بسم الله الرحمن الرحيم


اخباركم ووش علومكم عساكم بخير

اليوم ياشباب مسكت معي اني ما اداوم لأن بصراحه ملل

وقلت بما اني بقعد فاضي لازم استفيد من كل دقيقه

طبعاً المكان الي جا على بالي اول شي معرض جيتكس المقام حالياً بالرياض طبعاً هالمعرض مايحظى >>متعوب عليها

بمكانه اعلاميه قويه مثل ماشفنا لما اقيم معرض الكتاب

المعرض ممتاااااااااااااااااااااااز جداً وبصراحه يوم دخلت المعرض خشتي قالت كذا

خلوني اقدم نبذه مبسطه جداً عن المعرض

المعرض يهتم بكل ماهو جديد في عالم التقنيه

طبعاً اجمل قسم بالمعرض هو قسم موبايلي بتسئلوني ليه وانا بجاوب على سؤالكم

يعتبر جناح موبايلي من اكبر جهات العرض في المعرض وفيها اقسام كثيره

طبعاً هذ غير الملعب المصغر الموجود بالجناح وقدمت موبايلي عروض بهلوانيه ومسابقات للزوار

موبايلي بصدد انها تنزل خدمه حلوه جداً الي هي الخرائط عن طريق الجوالات الي تدعم الجيل الثالث غير كذا كلمت

المشرف في الجناح عن خدمة الموج الأزرق وبين لي انه فيه حالياً خدمه جديده عبر موبايلي على الهوا وهي مخصصه

للموج الأزرق

من بعد جناح موبايلي يجي جناح الأتصالات وبصراحه روعه هالجناح فيه زي القاعه دائرية فيها عرض للخدمات ومن برا

جدران هالقاعه شاشات كبيره جداً


على العموم هذي صورتين عن هالقسمين الي بينهم تنافس غير طبيعي و اوعدكم اني اروح بأذن الله للمعرض مره ثانيه واجيب صور احلى

جناح موبايلي >>الموج الأزرق




جناح الأتصالات



اعذروني على القصور

مشكور اخوي على التغطيه


بس متى ينتهي


بس ما تحس ان الصور قليله.....

^^
والله وانا اخوك ما ادري متى ينتهي

بالنسبه للصور انا ماكنت مستعد اني اخذ صور للمعرض بس اهم شي صور للجناحين الي تكلمت عنهم

شاكر مرورك

لو سمحت موقعه وين بالضبط هالمعرض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشكوووور ع التغطيه

بس عندي سؤال اذا ماعليك أمر

أبغى أعرف وين موقع معرض جيتكس ؟

ابي كروكي



،،

تحيآتي

<CENTER></CENTER>

ياشباب موقع المعرض هو نفس المكان الي اقيم فيه معرض الكتاب

مقابل مكتب الخطوط في حي المروج

بالعكـــس اخوي

آخآلفك الرأي

المعـــرض ســــيء

طال عمركـ مغير كبر عالفاضي

اسمه جايتكس للكمبيوترات

لكن أكثر شي فيه الجوالات

وخرابيط كمبيوتر يعني سيرفرات وأدوات مراقبه

بصراحه رحت من المغرب الين ما قفلو

ولا استفدت شي ولا شريت شي حتى

أزين شي ذاك الطويل اللي يتمشى بس

لي زياره له ان شاء الله ... بس متى أخر يوم ياشباب ..؟؟

يعطيكم الف عافيه على المرور

اخوي القيصر المعرض يهتم بشكل كبير بالشركات ورجال الأعمال وطبيعه المعرض يعرفونك بجديد التكنولوجيا والتقنيات الحديثه يعني مو مثل السوق الخيري تروح تشتري

ابو سعود الهلالي الجوال و موبايلي جناحهم مره جيد والمعرض كبير جداً وفيه اشياء غير الجوالات فيه عن الكمبيوتر وفيه عن دار موجه واكبر شاشة بلازما يعني الي يروح هناك بيستمتع

حكر المنحكر حالياً المعرض للعوائل

فيه يوم للشباب ؟؟ واي يوم والساعه كم وشاكر لك .....

والله للأسف ما اعرف بس الي اعرفه ان امس واليوم للعوائل واتوقع ان الشباب بأمكانهم الدخول الصباح