المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 21/04/2008, 03:49 AM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
Talking جمهور الواجهه لا وزعلان ؟؟؟! وسالفة الكمبيوتر وفصولي عبد الهادي ,,,, وصوره زمان يا فن .... وتحدي بالداخل مع جائزة

مساكم الله بالخير



ندخل علي طول بالموضوع


((الكلام اللي تحت بالأحمر اللى يعرف الشركه ((زغبي)) ويثق فيها يطمره)) كاتبكم متعاون وما يبي يتعبكم



زغبي الدولية هي أحد أكبر الشركات الاستشارية المتخصصة في دراسات التسويقواستطلاعات الرأي العام والتي أُنشئت عام 1984م. وقامت الشركة بتنفيذالعديد من دراسات استطلاعات الرأي في الولايات المتحدة الأمريكية والتيكان آخرها استطلاعات الرأي العام حول حملات الانتخابات الأمريكية. ولدىالشركة مجموعة من الخبراء والمستشارين في مجال الإحصاء والعلوم الأخرىيتولون مهمة إعداد وتنفيذ هذا النوع من الدراسات. ويمكن الرجوع لرابطالشركةwww.zogby.com للتعرف على مختلف نشاطاتها البحثية والاستشارية. فالشركة ليست بحاجة إلىالانحياز والمخاطرة بسمعتها في استطلاع لرأي عام لا يُبنى عليه قراراتجوهرية اقتصادية أو اجتماعية أو سياسية.



يجي الله يهديه ويصلحه خفيف الدم الوليد بن بدر ((غطي علي فيصل عبدا لهادي وسالفة الكمبيوتر دخل الإتحاد السعودي))


ويشكك بالشركة ونتائج الاستفتاء لا وبظرافه رهيبة ويقول أن الأمير فيصل بن تركي قاله التصويت تم عن طريق مرافقين للشركة ...
المشكلة إن فيصل بن تركي نفي أنه قال للوليد بن بدر أي شي وبنفس البرنامج


لا ويبينا نصدقه ونكذب زغبي ما علينا نكمل الموضوع


الأمير ممدوح بن عبدالرحمن يقول أن الهلالين أعطوا الشركة رشوه ويشكك بمصداقية الشركة ((يعني راح فيها أوباما))


(( أنا بأموت وأعرف من يوقفهم عن حدهم سالفة الذمم هذي ما ادري متي بيتركونها لا حكم سلم لا لاعب لا إداري لا رجل أعمال))



طيب تعالوا نعرف ليه بس النصراويين اللي علقوا علي هالموضوع لا وبخفة دم
أحنا نعرف أن الاتصالات بتوقع مع النصر عقد صح ؟؟؟؟!


الاستفتاء هذا صرح الأمير عبد الله بن مساعد والأمير فيصل بن تركي

بـ أخبار صحف الأثنين 16 / 3 / 1429 هـ


إن الهدف من المشروع خدمةالرياضة السعودية وذلك عن طريق إيجاد معلومات واضحة لشركات الدعايةوالإعلان التي بدأت الاهتمام بالرياضة في السنوات الأخيرة رغم عدم وجودإحصائيات دقيقة ولكن العمل سيساهم في خدمة جميع الأندية السعودية.


الاتصالات بعد هذى النتايج وبحكم أنها شركة كبيرة وما ترمي فلوسها بالبحر يعني ما يطلعون الريال اللا وهم ضامنين نتايجة ((سحبت العقد))


تورطوا النصراوين طيب وش نسوي راح علينا عقد الـ 300 مليون

لازم نشكك ونتهم ونستخف دمنا ((بس بدري عليكم))


والمشكلة إن زغبي ونتائجها مأخوذة بعين الاعتبار مو بس من الاتصالات لا كل الشركات الكبيرة الفاهمة


راح عليكم عقد الـــ300 مليون لازم تسوون الأفلام الهندية اللي صارت



أجل لا زغبي ولا مني واصف ؟؟؟؟!

تسلم لي مني واصف شرط أن جماهيريتها بالمملكه تعدت 11%

==============================================


نغيير الموضوع ونسولف شوي بجماهير الواجهة


تعريف جماهير الواجهة :- هي جماهير تحظر لتعبئة واجه الإستاد وبعض مقاعد المنصة تشوف لهم حس بإستاد لا تتعدي سعته 25.000 متفرج


طموح هذه الجماهير وجود جماهير الزعيم ليمتلئ الإستاد ويحسون بأهميتهم وأنهم متابعون


طيب أبي أتحداكم تحدي وش رايكم؟؟؟!

اللي موافق ويقبل التحدي الله الله بالردود


واللي مقتنع بكلامي يأكده برد



أتحداكم تجيبون لي نادي سعودي ((نادي مو منتخب لا يجي أحد يتفلسف)) غير الهلال ملء استاد الملك فهد عن بكرة ابية ((كيف بكرة ابيه متعوب عليها صح ))


الجائزة ((دوره علي الكمبيوتر اللي دخل الإتحاد السعودي ومنشأته 2006 وأحد انجازات فصولي عبد الهادي ))


السعه الرسمية للملعب وفقآ للتصميم هي 70.000 ألف متفرج
مقسمه على هذا النحو
:-
الدرجة الأولى والممتازة :- 3060 مقعدآ
الدرجة الأولى العادية :- 9027 مقعدآ
الدرجة الثانية :- 25244 مقعدآ
الدرجة الثالثة :- 32694 مقعدآ




أبي مقطع فديو بس مقطع فديو كثير؟؟؟؟؟!

اتحداكم

طيب اللي بيسأل والهلال متي ملا الملعب؟؟؟!
أنا أقولكم

عندك مباراة الوحدة الإماراتي؟؟

مباراة الكويت الكويت؟؟

وكلها بالبطولة الآسيوية

ياخي إذا بالمباريات الودية والاعتزال مليناه


أذكر كانيزارس ((اسمه صعب )) حارس فلنسيا يوم دخل دره الملاعب قام يرتجف
كرستيانو رنالدوا صفق للحظور الرائع


وش أقول وش أخلي

الـART ما خلت لنا شي يا كثر المباريات المنقولة ويا كثر الإعادات


نغيير السالفه شوي مو كثير

وخلني أعطيكم ملاحاظات أخوكم بالله واللي ما شغلته غير الدوري السعودي


((أحبه شسوي دورينا مثل الأفلام الهندية ما تدري هو رعب هو أكشن كوميدي ومخربط ما تعرف أوله من آخره من زين الجدوله اليوم كاس فيصل بعد بكره كاس ولى العهد قبل امس الدوري))


يالله الملاحظات بسم الله:-



الديربي القديم (( معليش أنا أشوف أنهم مهم كفو 5 سنين ما فازوا علينا بالدوري أي منافس يبه ))


الهلال Vs النصر

أغلب الأحيان يكون الحضور الهلال أكثر إذا كانت بالإستاد
بإستاد فيصل 50% - 50% لأنه ما يشيل ومرات يعبون الإستاد معنا ((الكذب خيبه))

لكن كثير من المباريات صرنا فيها أغلب وأكثر
واللي يبي يتأكد يشوف مواضيع الهلالي محمد


مقاطع فديو صور مدلعكم أبو حميد ((والله وحشنا من زمان عنه))


الديربي الجديد (( من 5 سنين ومبارياتهم متعه صح إن التفخ يطق بس وسع صدرك))


الهلال Vs الإتحاد


الإستاد لا أحد يكلمني هم حدهم يسار المنصة ويخب جماهيرهم بالرياض عدم بس جمهور المسيار ما يقصر لأنه أشتهر بكره كل ما هو أزرق


بجده إستاد عبد الله الفيصل


وسعة الملعب تقاريباً 30.000 ألف متفرج ((اذا حسبنا اللي فوق المظلة))


النص بالنص 50%-50%


الا بالمباراة الأخيرة واللي كانت بمباركة فصولي عبد الهادي خوي البلوى منصور ومراسل الفدكس الخاص بـ أبو ثامر ولمسات المهندس الزهراني((مع اني اشوف ان ماله دخل))


فاتحين الملعب من 1 الظهر رطوبه وحر وصبات
لا وأول ما فتحوا البوابه هجوم كاسح على المدرجات الزرقاء


قال نخليهم يحتفلون بالدوري ونسى أن الزعيم اللي بيلعب معاه

خذينا الدورى ورقصنا مع التايب وبكينا مع عزيز وياسر
وصار الدوري البطوله 47 و يسلم راسك يا محمد بن فيصل


وهذا دليل علي أن جماهيرية الزعيم في جده أكثر من جماهيرية الإتحاد بالرياض


وجمهور النصر بجده قليل جداً


منطقة الشرقية إستاد الأميرمحمد بن فهدو يتسع ل25000 مشجع (( أنا يطربني هالجمهور وحالف اللا اني اشوف مباراه معهم بس متي وين الله وأعلم ))
الجماهير الزرقاء جماهير الزعيم أكثر من أصحاب الأرض بمراحل (( والله مرات أحس أنهم يلعبون بالرياض))


وبالشمال والمناطق الشماليه ما في داعي أنك تسأله وش تشجع 80% هلالية
شوف مباريات الطائي والوطني نخفي جمهورهم


صح في عشاق لنصر بهذيك المناطق بس اللي يشوف المباريات علي الـ ART يشوف نص الجمهور لطائي أو الوطني والباقي لنصر يعني في تنافس بينهم علي الشعبيه خلف الزعيم


والإتحاد موجود لكن بقله ولا تنسون أن ملاعب الشمال ما تاسع 12000 بالكثير


بالقصيم يكفي أن لنا الشكر بعد الله في توسعة ملعب الحزم ((سجلها على الحساب يا بلطان))


المنطقة الجنوبية تكفي بطولة الصداقة ((الودية)) ومباريات الهلال مع أبها ونجران للي يبي زود


والإتحاد والأهلي لهم جماهيريه بهذيك المناطق وجماهيريه كبيره خلف الزعيم


وكل مناطق المملكة ((يكفي أقول جمهور المدينة)) ونشوفهم يجون ويساندون ويدعمون الزعيم


مع ملاحظة أن الـ ART تهمش جمهور الزعيم في النقل وما تعطيه حقه لكن غصب عليهم يطلعون لقطات لأن من وين ما تودي الكاميرا تلقي هلالي


والأهم إني أتكلم عن مباريات دورية ((يعني لا نهائي ولا خروج مغلوب))


بس جد أتحداكم ؟؟؟ في نادي ملا إستاد الملك فهد غير الزعيم؟؟؟


طيب فصله عن سياق الموضوع


أنا زعلان من 42 %


لأن جمهور الزعيم ومثل ما قال بندر بن محمد الله لا يحرمنا منه 70 % وهذا الصح
لكن استفتاء وش نسوي اذا كنا جمهور واعي ومثقف ؟؟؟؟!


ومبروك عليكم موبايلي هالعقد اللي بلااااااااش مع نادي يسوى أكثر

==============================================


صورة اليوم من عبق الماضي





1402

==============================================


كأس الملك


الهلال Vs الوحده


تعادل يعتبر مقنع بعد الفرح بكأس الدوري وغيابات اللاعبين
أبارك لكم عودة المحبوب الشلهوب والجاي أحسن ((لا أحد يقول ضيع كور كثير هذا توفيق من الله أتكلم عن المستوى))

الإتفاق Vs الإتحاد


مباراه حلوه الإتفاق محضر فريقه للبطوله بشكل رائع راحت عليه نتيجه تاريخية
البرنس تاغو عاد لو ضيعت الهدف كان ذبحوك منصور علي عيني لكن الكوره كوره
((أحسه انحجر وجاب الهدف غصبً عنه وماله خلق يجيبه))


الشباب Vs الأهلي


لا تعليق مباراة كماتشو ومستوى ناري لشباب

النصر Vs الحزم


فيه تنافس بين الفريقين مستويات متقاربه
ومني واصف واعده لعيبة الحزم بمكافآت فوز


آخر شي وأعرف أنكم بتجلدوني ((مصختها عاد))


شباب اللي يقول ان الحضور الجماهير قليل بالرياض صح انه بالفتره الأخيره قليل
لكن والله يا غبار جاء الرياض عين عدوكم ما تشوفه
لدرجة تشرب الموية تحس طين بفمك


لا تلومونا والجاي أحسن ونحبه كثر ما تحبونه منيب قايل زود لكن نموت فيك يا هلال


وما هو عذر بس وربي نحبه والعذر والسموحه يا لعيبه واداره وجمهور




oo sorry 3aLa ale6aLah


دمتم ولكم التعليق




أحبك يا هلال غصب(ن) عن الراضي والزعلان








اخر تعديل كان بواسطة » ღKhaLiDღ في يوم » 21/04/2008 عند الساعة » 04:49 AM
اضافة رد مع اقتباس
  #2  
قديم 21/04/2008, 04:10 AM
الصورة الرمزية الخاصة بـ هلالى 24 ساعه
زعيــم متألــق
تاريخ التسجيل: 03/04/2006
المكان: جــدة يا هوى الولهان
مشاركات: 1,277
والله قريت موضوعك من اوله لأخره

وكلامك سليم كلاس

وجمهور الرياض احلى جمهور ومايقصرون

تصحيح: استاد الامير عبد الفيصل مايشيل اكثر من 18 ألف متفرج

الله يوفق الهلال
اضافة رد مع اقتباس
  #3  
قديم 21/04/2008, 04:12 AM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
منور الموضوع
لا أنا حسبت اللى فوق المظله
اضافة رد مع اقتباس
  #4  
قديم 21/04/2008, 04:16 AM
زعيــم متألــق
تاريخ التسجيل: 17/05/2007
مشاركات: 1,202
مشكور اخوي على هالأبداع على طاري الجمهور مباراة الهلال مع النصر في الدور الثاني من الدوري اللي انتهت بالتعادل اذكر قبل لا يأذن العشاء قفل بوابات جماهير الهلال من كثر الزحمه حتى انه مافي مكان تجلس فيه على عكس النصراويه بدت المباراه وخلصت ومدرجاتهم ماكتملت
يعطيك العافيه اخوي ولاتحرمنا من جديدك
اضافة رد مع اقتباس
  #5  
قديم 21/04/2008, 04:19 AM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
مرورك أحلا من العسل علي قلبي
تسلم علي مشاركتك
أنا أقدر المشاركات اللي كذا وأبشر يا الغالي
اضافة رد مع اقتباس
  #6  
قديم 21/04/2008, 04:35 AM
زعيــم نشيــط
تاريخ التسجيل: 21/10/2007
المكان: السعودية
مشاركات: 665
اتمنى ان تكون مباراة بين الهلال والنصربشرط لاتكون منقولةعلى التلفزيون
صدقوني نحتاج عشرملاعب مثل ملعب الملك فهد لكي تاخد جماهير الزعيم

شكرا على موضوعك الرائع
اضافة رد مع اقتباس
  #7  
قديم 21/04/2008, 04:41 AM
qfo qfo غير متواجد حالياً
زعيــم مميــز
تاريخ التسجيل: 20/02/2007
مشاركات: 2,986
أحبك يا هلال غصب(ن) عن الراضي والزعلان
بس ماشاء الله عليك ما تعبت وانت تكتب !!
يعطيك العا فيه

،،،
اضافة رد مع اقتباس
  #8  
قديم 21/04/2008, 04:41 AM
زعيــم متألــق
تاريخ التسجيل: 06/02/2007
مشاركات: 1,492
تدري ان موضوعك فلًه ولاً ماتدري

ياخي تصدق اني مسجل الدخول عشانك ..

ولاَ ما كان لي نيه ارد بس كنت بقرا وبطلع ..

بس موضوعك بصراحه اجبرني اني ارد ..

يعطيك العافيه ياغالي
اضافة رد مع اقتباس
  #9  
قديم 21/04/2008, 04:44 AM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
تعبكم راحه

===========================
ايه هذا الكلام أرفع معنوياتي كذا

مرورك ومشاركتك 100%
thanx
اضافة رد مع اقتباس
  #10  
قديم 21/04/2008, 05:03 AM
الصورة الرمزية الخاصة بـ ابوتلف>>11>>
زعيــم متواصــل
تاريخ التسجيل: 06/10/2007
المكان: دار العز KSA
مشاركات: 131
تســـــــــــــــــــــــــلم يا خـــلفـــهم على هالمــــوضوع اللــي يرد الرووح تبي الصـــــــــدز انا مــعجب بــك بس فــيه فقشـــه من ناحــية انك
تشــرب المـــويه تحس ان في فــمك طين هـــذي قويــه >>> فلــها
مشــكور اخــوي خالـد على الموضـــوع الحلو مره ثانيــه ولا عدمنـــاك
اضافة رد مع اقتباس
  #11  
قديم 21/04/2008, 05:09 AM
الصورة الرمزية الخاصة بـ hp_sa
زعيــم مميــز
تاريخ التسجيل: 25/02/2008
المكان: الخبـــر
مشاركات: 3,466
كلامك سليم وحلو بس وش سالفة منى واصف معك؟
اضافة رد مع اقتباس
  #12  
قديم 21/04/2008, 05:12 AM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
أبو تلف لا تدقق عاد

hp_sa ممدوح مخقخق أنا وش دخلنى
اضافة رد مع اقتباس
  #13  
قديم 21/04/2008, 05:49 AM
الصورة الرمزية الخاصة بـ جـافـا
زعيــم مميــز
تاريخ التسجيل: 15/12/2006
المكان: . لوس انجلوس
مشاركات: 1,904
يابعـد سبـدي على هالحتسـي والله تسلم يمناك لاعدمناك
اضافة رد مع اقتباس
  #14  
قديم 21/04/2008, 02:50 PM
عضو مجموعة أقلام زرقاء
تاريخ التسجيل: 27/07/2007
المكان: Ar-Riyadh
مشاركات: 328
شــــــــــــــــــــــــــــــــــــــــكراُ علي مرورك ونورت الموضوع
اضافة رد مع اقتباس
  #15  
قديم 21/04/2008, 02:57 PM
زعيــم نشيــط
تاريخ التسجيل: 16/07/2005
مشاركات: 838
هههههههههههههههههااااي


يطول لنا بعمرك


موضوع ولا اروع


سلمت يداك يالغالي ،،
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:14 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube