رجمت ولد خالي بعلبة مويه (( الهدا)) لأنه كان يتكلم عن ياسر ويقول انه ماراح يسجل ولكن سبق قضاء ربي

انا ابدن ماصفقت ولا نقزت ولا صارخت ولا حتى ضميت اخوي مادري اختي مادري منو

<<< من الدوشه ما اذكر ايش سويت بالضبط بس اللي اذكره بعد ما دخل ياسر القووول ما استوعبت الا بعد ما شفت ياسر يفرح ومو مستوعبه شنو السالفه الا بعد ما شفت بابا نط ووصل للغرفه اللي فوق الصاله هع وبعدين قلبت عيوني على التي في اتاكد الا لقيت الكوره في المرمى وتوني استوعب ( صباح الخير )

وبعد ما دريت ان ياسرنا سجل قول جلست اصفق وبعدين ما دريت عن نفسي الا جلست اصارخ وانطط هع واشوف كائن قدامي واضمه << مادري منو للحين ما عرفت اخوي الصغير اللي بالابتدائي والا اختي الصغيره اللي بالمتوسط هع

انا اذكر انه يوم جاء الهدف كنت على السرير اناظر
ماحسيت بنفسي الا وانا على الارض من الفرحه مع اختلال بسيط في الذاكره

قبل الهدف بدقيقه كلمني رئيسي المباشر (غثه) يسال عن اخر اوضاع العمل (كانت فيه مشكله)

وقعدت اشرح له وانا مندس في غرفه بابها يطل على التلفزيون في المجلس ويوم جاب الهدف الكاسر واسمع الصياح من الشباب و تخمبقت وقمت احوس في الشرح وجبت له سوالف مالها سنع وحس الرجال ان فيه شي وماصدقت انه يقفل


ورجعت ابغى اكمل المباراه لقيت واحد من شيابنا (اول مره ماينام بعد العشاء) مسنتر عند الشباب وقعدت اسولف معه استحيت اتابع المباراه واطنشه وانواع الانبراشات في السوالف مع الشايب الي كان في مزاج رايق وانا اشوف بسالة الدعيع وقلبي يقرقع لين انتهت المباراه بعدها راح الشايب مباشره بديت اصيح وادعي للدعيع دعاء ما بعد صار وحمدت ربي على الفوز

قسم بالله هذا الي صار معي

والحمد لله على الفوز ومبرووووووووووك للجميع

والله انا كنت اطالع المباراة في البيت في غرفتي... وابوي كان نايم ......

ويوم جاب ياسر الهدف قعدت اصارخ واصيح ....>>>>> اهلي يحسبون اني انهبلت

ويجيني ابوي وانواع التسفيل والهواش >>>>> تبون الصدق والله ما كنت ادري وش يقول

المهم بعد المباراة قعدت اطامر واصيح >>>>> بالعربي خربتها كل انواع الفرح سويتها

يوم ابوي شافني كذا قال والله الرجال ما ينلام
.........

الف مبرووووووووووووك الدوري و عقبال كاس الملك

انا طرت من الفرحة بعد ما انتهت المبارة سجت لله

والحمد لله على نعمة

انا بصررررراحة ما كنت عند التلفزيون لحظة الهدف كنت جالس أصلح شاهي لكن الشباب قلبوها صياح وخبال وانا بالمطبخ واجيكم طاير للتلفزيون والله موقف مضحك تركت الشاهي وجلست أتابع المباراة حتى العيال يقولون صلح شاهي يمكن يجي هدف ثاني قلت والله لو الموت منيب مصلح شاهي

يوووووووووه كانت ليلة اعصاااااااااااب ..
بس الحمدلله على الفوز ...
انا عن نفسي لما اقلق اشرب مويه كثير ... هذيك الليله شربت 7 كاسات مويه تقريبا
وانا وخواتي ندور في الصاله كاننا قطاوه
اللهم لك الحمد حتى ترضى ولك الحمد اذا رضيت ولك الحمد بعد الرضا....

أنا كنت في المطبخ من قبل ما تبدأ المباراة جالسة أعمل دونات ولما جا الهدف وأنا في المطبخ جالسة أصرررررررررررررخ وأنقز من الفرحة وطلعت عند التلفزيون ويداتي معدوومة وجالسة أحضن أمي وأخواتي وبنات خالاتي وما خلصت من الدونات الا الدقيقة 79 وبعدها جلست أشوف المباراة وأدعي ربي الين خلصت كل البيت قام يصرخ وجلسنا نبكي وغنينا وصفقنا كان مررررررررررررررررة حمااااااااس الله يديم الأفراح الهلالية

أنا ما صدقت الهدف مدري كيف جاء بس قسم بالله بغت تضيع علينا بس ياحظ من عنده الدعيع<<<<<سوالف آخر الليل

انا صابني جنووووووون جنوووووووووووون
ماعمري فرحت بهدف مثل هذا