ليلة الدخلة على الطريقة السعودية .. للكبار فقط 18+ - نادي الهلال السعودي - شبكة الزعيم

D e n t i s t · #1 15/04/2008, 05:43 AM

السلام عليكم و رحمة الله و بركاته
ليلـه الدخله على الطريقه السعوديه..
(18سنه فما فوق )
هذا الموضوع .. للكبار فقط
اللي بـينحرف ذنبه على جنبه >>>>> تحسون يبي يجيب العيد

هذا واحد يحكي قصة ليلة دخلتة
أسـمـعـوا الــقــصــة ..

************************
ليلة الدخلة .. ياهي ليلة عيد من جد ..
لا هيئة ولا قلت حيا ولا خوف و لا بطيخ ..
طبعا ً الناس تختلف عاداتهم .. من ديره لـ ديره
اللي يلبسون كرفتات .. واللي يلبسون طرابيش حمر .. واللي يلبسون ثياب
أنا أبي اسولف عن أهل الخليج . . وبالتحديد السعودية .. وبالتحديد سيرلنكا << أقول لاكثر بس . .

طبعا ً قبل العرس لازم تنسق مع أهل العروس سعر المهر ..
وعندنا المهر مو ثابت . . يعني على حسب البنت
إذا هي شق ( صاروخ ) يطلبون من سبعين إلى مية ألف .. وإذا لم تكن كذلك يطلبون من الثلاثين الى الخمسين ألف

وفي مجتمعنا المحافظ .. يقهرونك قهر ورب الكعبة .. تروح أختك وأمك يتفحصون البنت
<< مادري شارين لي موتر مو بنيه .. مو ناقص إلا يطقون فيها فره يجربونها . .

المهم ..
و ترا المسألة على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد وقلت حيا .. يعني ذوقها تمام
وإذا تلقى ذكرى ام صيته + ام مزنه + ام ليالي .. وقلب حب مدري شلون هو جاي ..والله اللي رحت فيها )
المهم .. خلاص أختاروا لك بنت وكل شي ..عاد المفروض بالعقل إنك تشوفها .. لأنها شريكة حياتك ( الشرع يقول كذا )
بس عندنا عدات وتقاليد في هالخصوص مفادها : (( تبطي عظم إنك تشوفها

)) .. بس يوصفونها لك .. ( ولو بس تحاول مجرد محاولة إنك تشوفها أوتقرب منها والله إن يطردون وراك أخوانها برشاشاتهم كأنك إرهابي مو جاي تتزوج )
المهم .. توصفها لك أمك أو أختك شعرها كذا .. طولها كذا ..
يعني شي خيالي .. وانت تفكر وتقول بنفسك
( يلعن ام الجمال يا شيخ

)
وأمك ترفع .. وأختك تكبس خخخ .. وعلى هالوصف هذا هيفاء وهبي مو بنت أم فلان
وتقعد لك ثلاث شهور .. وأنت بس تفكر في البنت .. لين ينتفخ راسك . .
ويجي اليوم اللي تمنيته طول حياتك .. ليلة العمر

( وما أدراك ماليلة العمر )
تلقاك لابس البشت وأبوك على يمينك وعمك الكبير على يسارك . .
وأخوانك وعيال عمك وعيال خوالك وعيال جيرانكم .. حتى عيال خدامتكم بعد

. .
كلهم متجمعين .. واللي يعرض بالسيف ( مسوي لي فيها الزير سالم هو و راسه )
واللي ماسك الرشاش والسما حمرا من الطلق .. تقول جالس بحرب مو زواج . .
المهم .. وتخش على صالة الأفراح حقت الحريم ..
بصراحة العزوبي ما يخاف إلا من شيئين :
1- إذا كان الزواج في البيت نفسه . . يخاف العزوبي من لمبات العرس إذا ركبوها على البيت ( تحس خلاص ما فيه رجعة )
2- وإذا قاموا أهلك يدخلونك على صالة الحريم بالغصب يدفونك دف هنا يجيك ( مغص في البطن .. يلعن ابو اللي خلفك )
ولما تخش الصالة .. الله لا يوريك

..
ما تشوف إلا العيون .. اللي حاطه ( شادوا مدري روج بالعيون ) << حلوه روج بالعيون

واللي مغطية الوجه ومطلعه القدله ..
ولما تخش تمشي في الصالة تبي الكوشة .. تسند جسمك على ابوك على شان ما تطيح من هول ما ترى

وتجلس على الكرسي تلتقط انفاسك .. وأنت من داخل ميت تبي تشوف العروس
ولما يطلعون اللي زفوك .. ابوك وعمك والخمه اللي معهم << قوية الخمه

الحين عاد يجي الكلام اللي مال امه داعي . .
تجي أمك تطب في الملعب ( والمقصود بالملعب هنا " ساحة الرقص ")
وتخش خالتك تراقصها .. وشوي تطب مرة عمك ..
طبعا ً العالم اللي عندك منتب صوبهم .. تبي تشوف البنوووته

اللي جالسة بجنبك..
وفي هذه الأثناء انت مفهي على الحضور .. وعينك كبر قوطي جبن كرفت تقز في البنات اللي قاعدين . .
عاد البنات الله يقلعهن يستعبطن استعباط مال أمه داعي . .
اللي تطيح الشيله متعمده .. واللي تنزل العبايه شوي متعمده وتطلع البلاوي .. واللي ترفع الغشوه يعني تشرب ماء
( الله يرجهن رجاً مبرحاً .. يا إنهن زاحفات

)

وبعد نصف ساعة كأنه الدهر بحالوه ==> قلب زلمه الاخ

تنطلق أنت وهالغزال للعشة الزوجية ==> أموت أنا على العشة الزوجية

ويدخلونكم الغرفة .. واللي يلولش هنيا واللي يزغرت هناك .. واللي يلعب يوقا عند الباب
المهم .. تخش الغرفة وانت لابس البشت ==> يعني شرايك .. تبيه لابس سليب يعني
المهم .. تدخل للغرفة أنت وزوجتك . .
وتقول للعروس : السلام عليكم
وهي أشكل .. ما ترد ==> لقط ياعم

وتنزل البشت .. وتجي تقعد جنبها على السرير
( أيوه ... هنا الكلام

) ....
ويوم جلست .. وانا المح طرف كوعها .. ويوم شفت الكوع
لا تقولون يالربع .. تقول مغطسة كوعها بعلبة حبر اسود . .
أنا من هاللحظة صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )
وأقول لها يا فلانه ..
ولا ترد علي

!!؟
يافلانه تعوذي من ابليس .. وقومي
وهي تسوي مستحية .. ما تدري اني أكبر زلابه لو تقولي بس بععععع انحشت مع الباب

المهم .. وانا اسولف معها ما ترد علي .. شاطفتني شطفه تقول قرد عندها مو زوجها ..
قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد أنا شهم لأبعد الحدود ==> والله انك شرير لأبعد الحدود

وقلت لها .. يا بنت الناس .. حنا الحين متزوجين .. يعني أنتي زوجتي حلالي بشرع الله ورسوله . .
ما ردت علي .. كأني أسولف على جدار
وقلت بيني وبين نفسي ( يا كثر ما تسولف على نفسك )
( تدري شلون .. خلني اضحكها .. أنكت أستعبط شوي.. وألطف الجو )
والله وأجي وأقعد جنبها .. وأقول فيها بيت شعر .. أتغزل فيها
وهي شطف .. ولا كأني موجود بالغرفة !
وأقوم وآخذ القلم وأسجل رقم جوالي .. وأقطه عليها وقلت لها هذا رقمي
أرقمها (بكيفي زوجتي ) ..
وهي تبتسم بس ما تكلمت .. ويوم تبسمت جيت وجلست بجنبها (و لزيت فيها زيادة )
وقلت لها .. ( معك مباحس أمن الدولة ) ==>مسوي أنكت أنا وراسي
هنا أحس إن البنت قالت بقلبها . . ( يا الله المستعان .. زوجي طلع خبل )
وآخذ لي ربع ساعة وأنا مفهي على زولها . . أطالعها من فوق لتحت ==> تحسون عمره ما شاف خير

واقول بنفسي .. ( يا ولد الجسم مسكت ما يحتاج

.. بس الوجه .. ابي اشوف الوجه )
والله وأنا امسك يدها .. انا من مسكت اليد وقلبي قام يقول طربق طربق

..
والبنت قامت تنزل يدها الثانية شوي شوي ..
وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل
الـ B52 يوم تنزل على بغداد .. وانا لي صياح << سجن ابو غريب مو العشة الزوجية
وأروح وأوقف عند الباب .. وأقعد اطالعها .. مدري وش أسوي
إن طلعت برا شافوني اهلي .. ويقولون وش فيه ولدنا لا يكون فضحنا مع البنت
وإن جلست في الغرفة .. هذي مش راضية تعطيني وجه .. وقمت افكر و افكر لين طرت على بالي خطة
واشوف سويتش اللمبه ( Off .. On ) .. طفيت اللمبه .. و ولعت اللمبه الحمرا.. ألمِح لها يعني أبيها تفهم ..
والله وتقوم بنت الحلال وتتوجه صوبي
أنا يوم شفتها جتني تمشي .. خفت والله .. قلت الحين تبي تلعن خيري
وتجيك المعزبه .. وتطفي اللمبه الحمرا .. وتولع اللمبه العاديه
وأنا ماسك يد الباب أبي انحاش إذا قربت لي <<== أمحق رجال

وقلت لها .. ( خلاص بلا عرس وبلا بطيخ .. الحين انا ابي انام .. وشلون !؟ )
والله والبنت ساكته .. وانا اقرب شوي شوي .. واسحب المخده ببطء شديد << العن أم الخوف
واروح لزاوية الغرفة .. واحط المخده .. واحط راسي عليها .. وألقيها ظهري
وحسيت في البنت قامت وتحركت .. ( تغير ملابس الفرح )
وانا صاد اطالع الجدار ( ما قلت لكم شهم ) أي هين تجيكم السالفة
ويوم خلصت .. ألتفت عليها .. وعلى طول تغشى البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا يمه

.. هي اللي شاريتها )
وأسحب الكتكات .. وأقعد آكل من الحلويات لين أرتفع السكر اللي عندي
والبنت تطالعني مستغربة .. انا إذا شفت الحلويات والعصيرات .. أفقد الوعي على طول
وحسيت فيها انها تناظر لي .. وانا آكل من الحلويات .. من كل بستان زهرة على ما قالوا
وأجي وأحطهم عندها .. وأطالعها وابتسم
( طبعا ً الكلام هذا وأنا ما شفت وجهها للحين )
ومدت ايدها شوي شوي .. وأخذت الكتكات (عاد أنا أحلى شي عندي الكتكات يم يم

) ..
والله وانا اطالعها بعيوني .. ( ابيها ترجعه وتاخذ شي ثاني غيره )
وهي ما تهتم فيني .. وتفتح الكتكات و تدخل يدها تحت الطرحة وتآكل
وقلت لها .. أدفع نص عمري بس أشوف وجهك . .
قالت بصوت خافت ومبحوح ( صوتها يدوخ ياجماعة الخير

)
قالت .. أبي بطاقة سوا
انا يوم سمعت البطاقه .. كأنك صافقني مخمس على خشتي

وقلت في نفسي .. هلا هلا بدينا ؟! .. من أولها بطاقه سوا

.. شكل المعزبة راعية تلفونات
وقلت لها .. أجيب لك الثريا .. بس أكشفي هالخشه .. أبي أكحل عيوني وأشوف
(ابي اوصف لكم الحدث .. كأنكم معي )
وتضع يدها على النقاب ..
وأنا أنظر ..
و يبدأ التصوير بالبطيء .. وأنا أنظر لها بتلهف وفاتح فمي
وحين كشفت لي عن وجهها ..
قلت ( ............ ......... ......... ......... ...... )
وهي تبسم وتحرك راسها يمين شمال .. والشعر يثناثر على وجهها
وبحركه خطافيه .. اسحب الطفايه اللي جنب السرير
واحذفها عليها بسرعة 85 ميل في الساعة لكنها تحاشت الطلقه
أنا أنقهرت .. وقلت .. الله يقلع عمر أختي اللي جمعتني فيك يا بنت الإيه ...
والله وأنا أطالعها منقهر .. ومتحسف على المهر ( السبعين ألف

)
وأقوم .. وأروح أجيب لي خيشه .. وأغطي راسها .. وفتحت في الخيشه فتحه على شان تقدر تتفس ..
وأربط الخيشه براسها ..
عاد أنا بغيت احلل المهر .. بس تراجعت في للحظه الاخيرة
ومن بكره .. وانا ماخذها لبيت اهلها .. وقلت لهم
والله لألعن أبو الـ D . N . A اللي عليكم ياشيخ . . وش ذا

مزوجيني مسخ الله لا يبارك فيكم ؟! . .
بالله هذي بنت .. لعن أبو دراكم لو إني مآخذ لي سرلنكيه أصرف لي والله من هالنمس اللي أنتوا مزوجيني إياه . .
طلعوا باقي المهر لا أجيب عليكم الشرطة الحين ..
وتقولون هيفاء وهبي بعد ؟! .. زكيه زكريا أطلق منها الله لا يربحكم أنشالله . . ==> يقولها متحسف منين أسدد الديون اللي علي

. .
المهم .. وانا اقط البنت على اهلها .. وارسل لهم ورقة الطلاق. .

*********************************************************
:: فوائد الموضوع ::

1-تموت الأسود في الغابات جوعا ً .. ولحم الظأن يرمى للكلاب ُ << قلنا ما يستفاد من الموضوع مو ديوان المقفع
2- نعيب زماننا والعيب فينا .. وما للزمان عيب ٌ سوانا << تراك مصختها
3- لا تثق في ذوق احد .. بل اختر انت بنفسك .. الدعوه فيها شريكة حياتك مو قطعة قماش
4- خلك رجال .. وخش في عين البنت من أول لحظه .. لا تسوي سوات الاخ .. ترا تروح فيها
5- عاملوهن بالمعروف ولا تغصبوهن على ما حرم الله فإن الـ .. << اقول لا يكثر
6- اتمنى تكونون استانستوا

. . واستفدتوا من القصة . .

بااااااي

أخوكم .. طارق

الســ الهلالي ـــهم · #2 15/04/2008, 09:54 AM

يارب لاتحطني في موقف مثل الأخ

قسم لو تكلمت وسفطتني على جنب أسيبها في الغرفة وأدق على الشباب ونطلع البحر أحسن لي

مشكوووووووووور على فيلم الرعب أه قصدي الراوية المخيفة أه قصدي والله ما أدري وش السالفة

على العموم مشكوووووووووووور

мя.ħάίţħάм · #3 16/04/2008, 02:04 AM

طــــــــــــــــــآآآآآآآآآآآآآآآآآآآآرق يعطيك العافية

الله يعين شكلي مني متزوج وأحس بتجيني هذي الضرووووفـ ..,

إقتباس


	- إذا كان الزواج في البيت نفسه . . يخاف العزوبي من لمبات العرس إذا ركبوها على البيت ( تحس خلاص ما فيه رجعة ) 2- وإذا قاموا أهلك يدخلونك على صالة الحريم بالغصب يدفونك دف هنا يجيك ( مغص في البطن .. يلعن ابو اللي خلفك )

الله يستر بس ؟؟؟؟؟؟؟؟

ع العموم مشكور أخوي طارق

بني حارث · #4 17/04/2008, 02:18 AM

هههههههههههههههههههه
يا حليلكم يا الشباب
طيب شوفوا حالة البنات بعد
وحليلنا يعني كم أسبوع قبل الزواج وهي
كرف و قرف و تعب يعني ما تنلام
وبعد ودي أشوف هالولد من زين الخشة بس
شي ثاني يعني البنية مو من طبايعها تكلم أولاد أبدا
يعني المطلوب منها إنها على طول تاخذ على الوضع؟؟؟؟
عموما مشكور موضوع زريف وفكاهي
والصورة اللي سارقينها بعد حلوة
تقبل مروري أختك:
بني حارث

Olaroiu · #5 17/04/2008, 03:08 AM

هههههههههههههههههههههههههههههههههههههههههههههههههههههههههههههه

الله يرجك يا شيخ

والله شكلي اذا جيت ابعرس ابروح انا بنفسي اشيك على البنت .... الله يستر لاتصير مغشوشة و تصير راعية تلفونات تالي الليل و (حذف من ادارة الشبكة)

...

عموماً...الجمال و انا اخوك رايح رايح ... يعني لو تتزوج شغالتنا السيرلانكية او اشوريا راح يكونن عندك في ميزان واحد بعد سنة من الزواج بارك الله فيك

اهم شي الاخلاق ... والحمدلله... بناتنا بالسعودية على مستوى خلقي رفيع << وش رايكم باللغة ؟

وان كان فيه نسبة بسيطة من بناتنا الله يهديهن راعيات سوا و موبايلي مسبق الدفع

... بس لا يتعدن الـ 2% من بنات المملكة ولله الحمد ... وإنشاء توصل النسبة لـ 0% ...

...

ارجع واقول موضوعك رائع

ولاتحرمنا من جديدك

الـسـلـطـان · #6 17/04/2008, 04:00 AM

الله يعطيك العافية

أجل من أول ليلة وانت حالتك كذا ... أجل إيش بتسوي لو عشت حياتك كلها معاها

الله يكون بعونك

مشكور أخوي وياريت تكثر من المواضيع هذي ... والله إنها فله <<<< لا يروح فكرك بعيد قصدي فكاهي

مرة أخرى مشكورررررررر

..<<زعيمكوووووصل>>.. · #7 17/04/2008, 05:04 PM

يعطييك العااافيه على المووضوع

اطلق موضوع يا خي قريته اليووم

والله طفشاان ومسكره الدنيا فيني يوم قريت موضوعك اوووههه اخر روقاان <<<<<<يكبر راسك

لا والله الموضوع بطل

A.R.33 · #8 17/04/2008, 05:29 PM

يا حليلك يا طارق

والله تمنيت الموضوع ما يخلص

صراحه موتني من الضحك

يعطيك العافية وبارك الله فيك

*هلالــيه مــووت* · #9 17/04/2008, 05:59 PM

ابوووووووووووو الفله...

هع هع..قال ايش اقل من ثمن طعش!!!

بص ترا موب كل البنات مثل الزباله اللي هو ماخذه..

انا كوعي لحاله يطيح الطير من الطياره>>>وش ابي انا؟؟...خخخ

يسلموووو اخووووووووووووي فقعت بتني من الظحك..خخ

D e n t i s t · #10 18/04/2008, 05:28 AM

إقتباس

الرسالة الأصلية كتبت بواسطة الســ الهلالي ـــهم


	يارب لاتحطني في موقف مثل الأخ قسم لو تكلمت وسفطتني على جنب أسيبها في الغرفة وأدق على الشباب ونطلع البحر أحسن لي مشكوووووووووور على فيلم الرعب أه قصدي الراوية المخيفة أه قصدي والله ما أدري وش السالفة على العموم مشكوووووووووووور

شرفني مرورك أخوي السهم الهلالي ورده . .

ملحووظة صغنونه للجميع

:: بيني وبينكم ياشباب . . الموضوع أضفت عليه بعض
التعليقات اللي بالأحمر والأورانج من عندي . .
وزدت بعض التعديلات والإضافت من عندي على الموضوع عشان تطلع القصه أضبط وأكثر فكاهة

. .

احبك لما تكون هلالي · #11 18/04/2008, 07:02 AM

؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!

خلك عزوبي يا بو الشباب وريح نفسك وريح اهلك انت ماتبي تعرس من الاساس

D e n t i s t · #12 18/04/2008, 08:03 AM

إقتباس

الرسالة الأصلية كتبت بواسطة هـــــلالي لكن غــير


	طــــــــــــــــــآآآآآآآآآآآآآآآآآآآآرق يعطيك العافية الله يعين شكلي مني متزوج وأحس بتجيني هذي الضرووووفـ .., الله يستر بس ؟؟؟؟؟؟؟؟ ع العموم مشكور أخوي طارق

ربي يعافيك حبيبي هلالي لكن غير ورده . .
نووورت الموضوع والله . .

Olaroiu · #13 18/04/2008, 03:28 PM

إقتباس

الرسالة الأصلية كتبت بواسطة *هلالــيه مــووت*


	ابوووووووووووو الفله... هع هع..قال ايش اقل من ثمن طعش!!! بص ترا موب كل البنات مثل الزباله اللي هو ماخذه.. انا كوعي لحاله يطيح الطير من الطياره>>>وش ابي انا؟؟...خخخ يسلموووو اخووووووووووووي فقعت بتني من الظحك..خخ

^
^
^
^

اجل كوعك يطيح طيارة

؟؟؟!!!

يمكن اصدقك لو انك معك جنسية غير سعودية

دحوم؟؟ · #14 19/04/2008, 12:38 AM

</B>

D e n t i s t · #15 19/04/2008, 01:53 AM

إقتباس

الرسالة الأصلية كتبت بواسطة بني حارث


	هههههههههههههههههههه يا حليلكم يا الشباب طيب شوفوا حالة البنات بعد وحليلنا يعني كم أسبوع قبل الزواج وهي كرف و قرف و تعب يعني ما تنلام وبعد ودي أشوف هالولد من زين الخشة بس شي ثاني يعني البنية مو من طبايعها تكلم أولاد أبدا يعني المطلوب منها إنها على طول تاخذ على الوضع؟؟؟؟ عموما مشكور موضوع زريف وفكاهي والصورة اللي سارقينها بعد حلوة تقبل مروري أختك: بني حارث

شـرفـني مروركـ أخـتـي بني حارث ورده . .

تحـياتي لكـ ِ . .