إقتباس الرسالة الأصلية كتبت بواسطة Figo.7 بعدين اذا ما عليه امر مدامه مافيه امل يتغير اتمنى يحط له بديل ناجح مو مثل اللي باخر مباراه والله ((فشلنا)) سوو معه مقابله الاي ار تي وراح يغني والله قاعد اقول جعل صوته (يبح) وذا زي ماتقول تدافع عنه وين التنظيم وين البديل وبعدين انت رئيس رابطه يعني تتحمل كل خطاء واذا على المساعده اتوقع جمهور الهلال مو مقصر لاكن البلا فيكم مع احترامي هذا نظامكم ماتحبون احد يقول ان الغلط غلط لاكن تأكد ماراح تتطور هذه الرابطه الا بتغيير الجذري لها. انا مو قاعد اجيب كلام من راسي بذمتك وش الفرق بينكم رابطتنا ورابطة جمهور الاهلي-الاتحاد ولا هم جايين من السماء راجع نفسك وراجع رئيس رابطتكم ؟

رئيس رابطتنا ليش الاخ مو هلالي ..!!!!!!!!


اولا البديل ماله دخل فيه رئيس رابطتنا زي ما تقول اللي يجيبه له النادي واذا في احد صوته حلو وده يتعاون مع الرابطة مافي مشكلة جيبه وانا اول من يدعمه واسانده ... كل اللي جو انحاااااااااشوووووووووووووو لانهم فكرو بالماده فقط لاغير .... اما تقولي خله يسوي وخله يفعل ابراهيم يطلب هل اشياء واللي يعطيه صلاحيه يجيب واحد يساعده النادي بس النادي ما اعطاه هل الصلاحيه كيف يجيب شخص ......!!!!!!!!!!!!!!!!!!!!!!!!!!!!!!!!!!


أما اللي اللي تقول جعل صوته البح وتدعي عليه برد عنه مع ان له يوزر يقدر يرد عليك فيه هذا يا اخي الكريم من مجلس الجمهور في المنطقية الشرقية سافر على حسابة الخاص من الخبر لين جدة واخذ معه 4 هلاليين وحضر المباراة وتعب ولا اخذ اي مكافئة يعني مجهود شخصي جبلي واحد زيه وادع عليه براحتك بعدها ...

هذا اللي نطلب نبي واحد يساعد حقوي او اثنين لكن مافيه مساعد وحتى المساعدين مو على قدر المستوى المامول ...

يعني تفكون حرتكم في ابراهيم وابراهيم ماله دخل حتى الان نفسي تسكتوني في شي يخص ابراهيم مافيه كل الحاجات مسؤولية النادي حتى الان لم تنففذ ....

إقتباس الرسالة الأصلية كتبت بواسطة Figo.7 اذا جينى للجد والله حقوي مو في مستوى الهلال مو على شان اخر مباراة لاكن نظامه مو زين ابدا اهازيج قديمه ومكرره ولا فيه ايت صوت نسمعه واحنا ابصراحه ما نبي زي كذا لان الزعيم اكبر من حقوي با ألف مره.

الجد انك مندس

ابرهيم قدم جهد كبير الكلا ما ينكره الى الى ماعنده غيره على الهلال

راح جميع مناطق المملكة وتعب بصوته واخرتها تقول مو في مستوى الهلال

اقول روح نام انفع او اذا انت تقول انك رجال روح النادي تعال رئيس للرابطة يابطل

إقتباس الرسالة الأصلية كتبت بواسطة هلالي جدهـ فكوناا من حقوووي .. .. ما فيه غيرهـ يمســك الرابطــهـ بالدنياا .. .. !! ثــاني مرهـ يسويها ويتجــاهل الفــريق في مبــآريآت حــااسمـهـ .. .. !! وعـاد الله وأكبر من صوت ولا من أغــاني والله ما فيه اي مقـارنهـ بينه وبين رابطهـ الأهلي والاتحـاد .. .. فكووووناا منــهـ وجيبو غيــرهـ ولا نرجـع مثل قبل بدون رابطـهـ وتشجيـع بيـد ووحدهـ .. ..

فكن منك انت


مندس اخر يرد التفرقه بين حقوى والجمهور حقوي تاج راسك

صراحه حقوي فيه بعض الملاحضات
لكن الرجال جيد كفو الصوت يبغاله والحماس
وانا اقولها بصراحه لما اسمع حقوي مااتحمس
مايخليني اخرج كل طاقتي التجشيعيه في كل مباره
واتمنى من حقوي كل خير

والسلام خير ختامورده

بس هذا اللي حارق دمك يا هلالي جده تبي تعرف وش السالفة السالفة معي انا ابراهيم كان مريض من يوم الثلاثاء المفروض يسافر بالطيارة يوم الجمعه الظهر وكانت حالته يوم الخميس متحسنة شوي وقال بلحقكم بكرة لكن قدر الله عليه صباح الجمعه يزداد عنده المرض ولا قدر يسافر وكان بالمستشفى وجواله كان مقفل عشان كذا قال ان شاء الله يجي توقعنا تقفيلة الجوال انه بالخط ....

وعلى فكرة ابراهيم ما صحصح الا امس ولله الحمد والدليل ما راح حضر الاحتفال لانه تعبان وزي ما تفضل اخوي ابراهيم قدم تقرير للنادي وهم الوحيدين اللي يحاسبونه وننتظر الادارة وش بتقول ....

يعني لاتخاف ابراهيم يحاسب زي ما يحاسب اي عامل بالنادي او اي لاعب او اداري ولو الادارة وجدت في ابراهيم قصور كان من زمان دورت بديل .....

السلام عليكم

ياخي جمهور الزعيم يررررررفع الضغط ولسكر

الي يشجع 30بالميه من الحاضرين و70بالميه الباقيين اللي جايك مع حب واللي قاعد يصور

ياخي والله يرفعون الضغط حتى طارق التايب يجي يبيهم يتحمسون والله مافي امل

وارجوا تواجد الجماهير غدا لكي نسحقهم وننتزعها مبكرا

الزعمااااااااء ((نحتاج شي مميز .. نحتاج ابتكارات في طريقة التشجيع .. في اللبس .
لو كونّا من هالمنتدى .. لجنة من 200 شخص او 300 شخص .. وسميناها باي اسم ..
تختص فقط في .. الحضور لكل المباريات بجوار بعضها .. بتوحيد اللباس .. وبابتكار طرق التشجيع ... وبتنفيذ اللافتات .. وتوزيع الاهازيج .. وكتابة اي موضوع يخص الرابطة ..!!
أهـــنـــيــك عــلــى كــلامك وأنا مستعد أن أكون أحد أعضاء الرابطه

نبي على الاقل 200 عضو في الرابطه بما أن الجمهور الهلالي الاكثر جماهيريه

الله يديم الافراح وعقبال كاس الملك
الله يديم الافراح وعقبال كاس الملك
الله يديم الافراح وعقبال كاس الملك

مشكووووووووووور

ان شاء الله خير

وأطالب ابراهيم ان يكون حاضر في مبارة الوحده الادمه في مكه لانه لم يحضر في الدوري

بصراحه ابراهيم الحقوي هالموسم ما كان في مستواه لا أغاني جديدة ولا أهازيج زي الناس ولا حماس ولا تفاعل أثناء مجريات المباراة وبصراحه ما نسمع صوته إلا قبل المباراة وأول ما تبدأ ما عاد نسمع له صوت

ألف شكر