!... افتتاح اقسام نسائية بالشرطة ....! - نادي الهلال السعودي - شبكة الزعيم

السمسار الهلالــي · #1 18/04/2008, 08:08 PM

][.. بسم الله الرحمن الرحيم ..][

..

منذو مبطي عن المواضيع بالمجلس العام

ـــــ
ع الهامـِ ش ..!
ـــــ

هل العجاج اللي عندكم بالرياض واللي وصلنا بالدمام
بسبب احتفال نادي النصـر وفتح خزينه البطولات ....!

------

رفعت اقسام الشرطة الى وزارة الداخلية دراسات حول إمكان انشاء اقسام نسائية بها
واكد الرائد فهد ابن محمد القربي [عضو لجنه البحث والمتابعه للأقسام النسائية بمراكز الشرطة بـ "شمس" ان اقسام الشرطة تحدد احتياجاتها وامكاناتها لافتتاح اقسام نسائية تتركز مهام عملها في استلام ااالبلاغات وكافه المعاملات النسائية داخل اقسام الشرطة
بكل مناطق المملكة العربية السعودية ....!

---

واضاف القربي :ان وزارة الداخلية تهدف بهذا الاجراء لخدمه المرآه ومساعدتها للوصول للجهات الامنية المخصصة دون اللجوء الى وكيل ,, ولرفع الحرج عنها اذا تطلب الامر حضورها الى اقسام الشرطة لمتابعه المعاملات او الشكاوى او البلاغات .

وواصل القربي بقولة": في حال الانتهاء من الأقسام النسائية سننفذ دورات تدربية وتأهلية امنية خاصة بالنساء العـامـلآت بـاقـسـام الشـرطـه ...!!

التعليق الاول والاخير لكم ..!

انا والله رايي نص ونص ولكني أأويد ..!

][ المـصـدر جـريـدة شـمـسٍ ][

دمتم بود

][ السمسار الهلالـي ][

مجنون الزعيم(9) · #2 18/04/2008, 08:39 PM

يعني بـ نشوف لوميـنآ .. تسوقها ام وضحى !!

.. !! وتكلبشـك

كان مانسمع باللاسلكي بلاغات .. بـ نسمع مقادير الطبخ

اقول يازين ديرتنآ تسذا

maistro2t · #3 18/04/2008, 08:50 PM

إقتباس

الرسالة الأصلية كتبت بواسطة السمسار الهلالــي


	][ المـصـدر جـريـدة شـمـسٍ ][ ][ السمسار الهلالـي ][

هلا بكـ السمسار

والله أنا من شفت شمس مسوية سبق صحفي مع أبو الفراعنة ( الله يرحمه ) وأنا غاسلن يدي

كان مانسمع باللاسلكي بلاغات .. بـ نسمع مقادير الطبخ

هههههههههههههههههههه

بنت فهد · #4 18/04/2008, 08:53 PM

أنا من رأيي انه ماله داعي

لأن الحين ما فيه حريم يسوقون عشان يفتحون أقسام شرطه

والصراحه اذا فتحو بيكثر الفساد والصراحه ملينا كثر الفساد والعج كثر ناقصين احنا فتن

شكراً لك

تقبل مروري بنت فهد

S K Y · #5 18/04/2008, 09:19 PM

والله انكم متحجرين

بالعكس انا اشوف مافيها شي وترى انتم فاهمين الموضوع غلط
اجل أم وضحى بلومينا وين عايشين

قسم لصير مجرم على شان تمسكني ام وضحى

انا اتوقع قصدهم يفتحون قسم نسائي اذا كانت المرأه تبي تشتكي والا شي بدل ماتجيب وكيل يراجع عنها

يعني غرفه في القسم مايدخله الا الحريم زي نظام البنووك عادي جداً

بعدين تدرون أن فيه مباحث حريم برتبه جندي وانت طالع
جندي أول حصه بنت فلان .. ميدانيات يدورون في المولات وأماكن تجمع الحريم والعهده على الراوي انا مالي دخل

باسكن روبنز · #6 18/04/2008, 09:26 PM

بالعكس .. هذا شي حلوو ومتطوور

تصورووا اني ابي اروح اشتكي على زوجي في المستقبل

يعني اروح قسم الرجال .. بيقولون لازم محرم . اجيب زوجي محرم لي وانا بشتكي عليه

ههههههههه

على طول اروح قسم النساء واشتكي وياخذون حقي منه هههههههه

ملـــــ الهلال ــــك · #7 18/04/2008, 09:35 PM

إقتباس

الرسالة الأصلية كتبت بواسطة باسكن روبنز


	بالعكس .. هذا شي حلوو ومتطوور تصورووا اني ابي اروح اشتكي على زوجي في المستقبل يعني اروح قسم الرجال .. بيقولون لازم محرم . اجيب زوجي محرم لي وانا بشتكي عليه ههههههههه على طول اروح قسم النساء واشتكي وياخذون حقي منه هههههههه

تفكير سعوديـات هذا ..

مسكينات لكدرجه الرجل ظالم زوجته ..

والله انا ماأيد .. بصراحه الحين ما ايد مافلحو الرجال يفلحون الحريم ..

(أـكذب)

بالعربي المفيد(لا اويد )

السمسار الهلالــي · #8 18/04/2008, 09:41 PM

إقتباس

الرسالة الأصلية كتبت بواسطة مجنون الزعيم(9)


	يعني بـ نشوف لوميـنآ .. تسوقها ام وضحى !! .. !! وتكلبشـك كان مانسمع باللاسلكي بلاغات .. بـ نسمع مقادير الطبخ اقول يازين ديرتنآ تسذا

تفكريك مندمر رايح ن فييييها خخخخ

المقصود يااخي فتح قسم لبلاغات النساء ...!

وش دخّل الدوريات ...ّ

على طول تخيل الحريم وهن يسوقون الكبسولة الربع هههههههههه --<

إقتباس

الرسالة الأصلية كتبت بواسطة maistro2t


	هلا بكـ السمسار والله أنا من شفت شمس مسوية سبق صحفي مع أبو الفراعنة ( الله يرحمه ) وأنا غاسلن يدي كان مانسمع باللاسلكي بلاغات .. بـ نسمع مقادير الطبخ هههههههههههههههههههه

هذي فضيحة لهم الرجال ميت من زملن وهم بالعجه خخخ

شاكر لك مرورك اللي ع الطاير

إقتباس

الرسالة الأصلية كتبت بواسطة بنت فهد


	أنا من رأيي انه ماله داعي لأن الحين ما فيه حريم يسوقون عشان يفتحون أقسام شرطه والصراحه اذا فتحو بيكثر الفساد والصراحه ملينا كثر الفساد والعج كثر ناقصين احنا فتن شكراً لك تقبل مروري بنت فهد

انتي غلطانه يا اوخيية

المقصوود فتح القسم والمراجعات فقط

يعني افضل ممن يروحون يتابعون امورهم عند الرجال .....!

إقتباس

الرسالة الأصلية كتبت بواسطة S K Y


	انا اتوقع قصدهم يفتحون قسم نسائي اذا كانت المرأه تبي تشتكي والا شي بدل ماتجيب وكيل يراجع عنها

انت كذاا

إقتباس

الرسالة الأصلية كتبت بواسطة باسكن روبنز


	بالعكس .. هذا شي حلوو ومتطوور تصورووا اني ابي اروح اشتكي على زوجي في المستقبل يعني اروح قسم الرجال .. بيقولون لازم محرم . اجيب زوجي محرم لي وانا بشتكي عليه ههههههههه على طول اروح قسم النساء واشتكي وياخذون حقي منه هههههههه

ياسلام عليك ياباسكن روبنز --< ااخ توة شااري اي سكريم

تحيفة بردودك ..
والله منتي هينة شكاااوي

^ العنود ^ · #9 18/04/2008, 11:09 PM

الله فله بصير شرطيه

بالعكس حلو القسم .. في اكشن على الاقل يكون بحياتي ..

السمسار الهلالــي · #10 19/04/2008, 01:01 AM

إقتباس


	الله فله بصير شرطيه بالعكس حلو القسم .. في اكشن على الاقل يكون بحياتي ..

هع هع هع ...! للهدرجــه حــمـــآآآس ....!

مشكورة لمرورك

فجر الرياض · #11 19/04/2008, 01:36 AM

يؤيؤ لو تصير جد احس بتصير مشاكل زياده على المشاكل اللي فيه

طيب وشلون ماراح تخاف وهي ماسكه مسدس

لإني ماعمري شفت شرطي الا معه عاد مدري وش رتبته المهم ان معه

يحليلنا كذا مانبي شي زياده يسبب اشياء حنا في غنى عنها

مشكور السمسار الهلالي على هالموضوع

عوافي..

^ العنود ^ · #12 19/04/2008, 08:12 PM

^^^

بالعكس جد انوااع الحمااس

يكون معاك مسدس لونه وردي وعليه اكسسوار ..

الله متى يجي هاليوم

بنت عبد العزيز @ · #13 19/04/2008, 08:36 PM

بالعكس شي حلو

يعني مثل ما قالت باسكن فيه كثير زوجات مظلومين من ازواجهم ( اقصد بالظلم اشياء كبيره مو ما يوديني السوق - يرجع متاخر -....) او اي مشكله ثانيه

بتروح للرجال ؟!!

هي اصلن لازم تروح رجال ولا حريم

بس اذا كانوا حريم احسن

.
.
.
بنت عبدالعزيز

بنت عبد العزيز @ · #14 19/04/2008, 08:38 PM

^^^^^^^^^^^^^^^^^^^^^

العنود جد وناسه عاد يصير في الكوشكات استكرات كرستال للمسدسات !!

ويجيك مسدس معلق عليه ميداليه دبدوب بنك فلللللللللللللله

السمسار الهلالــي · #15 19/04/2008, 09:20 PM

إقتباس

الرسالة الأصلية كتبت بواسطة بنت عبد العزيز @


	بالعكس شي حلو يعني مثل ما قالت باسكن فيه كثير زوجات مظلومين من ازواجهم ( اقصد بالظلم اشياء كبيره مو ما يوديني السوق - يرجع متاخر -....) او اي مشكله ثانيه بتروح للرجال ؟!! هي اصلن لازم تروح رجال ولا حريم بس اذا كانوا حريم احسن . . بنت عبدالعزيز

هذا المقصود اللي بيصير ..!

مو اللي تبي تسوي فيها ؟..!

اقسام بس اقسام نسائية لمرجعات النـسـاء ...!

][. السمسار الهلالـي .][