الى كل هلالي صميم .. قبل مرحلة الحسم الاخيره
الى كل الهلاليين .. الى كل الزعماء .. الى المخلصين والمخلصين فقط .
فريقنا اليوم يمر بمرحلة تعتبر أسوأ مرحلة يمر بها في العشر سنوات الأخيره من عمر نادينا الكبير . السؤال الكبير ..(( ايش السبب .. او بالأصح الأسباب ؟؟))
تذكرون ياشباب هذي المباريات :
الهلال والشباب 3\2 في نهائي كاس الدوري 1418 هـ ؟
الهلال والأهلي في نهائي الدوري 1416 وانتهت لنا 2\1 ؟
الهلال ناقويا جرامبس الياباني 3\1 في نهائي أسيا ؟
الهلال و جوبيلو الياباني 3\2 قبل موسمين ؟
كل هذي مباريات اتحدى أي هلالي انه مايتذكرها .. والسبب أنها جاءت في ظروف صعبه للنادي سواء خارج الملعب أو داخله وقت المباراة , وأهم نقطة أحب أشير اليها وهي السبب الرئيسي في تحقيق كل ذي البطولات هذي النقطة هي : الجمهور الهلالي
ياجماعه .. وش يختلف ذا الموسم عن المواسم الماضيه ؟؟ اللاعبين هم اللاعبين ورئيس النادي هو نفسه والمدربين أصبحوا أسماء أكبر من السابقين ..
الأختلاف هو فيكم ياجمهور الهلال .. وين الجمهور اللي كان يملأ المدرجات كل مباراه ؟ وين الجمهور اللي كان يهز الملعب هز ؟؟ وين الجمهور اللي كان يشجع كل دقيقه وكان تشجيعه يزيد مع زيادة صعوبة المباراة وكان هو السبب في قلب نتايج أغلب المباريات ؟؟
الحين عدد الجمهور اللي يحظر المباريات مايوصل ربع الأول والتشجيع مافيه تشجيع نهائيا .. ليش ليش ليش ؟؟ قالوا الخبراء أو المحللون انها حالة تشبع كروي عند الجمهور !! هل يوجد جمهور يشبع من فريقه ولا من تشجيعه ؟؟
الجواب عندكم انتم ياهلاليين .....
بالله عندي سؤال ودي أحد يجاوب عليه بصارحه ..
* من متى واحنا ياجمهور الهلال نتدخل في قضايا الفريق الاداريه وأن ذا الاداري سيء ولا ذا اللاعب مشكلجي ولا فلان مايواطن فلان ؟؟ هذي كلها إفرازات حديثه ودخيله علينا إحنا كجمهور قبل الادارة .. الحين بالله المصيبيح مو هو اللي جاب مع النادي أكثر من 10 بطولات وكل المدربين يشكرون فيه وفي تعامله وأسلوبه ؟؟رئيس النادي مو هو اللي حقق مع الفريق السنه الماضيه 4 بطولات ؟؟ أجل ليش محاربتهم ؟؟
انا هنا ماأدافع عن الاداره او أشخاص معينين بس ودي أوصلكم لنقطه وحدع مهمه وهي :
عمر الجمهور الهلالي ماكان يتدخل في شئوون النادي الاداريه بالعكس كان اهتمامه في الملعب في مساندة لاعبينه والمباريات الي ذكرتها في بداية الموضوع هي نقطة في بحر بس ..
اللاعبين :
نأخذ حسين المسعري كمثال : انا ماأدافع عنه ولا أنتقده لكن ودي أسأل .. حسين المسعري مو هو نفس اللاعب اللي كان مثال وقدوة في التحركات وكل المدربين يشهدون له بدليل انهم يشركونه في تشكيلة الفريق دايما ؟؟ وش فرق عن ايام اوسكار وبلاتشي ؟؟ لو قال لي احد ان مستواه انخفض راح اقول له انه انخفض بسبب ضغوط الجماهير عليه وعدم مساندته من قبلهم .. وخذ عندك النزهان اول ماطلع كان مثال في العك الكروي وكان قليل الثقه في نفسه بس شوفوا مباراة الهلال مع النصر في نهائي البطولة العربيه كيف كان من أفضل اللاعبين مع انه يلعب في خانه غير خانته وكان من نجوم المباراة .. والحين ماشالله لاعب يملأ خانته بمعنى الكلمة .
انا هنا ماأنكر ان للجميع اخطاء (إدارة ولاعبين ومدربين و جماهيررررررررررررر)
بس ليش صار التركيز على ذي الاخطاء هو هاجسنا الوحيد في الفتره الحاليه ؟؟ وكل مجتهد معرض للخطأ والصواب ..
فيه مثل قديم كلكم تعرفونه يقول : ليس المهم بماذا تتكلم ولكن المهم هو متى تتكلم ..
أسألكم بالله : هل هذا الوقت من الموسم هو أفضل وقت لمحاسبة الادارة او المدرب او اللاعبين ؟؟
ياشباااااااااااب لازم نساند اللاعبين اولا وبعدين الادارة في هذا الوقت ونخلي المحاسبه في نهاية الموسم لأن هذا هو وقت الحصاد من الموسم ماهو وقت ترتيب اوراق ولا من ذا الكلام ! لأنه ياشباب الفريق لو ماتعدى هذي الأزمه راح يكون مصيره البعد عن البطولات وعدم الاستقرار لمواسم عديده ..
شوفوا الرابط اللي حاطه نهاية الموضوع وش يذكركم فيه ؟؟ ببطولات الحمدلله محنا بعيدين عنها لأن فرصة الفريق في انه يتصدر كبيره وكبيره جدا .. وحضوضه في البطولة الاسيويه كبيره كمان بوجود الدوليين . والادارة ياشباب ماراح تلعب في الملعب ولاتسجل أهداف كل ذا بيد اللاعبين وأنتم ياجمهور الهلال جمهور الزعيم زعيم أسيا والعرب انتم مفتاح اللاعبين .. أنتم اللي تحركون الحماس فيهم وتفجرون طاقاتهم بأصواتكم وتشجيعكم ..
المعادلة سهلة وبسيطة :
لاعبين كبار + مدرب كبير + جمهور غفير = بطولالالالالالالالالالالات
الحمدلله لاعبينا هم اللي وصلوا منتخبنا لكأس العالم وهم أكثر لاعبين المنتخب خبرة واحتكاك , والمدرب حقق أكبر بطوله في قارة أمريكا الجنوبيه بلاعبين أكثرهم من الشباب .. بس ناقص انتم ياجمهور الزعيم انتم الحلقه الناقصه من السلساة اللي راح تكمل عقد البطولات وتحقيقها ...
ياهلال ياصقر النوادي تماديت ... عديت بأمجادك وغيرك يعدد
هذا وصف فريقنا .. هذا وصف الزعيم .. هذي صفتكم ياجمهور الزعيم يازعماء
الأغنيه
الوضع العادي
