لا تزعلون .. بس هذا الواقع المر .. يا عيال الرياض !!
 

بسم الله الرحمن الرحيم :o

<?xml:namespace prefix = o ns = "urn:schemas-microsoft-com:smilie47:

<o:p></o:p>
مساء الخير لجميع الأخوان أعضاء وزوار المجلس العام :smilie47:
<o:p></o:p>
<o:p></o:p>
((أول موضوع لي في المجلس العام أتمنى انه يعجبكم .. أو أتمنى إني أقدر أوصل لحل أنا وإياكم لمشكلة موجودة أحداثها هنا :))) <o:p></o:p>
<o:p></o:p>
<o:p>***</o:p>
<o:p></o:p>
<o:p></o:p>
<o:p></o:p>
ملحوظة آآآآد كدا : جميع الأشخاص في هذه القصة على قيد الحياة .. مع مراعاة فارق التوقيت الزمني << بدينا :yes:<o:p></o:p>
<o:p></o:p>
--<o:p></o:p>
<o:p></o:p>
في أحد الأحياء ( الراقية ) في العاصمة اللندنية الرياض .. دق علي خويي اللي هو ساكن في أحد الأحياء الراقية في العاصمة اللندنية .. وقال يا عزوز تعال بيتنا اللي هو في أحد الاحـ.... << لا يكثر :d
<o:p></o:p>
<o:p></o:p>
المهم الرجال قال تعال .. العيال مجتمعين عندي العصر وزي كذا .. والجلسة ما تحلا إلا فيك ( وجه فاق خشته ويضحك :naughty: ) .. قلت أبركها من ساعة .. ابشر يا أبو سلطان << مهوب بمحمد بن فيصل عشان ما احد يقول فعٌل يوزري وإلا شي << فاهم الواسطة غلط .:d
<o:p></o:p>
<o:p></o:p>

المهم يا طويلين الأعمار ..ركبت موتري .. وتوكلت على الله متجه إلى أحد الأحياء الراقية في مدينة الرياض .. طبعا خويي ساكن في ذاك الحي ( عرفتوه ) ؟:d
<o:p></o:p>
<o:p></o:p>
وصلت عند بيتهم اللي كنه ملعب الملز سابقا فيصل بن فهد حاليا ( ما شاء لله s9s) وأشوف أخوه وعيال جيرانهم الصغار مجتمعين عن الباب . قلت بس أكيد فيه مضاربة وإلا شي << تفكير عيال البديعة .. :smilie47:
<o:p></o:p>
<o:p></o:p>
وأوقف عندهم .. قلت وش السالفة يا فيصل ( فيصل اخو نواف ونواف هو أبو سلطان اللي ساكن فيـ ... كملوا انتووا هع ) :smilewink
<o:p></o:p>
<o:p></o:p>
المهم سألت فيصل وش فيه .. قال ابد .. بس نوينا نغير مكان الملعب وتهورنا وقلنا نلعب في الشارع .:bigeek:. في هذه اللحظة اغرورقت عيناي من الدمع .. وأتذكر إخواني وأحبائي في البديعة ..وأقول ( اييييه دنيا .. ناس تتضارب على الشارع من يلعب قبل الثاني .. وناس تاركة ملعب مزروع وسط بيت ويلعبون في الشارع .. لا والأدهى من كذا .. انه نوع من أنواع التغيير عندهم ) :shutup:
<o:p></o:p>
<o:p></o:p>
المهم وادخل أوقف .. وانزل وألقى العيال مجتمعين .. وسلام كيف الحال وش العلوم .. المهم قعدنا نسولف نسولف نسولف << لا يكثر :)
<o:p></o:p>
<o:p></o:p>
المهم إني ما كملت نص ساعة. إلا هذا فيصل جاي علينا ويضحك .. وقال يا نواف الحق الحق .. وهو يضحك .. قال نواف وش فيه .. قال ( ركزوا معي الحين ).:bigeek:
<o:p></o:p>
<o:p></o:p>
قال :(وقفوا عندنا ناس معهم كامري تفاحية موديل 2003 لوحتها أ هـ ط ... المهم وقفوا عندنا وكانوا 6 .. نزل ثلاثة منهم وجلسوا على الرصيف .. فجأة قام واحد من الثلاثة عند الحارس ( حارس المرمى ) وطلع سلاح ابيض ( سكين ) وقال رح جمع جوالات أخوياك بدون ما يدرون.. وترا ذا دروا.. واحد من عيونك ما بترجع بيتكم وهو معك ..<< تهديد..:surprised:
<o:p></o:p>
<o:p></o:p>
عاد ذا الضعيف خاف و(قمط) أم العافية .. قال طيب .. وراح أبو الشباب يجمع الجوالات ورجع أعطاه.. وقاله خذ بس فكنا من شرك.. قال ذاك ابشر بعزك. والله معد تشوفنا هنا << بعد وش يـلعن.... :upset:
<o:p></o:p>
<o:p></o:p>
وركبوا الثلاثة في الكامري وراحوا .. بعد ما راحوا بـ 10 دقايق .. بدا يستوعب ذاك الدلخ ان جوالاتهم انسرقت وأنه هو اللي مجمعها .. وقعد يصايح المسكين .. ( ولكن لا ينفع الصياح ).))
<o:p></o:p>
<o:p></o:p>
المهم قال نواف .. خلاص رح وأبشر بالعوض وأنا اخوك راس ماله جوال ومدري وش .. ( برضه في هذه الاثناء نزلت دمعتي على أخواني وأحبائي وأشقائي القاطنين في البديعه .. لان راس مال الواحد المملكه مطور .. واذا انسرق منه ما يطلع من بيتهم شهر من زود الزعل .. وفوق هذا ( أبطى العوض ) << لا تصدقون s13s
<o:p></o:p>
<o:p></o:p>
المهم قعدنا انا والعيال نشوف وش السالفة وناخذ ونعطي فيها.. وقاعدين نسأل عن أحياء الأشخاص ذولا .. منهم من قال الدخل المحدود .. ومنهم من قال النسيم .. ومنهم من قال النظيم .. طبعا ولا يهونون حقين الجنادرية ستي .:yes:
<o:p></o:p>
<o:p></o:p>
وأثناء النقاش تناولانا أسباب سرقتهم لها الضعوف .. منهم من قال مخدرات .. ومنهم من قال العطاله .. ومنهم من قال هواية .. ومنهم من قال إثبات رجولة .. مع إن الأخيرة أستبعدها ..لان شنب الواحد وتقاسيم وجهه كأنه مخطط الغروب ( على حسب وصف فيصل مالي شغل أنا ) :d<o:p></o:p>
<o:p></o:p>
<o:p></o:p>

<o:p></o:p>


اللي أبي اعرفه شي واحد :

<o:p></o:p>
<o:p></o:p>
هل لها الدرجة وصلت في بعض الشباب أنهم يتهجمون على الأشخاص بغرض سرقة شي بـ 1000 أو 2000 ريال ؟؟:bigeek:

<o:p></o:p>
هل لها الدرجة ما قدرنا نستوعب هالمشكلة الكبيرة اللي قاعدة تصير .. واللي نسمع أن معدل أعمارهم من 15 -22 ؟؟:bigeek:<o:p></o:p>
<o:p></o:p>
خلاصة الموضوع :<o:p></o:p>
<o:p></o:p>
1-شرايكم فيني ؟:naughty:


2- هل معقولة أن اللي يسرقون ساكنين في الاحياء ( الدخل – النسيم – النظيم – الجنادرية – العزيزية -) فقط.؟:bigeek:


3- هل معقولة أن الدافع الاكبر للسرقه يكون ( مخدرات – عطاله – فراغ – إثبات رجولة واللي إستبعدتها لسبب سبق ذكره ) ؟:bigeek:


4- هل معقولة أن الدلخ اللي قعد يجمع الجوالات ما عرف يتصرف ولا عرف يصايح او يسوي شي ؟:bigeek:


5- هل هؤلاء الممارسين لهذه الجريمة ينتمون لعوائل معينة ( اتمنى الاجابة بنـعم او لا فقط .؟ ):bigeek:


6- هل لمستوى الدخل المعيشي لأفراد اسرته له سبب في ذالك ؟:bigeek:


7- وش رايكم في الرمز هذا :d << بصراحه خاق معه

---

<o:p></o:p>
<o:p></o:p>
شطحة : ( أنا اعرف أحد أبناء شخصية معروفة ومرموقة في المجتمع .. يسرق !!! ):upset:
<o:p></o:p>

مع انه مو محتاج ولا شي .. بس مدري وش اسمي ذا الشي .. هل هو لكاعة .. والا شوفوني اسرق .. والا تروني رجال .. والا يبي يجرب ابو زعبل .. يعني بصراحه عجزت القا تفسير لها الحالة بالظبط .:upset:<o:p></o:p>
<o:p></o:p>




***

<o:p></o:p>
<o:p></o:p>
عموما اتمنى اني ما طولت عليكم .. وأتمنى تقبلون أول موضوع لي في المجلس العام بصدر رحب ..<o:p></o:p>
<o:p></o:p>
إن أًصبت فمن الله .. وإن أسئت فمن نفسي والشيطان .<o:p></o:p>
<o:p></o:p>
<o:p></o:p>
وتروا نتقبل جميع الآراء بصدر رحب .
<o:p>***</o:p>
<o:p></o:p>
<o:p>يا لبا قلب البديعه وأهلها :smilie47::d</o:p>
<o:p></o:p>
<o:p></o:p>
حرره : و ص ى s13s<o:p></o:p>
<o:p></o:p>
<o:p></o:p>
<o:p></o:p>
<o:p></o:p>

هلا بك والله يا ابو طلال

وش عندك موطوط عندنا في البديعه وتزوره .. ايه ذبحك الحب .. الله يعين .. :d


والله يا خوك .. اذا رئيس العصابة على قولتك ما قدروا يمسكونه .. واذا مسكوه عنده ظهر .. وش الحل ؟؟..:naughty:

يعني الدعوة خبصة .. ما تدري من تحاكم او توقف



الا تعال .. وش دخل العماله الحين في السالفه :d؟؟؟

---

عموما اسعدني ردك ومروك :)

واشكرك على اطرائك يا بطل s60s

تقصد المنفوحة ؟ :d


على فكرة يالأخوا أنا ساكن في البديعة و فاهم ليش تحس إنهم أكوس ناس :d


قمة البرائة و أمان بس ما فيهم إلا هالإرهابيين :d


يعني ما فيه شيء وسط يا إرهابي يا فله


إلا وش أخبارك إنت بس؟ :d


ودي أركز في النقاط بس أسلوبك يخليني أطلع برا الموضوع


قرب إذنك ... موضوعك فيه تعصب حيي :d


لي عودة مع النقاط إن شاء الله

هلا بك يا << توهق بالاسم ما عرف ينطقه :d



اول شي ونعم فيك وفي حقين البديعه وانا معكم :naughty:


بس انا ما سبيتهم .. ولا تعصبت لحي معين .. بالعكس .. انت وانا نسمع اشياء مو زينه عن احياء غرب الرياض .. وكن اي واحد ساكن بالشمال منزه !!
واكبر دليل على ان حقين البديعه مثقفين .. انت كاتب اسمك بالانجليزي .. يعني فيه تطور هع هع

واذا على الارهابيين .. حتى الاندونوسيين ذا الفطس فيهم ارهابيين :d.. فما بالك باللي اشكالهم في الوضع السليم << راسب في التعبير :d


ونتظر تركيزك على النقاط بفارغ الصبر يا صقيقي :)


اسعدني مرورك

انا اتوقع اسباب السرقة (((( الطفرة يا الحبيب )))) <<< شكلك ما قد سمعت فيها

تمنيت تتكلم اكثر .. وتعلمني وش اسباب الطفرة اللي تتكلم عنها ..
لان الطفرة انواع :
في طفرة في الصناعه
طفرة جينيه
طفرة ( ما فيه فلوس ) :d
الخ الخ الخ


عموما نورت الموضوع يا غالي ( كلنا هلاليين )

كنت اتمنا تكتب مواضيع عن المشاعر والاحاسيس:smilie47::d

مهب (((السرقة))) << الي اسببها اخوي الصغير الي في الابتدائي يعرف اسبابها:d

طيب خل اخوك الصغير اذا جاء .. يجلس ويعطينا الاسباب .:d

انا مو عارف الاسباب .. ممكن يجي يعلمني هو؟ :naughty:


--

وبعدين اخوي اذا كان الموضوع مو عاجبك .. او ما يناسب معاليكم .. ابد مسموح .. لا ترد ولا شي .. :)
--

واذا على المشاعر والاحاسيس .. المايك عندك .. فيه فوق زر ( موضوع جديد ) لا يردك شي .. s60s


اشكرك على مرورك مرة ثانيه :clapping:

الحين تبي تفهمني انك زعلان :d

شوف موضوع جميل انا معك بس ليه ما كتبت منقوووول

حرام عليك تسلب حقوق الاخرين:naughty:

وش دعوة ازعل .. :)

بقولك شي ..اذا اتضح ان الموضوع منقول ..او مو انا اللي كاتبه .. او القصة ما مرت علي

اهديك اليوزر حقي وال387 موضوع ..حلال زلال :naughty:

وان كانك تبي نروح عند فيصل ونواف .. وتشوف بيتهم اللي كنه الملز .. وتشوف الدلخ اللي كان سبب السالفه كلها .. ما عندك مشكله :d


بس وانا اخوك لا تشكك بالذمم :nono:


اشكرك مرة ثالثه على مرورك

مسائك أحلى ،، و ص ى < احس انك يوم سجلت في المنتدى ماكان لك مزاج تفكر :d .. أو انك تشتغل في المرور
لا يكون مكبر لوحة السياره ومعلقها في المجلس بس :d

إقتباس:

فيصل اخو نواف ونواف هو أبو سلطان اللي ساكن فيـ

اسمائهم قويــه :d .. ذكرتني بواحد كان معي في الجامعه أسمه فيصل بن عبدالعزيز بن سعود
اذا قال أسمه الدكتور في القاعه ودك انه يسكت عند سعود ومايكمل أسم القبيله :d


تستاهل محد قال لك خاوي عيال النعمه :d خلك مثلي اذا مريت من جنب حي راقي أسارع في الخطى على شان عيني ماتطيح على قصر والا سياره فخمه ثم اروح للبيت اتهاوش مع ابوي .. لييييه يومك صغير ماجمعت قواطي الببسي مع الراجحي كان يمديك الحين عندك بنك :d < خلوني أعبر :d

ذكرتني بأيام الطفوله وأيام ( برغش سنتر ) هذا مدمن سنتره .. حتى لو كان حارس يسنتر ثم يرجع حارس :d ماكنا نقول له شي لأنه راعي الكوره :d .. لكن إذا انا اللي جايب الكوره أفقع وجهه اذا جاء يسنتر .. الله يذكره بالخير

وش قصتك مع اللوحات ؟؟ :d

شفت الفرق بين عيال الأحياء الراقيه وعيال ( البديعه .. النسيم . النظيم .. بلا بلا بلا :d
عيال النعمه إذا فتشت جيوبه تلقى N95 و MP3 ومايسمع الا لـ آشلي وهالري دوف
لكن عيال النسيم اذا فتشت جيوبه بتلقى نبيطه وفي جيبه الأمامي فشقتين حصى يفجر بها وجهــك اذا نويت تسرقه :d

يارجال اذا على جوال تهوون لكن المصيبه اذا جاك واحد وسطرك كف وأخذ الجوال
ياخي والله ما ارقد من القهر .. ليه يسطرني ياخي خذ الجوال بس لا تسطرني :d

،،،

-</B>شرايكم فيني ؟:naughty:</B>
احسن واحد في البديعه :d

2- هل معقولة أن اللي يسرقون ساكنين في الاحياء ( الدخل – النسيم – النظيم – الجنادرية – العزيزية -) فقط.؟:bigeek:</B>
لا ياعزيزي مو شـرط والأرهاب لا وطن له < :d وانا أعتب عليك لأنك خصيت أهل الرياض بالموضوع .. بالعكس يالغالي في جميع الأحياء ومناطق المملكه فيها الصالح والطالح .. والنسيم والنظيم والجنادريه يسكنها دكاتره وطلاب في مراحل علميه متقدمه وأبناء متربين أحسن تربيه لكن ماكذب اللي قال الخير يخص والشر يعم


3- هل معقولة أن الدافع الاكبر للسرقه يكون ( مخدرات – عطاله – فراغ – إثبات رجولة واللي إستبعدتها لسبب سبق ذكره ) ؟:bigeek:</B>
انا من وجهه نظري أن التربيه وسوء بناء مستقبل الأبناء هو السبب الرئيسي في توجه بعض المراهقين للسرقه
بمعنى ان الأب إذا ترك أبنائه في مراحل التكوين الدراسي بدون أهتمام .. طبيعي راح يتخرج بنسبه لا تأهله لوظيفه أو ماراح يتخرج خير شر .. وبكذا راح نشوف الأبن يسرق وينهب ليحقق رغباته الشخصيه
وأعتقد أيضا من أسباب السرقه هو غلاء الأسعار << لازم ندخل غلاء الأسعار في كل شي :d

5- هل هؤلاء الممارسين لهذه الجريمة ينتمون لعوائل معينة ( اتمنى الاجابة بنـعم او لا فقط .؟ ):bigeek:</B>
لا

6- هل لمستوى الدخل المعيشي لأفراد اسرته له سبب في ذالك ؟:bigeek:</B>
كما ذكرت سوء بناء المستقبل والتدني المعيشي سبب لتوجه المراهقين للسرقه ليحقق بها رغباته الشخصيه

7- وش رايكم في الرمز هذا :d << بصراحه خاق معه </B>
خققان

،،،

حياك الله مره أخرى ونورت المجلس بطرحك الجميــل وتقبل بثارتي وبعض التعليقات السامجه ولا تحرمنا جديد طرحك

اخوياك بس متى فاضي انت:d

وبنسبة لقصة الموضوع انه منقول ( امزح معك انت وجهك)


:clapping:

SKY

يا بعد قلبي والله

لو فيه منك اثنين بس .. كان صرتوا ثلاثه هع

اما من ناحية التسجيل .. انا مسجل ولا كان عندي امل انهم يفعلون اليوزر .. بس فجأة لقيتهم يقولون مبروك .. رح قدم اوراقك الاصل عشان تصير مع الكويسين .. مثلك وشرواك :d


صدقني يا سكاي اني اجي بيتهم من ورا.. عشان ما اشوف وجه البيت وانغبن .. وارجع لابوي واعطيه حلين لا ثالث لهما .. يا انه يغير البيت .. والا انا اللي بغير ابوي :d:d


الله يذكره بالخير .. وعظم الله أجرك..شكل كان اصبع رجله الكبير بدون احساس << من كثر ما يمزعكم بالكورة :d..


الله يهديك بس .. كل السالفه عشان تدرون اني صادق << مشكله اول مرة يكتب موضوع في العام ومنخرش :d



اخر واحد .. ما كن اخوه دوفي دوف .؟ :d

سكاي . انا خصيت الرياض لعدة اعتبارات .. اول شي عاصمة ادارية .. ثاني شي اكثر تجمع سكاني فيها .. وانت تدري ان المدن الكبيرة هي قدوة للصغيرة ثالث شي .. مقر نادي الهلال فيها .. ومقر بيتنا فيها .. عشان كذا خصيتها في المووضوع .. اما بالنسبة للاحياء .. بالعكس كلهم على العين والراس .. وكل حي فيه الصالح والطالح .. لكن الفكرة العامة كذا .. وانت ما تقدر تغير فكرة معينه .. الا بطرح ونقاش هادف

---

اشكرك اخوي سكاي على اثرائك لموضوعي :smilie47:

ولا خلا ولا عدم يا الغالي


شرفت

خذ راحتك يا الغلا s13s

ومتى ما نويت تخاويني ارسل لي تلكس بس :d

اشكرك على روحك الطيبه

مساء النور يا لوحة ددسن "و ص ى 5 2 9 " :d
قافطينك :d:d

وحياك الله في بيتك الثاني "المنتدى العام"
وحيا الله كل سكان البديعه وانت اولهم

بالنسبه لموضوعك
السبب برأي المتواضع ان الطفره تسوي العجب العجاب
واذا سرق جوال ب1000 وجوال ثاني 500 وثالث 1500 هاذي طلع منها 3000
مشروع جامد على الاخير
اقول يا ولد البديعه وش رايك نخش مشروع سرقات او علشان تكون افضل نقول مشروع استعارة جوالات
انت تمسك حي البديعه والي حوله
وانا علي الشمال براسه من اوله لأخره
<<<<<<< يلمح انه من سكان الشمال
وترى الي عندنا كلهم كاشات يعني نزرف جوال تلقى قيمته 10000ولا تستغرب وتلقاه مصنع بهاواي :bigeek:
على العموم
موضوع جميل ولا تحرمنا من جديدك
وبالنسبه للمشروع بيني وبينك لا تقعد تجيب عيال حارتكم كلها

هلا بك والله ياللي امك ولدتك هلالي .:smilie47::)

اما سالفة الددسن ذي قوية .. ويا ليت معي ددسن عشان يكمل مشروعنا يا بطل << خربها :naughty:

وبيني وبينك انا حاقد على حقين الشمال .. لان مرة واحد يسألني يقول انت وين ساكن .. قلت له بالبديعه .. قال وينها ذي.! .:upset::upset:
--
وفيه نقطة ما ودي ادقق عليها .. اللي هي الجوال ام 10.000 :d << قالوا وش دراك انها نصبة .. قلت من كبرها :razz:

لعنبوا ابليسك نوكيا اطلق جوال نزلته ما تعدا 3000 .. و i mate ما تعدا 4500 او 5000 .. يعني من وين جبت لي ذا الجوال الله يثيبك :d

شكلك فاهم الكاش غلط :naughty:


عموما الف الف شكر يا الغالي على مرورك وتعقيبك .. واذا نويت على المشروع .. ابد بلغني على الخاص .. وننزل تقرير كامل عن الجريمة مدعم بالصور :d

تحياتي لك

:D
 

شف شف .. انت ياشريطي سيارات
او شريطي سيارات
هي ثلاث مالها ثاني :d
اول شي الجمس الي رازه بالتوقيع :d
اهنيك على الشنبر صراحه s9s بس كنّي اشوف الشبك موجود يالسواق ..! :d
على العموم اللوحه والسياره انعرفت :d مع كثر اللفلفه بالشوارع اوعدك اني بشوفك :d
بالنسبه لمشاكل السرقه السبب الاكبر التربيه ومخ الرجال :d
اعرف واحد كل اخوانه عاقلين وفاهمين ومن اكوس الناس :d
وحالتهم الماديه اكوس من عيالهم بعد :d
بس عندهم ولد مخه ضارب :d
ياناس وربي معه سيارتين وكل وحده احسن من الثانيه
ويسرق جوالات ..!
عندك اسلوب روعه وذبات يهوديه :d سجلني معجب s9s
بس لا تفلها واجد اوكي :d

في البداية الف شكر لكـ على هاا الطرح بس انت نسيت حي يمكن عياله يسرقون وه البديعة<<<<<هههههههاي <<<< امزح لا والله البديعة مو مثل الاحياء اللي ذكرتها والسويدي ايضا يعني عندك في ذيك المنطقة السويدي والبيعة هم احسن شء<<<< انا عارف انك تقول الحين ذا وش جابه بالاحياء احنا نقاشنا عن السبب هههه

وانا راح اقولك السبب يااا طويل العمر شوووووف النسبة الاغلب يكونوا محتاجين وحقين مخدرات لان المحتاج ما لقى شئ من الدولة وحقين هااا المخدرات هقولهم مو صاحية بس هااا التجار يسرقون وانا اعرف واحد يقربلي وكان يبني وكان يبني بعد من هااا الاحياء الراقية بعد على قولتك وانا اخوك ويوم من الايام وحارسه الفله كان طالع من الفله جوه ناس ومعهم بعد سيارة من هااا السيارات الغالية بس لم يذكرلي اسمها ووقفوا عنده وطقوه وسرقو جواله بس هاا الباكستاني طلع ذكي قام وكتب اللوحة على التراب ثمن علم قريبي وقريبي ما شاء الله معارفه واجد وقدر يجيب راعي السيارة بسهوله وطلع راعي السيارة من هااا التجار وساكنين في الاحياء الراقيه على قولتك<<<<<< لجيتك بعلى قولتك بس تحملني هههه..... وانا اقول وش حدهم على ذلك ما حدهم الا الفضاوة

اما البزر اللي جمع الجولات انت قلتها بنفسك بزر ما عليه شرهة

* خلاصة القول دام ما فيه احد يحميك طبيعي تروح عليك اغراضك

2- هل معقولة أن اللي يسرقون ساكنين في الاحياء ( الدخل – النسيم – النظيم – الجنادرية – العزيزية -) فقط.؟:bigeek:

لا مو شرط بس اتوقع نسبتهم في الاحياء هذي اكثر من الاحياء الراقيه بكثير :naughty:</B>



3- هل معقولة أن الدافع الاكبر للسرقه يكون ( مخدرات – عطاله – فراغ – إثبات رجولة واللي إستبعدتها لسبب سبق ذكره ) ؟:bigeek:

ايه الاغلبيه من هالاسباب يعني مدمن مخرات واكيد ماعنده فلوس بيروح يشتغل عشان يجيب مخدرات !
لا بيسرق ومبصاير له شي
وبعد ممكن يوك فيه مثل المرض او العاده سبحان الله كذا يده تقؤصه لازم يصرق حتى لو كان مو لحاجه :(</B>



4- هل معقولة أن الدلخ اللي قعد يجمع الجوالات ما عرف يتصرف ولا عرف يصايح او يسوي شي ؟:bigeek:</B>

خخخخخخخخخخخخخخخخخخخخخخ يعني بالله بتشره عليه ؟؟
اولن بزر وثانين حتى لو كان رجال ياخي هذي ما فيها نفسي نفسي انا اعرف عيال كبار في العشرين ثنين راجعين من المسجد مشي وصار لهم من هالقصه وعطوهم جوالاتهم وش يسوون لحظتها ؟!

5- هل هؤلاء الممارسين لهذه الجريمة ينتمون لعوائل معينة ( اتمنى الاجابة بنـعم او لا فقط .؟ ):bigeek:

لا</B>



6- هل لمستوى الدخل المعيشي لأفراد اسرته له سبب في ذالك ؟:bigeek:

ممكن في حالات كثيره وفي حالات لا </B>



7- وش رايكم في الرمز هذا :d << بصراحه خاق معه


</B>ما اتخلى عنه :smilie47: :d






موضوع جميل يعطيك العافيه :d


.
.
.
بنت عبدالعزيز
</B>

شوكرون على الطرح
وما اسمح لك تغلط على العزيزيه ؟؟؟؟؟؟
لاعدمناكـ

اذا اسطوانات الغاز ما خلوها ؟؟


تتوقع بتوقف على جوال


اصبر كم سنه وبتسمع رهائن محتجزين في بنك الراجحي والخاطفين يطلبون .....


البطاله احد الاسباب .....والسبب الاهم عدم تطبيق الشرع في قص اليد




تشــــــــــــاو

محجووووووووووووووووووووووووووووووووووووووووووز لرد على موضوع المنسم :d

::

::

::

بااااااااااااااااااااااااااااااااااااااااااااااااااااااااااااااتس:naughty:


<B><?xml:namespace prefix = o ns = "urn:schemas-microsoft-comhttp://vb.alhilal.com/ /><o:p></o:p>...ue><FONT face=حييااااااك الله ونور المجلس وماعاد به طلعه وكل مرة اسدح لنا موضوع</o:p>
<o:p></o:p>
<o:p><o:p></o:p>
<o:p></o:p>




<o:p></o:p>
<o:p></o:p>
<o:p></o:p>
<o:p></o:p>





<o:p></o:p>













<o:p></o:p>
<o:p></o:p>

<o:p></o:p>

<o:p></o:p>
<o:p></o:p>
<o:p></o:p>

هلا بك ذا بيست .. الله يحيك ونورت موضوعي بطرحك الراقي << ما يقصد الاهلي :naughty:

وزي ما تفضلت .. حلها بسيط .. لكن لم نعرفه .. !!!

اما الاسباب اللي ذكرتها .. والله وانا اخوك مدري وش اقولك .. قد تكون أحد الاسباب ( انعدام المادة )

عموما الله يهديهم ويهدي شباب المسلمين ( شباب بس :d)

اشكرك اخوي مرة اخرى على تشريفك موضوعي

هلا بك والله السمسار الهلالي .s13s


اذا كان كل عاطل باطل بيسرق . عز الله رحنا فيها :surprised:

برضه انا اقول قد تكون أحد الاسباب ( العطاله ) بس ذا السبب الين الحين ما خش مزاجي مدري ليه :upset:

عموما اشكر اخوي السمسار على تشريفك . وايضاح وجهة نظرك

برايفت لك << الحين انت سمسار صدق والا سواليف بس :d << قايلكم اول مرة يكتب في المجلس العام :smilie47:

شرفت ونورت يا الغلا

هلا والله اخوي اخوي بلد الوليد

اول شي عشان ما يصير سوء فهم عندك . ترا اللوحه مهيب على الجمس .:naughty:. وهذا نوع من انواع التمويه الجسدي << احلا :d


اما بالنسبة للاسباب .. بصراحة اشوف انها منطقيه .. التربية احد العوامل المؤثرة في بناء شخصية الفرد .. وبها تحيا الامم . وتعيش بسلام .. من دون سرقات ولا تكسير قزاز .. :d


اما بالنسبة لـ مخ الرجال .. ما اقدر اقول الا ( الله المستعان ) .. انا ما اتوقع ان فيه احد بيسرق وعنده مخ اصلن .. لانه بيكون خارج التغطية :upset:

--

اما لخويكم المطنوخ .. اللي معه سيارتين ويسرق جوالات .. سلم لي عليه .. وقل ميده يقول لك و ص ى ,, ((لا تدور الصيده والصيده فوقك )).. :d

اليوم تسرق وبكرا تنسرق يا الذيب << امحق ذيب :naughty:

--

اما لا تفلها واجد .. ما يمديني امسك نفسي .. اذا ما افلها معك يا صقيقي ... من افلها معه ؟؟ :smilie47:

تخليني للاغراب وبين الوحوش .. يا خراشي :d << لو ينسقون الخراشي ابرك من قعدته على قلوبنا :d

اشكرك بعنف على تشريفك للموضوع .. ورفع معنوياتي :naughty:

--

(( الحين بلد الوليد .. تقرب للوليد خوينا والا تشابه اسماء ؟ )) :d

شرفت

هلا بك يا حبيبي .. هلا بأهل الشرقيه .. هلا باللي قريبة منهم البحرين :d:naughty:

انا بصراحة يوم شفتك عزمتني للبحرين يوم الربوع والخميس .. سجدت لله شكرا على هذه النعمة :).. واخيرا تحقق حلمي واروح البحرين ,,واشوف شارع المعارض على الطبيعة:smilie47: .. يقولون مواترهم طيبة ورخيصة:d .. لا وتقدر تاخذ موتر من المصنع .. بـ 300 صدق والا نصب :d؟؟؟

تراي موفق .. وترى ردك أحلا رد في العالم .. وتراك محمول مكفول من وإلى ,, بس حقق حلمي :d

وفيه معلومة ودي تأكدها لي أو تنفيها .. يقولون فيه شي اسمه (شفت) مدري وش .. يقولون هذا مرة مرة حلو ... ودي اجربه .. عرفته والا باقي :d


--

اما شلون مسكوا الحارس واخوياه ما يدرون .. هذا سلمك الله .. راح ووقف جنب العارضة .. وطلع عليه السكين .. وقال سوا اللي اقولك عليه والا تراك بتروح غلطة مطبعية .. عاد ذاك صغير وخاف وسوا كل شي .. تبيني اعيد السالفه والا فهمت :d
--

عموما شرفت موضوعي يا بعد قلبي

واهم شي أصمل على الروحه .. ودي اشوف ناطحات السحاب في البحرين الحبيبة :smilie47::naughty:


شرفت s13s

اولا: اهنيك يا بطل على الموضوع المتميز

ثانيا: هذي مشكله منتشره دايما

بس القصه الي انت قلتها
اول شئ يمكن الي اخذو منه الجوال اكييد صغير في السن لانه لو كان كبير ما كان استقوا عليه
او انه الكثره تغلب الشجاعه

السرقااات منتشره مو بس في الرياض
في كل انحاء مملكتنا العزيزه

تسلم اخوي على موضوعك ولا تحرمنا من جديدك

تحيااتي واشواقي

هلا بك اخوي الشلهوب

اول شي حي البديعه ما فيه احد يسرق .. واذا تهور تهور ونوا يسرق .. سرق دباب بقالة .. او سيكل هندي حق مغسلة ( هذا اقوى واحد في البديعه ):d
---

اما سالفة الباكستاني .. والله انه ذيب .. اجل كتب لوحة السيارة على الرمل .. شكله هو اللي بقناة روتانا اللي يرسم على الرمل حركات بركات :d:d

--

عموما شرفت موضوعي يا الغالي .. وزي ما قلت .. دام ما فيه احد يحميك .. راحت عليك :naughty:

عوافي لك

شرفت

بنت عزوز :d


كفيتي ووفيتي يا الغلا

وما اقدر اقول الا الف شكر على مرورك وتعليقك

بس ما قلتي لنا .. هل فيه بنات يسرقون .. لان سمعنا ان فيه سرقات محلات الذهب ولموزينات يركبون ولا يدفعون .. مدري وش يحسون فيه :d


عموما الف شكر على مرورك

شرفتي

وهـ بس ..:smilie47:

كل حقين ابو كل العزيزية علي عيني وعلى راسي .. ولا واحد فيهم يسرق .. بس يقتلون الاودام :d

الدعوة وانا واخوك مناقشة موضوع .. لا اكثر ولا اقل .. وغير كذا هذي الفكرة السائده .. ما اقدر اغيرها ولا تقدر تغيرها .. الا بالنقاش الهادفs60s


عوافي يا الغلا

نمر 15

هلا بك يا الغالي

ليتها توقف على جوال واسطوانة غاز .. بس الخوف زي ما ذكرت .. انها تكبر وتصير عمليات سطو مسلح على بنوك أو دوائر حكومية .. وبالذات وزارة التعليم العالي << لو بيدي فجرتها :naughty::d

عموما لله يحفظنا بحفظه ويحفظ جميع المسلمين يا رب


شاكر لك يا الغلا على تعليقك

5- هل هؤلاء الممارسين لهذه الجريمة ينتمون لعوائل معينة ( اتمنى الاجابة بنـعم او لا فقط .؟ ):bigeek:</B>
نعم

احلى باك هلاليه << من اليوم شايف ردك حق برب .. عاد انا قلت في نفسي تيت الين تكمملين الموضوع << نصاب صح :d
--
وبالنسبة للاحياء اللي ما عرفتيها .. انا اوصفك اياها :d

تعرفين جامعتكم .. ابد خليها على يمينك .. وسيده .. اذا جت اول اشارة .. برضه سيدة .. فجأة خذي يمين مرتين بسرعه .. بتوصلين لأحد الاحياء الآنف ذكرها :d:d

--

اما بالنسبة للرسميات ومدري وش .. هاذي مشيولة من القاموس نهائيا .. حتى من زود اننا بعيدين عن الرسميات ..
أنا وابوي . نناظر أفلام وثائقية مع بعض وعااادي الوضع :d
بالعكس هذا من باب ( اذا كبر ولدك خاوه ) :smilie47::naughty:

عموما شرفتي يا الغلا .. ولا تحرمينا من ردودك اللي ماشية مليون :d

شرفتي s13s

</o:p>

هلا بك جمس ملحوس

والف شكر على مرورك وتعليقك .. وزي ما قلت أنت .. هذي منتشرة في المملكه بشكل عام .. بس انا خصيت الرياض .. لعدة اعتبارات ذكرتها في احد الردود .. رح دور عليه وتلقاها :d

عموما شاكر لك يا الغلا ..

برايفت لك ( كأنه مار علي جمسك .. بس مدري وين :naughty: )



شرفت

افا افا :surprised:

وين اللي يقول تخاويني .. وين اللي يقول مشينا بوديك البحرين وأبو من دوبها .. وين اللي .. اهي اهي ( بدت عيناي تسيل ) << بحر مهيب عيون :d


انت اهم شي وصلني للشارع ذاك ومعليك .. والوعد على الفجرية . . لان زي ما تعرف بيكون في الليل كل واحد عنده مهمة عمل رسمية .:d. وهاذا اللي اقصدة بـ (شفت) مدري وش .. :smilie47:

عموما .. ترا ردك الاول مهوب زين ... دامك منت ماخذني معك هونيك .. << قلب عليه :naughty:

شاكر لك على مرورك .. وتحطيمي :nono:

هلا بك ماجد


هذا رأيك وانا احترمه ,, بس ودي انك تفكر فيه قبل لا تقوله .. لاني كنت بنفس تفكيرك .. الين الله هداني وبديت احرك مخي واتضح لي اشياء كثيرة .. s60s

عوافي يا غالي

يعني اللي يسمعك الحين يقول عندنا عشر طعش جامعة .. ولا .. تختارين القسم اللي تبينه بوناءن ( بناء :d) على رغباتك وميولك ..
وغير كذا ما يركبونك في باصات ابو سرهد لنقل الطالبات :naughty:.. لكل وحدة سيارة بسواق .. وأهم شي يكون السواق .. ثانوية ودبلوم حاسب وانجليزي << مو احنا داخلين في منطمة التجارة العالمية << اطلع برا :d

--

وبعدين انا وابوي نتصافا .. وش عليكم .. انشالله ننظار مباراة الحزم .. والنوريج الوديه .. مالكم شغل ... حررررره :naughty: << حركات بزران :d

---

اما ماشية مليون .. لغة : مأخوذة من الفلوس
اصطلاحا : وهو الرد الذي يأتي بصيغة تنسيم صريح .. فتسمى.. بالردود التي ماشيتون مليونن << اي نون زايدة تريها تنوين :d


عموما نورتي مرتن اخرى ..

وبالتوفيق بكرا في اختباراتك s60s

تدري كل حي له نوعية سرقات مخصصة فمثلاً أحياء الروضة والقدس والحمراء وماجاورها باتجاه الشمال والجنوب وانت طالع على الربوة أكثر شيء سرقة مسجلات واستبنات "كفر احتياطي " .

الأحياء اللي حول إستاد الملك فهد واستاد الأمير فيصل رحمهم الله جطل سيارات عيني عينك تخبر ياإما فرحان ويبي يهجول ولا زعلان ويبي يفش حرته بسيارة !!!!

هذا مالدي من معلومات وبالنسبة للسرقة من عوائل معينة ؟
انا اقول لا لأن أصابع إيدك مو وحدة يعني كل عائلة فيها زين وشين اتمنى وضحت الرؤيا .

وبعدين خلني اهرب احسن لي اشوف الموضوع صار فيه سيارات وحشيه هذا جمس ملحوس وهذا جمس كحلي الله يستر بس هههههههههههه

وتسلم على الموضوع الرايق

وتقبلوا تحياتي ،،،،

سيارات وحشية اجل :d

اول شي منور يا غلاي على مرورك وتعليقك على الموضوع .. وصراحه اثريت قريحــ :smilie47:ــتي العلمية ببعض المعلومات عن انواع السرقات في بعض الاحياء s60s

..

وبلنسبة للوحوش على قولتك .. ناظر توقيعك وتعرف من الوحش ..بس بصراحه اهنيك على الشعر اللي بالتوقيع .. ما دروا عنك والا كان عطوك البيرق :naughty::d

يلا

تحياتي لك

ونورت الموضوع s13s

الله يعينكم يا أهل الرياض تعانون كثيييييييييييير من هالسرقات << فرحان أن السرقات عندهم بالسنه مره وحده

لا وبعد مايسرق الشي الا أذا خلاص بنحذفه يعني مامنه فايده

وهذا أول شي راجع لكبر مساحه الرياض <<<< سلامات ياأبو الشباب:d

أنا أقولك ليش هذا سلمك الله أول شي بسبب البطاله وثاني شي يعنني شوفوني تراني أعرف اسرق والكلمه هذي ا دمرت ناس واجد

بس تصدق أني ما أعرف البديعه << مشكلتك

ما أعرف بالرياض الا المملكه اللي من أدخل الرياض وعيني عليها ألين تختفي من أنظاري <<<< يمديك على الكلمه الأخيره

تصدق موضوعك ناااااااااااااااايس << يشوفها بالمنتديات ولا يدري وش معناها بس آآآآآسف أذا كانت سبه

يعطيك العافيه ولا تحرمنا من مواضيعك

هلا بك والله ( فيني منك فيك مني .. غصب عنك غصب عني :smilie47: )

اول شي نورت الموضوع وكفيت ووفيت يا الغلا .. بس وش ذا الديرة عندكم اللي ما يسرقون شي .. لا تكون المدينة الفاضلة حقت افلاطون :d

وبعدين لا تقول نايس .. لاني احس انها سبة .. بس للاحتياط اقولك (( Thank you for your comment )) :naughty:

يعطيك الف عافيه
وهذا الشئ مهو في الرياض بس بل في جميع المدن
واصابع يدك ماهي سوا (موبايلي)ههههههههههه

اكوس واحد

الدخل السويدي النسيم النظيم وحينا الجنادرية نعم هم من يسكن هذه الأحياء

هلا بك والله اخوي منقاوي


انشاله تزول هذه الظاهرة .. ونعيش بسلام في كافة ارجاء السعودية s13s

اشكرك مرة اخرى

اهلين يا اكوس واحد :d


والحمدلله اني فيه احد اكد نظريتي المحترمة .. وشهد شاهد من اهله :naughty:


عموما اشكرك على صراحتك يا الغلا :smilie47:

وشرايك واحد يفكر يسرق

يفكر بالطفره الصناعيه ..



اكيد يبي الدراهم




أنتشرت السرق في الأحياء الراقيه بالرياض واانا من بيتنا من ضم الاحياء الراقيه .. ^&^

من يوم نلقا واحد غريبم ع طول الدوريات ولا نعطيه المقسوم ..


وسيارات النظيم والنسيم معروفه


مع تحياتي

مشكووووووور اخوي على الموضوع .الله يعطيك الف عافيه ولاتحرمنا من طلتك على المجلس لاعدمناكs13s

هلا فيك اخوي ملك الهلال

وشاكر لك على مداخلتك .. وابداء وجهة نظرك .. بس وش لون تعطيه المقسوم ما فهمت :d<<:naughty:

تحياتي لك

الف شكر على مرورك وتعليقك فتاة هلالية

.. وكفيتي ووفيتي يا الغلا s13s


شرفتي



و ص ى