خرابيط " الانضباط " وهجولة " الأمين " بهلالنا ..!
 

صباح/مساء الخير للشعب الهلالي الوفي ..
صباح/مساء ما يليق الا بوجودكم وبطلتكم ..
صباح/مساء مخربط مثل خربطة لجنة " الخراط " ..
صباح/مساء مهجول مثل هجولة " الأمين " بالهلال ..

زي ما قال المثل " عادت حليمة لعادتها القديمة " ..
الناس (المسؤولين بالأخص) يكبرن وتزيد أمانته .. لكن في رياضتنا لقينا العكس ! يكبرون ويزيد معهم الكرهه للصح والحقيقة ..!
صار الأمين ( مهوب أمين ) ..!
صارت لجنة الانضباط ( لجنة تعصب رياضي متخلف ) ..!

الهلال بالأخص لم يسلم من خرابيط اللجنة " الخرّاطة " ..
قانون يصدر بحق لاعبين الهلال بل خاص لهم لأنهم هلاليين ..!
وقانون ميّسر " صر ضد الهلال وابشر بالتخفيف والتجاهل " لمن لا ينتمي للهلال ..!
كما حصل للاعب هداف الدوري السويسري "من غير ما اقول اسمه" جاه إيقاف ثم جاه عفو .. والسبب ...!
لانقضاء نصف مدة العقوية << جديدة هذي ولا في "عليشة" يصير مثل هالانظمة اللي تصدر بعشوائية ..!

ولو سوينا مقارنة بين ما سواه هداف الدورس السويسري وما سواه طارق التايب لوجدنا أن الهداف مخالفته تعتبر أقوى ويستحق أن يوقف أكثر من مباريتين ..
طارق التايب أخطأ لكن ( مثل ماي قول قانون "نيوتن" : لكل فعل ردة فعل مغايرة له في الاتجاه ) << كلام عالم فاهم مهوب كلام لجنة مخبطة ..
لكن >> هل مخالفة الضرب أخف من مخالفة البصق الا إرادي ياالامين ..؟

الأمين العزيز : يواصل (هجولته) بالهلال ولا فيه من يرده عن (هجولته) وتخبطه الواضح في قراراته ضد الهلال ..
الأمين العزيز : يتصرف (بهمجية) ولا يعرف يطبق القوانين و(يدّعي) أنه أمين ..
الأمين العزيز : يساعد ويخفف عن (الغير) وحنا لا .. زدهم ودبل عليهم العقوبة .. لأننا زعماء ..
الأمين العزيز : يدمر الرياضة السعودية اللي كانت افضل رياضة ودوري عربي منضبط في أموره ..
الأمين العزيز : خلك (مهجول) ضد الهلال والرد لك بيكون وجودنا الثابت في جميع النهائيات المحلية " بفضل الله وتوفيقه أولاً للإدارة واللاعبين " وفي تحقيق البطولات والتميز على (الغير) في كل الأمور الشرفية و(الانضباطية) ..
الأمين العزيز : دواك عند الهلال والأظلم دايم البادي .. والله ليوريك شيء ما بعد شفته .. ما هو في صالحك يوم تعاند هلالي .. بتلقى الرد في كل حرف ينقالي ..

> لكن يا أمين :
*. لا تحسب الهلال إليا شديت عليه واعلنت حربك ضده انه رح يتأثر على يدك وراح تتفكك صفوفه بالعكس راح يزيد هلالنا إصرار وتميز وراح يزيد تميز وبطولات .. وراح يثبت لك الهلال يا (أمين) أنك ما تهمه لأنك طحت في زعيم والزعيم ما يهتم بكلام الحاشية والحاشية بيشد عليها الزعيم وتتعدل في امورها وتسويها بالوجه المطلوب ..

كذب واضح مع نفاق ومصلحة بين الكلابة ^^ مهزلة في مهزلة في مهزلة في مهزلة
قلة اللي باقية يملك ضمير وله مهابه ^^ والبقية كل واحد طوق واسم وسلسلة
اختلط دم العريب بدم مشكوك العرابة ^^ وانحنى رأس الأصيل وامتلى من أسفله
الوجيه الخاينه بالأقنعة صارت تشابه ^^ صاحب الوجهين ضايع في هدوء وبلبله
الله اللي خالقٍ الداء في نصف الذبابه ^^ وأن بغيت تواري داها النصف الآخر كمله
من لبس ثوب المذله لا يضيق ذي ثيابه ^^ ما يفيده بعد هذا لو بدمعه يغسله

ووصلوا سلامي (للأمين) الغير أمين في اموره ..
والله يستر على رياضتنا دام هذي أفعال أمينها ..

والله يوفق الهلال في كأس الملك ويحصد الذهب الثالث هذا الموسم بإذن الله ..


تقبلوا تحياتي محبكم


ابو شوشن العتيبي

كلامك سليم يالغالي

وازيدك من الشعر بيت
اللاعب القرد كيتا بصق ومن ثم ضرب .. ولم يكتفي بضرب المدلك تفل عليه قبل لا يضربه واللقطه واضحه وضوح الشمس ويوجد موضوع مثبت في الشبكه يوضح هذا الشيء

نحن نعيش في الفساد الأداري من الرأس إلى الساس في الاتحاد السعودي


وصح لسانك على الأبيات الجميله



بالتوفيق

إبو شوشن العتيبي ..

قلم لا ينتهي ولا يتوقف عنـد حد من الابداعات الخارقة .. والمتميزهـ كـ حد إقصى ..

بلـ يدفعكـ طموح لتجولـ حولـ العالمـ وتستقطبـ الإفضل من فكر ومعلوماتـ وإبداعاتـ ..

الموضوع ككلـ مبدع فيه وإعجبتني [ صرختكـ .. ـالقوية بوجهـ ذاكـ الإمين ..!! ]

إقتباس:

> لكن يا أمين : *. لا تحسب الهلال إليا شديت عليه واعلنت حربك ضده انه رح يتأثر على يدك وراح تتفكك صفوفه بالعكس راح يزيد هلالنا إصرار وتميز وراح يزيد تميز وبطولات .. وراح يثبت لك الهلال يا (أمين) أنك ما تهمه لأنك طحت في زعيم والزعيم ما يهتم بكلام الحاشية والحاشية بيشد عليها الزعيم وتتعدل في امورها وتسويها بالوجه المطلوب ..

نعمـ يـامن تسمي نفسكـ إميـن ..

سـ يبقى .(. ـالهلالـ .). شامخاً .. و [ . زعيماً .] بكلـ حالاته وسيثبت ذلكـ .. في بطوله خادم الحرمين ..

إشكرك إبو شوشن ومتوق لجديدكـ ـالمبدع ..

دمتـ بـ ألف خيـر ومحبـه ورده

كلامك عسل وفي محله
تسلم اخوي
مشكوووووووووووووووووور

هذي هي المشكلة أنه سوى مخالفتين في وقت واحد لكن تغاضوا عنها وجاه عفو ..!
والاتحاد السعودي مثل ما قلت اخوي النسر من ساسه إليا راسه وهو محيوس ..!
وصح بدنك (وترى الابيات مهيب لي مركبها على الكلام ..
وشكرا لك على المرورالمميز ..

شكرا لك اخوي هلال السعودية ونورت الموضوع بمروك الجميل والرائ على الموضوع ..
وكل هذا لأجل الهلال فإن ابدعنا لأجله وهو قليل مما يستحقه منا كمجهود ..
وهذا رد مني بسيط (لغير الأمين) الذي تحملناه كثيرا ..
8
8
8
كلماتك هذي ن ذهب..!

شكرا لك على المرور الجميل يا صاح ..
لك كل الشكر عى مرورك ..

الله الله الله

ياسلام ياسلام

تسلم على قلمك المميز

كلام سليم ..

الله يوفق زعيمنا وياخذ الكاس ..

سلامـ

تسلم اخوي عشقي الزعيم ..
وشكرا لك على مرورك البسيط ..

وبالتوفيق للهلال ..