16/04/2008, 11:04 PM
|
عضو سابق بلجنة تطوير المجلس العام | | تاريخ التسجيل: 10/09/2001
مشاركات: 2,248
| |
دحيم فى مهب الريــــــح بسم الله الرحمن الرحمن
اولاً ازيكم ياشباب وياصبايا وكيفكم ان شاء الله اموركم دمار<<<<مايحب الخير ابد
ثانياً نبارك للقاضى تعينه ونقول له هارد لك <<<<< اقول اسكت احسن
نجى للموضوع :
كان لى صديق عزيز جدا على قلبى ومن كثر حبى له وحبه لى مايمر يوم الأ وكل واحد فينا معطى الثانى احلا مقلب ...
وفى يوم من الأيام مريت على خوى فى بيته وادق جرس الباب مايرد وانا اصوت له دحيم .. دحيم .. الدحمى اثره ملعون الخير يطل من سطح بيتهم
ومعه برميل زباله وهو اللى يكب الزباله على وانواع الخياس مدرى وش طابخين اهله .. قلت ايه يصير خير وانا اطنش الموضوع.. وبعدها بكم يوم
رحت له فى بيته اتقهوى عنده وماجبت طارى للى صار... طبعاً دحيم فيه طبع اقشر عليه بالطو الله والعالم انه كان فى كتيبه مشاه وهالبالطومن كثر حبه له
مايفصخه ابد لا فى الليل ولا فى النهار حتى وهو نايم بالطوه عليه .. المهم واحنا جالسين نسولف..
قلت له دحيم تذكر ذاك الزنجبيل اللى سويت لنا فى البر تكفى سوه لنا ترانى خرمان على زنجبيلك <<<<<< يبى يصرفه
قال باخلى المدام تسويه... قلت ياابن الحلال مهيب عارف تسويه ابى اتقهوى من يديك القميله <<< ايه هين .. قام دحيم وللمره الاول بحياته فصخ
البالطووتركه عندى... الين معى فأر ميت وانا افتح البطانه اللى جو البالطو واحط الفأر فيها واخيط البطانه ثانى مره .. جاء دحيم وقعدنا نتقهوى
وننصب على بعض شوى قلت له تذكر ايام الزواج اول الله المستعان ياخى زواج اول وش زينه سعه صدرمن تخطب الين تدخل على زوجتك وهوسعه صدر
مهوب زواج هالايام اللى ماادرى وش يبى.. الأ على طارى زواجات هالايام تصدق ان فيه ظاهره اندثرت فى زواجات هالايام زواجات هالايام ماعاد فيه
ربعيه <<< اللى مايعرف الربيعه ولا مهوب لازم ... الربيعه اول مثل الحارس الشخصى اللى فى امه خير يقرب لغرف المعرس تصدق يادحيم فيه ربعيه
اعرفها معها دوره صاعقه لا واذا ازمت الأمور تمشى على الجدران ... قال دحيم ياابن الحلال اى ربعيه خلهم الحين يقدرون يتزوجون وبعدين يفكرون
بعادات اول الظاهر من غلاء المهور محد متزوج... احسن لهم يأخذون لهم اجنبيه ويريحون مخهم الا اذا حطو زياده 5% ثانيه لمواجه غلا المهور...
قلت له تكفى انت ورايك هالبايخ يأخذون اجنبيه وبعدين وشلون احكى معها... قال ابد لاتخاف كلها كم شهر وبتقول لك( هو ,, ياكافى) المهم انى
بعد ماطفشت منه قلت له تصبح على خيرياعسل.... وبعد كم يوم فاحت ريحه الفأر بس هالأهبل يشم ريحه ومايدرى من وين وزوجته تقول ياابن الحلال
فيك ريحه خايسه قم تروش.. ويقوم يفصخ بالطوه ويتروش وتدخنه زوجته ... قال وش رايك؟ قالت ايه الحين تمام ريحتك تهبل .. يوم طلع للمجلس
والبس بالطوه ثانى مره وهى اللى تفوح ريحته.. قالت مرته اقول ترا رجعت الريحه يالمخيس .. قال خلين الحق اروح للصلاه وبعدين نتفاهم.. دخل
المسجد وهو اللى يتسنن يوم خلص ويلتفت عليه هاك الشايب ويقول له اقول ترا ياشين اللى يجى للمسجد وهو ماتوضى زين... قام دحيم سوى نفسه ماسمع
وراح للصف الاول.. يوم بدت الصلاه من قوى الريحه الأمام ضيع فى الأيه وقام يعيد فيها يبى احد يرد عليه والله ماحولك احد الريحه عامله عمايلها
والظاهر ان الأمام فقد الذاكره ومايدرى وش يسوى هو يحترى احد يرد ولا يركع ويقوم واحد من الشيبان ويقطع صلاته وهو ماشى طالع برا قال للأمام صفقنى
ان رد عليك احد دبرعمرك... رد شايب الله يجزاه خيرعلى الأمام طبعا رد غلط مهيب الأيه اللى يقراء فيها الأمام... قام اللى جنبه وهز راسه وقال
مهيب هى يالغالى... قام دحيم وانحاش من المسجد ماكمل صلاته <<< بلاه دارى ان العالم معاد تجمع..وبعدها بكم يوم راحت مرته لبيت اهلها قال
ابوها وش فيكم... قالت ابد مافيه الا كل خير خله يجى وانت تعرف... يوم جاء عند ابو زوجته وشم ريحته ... قال له نعنبو بليسك متسبح بمويه
بياره انقلع ماعندنا لك مره ... قال دحيم من زينك انت وجهك اكبر مافيك خشمك ومن كبره مكتوب بأخر خشمك يتبع.. المهم انه صار منبوذ من مرته
وجيرانه واذا مر فى الشارع تلطمو عنه .. وبعد كم يوم قال والله ان ابو الذهب هو اللى مسويها وهو اللى يجى عندى قال تكفى والله ماعاد اسوى لك شى
بس فكنى من هالبلاء اللى فينى... قلت ماعندى مانع بس بشرط تبطل مقالبك... و انتبه يكون وعدك مثل وعد بعض الناس تسكت
كم شهر ثم تصبحهم بمجزرة .. قال ابد توبه قلت طيب شف البلا فى بطانه البالطو يوم طلع هالفأر الله ياكافى الينه بادى يتفتت وريحته تصرع ومن ذاك اليوم
واحنا مبطلين مقالب والله يستر لايرجع بحكيه .. |