الله لا يحللكم يا شرطه جده - نادي الهلال السعودي - شبكة الزعيم

فـهـد الـهـلال · #1 02/05/2008, 06:35 PM

.

بصراحه ما ادري من وين ابداء ولا انتهي

في الحقيقه انا من الجمهور الهلالي اللي حضر للملعب من القصيم وكتبت موضوع عن ذلك

عن وصولنا لجده ونحن متحمسين للقاء وبالتحديد عند اول تفتيش قابلنا كنت انا اللي اسوووق وفرحااان حيل لاني بساند الزعيم

وكنت واضع شال الهلال على الزجاجه الخلفيه من السياره

وكان ولد عمي حاط شاله على كتفه

بالتفتيش يوم شافنا هلاليين وقفنا وقال الرخصه والاستماره واثباتاتكم

عند التحقق من سلامه اثباتاتنا ولا لقاء علينا شي الحمد لله

قالنا امشووا يوم حركنا ومشينا لقيناه يصوت لنا بأعلى صووت

ارجع ارجع

رجعنا وحنى ما ندري وش السالفه

جاء الشرطي واخذ شال الهلال ورماه بالارض وقال ممنوع انك تضع شال نادي معين وياليته على كذا

الشال صار تحت رجلينه الله لا يحلله

قلتله وانا غضبان ... طيب ليش ترميه بالارض وتدوس عليه

قال مو شغلك ولا تعلمنا شغلنا

انقلع !!!

قسم بالله انه قالي انقلع

وش التصرف الساذج من هذا الشرطي المغفل

انا اجزم انه اتحادي ما يستحي على روحه

صراحه انا كنت منصدم من هذا التصرف المستغرب من شرطتنا

على العموم انا نسيت هالسالفه لان في اهم منها وهو الزعيم

ذهبنا للملعب واخذت التذاكر من صديقي اللي متفق انا وياه

دخلنا للملعب ولقينا جنوود حاطين حليهم على جمهور الهلال

بعد انتهاء المباراه اجتمعوا جنود عسكريين علينا وبدوا يضغطون علينا ويخلوننا نبعد عشان الجمهور الاتحادي يمشي

والله يمشوووون ويضغطوننا على بعض

بصراحه تصرفات ليس لها مبررات

والله انهم مستهدفيننا

والقهر ان اغلب الجمهور الهلالي ما دخلوا للملعب لان التذاكر مشريه من ناس ما يبون الهلال يدخل

الاف المشجعين ما دخلو !!!

وبصراحه انا سامع ان في شخص شاري هالتذاكر عشان بعلمهم ان الهلال مو الاكثر شعبيه

والله انواااااااااع القهر

قسم بالله تقل الهلال نادي من خارج المملكه

والله ضاعت حقوقنا

كل هذا عشاننا اخذين البطوله بأرضهم وقدام عيونهم

ما اقول الا الله يرحمك يا فيصل بن ذهب

واخيراً

والله ما تبليت احد ما قلت الا اللي صار لي

آآآآه يالقهر

فـهـد الـهـلال

فـهـد الـهـلال · #2 02/05/2008, 06:37 PM

http://vb.alhilal.com/showthread.php?t=570646

وهذا موضوعي السابق

المــراوغ · #3 02/05/2008, 06:41 PM

كان الله بعونك يا فهد

وما ندري يا جمهور الزعيم من مين نلقاها ,,

من جده والا إستاد الملك فهد

فـهـد الـهـلال · #4 02/05/2008, 06:49 PM

والله انك صادق

لكن ما نقول الا الله لا يحل كم من تأمر على الزعيم

ابوناصر88 · #5 02/05/2008, 06:54 PM

الله يعين بس يعني ما يبوننا نحظر ونشجع الزعيم *بس غصب عليهم الزعيم تاج روسهم

الــمـــوج الازرق · #6 02/05/2008, 06:55 PM

يااخي انت غلطان المفروض عليك يوم دعس العسكري على شال الهلال بلغت عليها بعمليات الشرطه واعطيتهم اسمه حتى يعرف مين هو ويتأدب مره ثانيه
وبانسبه للي صار بالملعب الدب موصي فيصل عبدالهادي علينا لكن حسبي الله عليهم

انا ريم الهلاليه · #7 02/05/2008, 07:02 PM

اااااامين بارب المهم انت لاتزعلون انفسكم لان العصبيهمهي زينه

فـهـد الـهـلال · #8 02/05/2008, 07:04 PM

المشكله يا خوي الموج الازرق اننا انصدما من اللي حصل ولا قدرنا اننا نتكلم

حتى هو ما خلانا نتكلم

وكان زحمه

ابوتميم التميمي · #9 02/05/2008, 07:14 PM

جعلهم الجني الله لايوفقهم

حسبي الله عليهم

هزلت ما بقى الا هاللحوج يهنون الهلال

من جد مهزله

هلاليه الرس,, · #10 02/05/2008, 07:19 PM

الله لايحللهم
الله لايحللهم
الله لايحللهم
الله يعجل عليييهم فراااق الدنياااااااااااااااا

DR.C.Ronaldo · #11 02/05/2008, 07:29 PM

مانقول الا حسبي الله ونعم الوكيل

كل هذا عشان الهلال حارق دمهم والله قهررر

جماهير بالآلاف برى تحتري وانا دريت ان جندي دخل اتحادي بدون تذكره والله قهر

والهلاليين انشرت تذاكرهم

المفروض تحدد تذاكر الضيف والمضيف كل واحد له ارقام محدده ولون مختلف

بس مافيه تطبيق عندك ناس مو فاضين همهم توقيف لاعبي الهلال ونقل مبارياتهم

ياخي والله استغرب ليه ما يوقفون لاعبي الاتهاد والاهلي

ولا بس جيدين علينا

الزمن الهلالي · #12 02/05/2008, 07:46 PM

المثاليه ماتنفع .. قلتها مليون مره

قبل ثلاث سنوات كنا نجلد جماهير الاتحاد في الرياض واللي يحضر للمباريات في ملعب الملز يتذكر

لكن يوم صرنا مثاليين .. طاحوا في جمهورنا في جده ..

لكن اسمحوا لي من اليوم .. اي اتحادي بشوفه حاضر لمباراة في الرياض والله اني لا اجلده جلد .. خلو المثاليه للمثالين ..

وقبل ماكنا نسمع لاننا واطين على حلوقهم قبل ..

لعنة الله على مخلفات الحجاج

والله من جد قهر

لحن الحياهـ 14 · #13 02/05/2008, 07:48 PM

حسب يالله عليهم وانا والله مستغرب من جمهور الهلال وش لون قليل اثريهم مسوينها الكلاب حسبي الله عليهم
ولا الاياب وش راح يصير 70 % راح تكون للهلال
الله يصبركم ياجمهور جده

فـهـد الـهـلال · #14 02/05/2008, 08:07 PM

إقتباس


	المثاليه ماتنفع .. قلتها مليون مره قبل ثلاث سنوات كنا نجلد جماهير الاتحاد في الرياض واللي يحضر للمباريات في ملعب الملز يتذكر لكن يوم صرنا مثاليين .. طاحوا في جمهورنا في جده .. لكن اسمحوا لي من اليوم .. اي اتحادي بشوفه حاضر لمباراة في الرياض والله اني لا اجلده جلد .. خلو المثاليه للمثالين .. وقبل ماكنا نسمع لاننا واطين على حلوقهم قبل .. لعنة الله على مخلفات الحجاج والله من جد قهر

والله انك صادق

نعامل الناس مثل ما يعاملونه بنا

ومشكورين جميعاً على المرور

!!!!!

هلالي جدهـ · #15 02/05/2008, 08:13 PM

يــآخي انا بجدهـ وعارف الوضــع .. ..

وقسسم بالله نعـــــااني من الشـرطة ومن نفس أهل جدهـ .. ..

ضــرب نومــهـ عندهم بالغــرفهـ وقســــاايم .. .. وربي بس عشـآن البطولتين اخذت قسيمتين ووتوقيف بعد .. .. !!

وغير حشــروني ثــلاثهـ بالغـرفهـ ويجلسون يتــريقون انت هــلالي ويميـلون أيدهم ع أسـآس اني خكــري قلتلهم ايـــه ورأســي عالي قالو خلي الهـلال ينفــعك أجل .. .. ولا خرجت الا بكفـآلهـ .. ..

والبآرح في المبـآراة والله قــدآآمي يا ناس وااحد جا بيدخل مويــهـ والعسكري ضــربهـ وخلاهـ يــــوقف ع الجدااار ورافع يــــدهـ .. .. صــرنا طلاب مدرســهـ عندهم .. .. !! الله لا يوفقــهم وحسبي الله عليــهم .. ..

والله مضـآيقـآت نعيشها بجدهـ لكــن هالشــي والله ما يزيــدني الا حــب في الهــلااال وعشـق لهالكيـآن .. ..

وبــاذن الله مردودهـ لهالأتشـآديين بالريــآآض .. .. حقنــاا انتو تجيبــونهـ هنـآك .. ..

والله يبيض ووجهـك ع الحضــور أخوي .. ..