت لي المذن يقول لي " والله وجهك مب وجه صلاة بس صل بنا هالمره ترانا متوهقين " !! .. طبعا انا تحطمت وقلت له : " لا .. منب مصلي " ( بعصبيه )

و خزّيته بنظره طااااار منها قلبه والتفت عني ..

<< طار قلبه يخاف ابوي يسفّل فيه مو خوف مني

يوم انه وصلت فوق 45 دقيقه ما أقام عصّب وأخذ المايكروفون وشغله وقال : " يا فلان الفلاني تعال صل بنا ترا مطوعنا ما جاء .. واذا ما جيت الله لا يحللك ولا يبيحك انت وخويك علاّن العلاّني اللي تسولف معه الحين !! " << طبعاً عند باب المسجد يسولفون

شوي و إلا فلان الفلاني داخل علينا ميت ضحك ويقول له " اقم الله يفضحك " ..

يوم سألت فلان الفلاني بعد الصلاة ليش دخلت تضحك قال لي " هالخبيث ابوحسين وش دراه اني اسولف مع علاّن العلاّني ؟؟ "

انتهت ..

اهم فائده من القصه :

اذا اهانك احد حاول ترد اهانته له .. خصوصا المسأله مسأله شرف !!

وسلامة قلوبكم ..

ورده

A B B O D

ورده

بتيل · #2 30/04/2008, 03:01 PM

هههههههههههههههههههههههههههههههههههههههههههههههههههههه

" اقم الله يفضحك " ..>>>من اللي قالها ؟

شي صراحه ورى ما قام واحد منكم الله لا يهينه وأمكم بدال ذا الصجه

يسلموووووووووو

A B B O D · #3 30/04/2008, 03:13 PM

إقتباس


	" اقم الله يفضحك " ..>>>من اللي قالها ؟

هذي قالها شيبة الفلس " فلان الفلاني " ..

ويا هلا فيييك ..

ونسيت اقول لكم انه ماكان فيه إلا انا وهندي والمذن بس .. وللمعلوميه المذن مقعد .. يعني ما يصلي واقف كل صلاته ..

ورده بتيل

أوَار · #4 30/04/2008, 03:33 PM

ههههههههههههه

تبي الصراحه مفروض واحد منكم قام واقام الله لايهينه وانتهت المشكلة !!

A B B O D · #5 30/04/2008, 05:09 PM

خييير ؟؟

يهين اللي جابني وتبيني اقوم اصلي .. لا صعبه والله ..!

منورة يا القناصه ورده

بو فهد عم جواهر · #6 30/04/2008, 05:16 PM

عبود

شوووهدت القصة

الله يرجك انت والموذن معك

وتقبل تحياتي@

ARRNAB · #7 30/04/2008, 05:28 PM

عنديلك رأي دلني على مسجدكم واورك في امامك
ولا اصلي بداله ههههه

($$ملكـ بدون شعب$$) · #8 30/04/2008, 05:35 PM

هههههههههههههههههههههههههههههههههههههههههههههههههههه
والله لو انا منك كان صليت

شهــــاب11 · #9 30/04/2008, 10:52 PM

اخوي انت ذكرتني بواحد من جماعتنا الله يهديه

كنا في رمضان ومعزومين على الفطور في استراحه

والعدد كان كبير واذن المغرب وبعد ما تقهوينا وحللنا صيامنا

اقام واحد من الموجودين وتلقف الحبيب وقال انا بأمكم

وقراء الفاتحه وبعدها قراء وكل شوي يصححون له

سبحان الله ... سبحان الله اللحبيب معد ركز وجت الركعه الثانيه

واثناء السجود ننتظر الامام يقول الله واكبر ابطى ونسمع واحد يقول

امامك انحاش .... انحاش وخلانا ساجدين الله يهديه

......................................

مشكور اخوي وتقبل مروري

shmm10 · #10 01/05/2008, 02:21 AM

وليش ماقمت الصلاة يا اخينا ولا شكلك من النوع اللي يرتبك

والله يعين الجماعة اذا بديت تقرا بعد الفاتحة........

A B B O D · #11 01/05/2008, 08:01 PM

إقتباس

الرسالة الأصلية كتبت بواسطة shmm10


	وليش ماقمت الصلاة يا اخينا ولا شكلك من النوع اللي يرتبك والله يعين الجماعة اذا بديت تقرا بعد الفاتحة........

الله يهديك .. الحين يقول لي وجهك مب وجه صلاة وتبيني اصلي .. ؟؟

هذي مسأله شرف

منورينا .. ورده

*ابوسعد* · #12 02/05/2008, 12:57 AM

هههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههه

المتعه 9 الجابريه · #13 02/05/2008, 04:58 AM

ياخي امامكم يستلم راتب من الاوقاف عشان يتأخر زبدوله كل يوم والله ان يجي قبل الصلاه بساعه كامله ويصلي فيكم المغرب 5 مرات

انسان عادي · #14 02/05/2008, 05:18 AM

هههههههههههههههههههههههههههه
كان صليت انت بهم ولا وهقت الي جالس برا

خــــspecialــــاص · #15 02/05/2008, 07:15 PM

إقتباس

الرسالة الأصلية كتبت بواسطة شهــــاب11


	اخوي انت ذكرتني بواحد من جماعتنا الله يهديه كنا في رمضان ومعزومين على الفطور في استراحه والعدد كان كبير واذن المغرب وبعد ما تقهوينا وحللنا صيامنا اقام واحد من الموجودين وتلقف الحبيب وقال انا بأمكم وقراء الفاتحه وبعدها قراء وكل شوي يصححون له سبحان الله ... سبحان الله اللحبيب معد ركز وجت الركعه الثانيه واثناء السجود ننتظر الامام يقول الله واكبر ابطى ونسمع واحد يقول امامك انحاش .... انحاش وخلانا ساجدين الله يهديه ...................................... مشكور اخوي وتقبل مروري

ههههههههههه
يعطيك العافية ..
والله ماله حيله أحرجتوه ..
لكن تصرفه ماله داعي..====> وشلون تو تقول ماله حيله!