أتمنى ما أكون قسوت على هذا اللاعب


لكن اذا اراد ان ينجح عليه ان يبتعد عن الاعلام

صدقت الأعلام أرفعوه فوق صاريشوف نفسه لازم يبعدو عنه عشان يرجع
مثل ما عهدناه

فعــــلااا معــااااك حـــــــــق

ولاااازم يعرفووون كل نجوووم الهلااال انهم تحت النقد وليس التجريح
لأن كل شي محسوب عليهم وجمهور الزعيم مايرحم

وتصريح الفريدي الأخير ماكان له اي دااعي ولسه بدري عالغروور ترى ماحسمت بطوله ولااا عمرك بالفريق يشفع لك.. لكنك لاااعب ماااهر ورائع بس الإعلااااااااااااااااااام ابعد عنه

لوو كان جااه نقد من اي هلالي لاازم يااخذ فيه بكل روح ريااضيه مهماا كان اسلوب وطريقة النقد لأن احنااا نبي مصلحة اللاعب اللي من خلاالهاا مصلحة عشقتااا الا وهو الكياان الهلاااالي

تحيااتي لك اخي الكاااتب وعلينااا وضع المخطئ تحت المطرقه مهماا كاان اسمه

وأنا أقول ان الفريدي لن يستمروالسبب بطئه الواضح بغض النظرعن غروره من عدمه

والأيام ستثبت..

اللاعب باذن الله له مستقبل بس ان شاءالله يحافظ على نفسه ويتجاوز كل سلبيه بادائه ويجب ان يتقبل الراي الهادف فقط ويبتعد ومايلتفت لكل نقد هادم وليس هادف ويجب ان يعرف الكابتن ان زي ماحنا فرحانيين بمستواه وظهور موهبه جديده بالفريق الاول عكس ذلك جماهير ونقاد ممكن لا يتمنون للزعيم اي تقدم يحاربونه ويهاجمونه وداخلين بغطاء انهم هلاليين ويبؤن ينتقدونه لتوجيهه لطريق الصحيح وهم عكس ذلك يحاولوا محاربته لانه يرتدي القميص الازرق00
اعجبني مقابلته ورده على مقدم ال ار تي بكواليس بعد المباراة يوم ساله هو ونامي بما انهم من المدينه المنوره قال له الان المدينه المنوره فرحه وطرب رد عليه قال استغفر الله طرب000
الله يوفقك كابتن وتكون نجم مميز باخلاقك ومستواك 000

احب اقول له مافيه نادي ينجح بعد توفيق الله بدون جمهور ويا فريدي اهتم بتطوير نفسك افضل من المطامر خلف الكاميرات والتصاريح وخل كبار نجوم الهلال اللي اعتزلوا اللعب قدوه لك في المهاره وحسن الحديث عشان تلاقي بعد اعتزالك اللعب او حتى نهاية مشوارك مع الهلال ذكرى طيبة والغرور ماعمره رفع البشر والا كان غيرك اشطر اللبيب بالإشارة يفهم يا فريدي

والله بنسبه لي على كثر ماشوف واقراء جرايد ماعمري شفت الفريدي طلع كثر مايطلع مسفر القحطاني الي صار يغطي على ابراهيم الفريان من كثرررررر ماشوفه وبالنسبة للفريدي لاعب انتم الي طيرتوه وهو تووووه مبتداء بس راح يرجع لنا الفريدي الي عرفناه بالمنتخب الاولمبي تقبل مروري . ......... واتمنى عدم التجريح . .........

كلامك عين العقل........

اللاعب يخشى عليه من الغرور,,,,,من بدري يعتقد انه صار الثنيان........

مايدري انه علشان يوصل للي وصل له الثنيان يحتاج للوقت مع الموهبة.......فالموهبة وحدها لاتكفي...

فانتظر يااحمد فنحن نحبك ولا نبي نخسرك..............

الثنيان اول تصريح له كا بعد ماساله المذيع قال: كيف الحال ؟؟ وراح وخلاه.......

يوسف يتكلم في الملعب فقط,,,,,,,,,,,اتمنى انك تتكلم في الملعب فقط يا احمد....ز

شكرا على موضوعك اخي

وأنت اصلا من الجمهور اللي مفروض مانحترمهم ,,,كلام فاضي

لا تعليييييييييييييييييييييييييييييييييييييييييييييييييييييييييييييييييييييييييييييييييييييييق

أنا ملاحظ من أيام إن ردودك عن الفريدي غير جيدة ..
لكن .. حبة حبة أبدأ :
- تقول الأحمد أخذ الفريدي للبرنامج وهذا دليل عدم خبرة ،، وأصلاً البرنامج هو من طلب اللاعب وأعتقد هذا دليل عدم معرفة منك أنت شخصياً .
- تقول الفريدي مصدق نفسه ويحب الظهور وبصراحة منذ خروجه ما شاهدت له إلا ثلاث تصريحات وهو يلعب في تلك المباريات بعكس اللاعبين الذين لا يلعبون وتجد لهم تصاريح .
- تقول الفريدي لاعب لم يقدم ما يشفع له في أول مباراتين ،، وباعتقادي أن هذا الكلام خاطئ .
- تقول الفريدي كأنه هو اللي جاب الكأس ،، و نسيت أنه كان عنصر مساعد في جلبه ،، ناهيك عن أنك لا تعلم ما في أنفس أقربائك فما بالك بشخص يظهر في تلفزيون ،، هل يعقل أن يكون كلامك صحيح 100 % ؟
- وبالنسبة لتصريحه الأخير فهو تصريح صريح و واقعي ،، لا نزعل هذا حال الجمهور عاطفيين .
- تقول أنك حكمت على الفريدي من أول تصريح وهذا دليل عدم وعي ،، لأنه من الخطأ الحكم من أول وهلة ،، وبالنسبة لكرة القدم فهناك لاعبون مر عليهم موسم وجماهيرهم " الواعية " تقول نصبر ولا نحكم عليه سريعاً وأنت من أول تصريح !! ياللعجب !! وللمعلومية أنت كاتبها خطأ : " من أو تصريح له " .
- رأيي أن اللاعب له مستقبل كبير بإذن الله وأرى أنه ليس مغروراً كما يتوقع البعض لأنني أعرف اللاعب من قبل .
-اعرف دائماً أنك متى ما اقتنعت بشيء فإن فكرتك عن هذا الشيء لن تتغير إلا في حال تغيرت القناعة << باختصار أنك أنت متى مادمت مقتنعاً بأن الفريدي مغرور ويبحث عن الإعلام فإن هذا سيكون شيئاً صحيحاً بالنسبة لك ولن يتغير إلا إذا تغيرت الفكرة عن الفريدي ..
وهذه قاعدة علمية يعني مهب من رأسي ..
- ألف مبروك البطولة عليك ،،

الأخ سعد القحطاني


احترم رأيك

وجزاك الله خير