يا شباب ترى ذا العالم أمتحنو أهلنا بأن نظام الدوري ظلم الإتهاد ، والمشكلة أن اللي معترضين حقين منتدى الفقر والإتحادية ما قالوا شي في منتداهم ، علماً بأن نظام الدوري مرسل لكل الفرق من أيام (
أبرهة الأشرم )يعني قبل لا يبدى الدوري .
صراحة شي غريب هالفقراوية مدخلين نفسهم بكل شي لأني وبكل أسف وسامحوني تكفون دخلت منتداهم للإطلاع وأبي أطقطق عليهم وللحظات ضيعت جزء من وقتي الثمين في منتداهم بس صراحة أستفدت عدة أشياء من دخولي المنتدى منها :
أولاً : حمدت ربي أني هلالي وأني مشترك بشبكة الزعيم وأن اللي يكتبون فيها محترمين جداً وفاهمين
ثانياً : ياني ضحكت ضحك تسني مهبول على واحد حاط التوقيع حقه(
35 بطولة )وكاتب
علينا تحقيق البطولات وعلى الآخرين عدها ( أما عدها ذي حلوه )
.
عاد ألحين نرجع ريوس لموضوعنا الأساسي بالنسبة لنظام الدوري لأني ياشباب صراحة لقيت فيه إتفاق كبير على أن النظام ظلم الإتحاد ( هذا كله طبعاً في منتدى الفقر ) وأن النادي أستلم لائحة نظام البطولة قبل أسبوعين من المباراة ومن ذا الخثرقة اللي ما لها سنع .
أنتم تدرون أني أنا يا محاتسيكم قاري أن أعضاء منتدى نادي ريال بتيس ومنتدى نادي ما يوركا معترضين ومقفله معهم على بطولة الدوري بهالفايت و اللي راحت لريال مدريد على حساب برشلونه ويقولون أنك يا فليب قونزالس (
فصولي ) حق أسبانيا مهيت الأندية وراداً بها وما علمتهم عن النظام ، عاد هو راد يقول والله ما لكم على يمين ( ) أني مرسلها بس شكل البريد ما وصلها لهم .
أقـــــوووول يالله لك الحمد بس على العقول
يا شباب والله تراهم صجونا في المنتديات والصحف الفريق المتصدر والفريق المتصدر وش ذا التصدر ذا اللي يحتسون عنه أنا أخبر أن المقارنة بين فريقين عشان تعرف من المتصدر أنهم يكونون متساوين في عدد المباريات اللي لعبوها ما هوب جايبين لي فريق مقدمين له مباريات من دوري عام 1431هـ ويقولون متصدر يعني لو الأمانة الداجة اللي عندك مصلحة برمجة للمسابقة بشكل ممتاز وما قدمت مباريات وأجلت مباريات كان ماشفتوا الإتهادمتصدر والزعيم يشم الهوى والله أني أحاتسيكم جد كل شي الا الدوري لا تنافس الهلال فيه لأن الهلال نفسه طويل في هالبطولة الله لا يضره (
يقولون لي ناس أنه كوزمين مسيكين أنهبل يوم شاف جدولة الدوري لدرجة أن واحد من الإداريين في النادي شايفة يمشي في الأسياب حقت النادي يحاتسي نفسه وراح جاب له مطوع يقرى عليه).
للتاريخ :
تم إستحداث نظام المربع الذهبي بعد إقتراح أحد أعضاء شرف الإتحاد ( عبدالفتاح ناظر ) عشان يعطي فرصة للداجين الإتحاد والنصر والشباب وغيرهم أنهم يقدرون يحققون بطولة عن طريق هذا النظام الفاشل ( أغرب نظام في تاريخ البشرية ) بس الحمدللة ربي رد كيدهم في نحرهم ورجع الزعيم لممارسة عشقة القديم في تحقيق الدوري ، فرجاءً ألله يرحم والديكم قولولهم لا عاد يصجونا ويقولون متصدر وهم مقدمين له عشرطعش مباراة خلوهم يكبرون عقولهم شوي .
وسامحونا كان فيه تجاوز في المفردات
الوضع العادي
