|
هلا وغلا بمشرفنا وقائد الفريق العالمي المنافس سابقاً :d منور اخوي سليمان المجلس العام بها الموضوع وها الاطلاة الجميلة التي من الواضح انها جاءت بعد تأخير وتردد :clap: عن أبي هريرة عن النبي صلى الله عليه وسلم قال: (قال رجل لأتصدقن الليلة بصدقة فخرج بصدقته فوضعها في يد زانية فأصبحوا يتحدثون تصدق الليلة على زانية قال اللهم لك الحمد على زانية لأتصدقن بصدقة فخرج بصدقته فوضعها في يد غني فأصبحوا يتحدثون تصدق على غني قال اللهم لك الحمد على غني لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد على زانية وعلى غني وعلى سارق فأتي فقيل له أما صدقتك فقد قبلت أما الزانية فلعلها تستعف بها عن زناها ولعل الغني يعتبر فينفق مما أعطاه الله ولعل السارق يستعف بها عن سرقته) اعتقد ان هذا الحديث يجعل الانسان يتصدق دون تردد فليس هناك شيء يضيع عند الله عز وجل ,,, حقيقة يجب علينا ان لا نظلم المحتاج بسب المخادع والكاذب وعلينا ان نرأف بحال هؤلاء الضعفاء فهم اما فقراء يحتاجون صدقة او مرضى مخادعين اما ان يشفيهم الله واو ان يقعوا في شر افعالهم . شكرا اطلالتك الجميلة سليمان ورده والله يعطيك العافية ,’,’, |
إقتباس:
هلا فيك اختي شذى .. وكويس فيه احد يوافقني في فلسفتي :razz: .. فعلا .. بعض الاحيان لما تتحرك المشاعر داخلك .. وتعطي شخص متسول شي من الي معك .. يقول لك الي معك ليش تعطيه وترى وترى وترى ! أولا ياأخي مهب شغلك أعطيه ولا ما اعطيه ثانيه وش يخليك تجزم ان الكلام الي قلته صحيح !! .. المشكله ان البعض مايبي يعطي المتسول فلوس .. لانه مايبي .. واذا سألته قال لك انه نصاب وعنده ملايين الدنيا بالبنك وو ! طيب قل مابي اعطيه ولاتفسر كلام من راسك ! بياعين الإشارات وضعهم يختلف اختلاف كلي عن هالشايب او العجوز .. بياعي الاشارات هو يطلب منك انك تشتري شي من عنده وغالبا شغلاتهم كماليه ومافيها شي يفيد .. شغله تعلقها على المرايه الداخليه للسياره أو أو .. لذلك عن نفسي ما أهتم كثير بالشي خصوصا انه مايسألك فلوس للاشيء فـ إذا امتنعت عن الشراء منه كأني امتنع عن الشراء من أي محل عادي .. الفُُل .. كان عندنا في الجنينه :razz: الي في الحوش الخلفي زهور فُُل .. كانت رووعه جدا لكن للأسف قلة العنايه فيها انهكها ! ... شاكرلك مرورك اختي شذى وتعقيبك ورده .. إقتباس:
حياك الله اختي بقايا حرف < بصراحة كتبت في البدايه أخوي ! .. لكن منعا للإحراج خشيت ملفك الشخصي وحست فيه لين تاكدت انك اختي مب اخوي :razz: .. الشايب الي تكلمت عنه في البدايه ممكن مايكون عنده أبناء يساعدونه وقت الحاجه .. ممكن عنده بنات في البيت ويحتاجن من يصرف عليهن وماحصلوا وضيفه تناسبهن .. المشلكه يااخت بقايا حرف .. ان البعض صار يمكن بحجة ان الشخص الي يطلب نصاب او حرامي أو أو أو !! صحيح اننا نسمع كثير من القصص بهالخصوص .. لكن ليش مانحسن النيه طيب ! إذا انت ماعندك نيه تتصدق عليه .. على الأقل حسّّّن نظرتك تجاهه ولاتقول نصاب ومن هالكلام ! .. وفعلا إذا أعطيت متسول أي ريال .. بتحس بسعاده ومستحيل تقول بينك وبين نفسك ليش عطيته كان مفروض أشتري بهالريال كذا وكذا ! بالعكس أنا اتحدى ان فيه احد دفع ريال او اكثر .. لمتسول وقال بينه وبين نفسه هالكلام ! .. وفعلا زي ماقلتي .. لاتحقر نفسا فلربما تضيق بك الدنيا في احد الأيام ! .. وش الي يخليك متأكد انه من الحين لين ياخذ الله امانته .. بيصير معك فلوس وماعندك مشكله من هالناحيه ووو .. ممكن الله حاليا يختبرك ويشوف انت تتصدق بهالي معطيك اياه ولا بتمسكه وبتوزع نظرياتك بين هالمساكين ! .. شاكرلك مرورك اختي بقايا حرف ولاتعتذرين ولا شي بالعكس انا ذكرت في نهاية ردي ان ودي أتناقش مع الجميع حول هالظاهره .. وشاكرلك تعقيبك أيضا ورده .. |
وش عندك هنيّا :d والله شف يا سليمان .. بمثل هالمواقف لا تكن ليناً فتعصر ولا قاسياً فتكسر :razz: يعني حاول ترخي شوي .. اصلا انت لما تبي تعطية شي ببالك شي واحد .. الاجر بس .. لذلك صف نيتك وخل عنك القعاطة :d العالم الحين مايدرون من الصادق ومن الكذاب .. والعقليات تختلف عن بعضها .. ولا تنسى الحملات و المداهمات اللي تصير على المتسولين .. ياخي غدينا مجتمع ما يهتم لهالامور ويشوف انها نصب :surprised: بس خل عنك والله يااللي عندنا ارحم من مصر .. المصريين لا يطاقون .. قسم بالله مرة عطيت وحدة مصرية تشحذ ومعها ولدها 13 جنية قالت عطني زيادة انت سعودي :surprised::d قلت خلاص فارقي قالت يا جعلك تموت تحت آطر كبير بالمصري :upset::d الله يعين .. شكراً يا زلابة :d:smilie47: |
إقتباس:
أبو طلّّّو :d .. هلا والله ومرحبا .. الساعه المباركه الي شفناك فيها .. عاد تصدق .. يوم نزلت الموضوع ومن بكرى أقول وين أبو طلال ذا ورى مايرد :$ .. وماخيبت ضني فيك :smilie47: .. ولا يهونون البقيه عاد .. الكل فيه الخير والبركه .. بس حلو توقيعك :D أجل سبقتك :razz: هالموضوع يابو طلال ناوي اكتبه من شهر يمكن بس كل مره أقول بكرى بكرى لين جلّّست نفسي على الكمبيوتر وكتبت هالخرابيش والحمد لله يبدو ان الأغلبيه متقفه معي حول هالقضيه وهذا ان دل على شيء يدل على القلوب البيضاء الي يمتلكها أصحاب هالبوزرات .. أبو طلال فيه ناس واجدين فيه الخير والبركه الحمد لله وهالشي هو الي راحمنا الحمد لله .. لكن زي ماقلت انت بعض الناس مايكلف نفسه يناظر بهالي جاي يسأل عن ريال واحد !! طيب عطه ياخي ليش القعاطه !! .. زي ماقلت يابو طلال انت فيه بعض الناس فعلا تتاخر بالتحريك علشان تلحق على هالعجيّّز وتعطيه من ريال .. عاد تصدق يابو طلال .. مره واقف قدامي فان فيه كذا بنت راكبات .. يوم حركت السيارات وقف هالفان وطلعت وحده من البنات يدها من الدريشه ونادت هالعجيّّّز وعطها شي خلى هالعجيز تناظر الفلوس حتى وهي راجعه للرصيف !! الله يجزاها خير هالبنت انا يوم وقف السواق بصراحة غثيته بالبواري :$ .. لكن يوم شفت الموقف كان ودي أقول لهم آسف ماكنت ادري ! .. هذا مثال لطيبة القلب يابو طلال .. سالفة هالي يبخل على فقير بكم ريال ويبخشش بنقالي قريح بعشرين ريال وشغل اليد ماياخذ ولا خمس ريال .. هالشي كثيييير يصير وداااايم .. واحد يبخشش راعي مطعم باقي ريالين من الطلب وقال له خلها معك ويضحك معه ولا يشتري من البقاله ويبقى ريال ويقول للهندي خله معك ووو ! طيب يا أخي الكريم لازم هالمسكين يصير يشتغل بمطعم او بقاله علشان حظرتك ماتقول له انه نصاب !! ياخي هالي بالمطعم او البقاله يستلم فلوس لا وزودن على كذا تحصله يوديها لبلده بعد ! يعطي حلال عليه حرام على هالشايب الي معيي تعطيه ريال واحد او حتى تناظره عين بعين وتقول له الله كريم ! .. أما سالفة هاليمانيه فـ ياكثرهم بهالمساجد والاشارات وكل جخر سبحان الله .. تشوفه يشيل سياره ماعنده مشكله من النشاط بس مايشتغل .. هذا الظاهر لنا .. ويمكن تحصله يشتغل بمكان لكن الطمع الي ذبح قلوب بعض عيال آدم .. المكان الي تقوله بصراحة ماعرفته زين .. طريق متعب كبير شوي ويمكن الي تقوله ما امر من عنده واجد .. لكن جزاك الله ألف خير على الي تسويه صراحة .. فعلا هذا الي مفروض نسويه في حال شفنا بعض المتسولين والي نشوفهم شباب وممكن يشتغلون ! .. واحد يجيك عمره بالعشرينات وجايك يقول أبي فلوس ! مع انه مهب سعودي علشان نقول يستحي يشتغل ولا اي شي ومستحيل يصير سعودي لأن السعودي طبيعي بيشتغل بأي مكان ولا يشحذ الناس .. بس يجيك من جنسيه غير سعوديه ويشحذ الناس ومادري ايش وهو مهب بدولته علشان نقول يستحي .. لا والمشكله انه ياكثر الي من جنسيته يشتغلون بامور كثيره .. ممكن يسأل هذا ولا ذاك اذا عنده شغل او يشتغل صبي عنده ولا يسأل الناس ! .. اما سالفة الإمام يابو طلال فـ هو الله يجزاه خير يجتهد .. ولكل مجتهد نصيب .. غلبا يسوي كذا مع الشباب .. يعني اذا شاف شاب يسوي كذا يكرش له ويقول له كذا .. لكن هالشايب اكيدان الامام يعرفه زين ويمكن داااايم يوقف هالوقفه علشان كذا كلمه الامام اكثر من مره ولا اهتم الشايب وبالاخير قال مالي الا أقول له يجلس .. كل شي جايز .. يبارك فيك ابو طلال ومبروك للجميع .. وعقبال كاس الملك ياااارب ! .. أما سالفة الخمسه فـ أبد ماعليك .. لعبنا قبل كم يوم مباارة بين الاسبان واالنجليز ومزمزنا عليهم وفزنا تسعه سبعه :d .. عاد جمّّع لك كذا زقروت من المجلس ولا أي مكان .. لو تبي من نادي الهلال :d وبنمزمز عليكم بعد .. لا وتراي لاعبن معهم بذيك المباراة وبلعب ضدكم لو نلعب ثانيه :d أقول .. تسني فليته شوي بهالرد وصار اطول من الموضوع !! :d إقتباس:
هلا والله عدّّّوله :razz: .. عاشت ايامك يابعدي .. بس حلوه أخي السلمي :d المشكله ياعادل ان البعض صارت قلوبهم حجر !! شايب أو عجيز هذا كبرهم .. وولا كان فيه أحد يسأل يقول أبي فلوس !! لا ابتسامه ولا الله كريم ولا حتى نظره !! .. هالشيخ أو المسنه ماوقف هالوقفه بهالشموس والحر .. الا لأنه محتاج لهالكم ريال الي تقول مهب لازم ياخذ ريال .. نصاب ! .. طيب انت عطه وماعليك منه واحتسب الاجر ! .. وتاكد انك بتستانس آخر وناسه اذا عطيته ريال واحد على الأقل ! .. عادل .. الي يمتعون عن العطاء .. يقولون انه نصاب .. وماقال هالشي الا لكثرة المتسولين بالديره .. وهنا ألوم الجهه المسؤوله عنهم ( والله اني نسيت اسمهم من قل مانسمع بهم ! ) نلومهم على عدم التفاعل ! .. إذا جاك واحد شاب وقالك أبي فلوس .. مهب مشكله اكرش له وسو الي تبي .. لكن يجيك واحد شايب ولا عجيز وتقول نصاب ! هنا الي ماتدخل المخ .. ياخي حتى لو هو شايب عطه شوي من الي عطاك ربي وربه واحتسب الأجر ! .. بدال مااحتسبت الاجر وعطيته يمكن تكون كسبت ذنب الحين يوم انك تقول انه نصاب وانه وانه ! .. شاكرلك عادل المرور الكريم ولاهنت يالغالي ورده |
إقتباس:
هلا والله طرّّّوق .. يحييك ويبقيك حبيّّبي .. رايي بالبرشا بتعرفه يوم الربوع بحيل الله .. :d طارق .. مهب كل يوم يوقف عند مسجدكم شايب ولا عجيّّز ترى .. حتى لو صار كل يوم هذي رحمه من ربي انك تتصدق وتحتسب الاجر .. بعضهم ياطارق فيه بخل مايعلم فيه الا الله .. لكن مع ذلك يتصدق على الشحّّاذين ماعنده مشكله .. وبعضهم زي ماقال ابو طلال يبخشش بنقالي قريح ويعيي يعطي هالشويب او العجيز ريالين !! .. هذا البخل بعينه وعلمه ياطارق .. مب مشكله أنت عط هالشايب ريالين وماعليك منه لو يصير انصب شي بالعالم :S .. احتسب الاجر بأي شي تسويه .. وزي ماقلت .. بعضهم يجيك من برى السعوديه ويشحذ عندك واخواني ومادري ايش .. طيب انت عطه ومب مشكله .. يمكن ماقدر يرجع ديرته ويمكن محتاج فلوس ظروري جدا وسفارة بلده عندنا ماسوت له شي وامتنعت .. ممكن .. بعدين تطلب من الجميع انه مايعطي الطرارين .. انت بهالطريقه ياطارق تطلب من الجميع الامتناع عن فعل الخير ترى ! .. طبعا الي يبي اجر وبيتصدق ماراح يعمل بنصيحتك أكيد لانه يدري ان هالي يسويه راح ياخذ عليه اجر بحيل الله .. طارق .. انا منب اقول عطوا الطرارين كلهم فلوس .. أنا خصيت فئه معينه من الطرارين والي هم الكبار بالسن .. يجيك واحد شايب هذا كبره يسأله أبي ريال .. تسكت حتى ماتقول له الله كريم ! .. مادري هو شوفة نفس ولا بخل ولا وش .. الجمعية الخيريه الله يجزاهم خير مايقصرون .. لكن تضمن انهم يودون الفلوس لكل المحتاجين ! فيه ناس حاجتهم اضطرتهم انهم يطلعون للشوارع ويسالون خلق الله .. وهالجمعيات مادروا عنهم يمكن او او او .. مايندرى لكن انت احسن النيه ومالك الا الاجر ان شاء الله .. الله لايهينك طرّّوق على التعقيب .. بس راجع نفسك :razz: ورده إقتباس:
ياهلا والله وغلا سليمان .. سليمان .. مفروض يكون الاصل في المسلم الطيبه .. الغاليه طبعا راح يتسائل عن صدق السائل من كذبه .. وزي ماقلت في ردود سابقه لي انت غير مكلف انك تدرس حالة هالشخص ونفسيته .. احتسب الأجر وعطه كم ريال والله الرزاق على ماقالوا .. الصراع النفسي ناتج عن تحليل حالة الشخص الي امامنا ويطلبنا فلوس ياسليمان .. لكن لو ماجلسنا نفكر فيه ونقلب هيئته .. كان عطيناه مباشره بدون تردد .. لأن عقل المسلم وقلبه الطاهر يؤمروننا بهالتصرف .. أو مفروض ! .. وزي ماقلت .. الكثير من الي يمتنعون تفكيرهم واحد في اعتقادي .. ان كثرة المتسولين هو الي يخليهم يمسكون .. لكن في حال كون المتسول كبير في السن .. هنا نمسح كل شي من هالقبيل لان هالشي مايندرج تحته أي شي سواء كذاب أو محتال او او .. لانه زي ماذكرت انت ماراح يكذب علي وحتى لو كذب علي انا مساحه على قولة أبو طلال .. لاني وقتها بقدّّر شيباته بس .. شاكرلك مرورك سلومي ورده |
إقتباس:
حياك اخوي .. اخوي .. أنا في الموضوع ما أقول ليش مانعطي الشحّّاذين فلوس .. أنا أتكلم عن البعض من الشحاذين من كبار السن .. يجونك يطلبون ريال ريالين وانت حتى ماتعطيهم وجه ! .. طيب احتسب الاجر وعطه ريال وبيدعيلك اكيد ان شاء الله ! .. ليش النظره التشاؤميه ذي .. يعني يا أعطيه فلوس ويصير صادق .. ولا انه مجرم !! .. عجيب ! .. بس صراحة مافهمت عليك .. تعبان وقاتل خمسه !. . ياليت توضح خوي .. شاكرلك مرورك عزيزي ورده إقتباس:
مجّّود .. الى الحين إذا لعبت كوره تلمسه بيدك بنص المباراة ويمشلك الحكم :surprised: :d ياهلا والله وغلا بماجدونا :d .. حياك حبيّّّّبي .. منور بوجودك يالغالي وبوجود الجميع أيضا .. بصراحة مهب تردد في كتابة موضوع بالعكس .. لكن زي ماقلت انه ماتحصل فرصه اني اكتب لكثرة المشاغل .. وأيضا لأني ادري فيك ماتقبلون بأي شي :razz: .. فعلا أبو مقبل .. سبحان الله هالحديث يخلي أي واحد يمتنع عن العطاء بسبب توقعه ان هالي قدامه نصّّاب .. ويتاكد بعدها انه ماراح يضيع هالي سواه عند رب العالمين .. وأتمنى زي ماذكرت في كثير من ردودي .. اننا نحسب النيه في الغير جميعا .. وخوصصا في المحتاجين .. شاكرلك مرورك ماجد ولاهنت يالغالي ورده |
سليمان في المجلس العام يالله حيه اش جابك خابر الدوريات الخضر كلها اذا تعينت بقسم تلصق فيه وماتطلع وهذا خويك جاي يبغا يرجعك للعالميه اقصر الشر وارجع للعالمية شكله ناويلك على نيه:naughty: إقتباس:
إقتباس:
حياك اخوي سليمان ونور المجلس العام وياهلا فيك وعذرا على المقدمه ..... لاتطالع تحت ماتقدر تحرر:d موضوع في غاية الأهمية وللأمانه ان هالمواقف تحدث كثير طبعا اكيد شفت حالات طرد للشحاذين من الأسواق والمساجد .... صدقني اي انسان مايبغا يعرض نفسه لمهانة السؤال ... ومو اي شخص بيعرض نفسه لهالموقف عشان ايش .... اوافقك الرأي تماما ان هناك من ينظر للشحات وكأنه ابو الملايين والألوف المدسوسه ولكن هل دائما النظرة المجتمعية صحيحه ... طبعا لا امام المسجد الذي نهر بالسائل مشهد ذكرته ويتكرر دائما ولكن مادور المثقفين واهل الدين من اهل العلم عن مثل هذه المواقف وجهة نظري الخاصه تنص على ان كثير من ائمه المساجد فاقدي الأهلية لإمامة بيوت الله وبعضهم اخذ الإمامه بالوراثه وبعضهم ماخذها بالواسطة عشان يترزق الله لان الإمام له راتب من الدوله عشان كذا تجد بعض التصرفات من اولئك الأئمه هي تصرفات تنم عن جهل ... تعال معي للشحاذ نفسه كثير من هذه الحالات تحدث لكبار سن ومن النادر ان نرى شاب يشحذ وحالات المرأة ام ولد هي اكثر الحالات ... ايام الجامعه اذكر ان احد الشيبان اعطاني ورقة فيها انه محتاج فلوس ويبي يسوي عملية ماقريتها بشكل موسع ورديت عليه بكلمه وحده الله يرزقك .... اللي بعدي تعرف بعض طلاب الجماعه صيع وماتربو قطع الورقه وقله رح انت كذاب ... صدقني الشايب طالع بالولد وبكى ياشيخ لو كنت مكاني كانت قمت وصفقت الولد هذا بكف .... اللي ابوصله لك مو بس الأئمه فيهم جهل ونظره خاطئة لاولئك الشحاذيين برضك بعض طلاب العلم وطالب جامعي بالنسبة لي انه وصل لمرحلة عليا من الثقافة والعلم والفكر ... من مواقف المراهقه فلا تحسبها علي مرحلة الطيش الواحد مايدري عن حاله :) الوالده الله يطول بعمرها دائم كانو لما يمرو عليها شحاذيين تعطيهم مائة واحيانا خمسين خمسين ..... طبعا بالنسبة لي المائة كثيرة كنت اطالع في الوالده واقول ليه تعطينهم مائة وبحسرة احس انها لو عطتني كان ابرك وكان البيت كله مستفيد وبنعمه ... لا وودي بوقتها اعلم ابوي واقوله ترا امي ترمي بالفلوس رمي على الشحاذيين ..... بس زين وانا ماسويتها لو سويتها ممكن يجي كف على وجهي على اقل تقدير من المواقف التي قد تكون مرت عليك سماعيا محطات البنزين وبالذات فيه محطه على بالي دائم تحصل الشحاذيين فيها لدرجه اني اشك ان البخلاء مايعبو بنزين منها :d فأحيانا حركات الشباب لما الشحاته تجي تطلب ريال وريالين يطالع الشاب بالولد اللي معاها مثلا ولد عمره خمس سنوات وقال ابي الولد يبوس يدي :d وامور كثيره اعتذر عن ذكرها لأسباب فسيولولوجيه وديمقراطية وديكتاتوريه :naughty: احيانا تحدث ان شخص يكون ماشي مع شخص خويه بلا فلسفه ويعطي الشحاذه مثلا هذا الخوي عشرة ريال تحصل هذاك يناقر عليه بالخط وبالمطعم وهم يتفرجون للمباريات ياخي حرام عليك تعطي الشحاذه عشرة ريال ياخي ليه تعطيها ترا لو تفتشها بتحصل معاها الوف طيب هذي مشكلة مالحل .... هنا السؤال الذي بودي ان نرى اجابته بعيدا عن التشخيص بلا علاج سليمان اعتذر بقوه عن الإطالة وسامحني ياخوك تراي استرسلت ولا ادري انا طولت ولا قصرت بردي بس ان كاني طولت سامحني ... الا على الطاري ترا لازم تلعب على مع حقين المجلس العام ترا كل شوي والثاني قالو ابو الخمسات ابو الخمسات شوفو لكم حل عاد ... حتى المواضيع المثبته دائم القا عددها خمسه بالمجلس العام ......:d سلملي على مشجعين مانشسستر وقلهم الدوري للشياطين الحمر:smilie47: وسلملي على مشجعين الميلان وقلهم السنه الجاية الأبطال لنا بإذن الله:smilie47: تحياتي الكبيرة وسامحنا على القصور اخوك : ابو عبدالله |
إقتباس:
هلا حََمّّود .. واللهي شوف .. هي مهب قطاعه بالمقام الاول .. المشكله كل المشكله ان الي يمسك الفلوس يقول ان هالي جاي يشحذ عنده فلوس وجاي يبي زود ! .. طبعا لايخلو الامر من القعاطه :razz: لكن أنا متاكد ان الكثير من الممتنعين عن هالشي سببهم الي الي ذكرته للأسف .. الحملات هذي ماتروح لحيالله واحد .. هذا اولا .. ثانيا قديم انت يا احمد .. هالحملات آخر مره شفته قبل سبع سنين الظاهر .. اذكر كنت رايح اصلي الجمعه وفيه سيارة للشحاذين الي تشيلهم وتوديهم مادري وين ويسفرونهم .. يسمونها بمصر مكروباص :razz: .. لكن وينها الحين !! احمد ياكثر ما اشوف بالجرايد كاريكاتيرات عن ان الجهه الي ماسكه التسول ماعندهم سالفه ! .. هين مصر يابو حميد اتركهم عنك :d أجل تروح مايت تحت أطر هاه :d ولو هي سوريه قالت لك يبليك باتلك :d:d يامال الثانكس حمودي على هالطله ورده .................................................................................................... ............... algohmani أول شي اسمحلي ما أقتبست ردك .. بس حسيت انه شوي ومايحتاج أقتبسه ! :d:smilie47: يالله حي أبو عبدالله .. يالغالي انا عارف انه مافيه شخص يرضى على نفسه بالمهانه .. صحيح بعضهم ماعنده مشكله اهم شي ياخذ منك ريال .. لكن هالشايب مارضى على نفسه لانه يبي ريالين ومعه ألوف .. ماسوى كذا الا لأنه مامعه شي ياكل منه .. شايب من وين له يشتغل ولا يصرف ولا ولا ولا .. سالفة الشايب الي يوزع ورقه .. بصراحة كثيييييير يمرون علي الي زي كذا .. أحيانا اعطيهم وأحيانا لأ .. لان ثلاث أرباعهم يجونك شباب ووضعه جدا عادي .. فـ ممكن يدبر نفسه باكثر من طريقه احسن من انه يشحذ الناس ويسألهم .. أما الي سواه عديمي التربيه فـ لاتعليق يعني .. لكن وش يسوون بيني وبينك تربيتهم ماتسمح لهم او ماسمحت لهم يسوون زيك على الأقل .. بعضهم تربية شوارع وهذا الي يقدر يسويه للأسف .. بصراحة لو هالموقف صار قدامي بروح لهالي سووا الحركه .. واعطي الشايب فلوس وأحاول قد ما أقدر اني اخليهم يشوفون كم عطيت هالشايب واخليه يروح .. وبعد كذا أجلس أسلم عليهم وأدردش معهم شوي عن الجامعه ووو الخ .. بعدين ندخل بموضوع هالشايب وكذا .. اكيد عندهم قناعات ماتفلها الصخر .. لكن مع المحاولات ان شاء الله بيقتنع من كلامي .. بعدين وش عليك ياخي ان شاء الله لو امك تعطيهم ذهب :d الرزاء في السما والحسّّاد في الأرض :nono: :d:d بس من جد ياخي قهر مية ريال على خفيف :d بس لو كانوا شيبان وعجايز ممكن نقول اوكي .. بس غيرهم قهر .. الله يعطي الوالده الصحه والعافيه وطولة العمر ويخليها لك .. ويجزاها خير ويعطيها على قد نيتها .. أما سالفة هالي يناقز عليك اذا تصدقت على فقيره فـ الفعه على وجهه وانتهى موضوعه :razz: .. سؤالك يابو عبدالله بصراحة مافهمته زين .. :$ .. أما مسألة الخمسات والذبات البايخه منب راد عليها :D شاكرلك مرورك يابو عبدالله .. وبالعكس ردك كان جدا حلو ورده |
باك والله معاي ومعاك السؤال : انت امامك مشكلة ماهي الحلول الممكنة لحل هذه المشكلات ,,, بمعنى ماهي الوسائل التي من الممكن ان نحد بواسطتها من تحجر القلوب .... اعذرني على الاطاله الرد الاول وانا جيعان الحين مليت بطني وماني قادر اتنفس لو مو واضح السؤال برجعلك بالليل |
وعليكم السلام والرحمه. هلا بالغالي سليمان:) أعتقد أن حسن الظن بمن يسأل الناس قضاء حاجته أمر مطلوب، ومع هذا اتفق مع التوجه أو القرار الذي أصدرته وزارة الشؤون الإسلامية بمنع "خطب الشحاذه" في المساجد، ولكن ينبغي على الإمام أو المؤذن تفعيل هذا القرار بحكمة ولطف ولين.. أتصور غالباً أن أكثر الناس حاجة أكثرهم حياءً.. شكراً يا غالي :) |
بالنسبة لي إذا كانت هذه قسوة قلب فما أجملها من قسوة !! منذ مايقارب الخمس سنوات تعاون جماعة المسجد في حينا لكشف ماإذا كان من يتسول محتاج أم لا فماذا تتوقع . إلى الآن لم نجد أي شخص صادق وبعضهم يهرب بعد أن كان معاقاً !! بالنسبة للنساء التي تحمل صبي صغير وتكون جالسة أمام باب المسجد تمت متابعتهن وأكتشفنا أنهن لسن بحاجة وطبعاً لم نستطع سوى أخذ أرقام السيارات !! ياأخي الخمسين أو المية اللي كنت بتعطيها المتسولة حطها على جنب وعطها جمعية خيرية هم يعرفون اللي محتاج صحيح . وقرأت بعض الردود التي تعاطفت مع النساء والأطفال عند الإشارات والمساجد والحرم . انت بإعطاءك المال لهم تساعد هذه المنظمات على خطف ابناءنا وتشويههم ومن ثم تشغيلهم متسولين . هل جربت مرة وأعطيت الطفل اللي عند الإشارة سندوتش أو أي نوع من الطعام ؟ حصل لي موقف في حي الروضة كنت طالع من مطعم وآخذ معي عشاي سندوتشات فلافل ، وصلت عند الإشارة وإذا بطفل لا يتجاوز العاشرة يطرق النافذه سألته جيعان ؟ سكت .. وعطيته السندوتش الولد من شدة الجوع ياكل بالسندوتش بشكل غير طبيعي . لحد الآن بتقولون أجل كيف تقول لنا لا نعطيهم !! الولد وهو ياكل فجأة ارتبك وشال السندوتش بجيبه والتفت لشخص يعطيه نظرات غضب وينهره بكلمات لم اسمعها وراح يكمل يطرق النوافذ !! الشخص هذا معاه سيارة كامري 2003 على وقتها يعني فاكها وكالة ...!!! السؤال ليش نكون عوناً لمثل هذه المنظمات التي تمارس أعنف أنواع الإضطهاد ضد أطفال قصر وفتيات ؟ ليش نكون عوناً لمن يخطف الأطفال ويشوههم ؟ لم ولن انسى ذلك الرجل عندما أتى وفي يديه طفل معاق وتكلم بكلام أبكى جميع من كان في المسجد ودفع الكل ماجادت به انفسهم وحين أردنا الاستفسار منه رمى الطفل وهرب ..!! لم يكن الطفل ابنه بل اختطفه لكي يستجدي قلوب الناس به . عيال الحرام ماخلوا لعيال الحلال حاجة وآسف على الإطالة ولكن حبيت أنقل لكم تجربة كشفت لنا أننا طيبون لحد السذاجة . شاكر لك صاحب الموضوع هذا الطرح المتميز وتقبلوا تحياتي ،،،، |
إقتباس:
هلابك أبو عبدالله والمعذره على التأخير يالغالي .. الحلول اننا نلين قلوبنا تجاه هالشي وبس .. ونتذكر دائما وأبدا ان كل شي ماراح يروح عند رب العالمين والاجر موجود باذنه سبحانه .. هذا هو الحل الي أشوفه بصراحة .. وبالعافيه يالغالي ولو انه متأخره :d .. إقتباس:
ياهلا والله وغلا الدحمي .. منورنا يالغالي حسن وسوء الظن ياعبدالرحمن مشكلتنا صراحة .. الواحد صار على كيفه يحسن ويسيء متى ماطقت براسه وهالشي غلط في غلط .. الحين الناس صاروا يسيؤون الظن بالغير علشان حاجات في نفسهم .. زي الي مايبوت يتصدقون على كبار السن .. يقولون ايه نصاب ذا لو نفتشه نلقى عنده ملايين .. طيب انت عطه ومهب شغلك عاد .. بينه وبين الله ! .. اكثر الناس حاجه هم اكثرهم حياء .. اعتقد اننا طلعنا من هالموضوع بشغله ممتازه من ردود الاخوان الي سبقوك لكن هنا عن نفسي انا طلعت بفائده كبيره من هالرد وحكمه اشيد فيها صراحة .. شاكرلك مرورك عبدالرحمن ورده مهند .. لي عوده على ردك باذن الله تعالى ورده .. نقطه أحب اوظحها للجميع .. موضوعي يتكلم حول نقطه معينه .. وليس بشل عام حول هذه الظاهره ( التسول ) .. |
أهلا بالسلمي في رحاب مجلسنا الحبيب :smilie47: موضوع جميل يدل على كاتب مميز لكن لا يكتب لنا شيئاً :d حبيبي لك هدية مني هالمقال لجعفر عباس الكاتب الساخر الرائع جداً وأجزم انك من معجبيه :smilie47: أبو الجعافر كتب المقال عن أفعال الخير في قالب ساخر يأسر لب القارئ :whacko: :d أتركك مع المقال بدون فلسفة عشان ما أتوقف :d:d |||||||||| <TABLE cellSpacing=0 cellPadding=0 width="100%" border=0><TBODY><TR><TD class=title width="100%">نعم للسعادة ثمن .. ولكنه بسيط </TD></TR><TR><TD class=body vAlign=top width="100%"> <TABLE cellSpacing=0 cellPadding=2 align=right border=0><TBODY><TR><TD align=right width="100%"><!--picture--></TD></TR><TR></TR></TBODY></TABLE> جعفر عباس <!--body ****-->كتبت بالأمس عن المزارع الاسكتلندي فليمنغ، الذي أنقذ صبيا من الغرق فكافأه والد الصبي بأن ألحق ابنه بمدرسة خاصة على نفقته، وتفوق الفتى وصار طبيبا.. هو الكساندر فليمنغ مكتشف البنسلين.. نعم هو الرجل الذي حول العفن والفطر إلى عقار سحري أنقذ مئات الملايين من الأرواح، وكان الشاهد في القصة ان المعروف والجميل لا يضيعان لأن النفس البشرية مجبولة على عمل الخير، وقلة من البشر هي التي تقابل الصنيع الجميل بالنكران والجحود.. لا أفتأ أكتب عن إعجابي اللامحدود بصاحب شركة مايكروسوفت بيل جيتس، ليس لأنه غني، وقد يسمع بإشادتي به ويوصي لي بواحد على الألف من ثروته (أي بضع مئات الملايين)، ولكن لأنه قرر ترك وظيفته في الشركة بعد أشهر قليلة، والتفرغ لمكافحة الفقر والمرض والجهل في افريقيا وآسيا، خصص لهذا الغرض 29 مليار دولار من ثروته الخاصة.. ولكن وارين بافيت كبر في في نظري لأنه برغم انه ملياردير من الوزن الثقيل، لم يتردد في التبرع بـ 31 مليار دولار لبيل جيتس.. ملياردير يتبرع لملياردير؟ يا للهول.. فعلها بافيت لأنه يعرف ان مؤسسة جيتس الخيرية تقوم بعمل نبيل، فقرر ان يهبه ذلك المبلغ الضخم وكله ثقة في أن جيتس سيستخدمه لما فيه خير البشرية.. وبالمقابل فإن بعض الأغنياء عندنا لا يتبرعون بمليم نحاسي حتى لشخص يتوقف شفاؤه من مرض عضال على بضعة ملاليم ما لم تكن الكاميرات حاضرة. البروفيسورة اليزابيث دان من جامعة بريتش كولمبيا الكندية والدكتور مايكل نورتن من جامعة هارفارد الأمريكية أجريا دراسة مطولة عن الناس والثراء والسعادة، وبعد استطلاعات شملت عشرات الآلاف استنتجا أن غالبية الناس تجد سعادة في العطاء اكثر من السعادة في اكتناز المال.. فالإنسان يسعد بالمال في بادئ الأمر ولكن ما ان تتوافر لديه أساسيات الحياة حتى يفقد المال كونه عنصر «إسعاد«.. بعبارة أخرى فإن غالبية الناس تسعد بتقديم التبرع او العون المادي ولو كان ضئيلا لآخرين.. شخصيا لا أملك من المال ما يجعلني في وضع أحل فيه مشكلات الآخرين، ولكنني أسعد كثيرا بجمع ملابس أفراد أسرتي وتقديمها لجمعيات رعاية الأيتام في الدول الفقيرة.. وتزداد سعادتي عندما أغافل ولدي وأحشر بين تلك الملابس قميصا جديدا له، أو حذاء رياضيا من نايكي او أديداس اشتراه من وراء ظهري بابتزاز أمه عاطفيا.. أتخيل صبيا في مثل سنه في الصومال او دارفور صار ذلك الحذاء من نصيبه فينام من فرط فرحته به وهو يحتضنه... وأتذكر كيف أنني على عهد الطفولة فشلت في ذات عيد في الحصول على حذاء يناسب مقاس قدمي، ولما بكيت عرض التاجر ان استأجر حذاء أصغر من قدمي قليلا بمبلغ بسيط على أن أعيده على حالته الأصلية وقضيت يوم العيد حاملا الحذاء في يدي كي لا يتسخ.. كنت سعيدا فـ«المهم« أن يراني بقية الصبية بحذاء جديد ولو ليوم واحد. . . اعذرني ع المرور المتواضع :stoned: :: فتّكـ بـ ع ـافيـة :: s34s </TD></TR></TBODY></TABLE> |
. . مرحبآ سليمان حيآك الله :) فئة تخرب على فئه .. يمكن بعض المتسولين يكونون فعلا بـ حاجه ماسه للمال ولكن الشخص يمتنع عن اعطائهم لأنه سمع انهم قبضوآ على متسول يكتنز الملايين من هذه المهنه :surprised: لكن أحنا نسوي اللي علينا .. والله العظيم نخآف ربي يعاقبنا على قلوبنا اللي ما تحس ولا ترحم ولا تتألم لـ مثل هذي المناظر .. الرسول صلى الله عليه وسلم يقول ( إنما الأعمال بالنيات وإنما لكل أمرئ ما نوى ) على اساس هذه القاعده نحن نعمل ونجتهد أما الأجر فمن الله هو أعلم بنية المرء .. بعضنا على اتم الاستعداد ان يشتري جوال بـ ألفين او اكثر بينما يمتنع عن إعطاء ريال واحد للمحتاج :surprised: ليتها جات على كذا وبس .. بعضهم للأسف يحرضون الناس على كف الصدقات عن هؤلاء التسولين بـ حجة أنهم ( حراميه ) ؟؟؟ إلى أين سنصل بعد هذا ..! شكرآ لك اخي سليمان على هـ الموضوع اللي بـ إذن الله يحرّك القلوب القاسيه :yes: مع التحيه |
مرحبـــآ .. http://sl.glitter-graphics.net/pub/2...v52glqm7io.gif وعليكم السلام ورحمة الله وبركاته .. ورده مرحبــآ بك وبمــآ كتبت .. ورده موضوع هؤلآء المسآكين يؤرقني .. بجد أتعب من التفكير فيه .. هالناس اللي يمرون من عندهم ولا يتصدقون عليهم .. وش سالفتهم نفسي أعرف بالضبط .. يعني بالله عليكم يالبخيلين بيجي هالشخص وبيتمرمط في هالشموس والقوايل عشآآن يستهبل :upset: .. .. وربي يكسرووووووون الخآطر .. الله يرزقهم ويسخر لهم خلقه .. .. . S U L A I M A N .. ورده تسلم والله على مثل هاللفته الكريمة .. جزاك الله خير .. الله يوفقكـ ويسعدكـ .. لكـ ورده .. http://sl.glitter-graphics.net/pub/2...v52glqm7io.gif |
| الوقت المعتمد في المنتدى بتوقيت جرينتش +3.
الوقت الان » 09:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd