بسم الله الرحمن الرحيم


قرأت موظوع من ادارة الموقع ان فيه بعد قليل رد من الأمير محمد بن فيصل على القرارات المجحفه بحق الهلال
(((((القصد من العنوان والموظوع العتب على ادارة النادي وليس ادارة الشبكه)))))
المهم يوم قريت الموظوع والله هانت علي وعلى كثير من الجمهور مصيبتنا وقلت في نفسي اللحين بيجي الرد من ادارتنا الرد اللي بيشفي غلنا صح انه مافيه شيء بيتغير لكن على قولة المصريين العيار اللي مايصيب يدوش والله ماسكرت الموقع وكل دقيقه احدث انتظر انه يطلع الموظوع والرد اللي موعودين فيه من اميرنا المحبوب ابو سلطان لكن اللي صار طلع موظوع يقولون فيه ان اعظاء الشرف اجتموا في الأمير محمد وقالوا عندنا استحقاقات ومدري ايش ومن هالكلام والرد نأجله بعدين بهذي اللحظه والله انقهرت ياناس هذا والله اللي خلانا صيد ثمين لفصولي ولشلته هذا اللي خلانا مستهدفين وأظرب لكم مثل شوفوا نادي البيانات عشانه مايفوت لاكبيره ولاصغيره شوفوا الدعم اللي يحظا فيه انا ماأقول ردوا عشان نحظا بدعم انا اقول ردوا ووقفوهم عند حدهم عشان ماننظلم بس مانبي اكثر من حقنا وهذا اللي يقهرك من الاتحاد السعودي اللي يحترمهم ومايرد عليهم ويعاملهم بمثاليه يدعسون فوق راسه يصير حقل تجارب للجانهم الفاشله اما اللي يتكلم ويسب ويشكك بذمم هذا يحترمونه وهو اللي على العين والراس والقرار اللي يبي نحطه له والله هذا اللي فاقع مرارتي خلونا ناس ينخاف منا خلوهم يظربون اخماس باسداس قبل يفكرون بظلم هلالنا من هنا اقول لأدارتنا ردوا عليهم طلعوا اللي بقلوبنا على الأقل عشان جمهوركم يرتاح ويعرف انكم حاسين بالقهر اللي هم حاسينه بسبب القهر

نقطه اخرى بعد تصريح ابو سلطان بالعربيه فرحت وقلت بدينا نتكلم وبدينا ناخحذ حقوقنا لكن طلعلنا مصدر مسؤؤل وادان تصريح ابو سلطان صراحه تمنيت من ابو سلطان مايسكت تمنيت انه يطلع مره ثانيه ويرد على هالمصدر المسؤؤل ويقولوه ابي تبرير لأفعالكم ويقول طيب النادي الفلاني صرح بكذا ليه مارد عليه مصدر مسؤؤل من عندكم ولاعب النادي الفلاني سوا كذا وكذا ليه ماقررتوا ضدهم مثل الهلال ويقول الاتحاد ظرب جمهورنا وقذفهم بالعلب بنهائي الدوري ليش مانقلتوا مباراه للاتحاد

عموما آسف على الاطاله لكن والله كل هذا من القهر اللي فيني

الي يشجع الهلال لازم يتعود على الصير لان متاكدين ان الي بياخذ حقنا اكبر منهم واقوى منهم والله اقوى من كل قوي واكبرمن كل كبير

ايه انا معك اخوي وحنا متعودين على الصبر لكن صبرنا وآخذنا الدوري رغم الظلم صح انا معك لكن موب كل مره تسلم الجره والدليل صبرنا على ظلمهم لنا ببطولة فيصل بن فهد وانهزمنا

وشكرا لك على مرورك

كل هالتعب والكتابه والمشاهدات ومافيه الا رد واحدعموما ............